• ᑐᓴᕋᑦᓭᑦ

< ᐅᑎᕈᑎᒃ ᐊᓪᓚᖁᑎᓄᑦ

ᐃᓚᒋᔭᐅᑎᓪᓗᒍ ᐅᒃᑯᐃᓯᓂᕐᒧᑦ ᐱᖑᐊᓗᐃᑦ ᓄᓇᕐᔪᐊᒥ ᒥᕐᖑᐃᓯᕐᕕᖓᓂᒃ ᑲᖏᕐᓱᔪᐊᒥ ᓄᕕᒻᐱᕆ 30, 2007-ᒥ, ᓄᐃᑕᖏᓐᓇᓂᐊᓕᕐᑐᑦ ᑕᑯᑎᑦᓯᒍᑏᑦ ᐃᑎᕐᓯᒪᑦᓱᑎᒃ ᑖᑦᓱᒪ ᓄᑖᑉ ᒥᕐᖑᐃᓯᕐᕕᐅᓕᕐᑑᑉ ᑐᑭᓯᓐᓇᑐᓕᐊᖑᕕᖓᓂ ᐊᒻᒪᓗ ¤ᕐᕿᓱᕐᑕᐅᓂᑰᑦᓱᑎᒃ ᐊᕙᑕᖅ ᐱᐅᓯᑐᖃᓕᕆᔨᓄᑦ ᐅᒃᑯᐃᑕᐅᓂᖃᓚᐅᔪᔪᑦ. ᑯᐯᒃᒥ ᐊᖓᔪᕐᖄᒪᕆᒃ ᔮᓐ ᓴᕆᐊ ᑭᐱᓯᓚᐅᔪᔪᖅ ᐅᒃᑯᐃᓯᒍᑎᒥᒃ ᓇᑦᓯᔭᒥᒃ ᐊᑦᓱᓈᕌᐱᒻᒥᒃ ᑕᑯᓐᓇᑕᐅᑦᓱᓂ ᐃᓄᒻᒪᕇᓐᓄᑦ ᐊᒫᒪᒃ ᔮᑲᒧᑦ ᐊᒻᒪᓗ ᓈᓚᒃ ᓇᑉᐹᓗᒻᒧᑦ. ᐁᓯᒪᓚᐅᔪᒻᒥᔪᑦ ᒫᑭ ᐃᒪᕐᓚᒃ, ᐱᑕ ¤ᑕᒥ, ᒥᐊᔨ ¤ᕐᖓᖅ ᐱᓗᕐᑑᑦ ᐊᒻᒪᓗ ᓵᓕ ¤ᕐᖓᖅ. ᑐᓴᕋᑦᓴᓂᐊᕐᑎᒐᓓᑦ ᑕᒪᑐᒥᖓ ᑐᓴᕋᑦᓴᓕᕆᔪᑦ ᐃᓚᖃᓚᐅᔪᔪᑦ ᕌᑎᐅ-ᑳᓇᑖᒃᑯᓂᒃ, +?ᒍ, ᒍP+ᓇ, ᑕᕐᕋᒥᐅᑦ ᓂᐱᖓᑦ, ᓄᓇᑦᓯᐊᖅ ᓂᐅᔅ, ᒪᑭᕕᐅᑉ ᕿᒥᕐᕈᐊᒐᖏᑦ, ᕋ÷ᕋ ᓇᓕᑭᑎᓱ ᐊᒻᒪᓗ ᕋᖑᓴᖑᖁᓂᖑᓴ Pᑭᕿᐅᐅ-ᑯᑦ.

ᑖᓐᓇ ᓄᐃᑕᖏᓐᓇᓯᔪᖅ ᑕᑯᑎᑦᓯᒍᑎ ᐱᒋᐊᕐᓂᖃᓚᐅᕐᓯᒪᔪᖅ 2002-ᒥ, ᑲᑎᕕᒃ ᓄᓇᓕᓕᒫᑦ ᑲᕙᒪᖓ 9ᕗ$(0 ᐊᕙᑕᖅ ᐱᐅᓯᑐᖃᓕᕆᔨᓂᒃ ᓴᓇᖁᔨᑎᓪᓗᒍ ᓈᓭᒍᑎᓂᒃ ᐃᓗᕐᖁᓯᕐᒧᐊᓕᖓᔪᓂᒃ ᐃᓗᓕᐅᒍᒫᕐᓂᐊᑐᓂᒃ ᒥᕐᖑᐃᓯᕐᕕᑖᖑᓛᓯᔫᑉ ᐃᓕᑦᓯᑎᑦᓯᓂᕐᒥᒃ ᐸᕐᓇᓯᒪᒍᑎᖓᓄᑦ, ᑌᑦᓱᒪᓂ ᐊᑐᐃᓐᓇᕈᑦᑎᑕᐅᓕᕐᑎᓗᒍ ᒥᓂᔅᑕᒃᑯᓄᑦ ᒪᑭᑕᔭᓪᓗᐊᓂᒃ ᐱᕙᓪᓕᐊᓂᕐᒧᑦ, ᐊᕙᑎᓕᕆᓂᕐᒧᑦ ᐊᒻᒪᓗ ᒥᕐᖑᐃᓯᕐᕕᓄᑦ 9ᓚᕈᕈᕆP0.

ᐱᕙᓪᓕᐊᓂᖅ ᓄᐃᑕᖏᓐᓇᑐᑦᓴᒥᒃ ᑕᑯᑎᑦᓯᐅᑎᒥᒃ ᓯᕗᓪᓕᐸᐅᓚᐅᔪᔪᖅ ᐊᓪᓗᕆᐊᕐᓂᐅᓱᓂ ᑲᔪᓯᓕᕐᑎᕆᓂᕐᒧᑦ ᐃᓕᑦᓯᑎᑦᓯᒍᑏᑦ ᐸᕐᓇᓯᒪᐅᑎᖓᓂᒃ. ᐱᒻᒪᕆᐅᓂᕐᐹᖁᑎᖃᕐᓱᓂ ᓇᓚᐅᑦᓯᐊᓗᒋᑦ ᓄᐃᑦᓯᒍᑎᓕᐅᕐᓂᒥᒃ ᓄᓇᓖᑦ ᐃᓗᕐᖁᓯᖓᓐᓂᒃ, ᐊᕙᑕᖅ ᐊᓪᓚᓚᐅᕐᓯᒪᔪᖅ ᐱᓇᓱᒍᒪᐅᑎᓂᒃ ᓄᐃᑕᖏᓐᓇᓛᕐᑐᒥᒃ ᑕᑯᑎᑦᓯᒍᑎᒥᒃ ᐱᓇᓱᖃᑎᖃᑦᓯᐊᓂᐊᕐᓗᓂ ᑲᖏᕐᓱᔪᐊᑉ ᓄᓇᓕᖓᓂᒃ. ᑖᓐᓇ ᐱᓇᓱᒍᒪᐅᑎᓕᐊᖓᑦ ᑌᒪ ᑐᓂᓕᓚᐅᕐᓯᒪᔪᖅ ᕗ$(-ᑯᓄᑦ ᐊᖏᕐᑕᐅᓱᓂᓗ ᑖᒃᑯᓄᖓ. ᐊᕐᕌᒍᓂ ᐊᓂᒍᕐᑐᓂ, ᓯᕗᓪᓕᐅᓚᐅᕐᓯᒪᔪᑦ ᐃᓱᒪᓕᐊᕕᓃᑦ ᐱᓇᓱᒍᒪᐅᑎᐅᑉ ᐃᓗᐊᓂ ᓄᐃᑕᐅᑦᓱᑎᒃ ¤ᕐᕿᓱᕐᑕᐅᒪᒻᒥᔪᑦ ᑕᑯᑦᓴᕈᕐᑎᓯᑎᑦᓱᒋᑦ ᑐᕌᕐᑕᐅᔪᓂᒃ ᐃᓱᒪᖃᕈᑕᐅᔪᓂᓪᓗ ᒥᕐᖑᐃᓯᕐᕕᓂᒃ ᐱᒍᑦᔨᔨᒃᑯᖏᓐᓄᑦ ᓚᕈᕈᕆP-ᑯᓂ, ᑲᕙᒪᒃᑯᓄᑦ ᑎᒥᖁᑎᓂ ᑲᒪᒋᔭᓕᓐᓂ ᐱᖕᖑᑎᑦᓯᓂᕐᒥᒃ ᑯᐯᒃᒥᐅᓄᑦ ᒥᕐᖑᐃᓯᕐᕕᓴᓂᒃ ᓄᓇᕕᐅᑉ ᐃᓗᐊᓂ.

ᐊᕐᕌᒍᐃᑦ ᑕᓪᓕᒪᑦ ᐊᓂᒍᕐᓯᒪᓕᕐᑐᑦ ᑌᑦᓱᒪᓂᓂᒃ. ᑖᒃᑯᓇᓂ ᐊᕐᕌᒍᓂ, ᓯᑕᒣᓂᒃ ᐅᒥᐊᕐᔪᐊᑯᑦ ᑎᑭᐅᑦᔨᓂᖃᕐᓯᒪᓕᕐᑐᖅ, ᐱᖓᓱᐃᓂᓪᓗ ᐅᒃᑯᐃᖏᓐᓂᖓᓂ ᑕᑯᓐᓇᑎᑦᓯᓂᖃᕐᓯᒪᑦᓱᓂ, ᐊᒻᒪᓗ ᑌᒃᑯᐊ 30 ᐅᖓᑖᓃᑦᑐᑦ ᐃᓄᐃᑦ ᑐᕃᓐᓇᑐᒥᒃ ᐊᑦᑐᐊᓯᒪᔪᑦ ᑕᒪᑐᒧᖓ ᐊᑐᓚᐅᔪᑦᓱᑎᒃ ᑕᐅᓴᓐᑎᒐᓵᓗᓐᓂᒃ ᑫᕙᓪᓚᒍᓯᕐᓂᒃ ᐊᑌᓐᓇᓕᒫᕐᑐᒥᒃ ᐊᔪᐃᓐᓈᖃᕐᓱᑎᒃ ᐊᒻᒪᓗ ᐱᑦᓯᐊᕋᓱᒻᒪᕆᑦᓱᑎᒃ ᐱᓇᓱᒍᑎᒋᑦᓱᒋᑦ. ᑕᒫᓂ ᓄᓇᓖᑦ ᐊᒻᒪᓗ ᐊᒥᓲᒻᒥᔪᑦ ᐊᓯᒋᐊᓪᓚᖏᑦ ᐃᓄᐃᑦ ᒪᓂᔨᖃᑦᑕᓚᐅᔪᔪᑦ (ᐊᑦᔨᐅᖏᑦᑑᒍᓪᓕᓂᒃ ᐱᐅᔪᒻᒪᕆᐅᑦᓱᑎᒃ) ᖃᐅᔨᒪᐅᑎᒥᓂᒃ, ᐊᑦᔨᖑᐊᖁᑎᒥᓂᓪᓗ, ᐊᓪᓚᖑᐊᓕᓂᕐᒥᓂᒃ ᐊᒻᒪᓗ ᓂᐱᓕᐅᓕᓂᕐᒥᓂᒃ ᐅᕙᑦᑎᓄᑦ ᓄᐃᑦᓯᕋᓕᑦᓯᐊᓱᑎᒃ, ᐃᑲᔪᕐᐸᓱᑎᓪᓗ ᐱᓇᓱᒋᐊᓕᒐᓚᓐᓂᒃ ᑲᔪᓯᑎᑦᓯᓂᒃᑯᑦ ᐆᑦᑑᑎᒋᓗᒋᑦ ᓯᑯᑦᓴᔭᒨᕐᙯᓂᑎᒍᑦ, ᐴᕐᑐᐃᓂᑎᒍᑦ ᐊᒻᒪᓗ ᐊᐅᓪᓚᑎᑦᓯᓂᑎᒍᑦ. ᑕᒐ ᐃᓱᓪᓕᐹᒥᒃ ᓄᐃᑦᓯᒍᑎᒥᒃ ᐱᖃᓕᕐᖁᒍᑦ: ᑕᑯᑎᑦᓯᒍᑎᒥᒃ ᓄᐃᑦᓯᓯᐊᕐᑐᒥᒃ ᑕᑯᓪᓗᐊᓇᕐᓂᖏᓐᓂᑐᐃᓐᓇᐅᖏᑦᑐᖅ ᐱᐅᔪᒻᒪᕆᐊᓗᓐᓂᒃ ᐱᐅᓯᕆᔭᐅᑐᐃᓐᓇᑐᓂᒃ ᐅᖓᕙᐅᑉ ᓴᕐᖃᑐᓂᖓᓄᑦ ᐊᒻᒪᓗ ᐱᖑᐊᓗᒻᒧᑦ, ᓄᐃᑦᓯᒥᒐᒥ ᐊᓪᓛᑦ ᓯᕗᓪᓕᖃᕐᓯᒪᓂᖏᓐᓂᒃ ᐊᒻᒪᓗ ᐃᓗᕐᖁᓯᖏᓐᓂᒃ, ᑕᒪᒡᒋᓗᒋᑦ ᐱᐅᓕᓐᓂᐊᒐᕐᑎᒍᑦ ᐊᒻᒪᓗ ᑕᑦᓯᓴᐅᖏᑐᕐᑎᒍᑦ, ᐃᓄᓐᓄᑦ ᑲᖏᕐᓱᔪᐊᕐᒥᐅᓄᑦ. ᑲᑎᕐᓱᐃᒪᒍᑎᕗᑦ ᐱᑕᖃᓲᖑᖕᖏᑐᓂᒃ ᐊᒻᒪᓗ ᐊᑑᑎᓪᓗᑯᖃᕐᓯᒪᔪᓂᒃ ᐱᑐᖃᕕᓂᕐᓂᒃ ᐊᑦᔨᐅᖏᒍᑎᓖᑦ ᐊᓯᖏᓐᓄᑦ ᐱᑐᖃᕕᓂᖃᐅᑎᓄᑦ: ᐃᓘᓐᓇᑎᒃ ᐱᑐᖃᕕᓂᕐᑕᖏᑦ ᐱᒋᔭᐅᓯᒪᔪᑦ ᐃᓄᓐᓄᑦ ᖃᐅᔨᒪᔭᐅᓯᒪᔪᓄᑦ ᐊᒻᒪᓗ ᐱᒻᒪᕆᖁᑎᒋᔭᐅᓯᒪᔪᓄᑦ ᓄᓇᓕᐅᑉ ᐃᓄᖏᓐᓄᑦ ᐅᓪᓗᒥᒧᑦ ᑎᑭᑦᓱᒍ. ᓄᐃᑕᔪᓕᒃ ᓱᓇᒐᓚᓐᓂᒃ ᓴᓇᔭᕕᓂᕐᓂᒃ ᐊᑐᕐᑕᐅᓯᒪᑦᓱᑎᓪᓗ ᑲᖏᕐᓱᔪᐊᕐᒥᐅᓄᑦ, ᐃᓚᖃᕐᑎᓗᒋᑦ ᖃᐅᑕᒫᕐᓯᐅᑎᑐᐃᓐᓇᓂᒃ ᐃᒡᓗᒥ ᐊᑐᓲᕕᓂᕐᓂᒃ, ᓴᓇᖕᖑᐊᓯᒪᔪᐊᐱᓐᓂᓗ ᐱᐅᔫᑎᓂᒃ, ᐊᒻᒪᓗ ᓂᑦᑕᓯᐊᕐᑐᒪᕆᐊᓗᓐᓂᒃ ᐊᑦᔨᖑᐊᓂᒃ. ᓄᓇᓕᒻᒥᐅᑦ ᑐᓂᔨᑦᓴᒪᕆᓚᐅᔪᔪᑦ ᖃᒻᒥᐅᖏᓐᓂᑕᓪᓚᕆᐊᓗᓐᓂᒃ ᑕᒪᒃᑯᐊ ᐃᓱᒫᓗᓐᓇᖏᑦᑐᒥ ᐱᐅᓕᒪᔭᐅᓛᕐᒪᑕ ᐊᒻᒪᓗ ᓄᐃᑕᓛᕐᒪᑕ ᑐᑭᓯᓐᓇᑎᑦᓯᕕᒻᒥ. ᑖᓐᓇ ᐊᑦᔨᐅᖏᑦᑐᓚᕆᐅᕗᖅ ᑐᑭᓯᓐᓇᑐᓕᐅᕐᕕᑕᖓ - ᐆᑦᑑᑎᑦᓴᖃᖕᖏᑐᖅ ᑖᑦᓱᒧᖓ ᓄᓇᕕᒻᒥᑐᐃᓐᓇᐅᖏᑦᑐᖅ, ᓇᓂᓕᒫᖅ ᓄᓇᕐᔪᐊᖑᓕᕇᓂ ᐊᑭᑎᖃᖕᖏᒪᑦ.

ᑕᑯᑎᑦᓯᒍᑏᑦ ᐱᒻᒪᕆᐅᓂᖏᑦ ᒪᑯᓂᖓ ᐅᐊᕈᑎᓖᑦ:

• ᖃᔭᕐᒥᒃ, ᖃᐅᑕᒫᕐᓯᐅᑎᓂᒃ ᐃᒡᓗᒥ ᐊᑐᕐᑐᓂᒃ, ᐊᑦᔨᖑᐊᓂᒃ ᐊᒻᒪᓗ ᖁᓪᓕᓴᒥᒃ ᓴᓇᒪᔪᓂᒃ ᒫᓯᐅ ᓂᖏᐅᕈᕕᒻᐅᑉ ᓴᓇᒐᖏᓐᓂᒃ. 

• ᐊᖏᔪᐊᓗᒻᒥᒃ ᖁᓪᓕᓴᒥᒃ ᓴᓇᖕᖑᐊᒐᕐᒥᒃ ᐊᒻᒪᓗ ᐊᒥᓱᐃᓂᒃ ᒪᑉᐱᑐᒐᕐᓂᒃ ᒥᑎᐊᕐᔪᒃ ᓇᑉᐹᓘᑉ ᓴᓇᒐᖏᓐᓂᒃ. 

• ᐃᓱᐊᖁᑎᖃᐅᑎᒥᒃ ᑖᓐᓇ ᐃᓗᓕᖃᕐᑎᓗᒍ, ᐊᓯᖏᑦᑕᐅᖅ ᐱᒐᓗᐊᕐᒥᑎᓪᓗᒋᑦ, ᐊᒥᓱᐃᓂᒃ ᐱᑕᖃᓪᓗᐊᕈᓐᓀᑐᓂᒃ ᒪᑉᐱᑐᒐᕐᓂᒃ ᑕᒪᑐᒥᖓ ᓄᓇᒥᒃ ᑲᒪᔪᓂᒃ.
• ᓴᓇᖕᖑᐊᓯᒪᔪᒥᒃ ᑕᑯᑦᓴᓕᐅᕐᑐᒥᒃ ᐊᑐᖓᐅᑉ ᐅᓂᒃᑳᑐᐊᖓᓂᒃ ᓄᐃᑕᑦᓯᖑᐊᕐᒥᓱᓂ ᐅᑲᓕᕐᑎᑐᑦ ᓴᓇᒪᔪᒥᒃ ᖃᕐᖃᒥᒃ ᑳᖏᕐᓱᔪᐊᑉ ᐹᖓᓃᑦᑐᒥᒃ, ᑲᖏᕐᓱᔪᐊᑉ ᓄᓇᓕᖓᑕ ᖃᓂᑕᖓᓂ. 

• ᖁᓪᓕᕕᓂᕐᒥᒃ (ᐅᕐᓱᒧᑦ ᐃᑯᒪᒍᑎᕕᓂᕐᒥᒃ) ᐊᒻᒪᓗ ᐅᒃᑯᓯᑐᖃᕐᒥᒃ (ᐆᔪᓕᐅᕈᑎᕕᓂᕐᒥᒃ), ᑐᓂᕐᕈᑎᐅᓯᒪᔫᓐᓂᒃ ᐊᑖᑕᒧᑦ ᔫᓪ ᑌᐅᓐᒧᑦ (ᐲᕐᑎᐅ), OᓚI.
• ᙯᕐᑐᒧᑦ ᑎᑎᕐᓯᒪᔪᑦ ᓯᖁᒻᒪᖓᓂᒃ ᖃᔭᕐᑕᓕᐅᑉ ᒥᑦᓵᓂᒃ ᐱᔪᕕᓂᕐᒥᒃ. 

• ᐃᑰᑦᑕᑯᓂᒃ ᑕᓯᐅᑉ ᐃᕐᖃᖏᓐᓂ ᓯᕐᒥᓂᒃ ᐱᑕᓕᓐᓂᒃ ᐱᖑᐊᓗᐃᑦ ᑕᓯᖓᑕ ᐃᕐᖃᖏᓐᓂᒃ ᐱᔪᕕᓂᕐᓂᒃ (ᑎᑭᒋᐊᖃᖏᓐᓇᑐᑦ). 

• ᐊᑦᔨᖑᐊᓂᒃ ᐊᑦᔨᒌᖕᖏᑐᓄᑦ ᒥᕐᖑᐃᓯᕐᕕᐅᑉ ᓄᓇᖁᑎᖏᓐᓄᑦ. 

• ᐆᒪᔪᐃᑦ ᑐᒥᖏᓐᓂᒃ ᐃᑦᔪᐊᓯᒍᑎᓂᒃ. 

• ᒪᕐᕉᓂᒃ ᑐᓂᕐᑕᔮᓐᓂᒃ ᐴᒍᑖᓐᓂᒃ, ᐊᑦᔨᐅᖏᒻᒥᔫᓐᓂᒃ ᓴᓇᖕᖑᐊᓯᒪᓪᓗᑯᓐᓂᒥᓄᑦ ᐊᒻᒪᓗ ᕐᕿᓯᒪᑦᓯᐊᑐᒻᒪᕆᐊᓘᓂᕐᒥᓄᑦ.

ᐃᓕᑕᕐᓯᒍᑎᑦᓭᑦ ᓇᑯᕐᒦᒍᑏᓪᓗ ᐊᖏᔫᖃᑕᐅᑦᓯᐊᑐᑦ ᐱᓇᓱᐊᑦᓴᕆᓚᐅᕐᑕᖓᓄᑦ

• ᓇᑯᕐᒦᒃ ᑕᑯᑎᑦᓯᒍᑎᓂᒃ ᐃᓕᑦᑎᑎᒋᓚᐅᕐᑕᕗᓐᓄᑦ ᓕᓐ ᕕᓕᓄ ᐊᒻᒪᓗ ᐱᐊ-¤ᓐᑕᕇ ᕕᐊᓯᓇ.  
• ᓇᑯᕐᒦᒃ ᐊᑦᔨᖑᐊᓂᒃ ᐊᕐᕿᓱᐃᔨᑦᑎᓄᑦ ᑯᔅᑏᓐ ᓚᔪᓂᐊᔅ.  
• ᓇᑯᕐᒦᒃ ᓴᓇᔨᖁᑎᑦᑎᓄᑦ ᒍᕋᓚᕆ ᑕᑯᑎᑦᓯᒍᑎᓄᑦ ᐃᓂᖕᖑᐊᓂᒃ ᓴᓇᔨᒃᑯᓄᑦ, ᓯᓪᕓᓐ ᒫᓗ, ᒪᕇ-ᔫᐃᐊᓪ ᐳᕋᓴᐅᑦ ᐊᒻᒪᓗ ᓂᑯᓚ ᔫᐯᓐ.
• ᓇᑯᕐᒦᒃ ᐱᓪᓗᑯᑦᑐᓕᕆᔨᕗᑦ ᐊᓓᓐ ᓚᓗᒥᐊ, ᔮᓂᒃ ᓕᑉᓛᖕᒃ ᐊᒻᒪᓗ óᐊᑉᕇᔅ ᐴᑦᓯᐅ.
• ᓇᑯᕐᒦᒃ ᑐᓴᕈᑎᓕᕐᕿᑎᒍᑦ ᑐᑭᒧᐊᑦᑎᓯᔨᕗᑦ ᐱᐊ óᐆᑑ Pᑭᓕᖁᒥᖃᑎᓂᓕᓴᐅ +ᑭᖑᓂᓴ ᖁᔭᕿᓴᑯᕿᑭ-ᑯᓐᓂ;
• ᓇᑯᕐᒦᒃ ᒪᕐᑏᓐ ᑳᔅᑰᓐ, ᑭᔅᑐᓪ ᑐᕌᓐᑦ ᐊᒻᒪᓗ ᓄᐊᕋᓐᔅ ᒪᒃᒍᐃ;
• ᓇᑯᕐᒦᒃ ᓄᐊᕌᓐᑦ ᑳᓐᓅ ᐊᒻᒪᓗ ᐱᓄᐊ ᒪᓐᑦᕈᐃᓪ;  
• ᓇᑯᕐᒦᒃ ᓇᑲᑎᕆᔨᓕᒫᑦᑎᓄᑦ ᐅᖃᕕᒎᕐᑎᓯᔨᑦᑎᓄᓪᓗ;  
• ᓇᑯᕐᒦᒃ ᐱᐊᕐᓈ ᓴᓚᑎᓐ ᑖᖕᑯᓗᐊ, ᐊᑖᑕᒃ ᔫᓪ ᑎᐆᓐ, OᓚI ᐊᒻᒪᓗ ᐊᑖᑕᒃ ᕈᐱᐊ ᓕᓵᑦ, OᓚI;  
• ᓇᑯᕐᒦᒃ ᕗ$(-ᑯᑦ, ᐱᓗᐊᕐᑐᒥᒃ ᕈᐱᐊ óᕆᐊᓯᐊᑦ, ᒣᑯᓪ ᐱᐊᕋᑦ ᐊᒻᒪᓗ ᓇᑕᓕ ᔨᕌᑦ;  
• ᓇᑯᕐᒦᒃ ᓚᕈᕈᕆP-ᑯᑦ, ᐱᓗᐊᕐᑐᒥᒃ ᑫᑖᓐ ᑕᕐᑎ ᐊᒻᒪᓗ ᐱᓇᓱᖃᑎᖏᑦ;  
• ᓇᑯᕐᒦᒃ ᒥᕐᖑᐃᓯᕐᕕᐅᑉ ᐱᓇᓱᑦᑎᖏᑦ ᒫᓂᑲ ᐱᖕᖑᐊᑐᖅ, ᒫᑯᓯ ᕿᓰᖅ, ᓄᐊ ¤ᓇᖃᑕᒃ, ᔮᑲ ᔮᑲ ᐊᒻᒪᓗ ᕈᐱᐊ óᕆᐊᓯᐊᑦ;  
• ᓇᑯᕐᒦᒃ ᓄᓇᓕᒻᒥᐅᓄᑦ ᑐᖕᖓᓇᑦᓯᐊᓱᑎᒃ ᐃᓚᐅᖃᑦᑕᓚᐅᔪᔪᓄᑦ ᑕᒪᑐᒥᖓ ᐱᓇᓱᑦᑐᓄᑦ, ᒪᓂᔨᕙᑦᓱᑎᒃ ᐃᑲᔪᕐᑐᓂᕐᒥᓂᒃ ᐊᒻᒪᓗ ᓴᐳᒻᒥᓯᐊᕐᓂᒥᓂᒃ: ᔨᐊᓯᑲ ¤ᕐᖓᖅ, ᐹᓴ ¤ᕐᖓᖅ, ᐱᐊᑦᓯ ᐃᑎᓪᓗᐃ, ᒥᓂ ᐃᑎᓪᓗᐃ, ᐄᕙ ᐃᓕᒪᓴᐅᑦ, ᐊᓚᑯ ᔮᑲ, ᐊᑏᑦᑐᖅ ᑭᐊᑌᓐᓇᖅ, ᓘᑲᓯ ᓇᑉᐹᓗᒃ, ᓈᓚᒃ ᓇᑉᐹᓗᒃ ᐊᒻᒪᓗ ᐃᔪᒃᑲ ᐱᖕᖑᐊᑐᖅ;
• ᓇᑯᕐᒦᒃ ᐊᖓᔪᕐᖄᑎᓐᓄᑦ ᓵᓕ ¤ᕐᖓᒧᑦ;  
• ᑭᖑᓪᓕᐹᖅ ᒥᑭᓂᕐᐸᐅᓂᐅᔭᕐᒥᒐᓂᓗ, ᓇᑯᕐᒦᒃ ᒥᑭᐊᓪ ᑦᓯᐅ ᐊᒻᒪᓗ ᓯᓪᕕ ᑯᕋᕕᐊᓪ