• ᑭᓇᒃᑰᒪᖔᑦᑕ
• ᐊᑐᐊᒐᑦᓴᑯᕕᒃ
  • ᐊᓪᓚᓯᒪᔪᓂᒃ ᓄᑕᐅᖕᖏᑐᔭᖃᐅᑎ
  • ᐊᑐᐊᒐᒃᑯᕕᒃ
  • ᐱᓇᓱᐊᕐᑕᐅᓯᒪᔪᑦ ᓄᐊᑦᓯᕕᒻᒦᑐᑦ ᓴᓂᕐᕙᑕᐅᒪᓂᖏᑦ ᑐᓂᕐᕈᑏᓪᓗ
  • ᑐᑭᓯᒋᐊᕐᕕᐅᒍᓐᓇᑐᑦ ᐃᓂᕐᑕᐅᒋᐊᓪᓚᓃᓪᓗ
• ᐃᓚᒌᓐᓂᓕᕆᓂᖅ
  • ᐃᓚᒌᓐᓂᓕᕆᓂᐅᑉ ᒥᑦᓵᓄᑦ
  • ᖃᐅᔨᒪᐅᑎᒃ ᑐᕐᓱᕋᐅᓯᕐᓂᒃ
  • ᐊᑎᕆᔭᐅᔪᑦ ᐅᓕᕐᓀᓯᐅᑎᖏᑦ
  • ᖃᐅᔨᓴᕈᓯᕕᓂᖅ
• ᓄᐊᑕᐅᓯᒪᔪᑦ
• ᓄᓀᑦ ᐊᑎᖏᑦ
  • ᓄᓇᓐᖑᐊᓕᕆᓂᖅ : ᐃᓄᐃᑦ ᓄᓇᖏᑦᑕ ᐊᑎᖏᑦ
  • ᐱᓇᓱᐊᕐᑕᐅᓯᒪᓕᕐᑐᑦ

ᖃᐅᔨᓴᕐᓂᖅ, ᐊᑐᐊᒐᒃᑯᕕᒃ ᐱᓇᓱᐊᕐᑕᐅᓯᒪᔪᓂᓪᓗ ᑲᑎᕐᓱᐃᕕᒃ

ᐱᓇᓱᐊᕐᑕᐅᓯᒪᓕᕐᑐᑦ

ᕿᒥᕐᕈᐊᖑᕐᑎᑕᐅᓯᒪᓕᕐᑐᑦ

ᕿᒥᕐᕈᐊᖅ Gazetteer ᓄᓇᕕᒻᒥ ᓄᓀᑦ ᐊᑎᖏᑦ
ᓄᓇᕕᒻᒥ ᓄᓀᑦ ᐊᑎᖏᑦ (Gazetteer of Nunavik Place Names, Québec, Canada) ᐱᓐᖑᑎᑕᕕᓂᐅᑦᓱᓂ ᓘᑦᑲ-ᒥᐅᓗ ᒍᐃᓕᒧᑦ (Ludger Müller-Wille-ᒧᑦ), ᐃᑲᔪᕐᑎᖃᕐᓱᓂ ᓄᓇᕕᒻᒥᐅᑦ ᐃᓄᒻᒪᕆᖁᑎᖏᓐᓂᒃ ᐊᕙᑕᖅ ᐱᐅᓯᑐᖃᓕᕆᕕᒃᑯᓂᓪᓗ, ᕿᒥᕐᕈᐊᖑᕐᑎᑕᐅᔪᕕᓂᖅ 1987-ᒥ. ᑖᒃᑯᐊ ᐊᑦᔨᖏᑦ ᐊᑐᐃᓐᓀᑦ ᐊᕙᑕᒃᑯᓂ.

ᐃᓂᕐᑕᐅᓂᕕᓂᖏᑦ ᓄᓇᓐᖑᐊᑦ
ᓄᓀᑦ ᐊᑎᖏᓐᓂᒃ ᐊᑎᓕᔭᕐᑐᑦ ᓄᓇᓐᖑᐊᑦ, ᓄᓇᓐᖑᐊᒥ ᐅᕙᓃᑦᓱᑎᒃ 1 : 50 000, ᐊᑐᐃᓐᓇᐅᓕᕐᑐᑦ ᐅᑯᐊ ᓄᓇᓕᖏᓐᓄᐊᖓᑦᓱᑎᒃ: ᑰᑦᔪᐊᕌᐱᒃ, ᐅᒥᐅᔭᖅ, ᐃᓄᒃᔪᐊᖅ, ᑲᖏᕐᓱᔪᐊᖅ, ᑰᑦᔪᐊ ᐊᒻᒪᓗ ᑲᖏᕐᓱᐊᓗᑦᔪᐊᖅ ᓄᓀᓪᓗ ᓄᓇᓖᑦ ᖃᓂᑦᑕᓗᑐᐊᐱᖏᓐᓃᑐᑦ. ᐃᓚᖏᑦ ᓄᓇᓕᓕᒫᓄᐊᖓᔪᑦ ᓄᓇᓐᖑᐊᑦ ᐅᕙᓃᑦᓱᑎᒃ 1 : 100 000, ᐊᑐᐃᓐᓇᐅᒥᔪᑦ. ᑕᑯᓗᑎᑦ ᕿᒥᕐᕈᐊᒐᓐᖑᑎᑕᐅᓯᒪᓕᕐᑐᑦ ᐊᓪᓚᖁᑎᖏᓐᓂᒃ.

ᓄᓇᓐᖑᐊᓕᐅᕐᑕᐅᒋᐊᖃᖏᓐᓈᑐᑦ
ᐅᑯᐊ ᓄᓇᓖᑦ ᓄᓇᓐᖑᐊᖏᑦ ᐅᑕᕐᕿᔪᑦ ᐃᓂᕐᑕᐅᓂᑦᓴᒥᓂᒃ: ᐊᑯᓕᕕᒃ, ᐳᕕᕐᓂᑐᖅ, ᐃᕗᔨᕕᒃ, ᓴᓪᓗᐃᑦ, ᖁᐊᕐᑕᖅ, ᑲᖏᕐᓱᒃ, ᑕᓯᐅᔭᖅ ᐊᐅᐸᓗᓪᓗ. ᓄᓇᓐᖑᐊᒥ ᓇᓃᑦᓯᐊᓂᖏᑦ ᑲᑎᕐᓱᑕᐅᒪᓕᕇᕐᑐᑦ ᒪᑭᕝᕕᑯᑦ ᐊᒻᒪᓗ ᑲᑎᕕᒃ ᓄᓇᓕᓕᒫᑦ ᑲᕙᒪᖓᑦᑕ ᑲᑎᕐᓱᐃᕕᖓᓐᓄᑦ (GIS databases-ᖏᓐᓄᑦ). ᐃᓚᐅᑎᑕᐅᑦᓴᕋᑕᓛᕐᑑᒐᓗᐊᑦ GIS systems-ᒧᑦ ᐊᑐᕐᑕᐅᓲᓂ ᓄᓇᕕᒻᒥ ᒪᙯᑦᑎᓄᑦ ᐊᓐᓇᑐᐃᔨᓐᓄᓗ (Help and Rescue Teams-ᑯᓄᑦ).

ᖃᓄᖅ ᐊᑐᕐᑕᐅᓲᒍᒻᒪᖔᑕ ᓄᓇᓐᖑᐊᑦ

ᓄᓀᑦ ᐊᑎᖏᑦᑕ ᑲᑎᕐᓱᑕᐅᓂᕕᓂᖏᑦ ᑕᒪᑦᓱᒨᓇ ᐱᓇᓱᐊᕋᑦᓴᑎᒎᕐᑎᓗᒋᑦ ᐊᑐᕐᑐᒪᕆᐅᓚᖓᓕᕐᑎᓗᒋᑦ ᐃᓂᕐᑕᐅᓂᕐᖁᑦ ᐃᓕᓐᓂᐊᑎᑦᓯᒍᑕᐅᒍᓐᓇᕋᒥᒃ ᐊᕙᑎᑦᑕ ᒥᑦᓵᓄᑦ ᖃᓄᕐᓗ ᓄᓀᑦ ᐊᑎᕐᑖᑕᐅᖃᑦᑕᓚᐅᕐᓂᒪᖔᑕ. ᑕᒐᑕᒐᐅᔪᖅ ᐊᑐᕐᑕᓚᕆᐊᓘᓕᕐᑐᑦ ᒪᙯᑦᑎᓄᑦ ᐃᖃᓪᓕᐊᑎᓄᓪᓗ (ᐃᓚᖏᑦ ᓄᓀᑦ ᐊᑎᖏᑦ ᓇᓗᓀᕐᓯᔪᑦ ᓄᓇᓂᒃ ᐃᖃᓗᖃᕐᓂᐹᓂᒃ ᐆᒪᔪᖃᕐᓂᐹᓂᓪᓗ ᓄᓇᕕᒻᒥ), ᐱᔭᕆᐊᑭᓪᓕᑎᕆᑐᐃᓐᓇᕆᐊᖃᕐᓱᑎᓗ ᑭᓇᑐᐃᓐᓇᖅ ᒪᙯᓪᓗᓂ ᓱᒃᑯᐊᕿᔪᕕᓂᐅᑦᓴᐸᑦ ᐊᓯᐅᔪᕕᓂᐅᑉᐸᓘᓐᓃᑦ. ᓄᓀᑦ ᐊᑎᖏᑦ ᐊᑐᕐᑐᓚᕆᐊᓘᒻᒥᔪᑦ ᑐᓂᕐᑕᓂᐊᕐᑎᓄᑦ ᑕᑯᒋᐊᕆᐊᖃᓲᒍᒻᒪᑕ ᐅᐱᕐᖏᕕᐅᓲᓂᒃ ᒪᙯᕝᕕᐅᓲᓂᓪᓗ, ᑖᒃᑯᐊ ᑕᑯᔭᐅᑎᑦᓯᑐᐃᓐᓇᕆᐊᓖᑦ ᓄᑖᓂᒃ ᓄᓇᓂᒃ. ᐃᓚᖏᑦ ᓄᓀᑦ ᐊᑎᖏᑦᑕ ᑐᑭᖏᑦ ᐅᖄᑐᐃᓐᓇᕆᐊᖃᕐᒥᔪᑦ ᑌᑦᓱᒪᓂᐊᓗᒃ ᐱᐅᓯᐅᔪᕕᓂᕐᓂᒃ ᓄᓇᒃ ᐊᑐᕐᑕᐅᓲᒍᓂᖓᓂ ᐃᓄᐃᑦ ᓯᕗᓪᓕᕕᓂᖏᓐᓄᑦ.