ᐃᓕᓐᓂᐊᑎᓂᒃ ᐃᑲᔪᕐᓯᓂᕐᒧᑦ ᐱᓇᓱᐊᕐᓂᖅ
“ᐃᓕᓐᓂᐊᑏᑦ ᐃᑲᔪᕐᓯᔭᐅᓂᕆᓲᖏᑦᑕ ᐱᓇᓱᐊᕐᑕᐅᓂᖓ ᒪᓂᔨᓲᖑᕗᖅ ᐃᓚᐅᒍᓐᓇᑐᓄᑦ ᐃᕐᕿᓕᓐᓄᑦ/ᐊᓪᓚᓄᑦ ᐃᓄᓐᓄᓗ ᐃᓕᓐᓂᐊᑎᓄᑦ ᑮᓇᐅᔭᑎᒍᑦ ᐃᑲᔪᕐᓯᐅᑎᓂᒃ ᐊᑭᓖᒍᑕᐅᒐᔭᕐᑐᓂᒃ ᐊᑭᓕᕆᐊᓕᓐᓂᒃ ᐃᓕᓐᓂᐊᑕᖏᓐᓅᓕᖓᔪᓂᒃ.”
“ᑮᓇᐅᔭᑎᒍᑦ ᐃᑲᔪᕐᓯᓂᐅᓲᖅ ᑐᕌᕐᓂᖃᕋᓱᐊᕐᑐᖅ ᐃᑲᔪᕐᓯᓂᕐᒥᒃ ᐃᕐᕿᓕᓐᓂᒃ/ᐊᓪᓚᓂᒃ ᐃᓄᓐᓂᓗ ᐃᓕᓐᓂᐊᑎᓂᒃ ᐳᒃᑭᓂᕐᓴᒥ ᐳᕐᑐᓂᕐᓴᒥᓪᓗ ᐃᓕᓐᓂᐊᕇᕐᑎᓯᓂᕐᒥᒃ ᐱᔭᕇᕐᓂᕃᕈᑎᑖᕐᑎᓗᒋᑦ ᓇᓗᓀᕐᓗᒋᑦ ᐃᓕᓐᓂᐊᕇᕈᓐᓇᓂᖏᓐᓂᒃ ᐱᓇᓱᐊᕋᑦᓴᑖᕈᓐᓇᓯᑦᓯᐊᓗᑎᓗ, ᐃᑲᔪᕐᓯᐅᑎᒋᒐᔭᕐᑕᒥᓂᒃ ᓇᒻᒥᓂᕐᒥᓂᒃ ᐊᐅᓚᒍᓐᓇᓯᓗᑎᒃ, ᐱᔭᕇᕐᓗᑎᓗ ᑮᓇᐅᔭᑎᒍᑦ ᐃᓅᒐᓱᐊᕈᓐᓇᓂᕐᒧᑦ ᓄᓇᖃᕐᑳᓯᒪᔪᑎᒍᑦ.”
ᖃᐅᔨᒋᐊᓚᐅᕆᑦ
ᐅᖃᐅᓯᓕᕆᓂᕐᒧᑦ ᑲᑎᒪᓂᐊᕈᓰᑦ
ᑖᒃᑯᐊ ᑲᑎᒪᓂᐊᕈᓰᑦ ᑐᕌᖓᕙᓪᓗᓲᑦ ᐱᕙᓪᓕᐊᕈᑕᐅᒐᓱᐊᕐᓱᑎᒃ ᓄᑖᓂᒃ ᐅᖃᐅᓯᕐᓂᒃ ᐅᖃᕐᑕᐅᓗᑭᒍᓐᓀᑐᓂᓪᓗ ᐅᖃᖃᑎᒌᓐᓂᖃᖃᑦᑕᑎᓪᓗᒋᑦ ᖃᐅᔨᒪᔨᒋᔭᐅᔪᑦ (ᐃᓄᑐᙯᑦ ᐱᖓᓱᓂᑦ ᓯᑦᔭᓂᑦ ᐱᓯᒪᔪᑦ) ᐊᒻᒪᓗ ᐅᖃᐅᓯᐅᑉ ᐁᑉᐹᓅᔦᔩᑦ ᑐᓵᔨᓪᓗ. ᖃᒻᒥᓂᑕᐅᓂᕐᐹᖅ ᐅᖃᐅᓯᓕᕆᓂᕐᒧᑦ ᑲᑎᒪᓂᐊᕈᓯᐅᓚᐅᔪᖅ ᑲᖏᕐᓱᐊᓗᑦᔪᐊᒦᓚᐅᔪᖅ ᑎᕆᓪᓗᓕᐅᑦ (ᐁᕆᓕ) 2006-ᒥ.
