• ᑐᓴᕋᑦᓭᑦ

< ᐅᑎᕈᑎᒃ ᐊᓪᓚᖁᑎᓄᑦ

ᓄᑖᖑᓕᕐᒥᔪᑦ ᐊᑦᑐᐊᖃᑎᒌᑦᑐᑦ ᐊᓪᓚᓯᒪᒍᑏᑦ ᑐᓂᕐᑕᓂᐊᒐᓕᕆᔪᓂᒃ ᓄᐃᑕᐅᕋᑖᓕᕐᒥᔪᑦ ᐊᕙᑕᖅ ᐱᐅᓯᑐᖃᓕᕆᔨᒃᑯᓄᑦ ᐊᒻᒪᓗ ᓚᕚᓪ ᓯᓚᑦᑐᓴᕐᕕᐅᑉ ᕋᕆLᒍ+-ᖓᓄᑦ (ᑲᒪᕕᖓᓄᑦ ᓯᓚᑦᑐᓴᕐᕕᐅᓕᕇᓂ ᐃᓕᓐᓂᐊᓂᕐᒥᒃ ᐊᓪᓚᓂᒃ, ᓴᓇᖕᖑᐊᓂᒃ ᐊᒻᒪᓗ ᐱᐅᓯᑐᖃᕐᓂᒃ). ᑖᒃᑯᐊ 300-ᓂᒃ ᒪᑉᐱᒐᓖᑦ ᐊᓪᓚᓂᐊᒐᓕᐊᖑᓯᒪᔪᑦ ᐅᖃᕐᑕᐅᔪᑦ ᐃᒫᒃ “ᑐᓃᑦ ᐊᒻᒪᓗ ᐃᓄᐃᑦ. ᑐᓂᕐᑕᔭᑎᒍᑦ ᐱᑕᖃᕐᓂᖏᑦ ᐊᒻᒪᓗ ᓯᕗᓪᓕᖃᕐᓯᒪᓂᖏᑦ ᓄᓇᕕᒻᒥ,” ᐊᒻᒪᓗ ᓴᓇᔭᐅᒪᑦᓱᑎᒃ ᑖᓂᐊᓪ ᐊᕐᓯᐊᓅ (ᒋᒍᓚ-ᑯᓐᓂ) ᐊᒻᒪᓗ ᑖᓂᐊᓪ ᔦᓐᑐᕉ (ᐊᕙᑕᖅ ᐱᐅᒥᑐᖃᓕᕆᕕᒻᒥ) ᐊᐅᓚᑦᓯᑎᓪᓗᒋᒃ.

ᐊᓪᓚᓯᔪᕐᑕᖏᑦ ᑕᖏᖃᕐᑎᓯᒍᑕᐅᔪᑦ ᒪᓕᑦᑎᒌᓂᒃ ᓄᐃᕕᓖᑦ ᕋ=$ᒍ-ᑯᑦ (ᓄᓇᓕᐅᑉ-ᓯᓚᑦᑐᓴᕐᕕᐅᑉ ᖃᐅᔨᓴᕐᓂᒧᑦ ᐃᓕᒌᑦᑎᒍᑎᖓ) ᐱᓇᓱᑦᑕᕕᓂᖓᓂᒃ ᐅᖃᕐᑕᐅᔪᒥᒃ ᐃᒫᒃ “ᑐᓂᕐᓂᒃ ᐱᒋᐊᕐᓱᓂ ᐃᓄᓐᓄᑦ ᑎᑭᑦᓱᒍ,” ᐊᑑᑎᓚᐅᔪᔪᓄᑦ 2001-ᒥ ᐊᒻᒪᓗ 2003-ᒥ ᐃᑭᕋᓴᕐᔪᐊᒥ ᓴᓪᓗᐃᑦ ᐊᒻᒪᓗ ᖁᐊᕐᑕᐅᑉ ᐊᑯᓐᓂᖓᓂ. ᐊᓪᓚᑕᐅᓕᓃᑦ ᐊᑦᑑᑎᕋᓕᑦᑐᑦ ᐊᑦᔨᒌᖕᖏᑐᓄᑦ ᓄᓇᒥ ᐊᒻᒪᓗ ᖃᐅᔨᓴᕐᕕᒥ ᐱᓇᓱᒍᑕᐅᓕᓂᕐᓄᑦ, ᐊᒻᒪᓗ ᐃᓚᖃᕐᓱᑎᒃ ᓄᑖᓂᒃ ᖃᐅᔨᒪᔭᑦᓴᓂᒃ ᑐᓂᕐᑕᓂᐊᕐᕖᑦ ᓄᓇᑦᑕᖏᑕ ᒥᑦᓵᓄᑦ ᐆᑦᑑᑎᒋᓗᒍ ᖃᔭᕐᑕᓕᒃ ᐊᒻᒪᓗ ᑕᔭᕋ, ᐊᒻᒪᓗ ᐱᑦᓴᓂᒃ ᐅᔭᕋᓐᓂᐊᕕᕕᓃᑦ ᒥᑦᓵᓄᑦ. ᑖᒃᑯᐊ ᒪᑉᐱᑐᒉᑦ ᑲᒪᒻᒥᔪᑦ ᐊᓯᖏᓐᓂᒃ ᖃᐅᔨᓴᕈᑎᐅᓯᒪᔪᓂᒃ ᐆᑦᑑᑎᒋᓗᒋᑦ ᐅᔭᕋᕐᓂᒃ ᓴᓇᔭᕕᓂᕐᓂᒃ, ᐆᒪᔪᕕᓂᕐᓂᒃ ᑐᓂᕐᑕᓂᐊᕈᑎᓂᒃ, ᐊᒻᒪᓗ ᓄᓇᐅᑉ ᐊᓯᑦᔨᖒᔭᕐᓂᖓᓂᒃ/ᓄᓇᒥᒃ ᓄᑕᐅᖕᖏᑐᓕᕆᓂᕐᒥᒃ.

ᑖᒃᑯᐊ ᓄᑖᑦ ᐊᓪᓚᓂᐊᒐᓕᐊᑦ ᐱᔭᑦᓴᐅᔪᑦ $25.00-ᕌᕐᓱᑎᒃ ᐊᕙᑕᖅ ᐱᐅᓯᑐᖃᓕᕆᔨᒃᑯᓂ ᐅᕙᓘᓐᓃᑦ ᕋᕆLᒍ+-ᑯᓐᓂ