ᐱᒋᐊᕐᑎᑕᕕᓂᐅᑦᓱᓂ 1980-ᒥ ᐊᕙᑕᖅ ᐱᐅᓯᑐᖃᓕᕆᕕᒃ ᖄᖏᕐᓂᑯᓕᐅᓲᑦᓴᔭᐅᖕᖏᑑᑦᓱᓂ ᑎᒥᐅᕗᖅ ᑐᕌᕐᓂᖃᕐᓱᓂ ᐅᖑᒪᑦᓯᓂᕐᒥᒃ ᓯᕗᒧᐊᑦᑎᓯᓂᕐᒥᓗ ᐃᓄᐃᑦ ᓄᓇᕕᒻᒥᐅᑦ (ᑯᐯᒃ ᑕᕐᕋᖓᓂᒥᐅᑦ) ᐅᖃᐅᓯᖓᓂᒃ ᐃᓗᕐᖁᓯᖓᓂᓪᓗ.
ᑖᓐᓇ ᑎᒥᐅᔪᖅ ᐊᓪᓚᕕᒻᒪᕆᖁᑎᓕᒃ ᐃᓄᑦᔪᐊᒦᑦᑐᒥᒃ ᓄᓇᕕᒻᒥ ᐊᒻᒪᓗ ᐊᐅᓚᑦᓯᕕᒻᒥᒃ ᐊᓪᓚᕕᖃᕐᒥᓱᓂ ᒧᓐᑐᔨᐊᒦᑦᑐᒥᒃ ᑯᐯᒻᒥ.
ᐊᕙᑕᒃᑯᑦ ᑐᕃᓐᓇᑐᒥᒃ ᑎᓕᐅᕐᑕᐅᒍᑎᒥᓂᒃ ᐁᑦᑐᑕᐅᓲᖑᕗᑦ ᐃᓄᓐᓂᑦ ᓄᓇᕕᒻᒥᐅᓂᑦ ᐃᓄᐃᑦ ᐃᓄᒻᒪᕇᑦ ᒪᕐᕉᒃ ᐊᕐᕌᒍᑕᒫᑦ ᑲᑎᒪᓂᒻᒪᕆᒋᓲᖏᓐᓂ. ᐊᕙᑕᒃᑯᑦ ᑲᑎᒪᔨᓖᑦ ᑕᓪᓕᒪᓂᒃ ᐃᓄᐃᓐᓇᓂᒃ ᓂᕈᐊᕐᑕᐅᒪᓂᖃᓲᓂᒃ ᐊᕐᕌᒎᓐᓂ ᒪᕐᕉᓂ.
ᐊᐅᔭᐅᑎᓪᓗᒍ/ᐅᐱᕐ¯ᒍᑎᓪᓗᒍ 2007-ᒥ, ᑐᓂᕐᑕᓂᐊᕆᐊᕐᓯᒪᔪᑦ ᐊᕙᑎᑦ ᒥᑦᓵᓃᑦᑐᑦ ᐃᓚᐅᓚᐅᔪᕗᑦ ᑐᓂᕐᑕᓂᐊᕐᓂᒥ ᓴᒡᒐᓂᕐᒧᑦ ᐃᑎᖑᐊᓗᒻᒥ (IbGk-3-ᒍᓂᕋᕐᑕᒥ) ᐊᒻᒪᓗ ᑐᓂᕐᑕᓂᐊᕐᓂᒥ ᖃᐅᔨᓴᕐᓂᖃᑲᓪᓛᐱᑦᑎᓗᒍ ᐃᑎᖑᐊᓘᑉ ᒥᑦᓵᓃᑦᑐᓂᒃ. ᑐᓂᕐᑕᓂᐊᕐᑏᑦ ᐱᓇᓱᐊᕐᓂᕆᓚᐅᔪᔭᖓ ᐃᓚᒋᔭᐅᓚᐅᔪᕗᖅ ᓄᓇᕐᔪᐊᓕᒫᒥ ᓄᓇᖃᕐᖄᓯᒪᔪᑦ ᐊᕐᕌᒍᖁᑎᖓᓐᓄᑦ.
