• ᑐᓴᕋᑦᓭᑦ

< ᐅᑎᕈᑎᒃ ᐊᓪᓚᖁᑎᓄᑦ

ᓗᐃ ᑳᓐᓃ, ᑕᑯᔭᑦᓴᑯᕕᓕᕆᔨ ᐊᕙᑕᒃᑯᓂ, ᐊᒻᒪᓗ ᐅᕙᖃ ᑕᑯᓂᐊᕈᓐᓇᓯᑦᓴᕋᑕᓚᐅᔪᕗᒍᒃ ᖃᔭᕐᑕᓕᒻᒥ ᑮᓇᖕᖑᐊᑕᓕᒻᒥᒃ ᑖᓐᓇ ᕿᑭᕐᑕᒦᒻᒪᑦ ᑲᖏᕐᓱᔪᐊᑉ, ᓄᓇᕕᒻᒥ ᖃᓂᑕᖓᓂ ᓄᕕᒻᐱᕆ 27, 2007-ᖑᑎᓪᓗᒍ ᓱᕐᖁᐃᒋᐊᕐᑐᓱᓄᒃ ᖃᓄᐃᑦᓯᐊᓂᖓᓂᒃ. ᑖᓐᓇ ᑕᑯᓂᐊᕐᓂᕗᒃ ᐃᓚᖓᑎᒍᑦ ᐊᑐᓚᕿᓚᐅᔪᔪᖅ ᐊᐅᓚᑦᔭᕈᑎᒋᑦᓱᒍ ᐊᓪᓚᑕᕕᓂᕐᓄᑦ ᐊᓚᒃᑲᑎᑕᐅᓚᐅᔪᔪᓄᑦ ᕋᒍᓇᐱᕆᐳ+-ᑯᑦ ᐊᓪᓚᓂᐊᒐᓕᐅᕐᑎᖏᓐᓄᑦ ᐊᕐᕌᒍᓕᒫᖅ ᐅᖓᑖᓅᓕᕐᑐᖅ ᓄᐃᓚᐅᕐᓯᒪᔪᓄᑦ ᐱᑦᔪᑎᖃᕐᓱᑎᒃ ᓱᕋᕐᑕᐅᓯᒪᓂᕃᓂᕐᒥᒃ ᑌᒃᑯᓂᖓ ᑐᓂᕐᑕᔭᐅᑦᓱᑎᒃ ᑮᓇᖕᖑᐊᓕᐊᕕᓂᕐᓂᒃ. ᑕᒪᓐᓇ ᑐᓴᕋᑦᓴᓕᐅᕐᓂᖓᑦ ᓄᐃᒍᑎᖃᓚᐅᕐᓯᒪᔪᖅ ᓱᕙᒃᑯᐊᓘᕐᓇᑐᒻᒪᕆᐊᓗᓐᓂᒃ ᓄᓇᓕᒻᒥᐅᑕᓂᒃ ᐃᓄᓐᓂᒃ ᑫᓓᑦᑑᓯᒥᐅᓂᒃ ᐊᑑᑎᔪᕕᓂᐅᓂᕃᔪᓂᒃ ᑕᒪᑐᒥᖓ ᓱᕐᖁᐃᔭᖏᑦᑐᒥᒃ ᓱᒃᑯᑎᕆᓂᐅᓂᕋᕐᑕᐅᕙᓪᓓᔪᒥᒃ. ᑖᒃᑯᐊ ᐊᓪᓚᑕᕕᓃᑦ ᓄᐃᒋᐊᖃᒐᓛᓐᓂᖏᑦᑐᑦ ᓯᕗᓪᓕᒥᒃ, ᑐᖕᖓᕕᑐᐊᖃᕐᓂᕋᒥᒃ ᑐᓴᒐᓚᓐᓂᑐᐃᓐᓇᒥᒃ ᓱᕐᖁᐃᖏᑦᑐᓂᒃ, ᑕᒪᑐᒥᖓᓗ ᐅᖃᓚᐅᔪᒻᒥᓱᖓ ᑭᐅᒍᑎᒃᑲᓂ ᕋᒍᓇᐱᕆᐳ+-ᑯᑦ ᑐᓴᕋᑦᓴᓕᐅᕐᑎᖓᓂᒃ $ᖑᓴᖁᓯ ÷ᓕᐅᐃᕿᓗᓗ-ᒥᒃ ᓄᐃᑕᐅᓚᐅᔪᔪᓂ ᓄᓇᑦᓯᐊᖅ ᓂᐅᔅ-ᑯᑎᒍᑦ ᓯᑉᑎᒻᐱᕆ 29, 2006-ᒥ. ᑌᓐᓇ ÷ᓕᐅᐃᕿᓗᓗ ᑐᑭᓯᓇᑦᓯᐊᑎᓪᓗᒍ ᖃᐅᔨᒪᓚᐅᔪᔪᖅ ᑌᒣᑦᑑᒋᐊᖓ, ᐊᒻᒪᓗ ᖁᓚᕐᓀᑎᑦᓯᐊᓗᓂᐅᒃ ᓱᕐᖁᐃᕈᓐᓇᖏᒃᑲᓗᐊᕋᒥ ᐅᖃᔭᒪᐅᑕᐅᔪᒥᒃ, ᑲᔪᓯᓕᕐᑎᓯᖏᓐᓇᓚᐅᔪᑦᓱᓂ ᐅᓂᒃᑳᕈᑎᖃᕐᓂᒥᒃ ᑌᒣᑦᑐᒥᒃ ᐊᐅᒡᒍᔅᑎ 2006-ᒥ ᓄᐃᑕᐅᑎᓚᐅᔪᔭᒥᓂ. ᑖᓐᓇ ᑐᓴᕋᑦᓴᖅ ᐊᓱᐃᓛᒃ ᑎᒍᔭᐅᑦᓴᐅᑎᒋᓕᓚᐅᔪᒻᒥᔪᖅ ᐊᓯᖏᓐᓄᑦ ᑐᓴᕋᑦᓴᓂᐊᕐᑎᓄᑦ (ᐊᓪᓚᓂᐊᒐᓕᐅᕐᑎᑎᒍᑦ ᐊᒻᒪᓗ ᖃᕆᑕᐅᔭᒃᑰᑐᕐᑎᒍᑦ) ᓱᓕᒋᐊᒃᑲᓂᖅ ᓱᓕᒻᒪ¯ᑦ ᓱᕐᖁᐃᒋᐊᑦᔭᓇᒍ ᓄᓇᑦᓯᐊᖅ ᓂᐅᔅᑯᑦ ᐃᖃᓗᒻᒥᐅᑦ ᐃᓚᐅᑦᓴᒪᕆᑦᑎᓗᒋᑦ.

ᐊᓕᐊᓱᑉᐳᒍᒃ ᐅᖃᕈᓐᓇᓯᒐᓐᓄᒃ ᑖᕙᓐᓇ ᓄᓈᐱᒃ ᓱᒃᑯᑕᐅᓯᒪᖕᖏᒋᐊᖓ ᐊᒻᒪᓗ ᓱᕋᕐᓯᒪᖕᖏᒋᐊᖓ ᓄᖑᓪᓚᓯᒪᓂᐅᑉ ᐊᒻᒪᓗ ᐊᓪᓚᖑᐊᕐᕕᐅᒐᓛᐱᓐᓂᕕᓂᖓᑕ ᐊᓯᐊᒍᑦ ᑕᒪᒃᑯᐊᓗ ᖃᐅᔨᓚᐅᕐᓯᒪᑦᓱᑎᒍ 2001-ᒥ. ᑖᕗᖓ ᑕᑯᓂᐊᕐᓯᒪᓂᑦᑎᒍᑦ ᓱᕐᖁᐃᑎᑦᓯᓚᐅᕐᑐᒍᒃ ᑌᒃᑯᐊ 2006-ᖑᑎᓪᓗᒍ ᐅᖃᕈᑕᐅᖃᑦᑕᓚᐅᔪᔪᑦ ᑌᒣᑦᑐᑐᐃᓐᓇᕕᓂᐅᒋᐊᖏᑕ: ᐅᖃᕐᓂᑐᐃᓐᓇᐅᓱᑎᒃ ᓱᕐᖁᐃᓚᐅᕐᓯᒪᖕᖏᑐᒥᒃ. ᑕᑯᓚᐅᕐᑐᒍᒃ ᓄᖑᑉᐸᓕᐊᓯᒪᓂᒋᐊᓪᓚᒥᒃ ᑮᑕ ᖁᓪᓕᓴᔭᐅᑉ ᓄᓇᒥᒃ ᐱᑭᐊᖓᓂᖓᑕ ᐃᓚᖓᓂ - ᑭᓯᐊᓂ ᑕᒪᓐᓇ ᐃᓕᖓᑐᐃᓐᓇᑐᖅ ᓯᓚᐅᑉ ᐊᐅᓚᑕᖓᓄᑦ - ᑕᒪᓐᓇᓗ ᓂᒫᓪᓓᕈᑎᑦᓴᓗᐊᖑᔮᓕᕐᒥᓱᓂ ᑲᕙᒪᑐᖃᒃᑯᑦ ᐅᐃᒪᓗᑎᒃ ᐃᓕᑕᕐᓯᒍᑎᓕᐅᕐᓂᖓᓂᒃ ᑖᑦᓱᒪ ᓄᓇᐅᑉ ᑌᒪᖕᖓᓛᓂᑕᓕᕆᓂᕐᒧᑦ ᓄᓇᕐᔪᐊᖃᕐᓂᒧᓪᓗ ᒥᑦᓯᖃᕐᓂᖓᓂᒃ. ᑕᒪᑐᒪ ᑐᑭᐊ ᐱᑦᔪᑎᒋᑦᓱᒍ, ᐊᕙᑕᒃᑯᑦ ᑐᑦᓯᕋᐅᑎᓕᐅᓚᐅᕐᓯᒪᔪᑦ ᒥᕐᖑᐃᓯᕐᕕᓕᕆᔨᒃᑯᓄᑦ ᑳᓇᑕᒥ ᐊᕐᕌᒍᐃᑦ ᖁᓕᑦ ᐊᓂᒍᓕᕐᑐᑦ, ᑭᓯᐊᓂ ᑌᒃᑯᐊ ᑲᕙᒪᑐᖃᒃᑯᑦ ᑎᒥᖁᑎᖏᑦ ᐆᑦᑐᕋᐅᑎᑦᑎᓂᒃ ᐊᐅᓚᑦᔭᕈᑎᖃᓚᐅᕐᓯᒪᖕᖏᑐᑦ ᓱᓕᒐᓗᐊᕐᑎᓗᒍ ᓄᖑᓪᓚᐸᓪᓕᐊᓂᐅᑉ ᑮᓇᖕᖑᐊᓂ ᑕᑯᑐᐃᓐᓇᓱᒋᑦ ᓄᐃᑕᓕᕇᓚᐅᕐᓯᒪᓂᖓ ᑌᑦᓱᒪᓂᓕ ᓱᓕ. ᐱᔭᖃᕐᓂᖅ =ᓇᕆᐳᕋO-ᑯᑦ ᐃᓕᑕᕐᓯᓂᖓᓐᓂᒃ ᖃᔭᕐᑕᓕᐅᑉ ᓇᖏᐊᕐᓇᑐᒦᑦᓱᓂ ᓯᓚᕐᔪᐊᒥᐅᑦ ᕿᒻᒪᖁᑎᖓᓐᓂᒃ ᐱᑕᓕᒻᒥᒃ ᓄᓇᖃᕈᑕᐅᒋᐊᖓ ᑌᒪᖕᖓᑦ ᐃᓱᒪᒋᔭᐅᔪᖅ ᓯᕗᓪᓕᐸᐅᓗᓂ ᐊᓪᓗᕆᐊᕈᑕᐅᒐᔭᕐᑎᓗᒍ ᑐᕌᕐᓗᓂ ᑖᑦᓱᒪ ᐊᑯᓂ ᓴᐳᒻᒥᔭᐅᓚᖓᓂᖓᓄᑦ ᐊᒻᒪᓗ ᐱᐅᓕᒪᓚᖓᓂᖓᓄᑦ.