• ᑐᓴᕋᑦᓭᑦ

< ᐅᑎᕈᑎᒃ ᐊᓪᓚᖁᑎᓄᑦ

Lᓄᓇᕕᒻᒥ ᐃᓗᕐᖁᓯᓕᕆᔩᑦ ᑲᑎᒪᔨᖏᑦᑕ ᐃᓚᐅᔪᖁᑎᖏᑦ ᐊᕐᕕᑕᓚᐅᔪᕗᑦ ᓴᓂᑭᓗᐊᒧᑦ (ᓄᓇᕘᕐᒧᑦ) ᐊᕗᓐᓂᑎ 25-ᒥᑦ 29-ᒧᑦ ᕿᒥᕐᕈᒋᐊᕐᑐᓱᑎᒃ ᑌᑲᓂ ᓄᓇᓕᐅᑉ ᐃᓗᐊᓂ ᐱᓇᓱᐊᕐᑕᐅᔪᓂᒃ ᖃᐅᔨᒋᐊᕐᓱᑎᓪᓗ ᓄᓇᓕᒻᒥᑕ ᐃᓗᐊᓂ ᖃᓄᐃᓘᕈᓐᓇᒪᖔᕐᒥᒃ. ᓄᓇᕕᒻᒥᒃ ᑭᒡᒐᑐᕐᑎᐅᓚᐅᔪᔪᑦ ᒪᕐᕉᓈᕐᑎᑐᓂᒃ ᐃᓚᐅᔪᖁᑎᖃᓚᐅᔪᔪᑦ ᐊᑐᓂᑦ 15-ᓂᑦ ᓄᓇᓕᓐᓂᑦ ᐱᓯᒪᔪᓂᒃ ᐅᑯᓂᖓ: ᐊᕙᑕᒃᑯᑦ ᐊᖓᔪᕐᖄᖓᑦ ᓵᓕ ᐋᕐᖓᖅ, ᐳᕐᑐᓂᕐᓭᑦ ᑲᑎᒪᔨᖓᑦ ᕉᑕ ᑯᑭᐊᐱᒃ, ᐃᓗᕐᖁᓯᓕᕆᔩᑦ ᑲᑎᒪᔨᖏᑦᑕ ᑐᑭᒧᐊᑦᑎᓯᔨᖓᑦ ᓈᓐᓯ ᐹᓕᓴ, ᐃᓚᒌᓐᓂᓕᕆᔨᒃ ᒫᑕ ᐹᓕᓴ ᐊᒻᒪᓗ ᐊᑐᐊᒐᓕᐅᕐᑎᒃ ᔦᐱᑎ ᓄᖕᖓᖅ.

ᓴᓂᑭᓗᐊᖅ ᐅᑭᐅᕐᑕᑐᒦᑦᑐᖅ ᖃᐅᔨᒪᔭᐅᒍᑎᓕᒻᒪᕆᐅᕗᖅ ᐱᓇᓱᐊᕐᐸᑕᒥᓄᑦ ᓄᓇᓕᑎᒍᑦ. ᐱᐅᓯᑐᖃᓕᕆᔩᑦ ᑲᑎᒪᔨᖏᑦ ᑲᑎᓯᓚᐅᔪᕗᑦ ᓴᓂᑭᓗᐊᑉ ᓯᕗᓕᕐᑎᖓᓂᒃ ᐄᓓ ᖃᕕᒥᒃ ᔪᓕᓱᓴ ᔪᖑᒪᓂᕿᐅᓕᓴ-ᒥᓪᓗ ᓇᔪᕐᓯᕕᒻᒥᑦ ᐱᓯᒪᔪᒥᒃ, ᓇᔪᕐᓯᕕᒃ ᖄᖏᕐᓂᑯᓕᐅᓲᑦᓴᔭᐅᖕᖏᑐᖅ ᐊᐅᓚᑦᓯᓲᖑᑦᓱᓂ ᐯᕆᑦᓯᕕᒻᒥᒃ, ᐱᐅᓯᑐᖃᓕᕆᕕᒻᒥᒃ, ᓇᓄᔭᕐᓂᒃ ᓇᑎᐋᓗᓕᐅᕐᓂᐅᓲᓂᒃ, ᑐᓂᕐᑕᓂᐊᕐᓂᓂᒃ ᓇᐸᑕᐅᔭᓕᕆᓂᕐᓂᓗ, ᐊᒻᒪᓗ ᐃᖃᓗᐃᑦ ᐊᒥᕕᓂᖏᓐᓂᒃ ᐃᓅᔭᓕᐅᕐᓂᓂᒃ, ᖃᓪᓗᑎᓕᐅᕐᓂᓂᒃ ᑳᐱᑑᑎᓂᒃ, ᐊᓐᓄᕌᓕᐅᕐᓂᓂᒃ, ᐃᓪᓘᑉ ᐱᐅᒃᒍᑎᖏᓐᓂᒃ ᓴᓇᓂᕐᓂᒃ ᐊᒻᒪᓗ ᓄᓇᓕᐅᑉ ᐃᓗᐊᓂ ᑕᑯᔭᒃᓴᑯᕕᓕᕆᕕᒻᒥᒃ, ᐳᕋ+? ᖃᓱᖑᓴᓴᕿᓗ ᕐ-ᒥᒃ ᐊᒻᒪᓗ ᕋᕗᔪᔪ ᖕᔾᑦ.ᖕ-ᒥᒃ ᑐᓴᐅᑎᖑᓂᒃ.

ᑌᒃᑯᐊ ᐊᕐᕕᑕᕐᑐᑦ ᑕᑯᓂᐊᕈᓐᓇᓯᓚᐅᔪᒻᒥᔪᑦ ᑕᑯᔭᒃᓴᑯᕕᒻᒥᒃ ᓄᐃᔭᖅ ᐃᓕᓐᓂᐊᕕᐅᑉ ᐃᑎᕆᐊᕐᕕᖓᓃᑦᑐᒥᒃ, ᑖᕙᓂ ᑕᑯᑦᓴᐅᑎᑕᐅᔪᑦ ᑐᓂᕐᑕᑐᙯᑦ ᐊᑦᔨᐸᓱᖏᑦ ᐆᒪᔪᕕᓃᓪᓗ ᐃᑭᐊᑦᑐᓯᒪᔪᑦ ᓄᓇᓕᐅᑉ ᐃᓗᐊᓂ ᐃᑭᐊᑦᑐᐃᔨᓕᕆᕕᒻᒥ ᐆᑦᑑᑎᒋᓗᒍ ᓇᓄᕕᓂᖅ, ᓂᕐᓖᑦ ᑎᕆᒐᓐᓂᐊᓗ. ᐃᓕᓐᓂᐊᑏᑦ ᐃᓚᐅᕕᖃᕐᐸᒥᔪᑦ ᐊᒥᓱᓂᒃ ᓄᓇᓕᐅᑉ ᐃᓗᐊᓂ ᐱᓇᓱᐊᕐᑕᐅᔪᓂᒃ ᐃᓕᕐᖁᓯᕐᒥᒃ ᐃᓕᓐᓂᐊᑎᑕᐅᓕᑐᐊᕋᒥᒃ ᐃᓕᓐᓂᐊᕇᕐᓯᒪᓕᕐᓱᑎᓪᓗ ᓱᖃᑦᓯᑎᑕᐅᓕᑐᐊᕋᒥᒃ.

ᐊᕐᕕᑕᕐᑐᑦ ᐃᓚᐅᓚᐅᔪᔪᑦ ᖃᐅᔨᒪᔭᐅᒋᐊᖃᓕᕐᑐᓂᒃ ᑕᐅᕐᓰᖃᑦᑕᖃᑎᖃᕐᓱᑎᒃ ᖃᓄᖅ ᐱᓇᓱᐊᕋᑦᓴᐅᓕᕐᑐᑦ ᐱᒋᐊᕐᑎᑕᐅᓲᖑᒻᒪᖔᑕ ᖃᓄᕐᓗ ᑮᓇᐅᔭᕐᓯᐅᓂᖃᓲᖑᒻᒪᖔᑦ. ᐱᐅᓯᑐᖃᓕᕆᔩᑦ ᑲᑎᒪᔨᖏᑦ ᓴᓂᑭᓗᐊᕐᒥᑦ ᐊᐅᓪᓚᓕᓚᐅᔪᕗᑦ ᑐᓱᐊᓪᓚᖀᑦᓱᑎᒃ ᕿᓚᓈᓕᕐᓱᑎᓪᓗ ᓄᑖᓂᒃ ᐱᓇᓱᐊᕋᑦᓴᓂᒃ ᐱᒋᐊᕈᒪᓕᕐᓱᑎᒃ ᓄᓇᓕᒻᒥᑕ ᐃᓗᐊᓂ!

ᐃᓚᐅᓚᐅᔪᑦ: ᐊᓛᓱᐊᖅ ᐊᒥᑦᑐᖅ, ᐅᐃᔭᒃᑭ ᑯᔫ, ᒥᐊᔨ ᓄᑖᖅ ᐁᓐᓇᓕᒃ, ᔦᐱᑎ ᓄᖕᖓᖅ, ᒥᓂ ᐃᑎᓪᓗᐃ, ᓭᒪ ᒪᑭᒻᒪᖅ, ᔮᒃ ᐊᓄᒑᖅ, ᒫᑭ ᖁᓪᓕᐊᓗᒃ, ᔨᓂ ᒫᒃ, ᐱᐊᑎ ᒪᓂᕋᔭᖅ, ᒥᐊᔨ ᐲᕐᑎ ᖁᒫᓗᒃ, ᓈᓐᓯ ᐹᓕᓴ, ᑌᕕᑎ ᓂᕕᐊᕐᓯ, ᓵᓕ ᐋᕐᖓᖅ, ᒫᑕ ᐹᓕᓴ, ᐹᓴ ᐳᑦᑖᔪᖅ, ᓗᐃᓴ ᐸᓂᖓᔭᖅ, ᕉᑕ ᑯᑭᐊᐱᒃ, ᓱᕙᑭ ᑐᑦᑐᖅ, ᓗᐃᓴ ᐸᓚᒥ, ᖁᐸᓄᐊᖅ ᐹᓪᓚᔮᑦ, ᓗᐃᓴ ᑯᓗᓛᖅ, ᒥᐊᔨ ᐸᓚᒥ, ᓄᖕᖓᖅ ᑯᐊᓐᓇᓈᖅ, ᓛᓴᔫᓯ ᐃᐳ, ᒨᓱᓯ ᒪᓂᖅ, ᓕᑎᐊ ᓇᔪᒻᒥ, ᓕᐊ ᑲᓪᓚᒃ ᐊᒻᒪᓗ ᒥᐊᔨ ᐊᖑᑎᖕᖑᐊᖅ.