ᐊᕙᑕᒃᑯᓄᑦ ᑲᑎᒪᔨᖕᖑᕋᑖᑦ ᓯᕗᓪᓕᐹᒥᒃ ᑲᑎᒪᓂᖓᑦ ᒪᓐᑐᔨᐊᒥ
ᑭᓇᒨᒻᒪ¯ᑦ Katarina Soukup
ᐊᕙᑕᖅ ᐱᐅᓯᑐᖃᓕᕆᕕᐅᑉ ᑲᑎᒪᔨᖏᑦ ᓄᑖᖑᓕᕐᒥᔪᑦ ᓯᕗᓪᓕᐹᒥᒃ ᑕᒡᒍᒨᕈᑎᑦᓱᑎᒃ ᑲᑎᒪᒋᐅᓚᐅᕐᑐᑦ ᑌᒪᖕᖓᑦ ᓂᕈᐊᕐᓂᖃᓚᐅᔪᑎᓪᓗᒍ ᑲᑎᒪᔨᓂᒃ 17-ᕕᒍᑎᐅᓕᕐᑐᒥ ᓄᓇᕕᒻᒥ ᐃᓄᐃᑦ ᐃᓄᒻᒪᕆᖏᑕ ᑲᑎᒪᓂᒻᒪᕆᖓᓂ ᐊᑐᓚᐅᔪᔪᒥ ᑲᖏᕐᓱᔪᐊᒦᑦᓱᓂ ᓯᑉᑎᒻᐱᕆᐅᕐᑐᖅ. ᑲᑎᒪᔩᑦ ᑲᑎᒪᑎᓪᓗᒋᑦ ᒪᓐᑐᔨᐊᒥ ᑎᓯᒻᐱᕆ 11-13 ᐅᓪᓗᖏᓐᓂ, 2007-ᒥ, ᓂᕈᐊᕐᑕᐅᒋᐊᓪᓚᑑᒃ ᐊᖓᔪᕐᖄᒪᕆᒃ ᓵᓕ ¤ᕐᖓᖅ (ᑲᖏᕐᓱᔪᐊᕐᒥᐅᖅ) ᐊᒻᒪᓗ ᑲᑎᒪᔨ ᐁᓴᑭ ᐹᓪᓚᔮᑦ (ᓴᓪᓗᒥᐅᖅ) ᑲᑎᔭᐅᓚᐅᔪᔫᒃ ᓂᕈᐊᕐᑕᐅᕋᑖᖑᓕᕐᑐᓄᑦ ᐃᓚᐅᖃᑎᑖᒥᓄᑦ ᔩᓂ ᓄᕐᖓᖅ (ᑲᖏᕐᓱᒥᐅᖅ), ᐁᑕ ᓴᕕᐊᕐᔪᒃ (ᓴᓪᓗᒥᐅᖅ) ᐊᒻᒪᓗ ᒥᓂ ᐃᑎᓪᓗᐃ (ᑲᖏᕐᓱᔪᐊᕐᒥᐅᖅ).
ᐁᓴᑭ ᐹᓪᓚᔮᑦ ᑎᒡᒍᐊᑕᓚᐅᔪᔪᖅ ᐊᖓᔪᕐᖄᑉ ᑐᖓᓕᕆᓂᐊᕐᑕᖓᓂ ᐊᒻᒪᓗ ᔩᓂ ᓄᕐᖓᖅ ᐊᓪᓚᑎ-ᑮᓇᐅᔭᓕᕆᔨᐅᓂᕐᒧᑦ. ᑕᒪᒃᑯᐊ ᖁᓛᒍᑦ, ᐱᓕᓐᑕ ᒋᐊᑉ ᐊᒻᒪᓗ ÿᐃᐊᑕ ᑯᐃᔭᒻ ᐃᓄᐃᑦ ᑎᐱᕇᒃᑯᓂᒃ ᑳᓇᑕᒥ ᙯᓚᐅᔪᒻᒥᔫᒃ ¤ᑐᒑᒥᒃ ᑐᑭᓯᑎᑦᓯᒋᐊᕐᑐᓱᑎᒃ ᑲᑎᒪᔨᓂᒃ ᑕᐱᕇᒃᑯᑦ ᖃᓄᖅ ᐊᑑᑎᖃᕐᓂᖏᓐᓂᒃ ᓄᓇᕐᔪᐊᒥ ᐊᒻᒪᓗ ᖃᓄᐃᓘᓕᕐᓂᖏᑕ ᑲᕙᒪᓐᓂᐊᓂᐅᑉ ᑐᑭᐊᒍᑦ ᐱᐅᓯᒋᐊᕆᒍᒪᒧᑦ ᓄᓇᕐᔪᐊᑉ ᓄᓇᖃᕐᖄᓯᒪᔪᑦ ᐅᖃᐅᓯᖏᓐᓂᒃ ᐱᒋᐊᕐᑎᓯᒍᑎᖏᓐᓂᒃ ᕿᒻᒪᖁᑎᓕᕆᔨᒃᑯᑦ ᑳᓇᑕᒥ ᐊᐅᓚᑕᖏᓐᓂᒃ.
ᑲᑎᒪᔩᑦ ᑕᑯᑎᑕᐅᓚᐅᕐᒥᔪᑦ ᐊᕙᑕᒃᑯᓂ ᐱᓇᓱᕕᐅᓕᕇᑦ ᑐᑭᒧᐊᑦᑎᓯᔨᖏᓐᓂᒃ, ᐊᑐᓂ ᑖᒃᑯᐊ ᐅᖄᑎᓪᓗᒋᑦ ᐱᓇᓱᑦᑕᐅᓗᐊᕐᓂᖏᓐᓂᒃ ᑖᑦᓱᒧᖓ ᑎᒥᒧᑦ. ᑲᑎᒪᔩᑦ ᐊᐱᕐᓱᕈᑎᖃᓚᐅᕐᑐᑦ ᐅᖄᒍᑎᖃᕐᓱᑎᓪᓗ ᓄᓇᓕᓐᓂ ᐃᓗᕐᖁᓯᓕᕆᓂᕐᒧᑦ ᑲᑎᒪᔨᐊᐱᓐᓂᒃ, ᐃᓄᒃᑎᑐᑦ ᐅᖃᐅᓯᕐᒥᒃ ᐱᓇᓱᕕᐅᑉ ᐱᓂᐊᕈᑎᖏᓐᓂᒃ, ᓄᐃᑕᖏᓐᓇᑐᑦᓴᓂᓪᓗ ᑕᑯᔭᑦᓴᖃᕐᑎᓯᒍᑎᓂᒃ ᐱᖑᐊᓗᓐᓂ ᓄᓇᕐᔪᐊᑉ ᒥᕐᖑᐃᓯᕐᕕᖓᑕ ᑐᑭᓯᓐᓇᑎᕐᑕᐅᕕᐊᓂ, ᑐᓂᕐᑕᓂᐊᕐᓂᑯᓪᓗ ᖃᐅᔨᓴᕈᑎᓂᒃ, ᓴᓇᖕᖑᐊᑎᓂᓪᓗ ᐃᑲᔪᕐᑐᕈᑏᑦ ᐱᓂᐊᕈᑎᖏᓐᓂᒃ ᐊᒻᒪᓗ ᐊᓯᒋᐊᓪᓚᖏᓐᓂᒃ ᐊᒥᓱᓂᒃ. ᑭᖑᓪᓕᒥᒃ ᑲᑎᒪᓂᕆᓛᕐᑕᖓᑦ ᐊᑐᕈᒫᕐᓂᐊᑐᖅ ᐃᓄᒃᔪᐊᒥ ᔭᓄᐊᕆᐅᑉ ᕿᑎᒐᓚᖓᓂ, ᑌᑲᓂ ᑲᑎᒪᔩᑦ ᐃᓚᐅᕕᖃᓛᕐᒥᑎᓪᓗᒋᑦ ᐅᖃᐅᓯᓕᕆᔪᑦ ᑲᑎᒪᓂᐊᕈᓯᖓᓂᒃ ᐱᓇᓱᐊᕈᓯᑦᓭᓇᖅ ᐊᑐᓛᕐᑐᒥᒃ.
