ᑭᓇᒃᑰᒪᖔᑦᑕ
ᐊᕙᑕᖅ ᐱᐅᓯᑐᖃᓕᕆᕕᐅᑉ ᐱᓇᓱᐊᓲᖏᑦ ᐱᒍᑦᔨᓂᕆᓲᖏᓪᓗ ᐅᑯᓂᖓ ᐃᓚᖃᕐᐳᑦ: ᐃᓄᑦᑎᑐᑦ ᐅᖃᐅᓯᐅᑉ ᓯᕗᒧᐊᑦᑎᑕᐅᓂᖓᓄᑦ ᐱᐅᓕᐊᕐᑕᐅᓂᖓᓄᓪᓗ ᐱᓇᓱᐊᕐᑕᐅᓂᖓ, ᐃᓚᒌᓐᓂᓕᕆᓂᖅ, ᓄᓇᕕᒻᒥ ᑕᑯᔭᒃᓴᑯᕕᓕᕆᓃᑦ, ᓄᓇᕕᒻᒥ ᐃᓄᐃᑦ ᐊᓪᓚᖑᐊᕐᑕᕕᓂᖏᑦᑕ/ᓴᓇᖕᖑᐊᑕᕕᓂᖏᑦᑕ/ᐃᖕᖏᖑᐊᕐᑕᕕᓂᖏᑦᑕᓗ ᑲᑎᕐᓱᑕᐅᒪᓂᖏᑦ, ᑐᓂᕐᑕᓂᐊᕐᓂᓕᕆᓂᖅ, ᐊᓪᓚᖑᐊᓲᑦ/ᓴᓇᖕᖑᐊᓲᑦ/ᐃᖕᖏᖑᐊᓲᓪᓗ ᓴᐳᑦᔭᐅᓯᒪᓂᖏᓐᓄᑦ ᐱᓇᓱᐊᕐᑕᐅᓂᖓ, ᐊᓪᓚᖁᑎᖃᕐᕕᒥᒃ ᐱᓇᓱᐊᕐᑕᐅᓯᒪᓕᕐᑐᓂᓪᓗ ᑲᑎᕐᓱᐃᕕᒻᒥᒃ, ᓄᓇᓕᓐᓂ ᐃᓗᕐᖁᓯᓕᕆᓂᕐᒧᑦ ᑲᑎᒪᔨᐊᐲᑦ, ᐃᓄᐃᑦ ᐱᐅᓯᑐᖃᖏᓐᓂᒃ ᐃᓕᓐᓂᐊᑎᑦᓯᓃᑦ, ᐊᒻᒪᓗ ᖃᐅᔨᓴᕐᓃᑦ ᐊᑐᐊᒐᓕᐅᕐᓃᓗ.
ᐊᕐᖁᑎᖃᕐᓱᓂ ᐅᖃᐅᓯᐅᑉ, ᐱᐅᓯᑐᖃᐅᑉ ᐃᓗᕐᖁᓯᑐᖃᐅᓪᓗ ᐱᓇᓱᐊᕐᑕᐅᓂᖏᓐᓂᒃ, ᐊᕙᑕᖅ ᐱᐅᓯᑐᖃᓕᕆᕕᒃ ᐊᔪᐃᓐᓇᐅᔨᔪᒻᒪᕆᐅᕙᑉᐳᖅ ᐅᓪᓗᒥ ᐃᓅᓕᕐᑐᓂᒃ ᓯᕗᓂᑦᓴᑎᓂᓪᓗ ᓴᐳᑦᔨᓯᒪᒐᓱᐊᕐᓱᓂ ᐱᐅᓕᐊᕋᓱᐊᕐᓱᓂᓗ ᐃᓄᐃᑦ ᐃᓗᕐᖁᓯᖓᓂᒃ.
ᖃᐅᔨᒋᐊᓚᐅᕆᑦ
ᑖᓂᐊᓪᓕ ᐅᐃᑖᓗᑦᑑᑉ ᑕᑯᔭᑦᓴᑯᕕᖁᑎᖓ
ᑖᓂᐊᓪᓕ ᐅᐃᑖᓗᑦᑑᑉ ᐊᐅᓚᔨᔭᐅᓂᖓᓄᑦ ᑕᑯᔭᑦᓴᑯᕕᒃ ᐱᐅᓯᑐᖃᓕᕆᕕᖓᓗ ᐃᑲᔪᕐᓯᒪᓲᖅ ᓴᐳᒻᒥᓯᒪᓂᕐᒥᒃ ᖁᕝᕙᑎᑦᓯᒋᐊᕐᓂᒥᓪᓗ ᐃᓄᐃᑦ ᓄᓇᕕᒻᒥᐅᓗ ᐃᓗᕐᕈᓯᖓᓐᓂᒃ.
ᐅᖃᐅᓯᓕᕆᓂᕐᒧᑦ ᑲᑎᒪᓂᐊᕈᓰᑦ
ᑖᒃᑯᐊ ᑲᑎᒪᓂᐊᕈᓰᑦ ᑐᕌᖓᕙᓪᓗᓲᑦ ᐱᕙᓪᓕᐊᕈᑕᐅᒐᓱᐊᕐᓱᑎᒃ ᓄᑖᓂᒃ ᐅᖃᐅᓯᕐᓂᒃ ᐅᖃᕐᑕᐅᓗᑭᒍᓐᓀᑐᓂᓪᓗ ᐅᖃᖃᑎᒌᓐᓂᖃᖃᑦᑕᑎᓪᓗᒋᑦ ᖃᐅᔨᒪᔨᒋᔭᐅᔪᑦ (ᐃᓄᑐᙯᑦ ᐱᖓᓱᓂᑦ ᓯᑦᔭᓂᑦ ᐱᓯᒪᔪᑦ) ᐊᒻᒪᓗ ᐅᖃᐅᓯᐅᑉ ᐁᑉᐹᓅᔦᔩᑦ ᑐᓵᔨᓪᓗ. ᖃᒻᒥᓂᑕᐅᓂᕐᐹᖅ ᐅᖃᐅᓯᓕᕆᓂᕐᒧᑦ ᑲᑎᒪᓂᐊᕈᓯᐅᓚᐅᔪᖅ ᑲᖏᕐᓱᐊᓗᑦᔪᐊᒦᓚᐅᔪᖅ ᑎᕆᓪᓗᓕᐅᑦ (ᐁᕆᓕ) 2006-ᒥ.