ᐊᕐᕌᒎᓯᒪᓕᕐᑐᓂ, ᐊᕙᑕᒃᑯᑦ ᐊᑐᐊᒐᓐᖑᑎᑕᐅᑎᑦᓯᓯᒪᓕᕐᑐᑦ ᐊᓯᒥᓄᑦ ᐊᐅᓚᑕᐅᒐᑎᒃ ᐊᑐᐊᒐᓐᖑᑎᑕᐅᑎᑦᓯᖃᑎᖃᕐᓱᑎᓪᓗ ᐊᖏᓂᕐᓴᓂᒃ ᐊᑐᐊᒐᓐᖑᑎᑕᐅᑎᑦᓯᔨᓂᒃ. ᐊᔪᐃᓐᓇᐅᔨᑦᓯᐊᑐᒥᒃ ᐊᑐᐊᒐᓐᖑᑎᑕᐅᑎᑦᓯᓂᕐᒧᑦ ᐊᑕᐅᑦᓯᑰᕐᑎᓯᔨᖃᓕᕋᑦᑕ, ᐊᓪᓚᖑᐊᕐᓂᒧᑦ/ᓴᓇᓐᖑᐊᓂᕐᒧᑦ/ᐃᓐᖏᖑᐊᕐᓂᒧᑦ/ᐊᑐᐊᒐᓕᐅᕐᓂᒧᓪᓗ ᑐᑭᒧᐊᕐᑎᓯᔨᖃᓕᕋᑦᑕ ᐊᒻᒪᓗ ᑕᑯᓐᓇᕆᐊᑦᓯᐊᓯᒪᓕᕋᑦᑕ ᐱᐅᔫᑎᓂᒃ ᐊᑐᐊᒐᓐᖑᑎᑕᐅᑎᑦᓯᓂᕐᓂᒃ ᐃᓄᑦᑖᐸᓪᓕᐊᑐᐃᓐᓇᑐᒧᑦ ᓄᓇᕕᒻᒧᑦ, ᒫᓐᓇ ᐱᓇᓱᐊᕐᑐᒍᑦ ᐱᓐᖑᑎᑦᓯᒐᓱᐊᕐᓂᒥᒃ ᐊᕙᑕᒃᑯᑦ ᐊᑎᖓᓂᒃ ᐊᑐᐊᒐᓐᖑᑎᑕᐅᑎᑦᓯᓂᐅᑉ ᐃᓗᐊᓂ.
ᑐᓐᖓᕕᖃᓪᓚᕆᐊᓗᑦᓴᕋᓗᐊᕐᓱᑕ ᐊᔪᐃᓐᓇᐅᔨᒍᒪᓂᑦᑎᓂᒃ ᓴᐳᒻᒥᓯᒪᓂᕐᒧᑦ ᐱᐅᓯᑐᖃᑦᑎᓂᒃ, ᐊᕙᑕᒃᑯᑦ ᑕᑯᓐᓇᒐᖃᕐᑐᑦ ᓄᓇᕕᐅᑉ ᓯᕗᓂᑦᓴᖓᓂᒃ ᖃᓄᕐᓗ ᒪᓂᔨᓚᕿᒍᓐᓇᒪ¯ᑦᑕ ᐱᓇᓲᑎᓂᒃ ᐊᑦᑐᐊᓱᑎᒃ ᐃᓗᕐᕈᓯᑦᑎᓄᑦ ᐊᖏᓕᕙᓪᓕᐊᑐᐃᓐᓇᑐᒧᑦ ᐅᓪᓗᐃᑦ ᒪᓕᑦᓱᒋᑦ.
“ᓄᓀᑦ ᐊᑎᖏᑦ ᖃᐅᔨᒪᔭᐅᑦᓱᑎᒃ ᐊᑐᕐᑕᐅᓲᒍᑦᓱᑎᓗ ᐃᓄᐃᑦ ᐊᐅᓚᔨᔭᖏᑎᒍᑦ ᐃᓕᕐᑕᓯᒪᔭᐅᒋᐊᖃᕐᖁᑦ ᑲᕙᒪᒃᑯᓄᑦ ᐊᑐᕐᑕᐅᓗᑎᓗ ᐃᓕᑕᕆᔭᐅᔪᓂ ᓄᓇᓐᖑᐊᓂ ᓱᓕᓪᓚᕆᑦᑑᓂᕃᒋᐊᖃᕐᒪᑕ ᐊᑌᓐᓇᑐᒥᒃ ᐃᓗᕐᕈᓯᑎᒍᑦ ᐃᓪᓕᓇᕐᑑᓂᖏᓐᓂᒃ.” ᑐᑭᑖᕈᑎᕕᓂᖓ ᐃᓄᐃᑦ ᐃᓄᑐᙯᑦ ᑲᑎᒪᓂᒻᒪᕆᖃᕐᓱᑎᒃ, 1983-ᒥ.
