ᐊᕙᑕᖅ ᐱᐅᓯᑐᖃᓕᕆᕕᐅᑉ ᑲᑎᒪᔨᖏᑦ ᓄᑖᖑᓕᕐᒥᔪᑦ ᓯᕗᓪᓕᐹᒥᒃ ᑕᒡᒍᒨᕈᑎᑦᓱᑎᒃ ᑲᑎᒪᒋᐅᓚᐅᕐᑐᑦ ᑌᒪᖕᖓᑦ ᓂᕈᐊᕐᓂᖃᓚᐅᔪᑎᓪᓗᒍ ᑲᑎᒪᔨᓂᒃ 17-ᕕᒍᑎᐅᓕᕐᑐᒥ ᓄᓇᕕᒻᒥ ᐃᓄᐃᑦ ᐃᓄᒻᒪᕆᖏᑕ ᑲᑎᒪᓂᒻᒪᕆᖓᓂ ᐊᑐᓚᐅᔪᔪᒥ ᑲᖏᕐᓱᔪᐊᒦᑦᓱᓂ ᓯᑉᑎᒻᐱᕆᐅᕐᑐᖅ.
ᓗᐃ ᑳᓐᓃ, ᑕᑯᔭᑦᓴᑯᕕᓕᕆᔨ ᐊᕙᑕᒃᑯᓂ, ᐊᒻᒪᓗ ᐅᕙᖃ ᑕᑯᓂᐊᕈᓐᓇᓯᑦᓴᕋᑕᓚᐅᔪᕗᒍᒃ ᖃᔭᕐᑕᓕᒻᒥ ᑮᓇᖕᖑᐊᑕᓕᒻᒥᒃ ᑖᓐᓇ ᕿᑭᕐᑕᒦᒻᒪᑦ ᑲᖏᕐᓱᔪᐊᑉ, ᓄᓇᕕᒻᒥ ᖃᓂᑕᖓᓂ ᓄᕕᒻᐱᕆ 27, 2007-ᖑᑎᓪᓗᒍ ᓱᕐᖁᐃᒋᐊᕐᑐᓱᓄᒃ ᖃᓄᐃᑦᓯᐊᓂᖓᓂᒃ.
ᓄᑖᖑᓕᕐᒥᔪᑦ ᐊᑦᑐᐊᖃᑎᒌᑦᑐᑦ ᐊᓪᓚᓯᒪᒍᑏᑦ ᑐᓂᕐᑕᓂᐊᒐᓕᕆᔪᓂᒃ ᓄᐃᑕᐅᕋᑖᓕᕐᒥᔪᑦ ᐊᕙᑕᖅ ᐱᐅᓯᑐᖃᓕᕆᔨᒃᑯᓄᑦ ᐊᒻᒪᓗ ᓚᕚᓪ ᓯᓚᑦᑐᓴᕐᕕᐅᑉ ᕋᕆLᒍ+-ᖓᓄᑦ (ᑲᒪᕕᖓᓄᑦ ᓯᓚᑦᑐᓴᕐᕕᐅᓕᕇᓂ ᐃᓕᓐᓂᐊᓂᕐᒥᒃ ᐊᓪᓚᓂᒃ, ᓴᓇᖕᖑᐊᓂᒃ ᐊᒻᒪᓗ ᐱᐅᓯᑐᖃᕐᓂᒃ). ᑖᒃᑯᐊ 300-ᓂᒃ ᒪᑉᐱᒐᓖᑦ ᐊᓪᓚᓂᐊᒐᓕᐊᖑᓯᒪᔪᑦ ᐅᖃᕐᑕᐅᔪᑦ ᐃᒫᒃ “ᑐᓃᑦ ᐊᒻᒪᓗ ᐃᓄᐃᑦ. ᑐᓂᕐᑕᔭᑎᒍᑦ ᐱᑕᖃᕐᓂᖏᑦ ᐊᒻᒪᓗ ᓯᕗᓪᓕᖃᕐᓯᒪᓂᖏᑦ ᓄᓇᕕᒻᒥ,” ᐊᒻᒪᓗ ᓴᓇᔭᐅᒪᑦᓱᑎᒃ ᑖᓂᐊᓪ ᐊᕐᓯᐊᓅ (ᒋᒍᓚ-ᑯᓐᓂ) ᐊᒻᒪᓗ ᑖᓂᐊᓪ ᔦᓐᑐᕉ (ᐊᕙᑕᖅ ᐱᐅᒥᑐᖃᓕᕆᕕᒻᒥ) ᐊᐅᓚᑦᓯᑎᓪᓗᒋᒃ.
ᑕᕝᕙᓂ ᐊᐅᔭᒥ, ᐳᑭᒃᑯᑦ ᐃᓗᕐᕈᓯᓕᕆᓂᕐᒧᑦ ᑲᑎᒪᔨᖏᑦ ᐃᓄᒃᔪᐊᒥᐅᑦ ᑌᑦᓱᒪᓂᑕᔭᕐᒥᒃ ᐅᒥᐊᓕᐅᕆᐊᓯᓚᐅᔪᕗᑦ (ᕿᓯᔦᓐᓇᒥᒃ). ᐊᖏᔪᒥᒃ ᐅᒥᐊᓕᐅᕈᒪᔪᕕᓂᐅᒐᓗᐊᕐᓱᑎᒃ, ᑮᓇᐅᔭᖃᑦᓯᐊᖏᓐᓂᑯᖓᓄᑦ ᐅᒥᐊᓕᐊᖓ ᒥᑭᓂᕐᓴᒪᕆᐅᒋᐊᖃᓚᐅᔪᔪᖅ.
ᓄᓇᓕᓐᓂ ᐃᓗᕐᕈᓯᓕᕆᔩᑦ ᑲᑎᒪᔨᖏᑦ ᑐᕌᕐᓂᖃᕐᐳᑦ ᐃᓗᕐᕈᓯᑦᑎᓂᒃ ᐅᖃᐅᓯᑦᑎᓂᓗ ᐆᒪᑎᑦᓰᓇᕋᓱᐊᕐᓂᒥᒃ ᑕᑯᑦᓴᐅᑎᑦᓰᓇᕋᓱᐊᕐᓂᒥᓪᓗ ᑭᓇᓕᒫᓄᑦ. ᐅᐱᕐᖓᓴᖅ 2007-ᒥ, ᓂᕕᐊᕐᓯᐊᕈᓚᑳᑦ ᑕᓯᐅᔭᕐᒥᐅᑦ ᑲᒻᒥᐅᒋᐅᕐᓴᑎᑕᐅᓚᐅᔪᕗᑦ (ᓇᑦᓯᔦᓐᓈᒃ ᑲᒦᒃ).
