ᐊᕙᑕᖅ ᐱᐅᓯᑐᖃᓕᕆᕕᒃᑯᑦ ᖃᕆᑕᐅᔭᕐᒦᔨᐊᖁᑎᒥᓂᒃ ᖃᐅᔨᒪᐅᑎᓂᒃ ᓄᑕᐅᓯᓕᕐᑎᕆᓂᕕᓂᖓ ᐱᕕᖃᕐᑎᑕᐅᓚᕿᓐᓂᖁᖅ ᑮᓇᐅᔭᖃᕐᑎᑕᐅᑦᓱᓂ Heritage Canada-ᑯᓂᑦ (ᑲᓇᑕᒥ ᐱᐅᓯᕐᓱᕈᑎᓕᕆᔩᑦ ᑲᔪᓯᔪᓂᒃ), Public Works-ᑯᓐᓂᑦ (ᐃᓄᓕᒫᓄᐊᖓᔪᑦ ᐱᒍᑦᔨᓃᑦ ᐱᓇᓱᓐᓃᑦ) ᐊᒻᒪᓗ ᑲᓇᑕᐅ ᑲᕙᒪᖓᑕ ᐱᒍᑦᔨᔨᖏᓐᓂᑦ.
ᐊᕙᑕᒃᑯᓂᒃ ᑮᓇᐅᔭᖃᕐᑎᓯᓗᐊᓐᖑᐊᕙᑦᑐᑦ ᒪᑭᕝᕕᑯᑦ, ᐃᓄᐃᑦ ᖃᖓᑦᑕᔫᖏᑦ, Ministère de la Culture, des Communications et de la Condition Féminine du Québec-ᑯᑦ (ᑯᐯᒻᒥ ᐃᓗᕐᕈᓯᓕᕆᔨᒻᒪᕇᑦ ᑐᓴᐅᒪᖃᑎᒌᓐᓂᓕᕆᔨᒻᒪᕇᓪᓗ ᐊᒻᒪᓗ ᐊᕐᓇᓂᒃ ᑲᒪᓇᓱᓲᑦ ᑐᕐᖃᑕᕐᕕᖓ), ᐊᒻᒪᓗ ᑲᕙᒪᑐᖃᒃᑯᓂ ᐃᓄᓕᕆᔨᑐᙯᑦ. ᐱᒻᒪᕆᕋᑌᑦ ᑐᓂᕐᕈᓯᐊᑦ ᐱᕙᒻᒥᔭᕗᑦ ᑕᕐᕋᒥ ᑎᒥᐅᔪᓂᑦ ᑲᕙᒪᒃᑯᓂᓪᓗ ᑎᒥᐅᔪᓂᑦ.
ᐊᓯᖏᑦ ᑮᓇᐅᔭᖃᕐᑎᓯᕙᑦᑐᑦ:
ᐊᕙᑕᖅ ᐱᐅᓯᑐᖃᓕᕆᕕᒃᑯᑦ ᓇᑯᕐᒦᕈᒪᕗᑦ ᐃᓘᓐᓇᖏᓐᓂᒃ ᑮᓇᐅᔭᖃᕐᑎᓯᔪᕕᓂᕐᓂᒃ ᐃᓕᑕᕐᓯᒪᓐᓂᒪᑕ ᐱᒻᒪᕆᐅᓂᖓᓂᒃ ᓴᐳᑦᔨᓂᐅᑉ ᐅᖃᐅᓯᕐᒧᐊᖓᔪᓂᒃ ᐃᓗᕐᕈᓯᕐᒧᐊᖓᔪᓂᓪᓗ ᐱᓇᓱᐊᕐᓂᐅᓲᓂᒃ ᓄᓇᕕᒻᒥᐅᓅᓕᖓᔪᓂᒃ ᐃᓄᓐᓄᑦ.
ᓇᑯᕐᒦᒃ !
