- ᑭᓇᒃᑰᒪᖔᑦᑕ
- ᖃᐅᔨᒋᐅᕐᓂᖅ ᑐᓂᕐᑕᓂᐊᕐᓂᒥᒃ
- ᐱᓇᓱᐊᕐᑕᐅᔪᐃᑦ ᐱᓇᓱᐊᕋᑦᓭᓗ
- ᖃᕆᑕᐅᔭᑎᒍᑦ ᓄᓇᕐᔪᐊᓕᒫᒨᕈᑏᑦ
- ᑐᑭᓯᒋᐊᕐᕕᓭᑦ
ᑐᓂᕐᑕᓂᐊᕐᓂᖅ
ᓇᑦᑐᕋᓕᒃ
1991ᐊᐅᔭᒥ ᐊᐅᓪᓛᓯᒪᕕᒃ ᐃᓄᓐᓄᑦ ᐅᕕᒐᕐᑐᓄᑦ
ᓇᑦᑐᕋᓕᒃ ᐊᐅᔭᐅᓕᑐᐊᕐᒪᑦ ᐃᓕᓐᓂᐊᑎᓄᑦ ᐊᐅᔭᒥ ᐊᐅᓪᓚᓯᒪᕕᕕᓂᐅᕗᖅ, ᐊᕐᕌᒍᑕᒫᑦ ᐊᑐᕐᑕᐅᕙᑦᓱᓂ ᐃᓄᑦᔪᐊᑉ ᒥᑦᓵᓂ. ᐊᐅᓪᓛᓯᒪᕕᒃ ᐸᕐᓀᑕᐅᓚᐅᕐᓯᒪᔪᖅ ᐊᐅᓚᑕᐅᑦᓱᓂᓗ ᐃᓄᑦᔪᐊᑉ ᐃᓄᒻᒪᕆᖏᓐᓄᑦ, ᑖᒃᑯᐊ ᐃᓄᒻᒪᕇᑦ ᙯᕐᖁᔨᔪᕕᓃᑦ ᐊᕙᑕᒃᑯᓂᒃ ᐃᓚᐅᖁᑦᓱᒋᑦ ᐊᔪᐃᓐᓇᓂᕐᒥᓄᑦ. 1991-ᒥ, ᐱᓇᓱᐊᕐᑕᐅᓚᐅᔪᖅ ᑐᓂᕐᑕᓂᐊᕐᓂᖅ. ᖁᓕᐅᓐᖏᒐᕐᑐᑲᓵᓂ ᐱᓇᓱᐊᕈᓯᕐᓂ, ᐅᕕᒐᕐᑐᐃᑦ ᐃᓄᐃᑦ ᐊᐅᓪᓛᓯᒪᕕᒻᒦᑐᑦ ᖃᐅᔨᒋᐅᕐᑎᑕᐅᓚᐅᔪᑦ ᐊᑦᔨᒌᓐᖏᑐᓂᒃ ᑐᓂᕐᑕᓂᐊᕈᓯᕐᓂᒃ.
ᑕᓂᐊᓪ ᔮᓐᑦᕉᓐ ᐊᒻᒪᓗ ᓯᑕᒪᑦ ᐃᓄᐃᑦ ᐃᓕᓐᓂᐊᑏᑦ ᐅᓪᓗᒍᒥᑕᕋᓱᐊᕐᑐᑦ ᓇᔪᒐᐅᓚᐅᕐᑐᕕᓂᕐᒥ IdGo-51-ᖑᓂᕋᕐᑕᒥ
ᒪᕐᕉᒃ ᐃᓅᒃ ᐃᓕᓐᓂᐊᑏᒃ ᕿᓂᕐᑑᒃ ᓇᔪᒐᐅᓚᐅᕐᑐᕕᓂᕐᒥ IdGo-50-ᖑᓂᕋᕐᑕᒥ
ᑐᕌᕐᓂᕆᒐᓱᐊᕐᑕᖏᑦ ᐊᐅᔭᒥ ᐊᐅᓪᓛᓯᒪᕕᐅᑉ ᐱᓇᓱᐊᕐᑕᐅᓂᕆᓲᖓᓄᑦ
ᐱᓇᓱᐊᕐᑕᐅᔫᑉ ᑐᕌᕐᓂᕆᓗᐊᓐᖑᐊᓚᐅᔪᔭᖏᑦ ᐃᓄᓐᓂᒃ ᐅᕕᒐᕐᑐᓂᒃ ᖃᐅᔨᓕᐅᒥᖁᑦᓱᒋᑦ ᑐᓂᕐᑕᓂᐊᕈᓯᐅᒋᐊᓕᓐᓂᒃ, ᓄᓇᐅᑉ ᐊᓯᐊᓅᕐᓂᒥᒃ ᖃᐅᔨᒋᐅᖁᑦᓱᒋᑦ ᐊᒻᒪᓗ ᐅᐱᒍᓱᓕᐅᒥᖁᑦᓱᒋᑦ ᐃᓄᑐᐃᓐᓇᖄᕕᓃᑦ ᐃᓄᐃᓪᓗ ᐃᓗᕐᕈᓯᖏᓐᓂᒃ ᐃᓅᒍᓯᕕᓂᖏᓐᓂᓗ.
ᐃᓄᐃᑦ ᐅᕕᒐᕐᑐᐃᑦ ᐃᓕᓐᓂᐊᑐᑦ ᓴᒡᒐᕕᒻᒥ ᓴᒡᒐᒍᓯᐅᒋᐊᓕᓐᓂᒃ ᓇᔪᒐᐅᓚᐅᕐᑐᕕᓂᕐᒥ IdGo-12-ᖑᓂᕋᕐᑕᒥ.
ᐃᓕᓐᓂᐊᑏᑦ ᓇᔪᒐᐅᓚᐅᕐᑐᕕᓂᕐᒦᑐᑦ IdGo-27-ᖑᓂᕋᕐᑕᒥ ᓴᒡᒐᓱᑎᒃ ᐊᓂᕐᕋᕆᔭᐅᔪᕕᓂᕐᒥᒃ ᓴᒡᒐᕕᒻᒦᑐᒥᒃ.
ᐃᓚᐅᔪᕕᓃᑦ ᐱᓇᓱᐊᕐᑕᐅᔪᕕᓃᓪᓗ
ᒪᕐᕉᒃ ᑕᕐᖀᒃ ᐅᖓᑖᓄᑦ, 34 ᐃᓕᓐᓂᐊᑏᑦ ᐃᓚᐅᓚᐅᔪᕗᑦ ᑐᓂᕐᑕᓂᐊᕐᓂᓂ ᐃᑉᐱᒋᔭᐅᔪᓂ ᐊᕙᑕᒃᑯᑦ ᑐᓂᕐᑕᓂᐊᕐᑎᖁᑎᖏᓐᓄᑦ. ᖃᐅᔨᓴᕐᓱᑎᒃ 48-ᓄᑦ ᑐᓂᕐᑕᓂᐊᕐᕕᓅᓚᐅᔪᑦ, ᑖᒃᑯᐊ ᓇᑉᐸᓗᐊᖏᑦ ᑐᓂᕐᖄᕕᓂᐊᓗᓐᓂᑌᑦ. ᖃᐅᔨᓴᕐᑕᐅᓚᐅᔪᒻᒥᔪᖅ ᓄᓇᒃ 1-ᑭᓗᒦᑕᒥᒃ ᑕᑭᓂᕐᓴᖅ ᐃᓗᒥᐅᑕᓕᒃ 200 ᐅᖓᑖᓅᕐᑐᓂᒃ ᐊᓂᕐᕋᐅᓚᐅᕐᑐᕕᓂᕐᓂᒃ (ᓇᔪᒐᐅᓚᐅᕐᑐᕕᓂᖅ IdGo-51-ᖑᓂᕋᕐᑕᖅ).
ᖃᐅᔨᒋᐊᕐᕕᓴᖅ: Daniel Gendron (ᑕᓂᐊᓪ ᔮᓐᑦᕉᓐ)
