ᑕᑯᔭᒃᓴᑯᕕᓕᕆᓂᖅ
ᓭᓐᑦ-ᐃᐊᑦᒪᓐᔅ
ᐊᕙᑕᖅ ᐱᐅᓕᐊᕐᓯᒪᕗᖅ ᐱᒻᒪᕆᐊᓗᓐᓂᒃ ᓄᐊᑕᐅᓯᒪᔪᓂᒃ ᓴᐃᓐᑦ-ᐃᐊᑦᒪᓐᔅ ᐊᐃᖕᑭᓕᑲᒃᑯᑦ ᑐᒃᓯᐊᕕᖓᓐᓂ ᑰᑦᔪᐊᕌᐱᒻᒦᑐᓂᒃ ᐱᓇᓱᐊᕐᓂᒥᓂ ᑮᓇᐅᔭᖃᕐᑎᑕᐅᑦᓱᑎᒃ ᑯᐯᒃᑯᑦ ᐱᐅᓯᑐᖃᓕᕆᔨᖏᓐᓄᑦ ᑐᓴᕈᑎᓕᕆᔨᖏᓐᓄᓗ ᐊᒻᒪᓗ ᑲᓇᑕᐅᑉ ᐃᓄᓕᕆᔨᑐᖃᒃᑯᖏᓐᓄᑦ. ᑌᒃᑯᐊ ᓄᐊᑕᐅᒪᔪᑦ ᓱᒃᑯᕈᓚᐅᕐᓂᒪᑕ ᑲᒪᒋᔭᐅᑦᓯᐊᖏᓐᓂᑯᒥᓄᑦ ᐊᑯᓂᐅᓗᐊᕐᑐᖅ ᑕᒡᒐᓂᑦᓭᓈᕐᑐᕕᓂᐅᓕᕐᓱᑎᒃ ᐃᓂᑦᓴᓯᐊᒍᓐᖏᑐᒥ ᑕᒡᒐᓂ ᑌᑦᓱᒪᓂᐊᓗᓂᑦ ᑐᒃᓯᐊᕐᕕᑐᖃᕐᒥ, 1870-ᐄᑦ ᐊᕐᕌᒍᖏᓐᓂ ᓴᓇᔭᐅᓚᐅᕐᑐᕕᓂᕐᒥ. ᒫᓐᓇᐅᑎᓪᓗᒍ ᓄᐊᑕᐅᒪᔪᐃᑦ ᐊᒥᓱᑲᓪᓛᓗᐃᑦ ᐱᐅᓯᓕᑎᕐᑕᐅᕙᑦᑐᑦ ᐊᒻᒪᓗ ᖃᒻᒥᖅ ᑰᑦᔪᐊᐱᒻᒧᑦ ᐅᑎᕐᑎᑕᐅᓛᕐᓱᑎ, ᓱᓇᒃᑯᑎᕕᓂᑐᙯᑦ ᑕᑯᔭᒐᖃᕐᕕᖓᓅᑕᐅᕆᐊᓪᓚᓗᑎᒃ ᑕᒡᒐᓂ ᓄᑖᒥ ᑐᒃᓯᐊᕕᒻᒥ ᓇᑉᐸᑕᐅᔪᕕᓂᕐᒥ 2005-ᒥ.
ᓄᓇᓕᐅᑉ ᑲᕙᒫᐱᒃᑯᖏᑦ ᑰᑦᔪᐊᕌᐱᒻᒥ ᓇᒻᒥᓂᖅ ᓄᐊᑦᓯᓯᒪᒻᒥᔪᑦ ᖃᓄᐃᑦᑐᑐᐃᓐᓇᓂᒃ ᓴᓇᓐᖑᐊᓯᒪᔪᓂᒃ ᑕᒡᒐᖓᑦ ᓄᓇᓕᒻᒥᑦ ᐱᓯᒪᔪᓂᒃ ᖃᓂᑕᖓᓂᓗ. ᓴᓇᓐᖑᐊᓯᒪᔪᐃᑦ ᑕᑯᑦᓴᐅᑎᑕᐅᔪᑦ ᑲᕙᒫᐱᒃᑯᑦ ᐊᓪᓚᕕᖓᓐᓂ. ᑖᓐᓇ ᑯᐊᐳᕇᓴᒃ ᐊᕙᑕᒃᑯᓕᐊᕐᓯᒪᔪᖅ ᐃᓱᒪᖃᕋᒥ ᐱᐅᓕᑦᓯᒐᓱᐊᕈᒪᓂᕐᒥᒃ ᓱᖏᕐᑐᐃᓂᕐᒥᓗ ᓈᒻᒪᓂᕐᑐᑯᑦ ᐱᕙᓪᓕᐊᔭᐅᒋᐊᖃᕐᒪᑕ ᓄᐊᑕᐅᒪᔪᑦ.
ᖃᓄᐃᓕᖓᒋᐊᓐᖓᓂᕕᓂᖓ ᓄᐊᑕᕕᓂᐅᑉ, ᐱᐅᓕᒋᐊᕐᑕᐅᓚᐅᕋᓂ
ᖃᓄᐃᓕᖓᒋᐊᓐᖓᓂᕕᓂᖓ ᓄᐊᑕᕕᓂᐅᑉ, ᐱᐅᓕᒋᐊᕐᑕᐅᓚᐅᕋᓂ
