Lᓄᓇᕕᒻᒥ ᐃᓗᕐᖁᓯᓕᕆᔩᑦ ᑲᑎᒪᔨᖏᑦᑕ ᐃᓚᐅᔪᖁᑎᖏᑦ ᐊᕐᕕᑕᓚᐅᔪᕗᑦ ᓴᓂᑭᓗᐊᒧᑦ (ᓄᓇᕘᕐᒧᑦ) ᐊᕗᓐᓂᑎ 25-ᒥᑦ 29-ᒧᑦ ᕿᒥᕐᕈᒋᐊᕐᑐᓱᑎᒃ ᑌᑲᓂ ᓄᓇᓕᐅᑉ ᐃᓗᐊᓂ ᐱᓇᓱᐊᕐᑕᐅᔪᓂᒃ ᖃᐅᔨᒋᐊᕐᓱᑎᓪᓗ ᓄᓇᓕᒻᒥᑕ ᐃᓗᐊᓂ ᖃᓄᐃᓘᕈᓐᓇᒪᖔᕐᒥᒃ.
ᐅᐱᕐᖔᖑᑎᓪᓗᒍ 2007-ᒥ ᐳᑭᒃᑯᑦ ᐃᓗᕐᕈᓯᓕᕆᔨᖏᑦ ᐃᓄᑦᔪᐊᒥ, ᐱᖕᖑᑎᑕᕕᓂᐅᑦᓱᑎᒃ ᐱᐅᓕᑦᓯᒐᓱᐊᕐᓂᐊᑎᓪᓗᒋᑦ ᐃᓄᐃᑦ ᐃᓕᕐᖁᓯᖓᓐᓂᒃ ᐅᖃᐅᓯᖓᓂᓪᓗ ᓄᓇᓕᑎᒍᑦ, ᐱᒋᐊᓚᐅᔪᕗᑦ ᑲᑦᓱᙰᑦᑐᒪᕆᒻᒥᒃ ᐱᓇᓱᐊᕐᓂᒥᒃ ᓯᕗᓪᓕᐹᑦᓯᐊᒥᒃ ᐅᒥᐊᓕᐅᕐᓱᑎᒃ, ᐃᒫᓪᓘᓃᑦ ᐱᐅᓯᑐᖃᕐᑎᒍᑦ ᐳᐃᔨᕕᓂᐅᑦᓱᓂ ᐅᒥᐊᕐᒥᒃ, ᐃᓄᑦᔪᐊᒥᐅᑦ ᐅᒥᐊᕐᒥᒃ ᑕᑯᓚᐅᕐᓯᒪᓐᓂᔭᕈᓐᓀᑎᓪᓗᒋᑦ 50-ᓂ ᐊᕐᕌᒍᕐᓂ. ᑐᑭᒧᐊᑦᑎᓯᔨᖃᕐᓱᑎᒃ ᐃᓄᒻᒪᕇᓐᓂᒃ ᑖᓂᐊᓪᓕ ᐃᓄᑉᐸᒥᒃ ᐃᓕᓴᐱ ᐃᓄᑉᐸᒥᓪᓗ, ᐃᓕᕐᖁᓯᓕᕆᔩᑦ ᑐᕌᕐᓂᖃᕋᓱᐊᕐᐳᑦ ᐃᓗᕐᕈᓯᑐᖃᕗᑦ ᑕᑯᑦᓴᐅᑎᖏᓐᓇᕋᓱᐊᕐᓗᒍ.
ᐊᕙᑕᖅ ᐱᐅᓯᑐᖃᓕᕆᕕᒃ ᐅᐸᑦᑕᐅᖃᑕᐅᓂᕐᐹᒍᖃᑦᑕᑐᒥᒃ ᐃᓪᓗᐊᕈᓯᐊᐱᖃᓚᐅᔪᔪᕗᖅ Northern Lights 2008-ᒥ ᓂᐅᕐᕈᓯᕐᓂᒧᑦ ᑕᑯᓐᓇᐅᔮᕐᑎᓯᓂᖃᕐᑎᓗᒍ ᐋᑐᕚᒥ Ottawa Congress Centre-ᒥ ᓇᓕᕐᑫᑐᖅ (ᔭᓄᐊᕆ) 30-ᒥᑦ ᐊᕗᓐᓂᑎ (ᕕᕗᐊᕆ) 3-ᒧᑦ, 2008-ᒥ. ᑕᒪᓐᓇ ᐊᑑᑎᑦᓱᓂ ᑲᑎᑎᑦᓯᓚᕿᓚᐅᔪᔪᖅ ᐱᓇᓱᕝᕕᐅᓱᑎᒃ ᖄᖏᕐᓂᑯᓕᐅᕐᑎᓂᒃ ᑲᓇᑕᐅᑉ ᑕᕐᕋᖓᓂᑦ ᐱᔪᓂᒃ, ᐃᓚᐅᑎᓪᓗᒋᑦ ᐃᓄᐃᑦ ᓄᓇᕘᕐᒥᐅᑦ, ᓄᓇᑦᓯᐊᕘᕐᒥᐅᑦ (ᓛᐸᑐᐊᔨ) ᓄᓇᕕᒻᒥᐅᓗ (ᑯᐯᒃ ᑕᕐᕋᖓ).
ᕿᓚᓗᒐᕐᓯᐅᕕᒻᒥ/ᐅᒥᐅᔭᕐᒥ ᑐᓂᕐᑕᓂᐊᕐᓂᖃᕐᑐᕕᓂᖅ ᐱᓇᓱᐊᖃᑎᒌᑦᑎᓗᒋᑦ ᑕᓪᓕᒪᐅᑦᓱᑎᒃ ᐃᕐᕿᓖᑦ/ᑯᔩᑦ ᐃᓄᐃᓪᓗ ᐱᓪᓗᑯᒋᐊᓕᓐᓂᒃ ᐱᓇᓱᑦᑏᑦ ᑐᕓᔮᕈᑦ (ᔪᓓ) ᐊᒻᒪᓗ ᐊᐅᔭᓕᕈᑦ (ᐊᐅᒡᒍᔅᑎ) 2007-ᒥ. ᑖᓐᓇ ᐱᓇᓱᐊᖃᑎᒌᓐᓂᖅ ᐃᓱᒪᑖᕆᔭᐅᔪᕕᓂᖅ ᐊᓪᓓᑦ/ᑯᔩᑦ ᐊᕕᑦᑐᓯᒪᕕᒻᒥ ᐱᔪᓐᓇᓂᖃᕐᕕᖓᓄᑦ ᐊᕙᑕᖅ ᐱᐅᓯᑐᖃᓕᕆᕕᒻᒧᓗ ᐃᓗᐊᓃᑦᓱᓂ ᓯᕗᓂᑦᓴᑎᓐᓂ ᑲᓇᑕᓕᒫᒥ ᒥᕐᖑᐃᓯᕕᑦᓴᐅᑉ ᑕᓯᐅᔭᕐᒥ.
ᐃᓚᒋᔭᐅᑎᓪᓗᒍ ᐅᒃᑯᐃᓯᓂᕐᒧᑦ ᐱᖑᐊᓗᐃᑦ ᓄᓇᕐᔪᐊᒥ ᒥᕐᖑᐃᓯᕐᕕᖓᓂᒃ ᑲᖏᕐᓱᔪᐊᒥ ᓄᕕᒻᐱᕆ 30, 2007-ᒥ, ᓄᐃᑕᖏᓐᓇᓂᐊᓕᕐᑐᑦ ᑕᑯᑎᑦᓯᒍᑏᑦ ᐃᑎᕐᓯᒪᑦᓱᑎᒃ ᑖᑦᓱᒪ ᓄᑖᑉ ᒥᕐᖑᐃᓯᕐᕕᐅᓕᕐᑑᑉ ᑐᑭᓯᓐᓇᑐᓕᐊᖑᕕᖓᓂ ᐊᒻᒪᓗ ¤ᕐᕿᓱᕐᑕᐅᓂᑰᑦᓱᑎᒃ ᐊᕙᑕᖅ ᐱᐅᓯᑐᖃᓕᕆᔨᓄᑦ ᐅᒃᑯᐃᑕᐅᓂᖃᓚᐅᔪᔪᑦ.
