ᑕᑯᔭᒃᓴᑯᕕᓕᕆᓂᖅ
ᑐᓂᕐᕈᓰᓚᐅᕆᑦ
ᐊᕙᑕᖅ ᐱᐅᓯᑐᖃᓕᕆᕕᒃ ᐊᐅᓚᑦᓯᓲᖑᕗᖅ ᐱᒻᒪᕆᐅᓂᕐᐹᓂᒃ ᓄᐊᓯᒪᔭᕐᒥᓂᒃ ᐃᓄᐃᑦ ᓄᓇᕕᒻᒥᐅᑦ ᓴᓇᓐᖑᐊᐸᑦᑕᕕᓂᖏᓐᓂᒃ, ᐊᐅᓚᑦᓯᓲᒍᑦᓱᓂᓗ ᐱᐅᔪᕋᑕᕐᓂᒃ ᐱᓇᓱᐊᕐᑕᐅᓯᒪᑦᓱᑎᒃ ᓄᐊᑕᐅᒪᔪᓂᒃ. ᐃᓘᓐᓇᑲᓵᖏᑦ ᓴᓇᓐᖑᐊᓯᒪᔪᑦ, ᑐᓂᕐᑌᑦ, ᐊᓪᓚᖁᑏᓪᓗ ᐱᓚᕿᓯᒪᔭᖏᑦ ᕿᒻᒪᕆᔭᐅᓂᕕᓂᕐᒥᓄᑦ ᐊᒻᒪᓗ ᐃᒻᒥᓂᕐᓱᓱᑎᒃ ᑭᓇᓕᒫᓂᓪᓗ ᑐᓂᕐᕈᓰᔪᕕᓂᕐᓄᑦ.
ᖁᓕᓪᓗ ᑕᓪᓕᒪᓪᓘᑦ ᐊᕐᕌᒎᖃᑦᑕᓚᐅᕐᑐᓂ, ᐃᓘᓐᓇᑲᓵᑎᒃ ᐃᓓᒋᐊᓪᓚᕈᑎᕕᓃᑦ ᓄᓇᕕᒻᒥᐅᑉ ᐃᓄᐃᑦ ᓴᓇᓐᖑᐊᓯᒪᖏᓐᓄᑦ ᑐᓂᕐᕈᓯᐊᕕᓂᐅᕗᑦ ᕿᒻᒪᕇᒍᑎᕕᓂᐅᑦᓱᑎᓪᓗ, ᑮᓇᐅᔭᖃᕐᑎᓯᓲᖁᑎᕗᑦ ᑐᒃᓯᕋᕐᕕᒋᓪᓗᐊᕌᓗᓲᒍᓐᖏᓇᑦᑎᒋᑦ. ᑭᓯᐊᓂ ᖃᐅᔨᒪᔭᐅᑦᓯᐊᑐᒍᑦ ᓴᓇᓐᖑᐊᓯᒪᔪᓂᒃ ᓄᐊᑦᓯᓲᓄᑦ, ᑖᒃᑯᐊ ᐊᑦᔨᒌᑦᔭᖏᑦᑐᓂᒃ ᐱᑦᔪᑎᖃᕐᓱᑎᒃ ᑐᑭᑖᕐᑐᕕᓂᐅᒻᒪᑕ ᐁᑦᑐᐃᓂᐊᕐᓂᒥᓂᒃ ᓴᓇᓐᖑᐊᓯᒪᔪᖁᑎᒥᓐᓂᒃ, ᑕᕝᕘᓇᑦᓭᓇᕐᓗ ᓱᖏᕐᑐᐃᓱᑎᒃ ᓇᒻᒥᓂᕐᒥᓂᒃ ᑭᖑᕚᑦᓴᒥᓐᓂᒃ ᓄᓇᕕᒻᒥᐅᓂᒃ. ᑐᓂᕐᕈᓰᔪᕕᓃᑦ ᐊᑎᖏᑦ ᐃᓚᐅᑎᑕᐅᔪᑦ ᑲᑎᕐᓱᐃᕕᐅᑉ ᐊᓪᓚᖃᐅᑎᖓᓐᓂ, ᐃᓚᖃᕐᒥᓱᑎᒃ ᓀᓈᕐᓯᒪᔪᓂᒃ ᐃᓅᓯᖓᓄᐊᖓᔪᓂᕐ ᐊᓪᓚᓯᒪᔪᓂᒃ, ᐊᒻᒪᓗ ᑖᒃᑯᐊ ᖃᐅᔨᒪᔭᐅᒋᐅᓖᑦ ᐃᓚᐅᑎᑕᐅᓲᒍᑦᓱᑎᒃ ᑐᓂᕐᕈᑎᕕᓃᑦ ᑕᑯᑦᓴᐅᑎᑕᐅᕌᐱᓕᑐᐊᕐᒪᑕ ᐅᕝᕙᓘᓐᓃᑦ ᐅᑎᕐᑎᑕᐅᑐᐊᕐᒪᑕ ᓄᓇᓕᒻᒧᑦ ᓴᓇᓐᖑᐊᕕᐅᔪᕕᓂᕐᒧᑦ.
ᑮᓇᐅᔦᑦ ᓂᖏᕐᑎᓯᐅᑏᑦ ᐊᕙᑕᖅ ᐱᐅᓯᑐᖃᓕᕆᕕᒃᑯᓅᕐᑕᐅᓲᑦ ᐃᑲᔪᕐᓯᒪᓲᑦ ᓴᐳᑦᔭᐅᓂᖏᓐᓂᒃ ᐃᓗᕐᕈᓯᕐᒧᐊᖓᔪᑦ ᐱᓇᓱᐊᕋᑦᓭᑦ ᓵᓐᖓᓯᑦᓱᑎᒃ ᓄᓇᕕᒻᒥᐅᑉ ᓄᓇᓖᑦ ᑭᓐᖒᒪᒋᔭᖏᓐᓂᒃ. ᓴᐳᑦᔨᓯᒪᓃᑦ ᐃᑲᔪᕐᓯᒪᒻᒥᔪᖅ ᐅᖑᒪᔭᐅᓂᖓᓂᒃ ᓱᕈᑎᑕᐅᑦᑌᓕᓂᖓᓂᓗ ᐃᓄᐃᑦ ᐃᓗᕐᕈᓯᖓ, ᓱᖏᕐᑐᐃᓱᓂᓗ ᒫᓐᓇᐅᔪᖅ ᐃᓅᔪᑦ ᑭᖑᕚᑦᓴᕗᓪᓗ ᐱᕙᓪᓕᔭᐅᓚᖓᓂᖏᓐᓂᒃ ᓄᐃᑕᓂᖓᓄᑦ ᑲᔪᓯᑦᓱᓂ ᐱᕈᕐᐸᓕᐊᑐᐃᓐᓇᓱᓂᓗ ᐱᐅᓯᑐᖃᕐᑎᒍᑦ ᐃᓗᕐᕈᓯᖓ.
ᐃᓘᓐᓇᑎᒃ ᑐᓂᕐᕈᑏᑦ ᐅᐱᒋᔭᐅᒻᒪᕆᑦᑐᑦ, ᐊᒻᒪᓗ ᐃᓘᓐᓇᑎᒃ ᑐᓂᕐᕈᓰᔪᑦ ᐱᑎᑕᐅᖃᑦᑕᓛᕐᓱᑎᒃ ᐃᓕᑕᕆᔭᐅᔪᒥᒃ ᐁᑦᑐᐃᔪᕕᓂᐅᓂᕃᔪᒥᒃ ᑖᒃᓯᓕᕆᓕᕈᕕᑦ ᐊᑐᕋᔭᕋᕕᐅᒃ.
If you are considering making a gift to our art collection, please get in touch with our team at: qarmaq@avataq.qc.ca.
