• ᑭᓇᒃᑰᒪᖔᑦᑕ
• ᐊᑐᐊᒐᑦᓴᑯᕕᒃ
  • ᐊᓪᓚᓯᒪᔪᓂᒃ ᓄᑕᐅᖕᖏᑐᔭᖃᐅᑎ
  • ᐊᑐᐊᒐᒃᑯᕕᒃ
  • ᐱᓇᓱᐊᕐᑕᐅᓯᒪᔪᑦ ᓄᐊᑦᓯᕕᒻᒦᑐᑦ ᓴᓂᕐᕙᑕᐅᒪᓂᖏᑦ ᑐᓂᕐᕈᑏᓪᓗ
  • ᑐᑭᓯᒋᐊᕐᕕᐅᒍᓐᓇᑐᑦ ᐃᓂᕐᑕᐅᒋᐊᓪᓚᓃᓪᓗ
• ᐃᓚᒌᓐᓂᓕᕆᓂᖅ
  • ᐃᓚᒌᓐᓂᓕᕆᓂᐅᑉ ᒥᑦᓵᓄᑦ
  • ᖃᐅᔨᒪᐅᑎᒃ ᑐᕐᓱᕋᐅᓯᕐᓂᒃ
  • ᐊᑎᕆᔭᐅᔪᑦ ᐅᓕᕐᓀᓯᐅᑎᖏᑦ
  • ᖃᐅᔨᓴᕈᓯᕕᓂᖅ
• ᓄᐊᑕᐅᓯᒪᔪᑦ
• ᓄᓀᑦ ᐊᑎᖏᑦ
  • ᓄᓇᓐᖑᐊᓕᕆᓂᖅ : ᐃᓄᐃᑦ ᓄᓇᖏᑦᑕ ᐊᑎᖏᑦ
  • ᐱᓇᓱᐊᕐᑕᐅᓯᒪᓕᕐᑐᑦ

ᖃᐅᔨᓴᕐᓂᖅ, ᐊᑐᐊᒐᒃᑯᕕᒃ ᐱᓇᓱᐊᕐᑕᐅᓯᒪᔪᓂᓪᓗ ᑲᑎᕐᓱᐃᕕᒃ

ᑭᓇᒃᑰᒪᖔᑦᑕ

ᐱᐅᓯᐅᓯᒪᓕᕐᑐᑦ

1983-ᒥ, ᐊᕙᑕᒃᑯᑦ ᒪᑭᕝᕕᑯᓪᓗ ᐱᒋᐊᕐᑎᓯᓚᐅᕐᓯᒪᕘᒃ ᐱᓇᓱᐊᕐᓂᒥᒃ ᖃᐅᔨᓴᕐᑕᐅᑎᑦᓯᓱᑎᒃ ᓄᓇᕕᐅᑉ ᐱᐅᓯᕆᓯᒪᓕᕐᑕᖓᓂᒃ. ᐊᕐᕌᒍᐃᑦ ᐊᒥᓲᑦᔭᖏᑦᑐᑦ ᐃᓗᐊᓂ, ᐊᐱᕐᖁᓂᖃᑲᑦᑕᓕᕐᑐᕕᓂᖅ ᖁᓕᓪᓗ ᓯᑕᒪᓘᓂᑦ ᓄᓇᓕᓐᓂᒃ ᓄᐊᑦᓯᒐᓱᐊᕐᓱᑎᒃ ᐅᓂᒃᑳᑐᐊᕐᓂᒃ; ᑌᒣᓘᕐᓂᖃᕐᓂᖓᓂ, ᐊᑦᔨᖑᐊᑐᙯᑦ ᓄᐊᑕᐅᓐᓂᒥᔪᑦ, ᑲᕙᒪᑐᖃᒃᑯᓗ ᓄᐊᓯᒪᔭᖏᑦ ᐊᓪᓚᖁᑏᑦ ᕿᓂᕐᑕᐅᓱᑎᒃ ᐊᑐᕐᓂᖏᑦ ᑎᒍᔭᐅᑦᓱᑎᒃ. ᑖᒃᑯᐊ ᐊᓪᓚᖁᑏᑦ ᑐᓐᖓᕕᓪᓚᕆᐅᓯᔪᕕᓃᑦ ᐊᕙᑕᒃᑯᑦ ᐊᑐᐊᒐᑦᓴᑯᕕᖃᐅᑎᖓᓐᓄᑦ, ᑕᒪᒃᑯᐊᓕᒫᓪᓗ ᐱᕕᖃᕋᔭᕐᑐᕕᓂᐅᒐᑎᒃ ᑮᓇᐅᔭᖃᕐᑎᑕᐅᓐᓂᖏᒃᑯᑕ ᓯᓚᑎᑦᑎᓂᒥᐅᓂᑦ. ᐊᕐᕌᒍᐃᑦ ᐃᓗᐊᓂ, ᐃᓓᓯᒪᓕᕐᑐᒍᑦ ᓄᐊᓯᒪᓕᕐᑕᑎᓐᓄᑦ ᐊᒥᓱᑲᓪᓚᓂᒃ ᐅᓂᒃᑳᑐᐊᕐᓂᒃ, ᐊᑦᔨᖑᐊᑐᖃᕐᓂᒃ, ᐱᐅᓯᑐᖃᓕᕆᕕᐅᓪᓗ ᐊᓪᓚᖁᑎᖏᓐᓂᒃ. 1985-ᒥ ᐅᓄᕐᑐᑲᓪᓓᑦ ᑐᒃᓯᕋᐅᑎᐅᖃᑦᑕᓯᒪᔪᑦ, ᐁᑦᑑᓯᐊᕕᓃᑦ ᐃᓂᕐᑕᐅᒋᐊᓪᓚᑐᕕᓃᓪᓗ ᐃᓕᓐᓂᐊᕕᕐᔪᐊᒥ ᐃᓕᓐᓂᐊᑎᓄᑦ ᑐᓐᖓᕕᒋᔭᐅᓯᔪᕕᓃᑦ ᐊᕙᑕᒃᑯᑦ ᐊᑐᐊᒐᒃᑯᕕᒋᓕᕐᑕᖓᓄᑦ.

ᐊᑐᐊᒐᑦᓴᑯᕕᒃ ᐃᓕᑕᕆᔭᐅᔪᑎᒍᑦ ᐅᒃᑯᐊᒥᓂᒃ ᐅᒃᑯᐃᓯᓚᐅᕐᓯᒪᔪᖅ 1988-ᒥ, ᐊᕙᑕᒃᑯᑦ ᓄᑦᑎᑐᐊᕐᒪᑕ ᓄᑖᒧᑦ ᐱᓇᓱᕝᕕᒧᑦ ᓭᓐᑦ-ᓗᐃ ᔅᑯᐊ­­ᔾ-ᒧᑦ (St-Louis Square). ᖁᓕᑲᓵᑦ ᐊᕐᕌᒍᐃᑦ ᐊᓂᒍᑐᐊᕐᒪᑕ, ᓄᐊᑕᐅᓯᒪᔪᑦ ᐊᖏᓕᐅᒥᓕᕐᑐᕕᓃᑦ ᖁᓕᓪᓗᐊᑦ ᐅᖓᑖᓄᑦ, ᑭᓯᐊᓂ ᑮᓇᐅᔭᖃᖃᑦᑕᓚᐅᔪᓐᖏᑐᒍᑦ ᐱᓇᓱᑦᑎᑖᕈᑎᑦᓴᓂᒃ ᐱᔪᓐᓇᑐᓪᓚᕆᒻᒥᒃ ᐱᓇᓱᐊᕐᑕᐅᓯᒪᔪᓂᒃ ᐱᓇᓱᐊᖃᑦᑕᕋᔭᕐᑐᒥᒃ ᑕᒪᒃᑯᓂᖓ. ᑭᖑᓪᓕᐹᖅ, 2004-ᒥ, ᐱᓇᓱᑦᑎᑖᕈᓐᓇᓯᓕᓚᐅᔪᒍᑦ ᐱᔪᓐᓇᑐᓪᓚᕆᐅᑦᓱᓂ ᑌᒣᑦᑐᓂᐊᕐᑎᐅᒐᔭᕐᑐᒥᒃ, ᒫᓐᓇ ᓄᐊᓯᒪᔭᓕᒫᑦᑎᓂᒃ ᐃᓂᓪᓚᑎᕆᕙᓕᕐᑐᖅ.

ᑐᒃᓯᕋᕐᕕᐅᒍᓐᓇᑑᒃ

ᐱᓇᓱᐊᕐᑕᐅᓯᒪᔪᓂᒃ ᐃᓂᓪᓚᑎᕆᔨ:


Nathalie Deléan, Archivist
ᖃᕆᑕᐅᔭᑎᒍᑦ ᑐᕌᕈᑎᖓ: nathalie.delan@avataq.qc.ca

ᑐᕌᕈᑎᖓ:


Institut culturel Avataq
320 - 4150 rue Ste Catherine Ouest
Westmount (Québec), H3Z 2Y5
Tél : (514) 989-9031 ext. 293
Fax : (514) 989-8789

ᑮᓇᐅᔭᖃᕐᑎᓯᔪᕕᓃᑦ ᐃᑲᔪᕐᓯᒪᔪᕕᓃᓪᓗ

ᑲᔪᓯᐅᒐᕐᑐᒥᒃ ᑮᓇᐅᔭᖃᕐᑎᓯᕙᑦᑐᑦ

- ᑲᕙᒪᑐᖃᒃᑯᑦ ᐃᓄᓕᕆᔨᑐᖃᖏᑦ
- ᒪᑭᕝᕕᒃ ᑯᐊᐳᕇᓴᓐ
- ᑯᐯᒻᒥ ᐃᓗᕐᕈᓯᓕᕆᔨᒻᒪᕇᑦ ᑐᓴᐅᒪᖃᑎᒌᓐᓂᓕᕆᔨᒻᒪᕇᓪᓗ ᑐᕐᖃᑕᕐᕕᖓᑦ
- ᑲᑎᕕᒃ ᐃᓕᓐᓂᐊᓂᓕᕆᓂᖅ

ᐱᓇᓱᐊᖃᑎᐅᕙᑦᑐᑦ

- Réseau des Services d’Archives du Québec
- Bibliothèque et archives nationales du Québec