ᐃᓄᐃᑦ ᐊᕐᕌᒍᓖᑦ ᖁᓕᓪᓗ ᐱᖓᓲᔪᕐᑐᓘᓂᒃ (16-ᓂᒃ) ᐅᖓᑖᓄᓪᓘᓃᑦ ᙯᕐᖁᔭᐅᕗᑦ ᐱᓕᐅᑦᔨᒋᐊᕐᑐᓗᑎᒃ ᓇᓪᓕᑳᕐᑕᐅᒐᔭᕐᒪ¯ᒻᒥᒃ ᑕᕐᕋᓕᔮᓕᐊᒍᓛᕐᑐᒧᑦ/ᐊᐅᓚᔫᓕᐊᒍᓛᕐᑐᒧᑦ ᐊᑎᖃᕐᓱᓂ “On the Ice”, ᑖᓐᓇ ᑕᕐᕋᓕᔮᖅ/ᐊᐅᓚᔫᖅ ᐃᓄᐃᓐᓇᓂᒃ ᑕᑯᑦᓴᑕᖃᓛᕐᓂᐊᑐᖅ ᐱᓇᓱᐊᕐᑕᐅᓛᕐᓱᓂ ᐊᓛᔅᑲᒥ (ᐹᔪ-ᒥ), ᑎᕆᓪᓗᓕᐅᑦ (ᐁᕆᓕ) 2010-ᒥ.
ᐊᕙᑕᖅ ᐱᐅᓯᑐᖃᓕᕆᕕᒃ ᖁᓕᓪᓗ ᓯᑕᒪᐅᔪᕐᑐᓘᖑᒍᑕᐅᔪᒥᒃ ᑲᑎᒪᓂᒻᒪᕆᖃᕐᑎᓯᓚᐅᔪᕗᖅ ᓄᓇᕕᒻᒥᐅᓂᒃ ᐃᓄᑐᖃᕐᓂᒃ ᓴᓪᓗᓂ, ᐊᐅᔭᓕᕈᑦ (ᐊᐅᒡᒍᔅᑎ) 31-ᒥᑦ ᐊᒥᕃᔭᐅᑦ (ᓯᑎᒻᐱᕆ) 4-ᒧᑦ, 2009-ᒥ.
ᑲᑎᕕᒃ ᓄᓇᓕᓕᒫᑦ ᑲᕙᒪᖓ ᐊᕙᑕᖅ ᐱᐅᓯᑐᖃᓕᕆᔨᒃᑯᓗ (ᐊᐅᒫᒃᒋᕕᒃ: ᓄᓇᕕᒻᒥ ᓱᕈᐃᓂᕐᒧᑦ ᐊᓪᓚᕕᒃ) ᑐᓴᕐᑎᓯᕗᑦ ᐃᓄᓐᓂᒃ ᑮᓇᐅᔭᕐᑖᕆᐊᖕᖓᑐᕕᓂᕐᓂᒃ ᓄᓇᕕᒻᒥ ᓱᕈᐃᓂᕐᒧᑦ ᐊᓪᓚᕕᖓᓂᑦ.
ᓴᒡᒐᓂᖃᕐᑎᓗᒍ ᓄᓇᐅᔪᒥ IbGk-3-ᖑᓂᕋᕐᑕᒥ (ᐃᑎᖑᐊᓗᒻᒥ ᐃᓄᒃᔪᐊᑉ ᓯᕿᓂᖓᓂ), ᐊᐅᔭᖅ 2008-ᒥ, ᐅᖃᖃᑎᒌᓐᓂᖅ ᐱᒋᐊᕐᑕᐅᓯᒪᓕᓚᐅᔪᖅ ᐱᓐᖑᑎᑦᓯᒍᒪᓂᕐᒧᑦ ᓄᑖᒥᒃ ᐱᓇᓱᐊᕋᑦᓴᒥᒃ ᖁᕝᕙᑎᑦᓯᒋᐊᕈᑕᐅᒐᔭᕐᑐᒥᒃ ᐃᓗᕐᕈᓯᕐᒨᓕᖓᑦᓱᑎᒃ ᐱᐅᓯᕐᓱᕈᑎᓂᒃ ᑲᔪᓯᔪᓂᒃ ᓄᓇᕕᒻᒥᐅᓄᑉ ᐅᕕᒐᕐᑐᓅᓕᖓᑦᓱᑎᒃ.
ᐃᓄᒃᔪᐊᖅ, ᓇᑦᓯᐊᓕᐅᑦ (ᒫᑦᓯ) 24, 2009 – ᐊᐅᒪᒡᒌᕕᒃ ᓄᓇᕕᒻᒥᐅᑦ ᐊᓪᓚᖑᐊᕐᑏᑦ, ᓴᓇᓐᖑᐊᑏᑦ, ᐃᓐᖏᖑᐊᕐᑏᑦ ᐊᑐᐊᒐᓕᐅᕐᑏᓗ ᑐᕐᖃᑕᕐᕕᖓᑦ, ᑖᓐᓇ ᓄᑖᖅ ᐱᒍᑦᔨᕕᒃ ᐊᕙᑕᒃᑯᓃᑦᑐᖅ ᓴᐳᑦᔨᓯᒪᓂᐊᕐᓗᓂ ᐱᕈᕐᑎᓯᓂᐊᕐᓗᓂᓗ ᓄᓇᕕᒻᒥᐅᓂᒃ ᐊᓪᓚᖑᐊᕐᑎᓂᒃ, ᓴᓇᓐᖑᐊᑎᓂᒃ, ᐃᓐᖏᖑᐊᕐᑎᓂᒃ ᐊᑐᐊᒐᓕᐅᕐᑎᓂᓪᓗ, ᐃᓕᑕᕆᔭᐅᔪᑎᒍᑦ ᐱᒋᐊᕐᓂᖃᓚᐅᔪᕗᖅ ᐱᓇᓱᐊᕋᑦᓴᐅᓕᕐᑐᓂᒃ ᑖᓐᓇ ᑕᕐᕿᖅ ᐱᒋᐊᕋᑖᕐᑎᓗᒍ ᓯᕗᓪᓕᐹᕐᓯᐅᑎᒥᒃ ᐃᓕᓐᓂᐊᑎᑦᓯᓂᖃᕐᑎᓗᒍ ᐃᓄᒃᔪᐊᒥ.
