• ᑐᓴᕋᑦᓭᑦ

< ᐅᑎᕈᑎᒃ ᐊᓪᓚᖁᑎᓄᑦ

ᐃᓄᒃᔪᐊᖅ, ᓇᑦᓯᐊᓕᐅᑦ (ᒫᑦᓯ) 24, 2009 – ᐊᐅᒪᒡᒌᕕᒃ ᓄᓇᕕᒻᒥᐅᑦ ᐊᓪᓚᖑᐊᕐᑏᑦ, ᓴᓇᓐᖑᐊᑏᑦ, ᐃᓐᖏᖑᐊᕐᑏᑦ ᐊᑐᐊᒐᓕᐅᕐᑏᓗ ᑐᕐᖃᑕᕐᕕᖓᑦ, ᑖᓐᓇ ᓄᑖᖅ ᐱᒍᑦᔨᕕᒃ ᐊᕙᑕᒃᑯᓃᑦᑐᖅ ᓴᐳᑦᔨᓯᒪᓂᐊᕐᓗᓂ ᐱᕈᕐᑎᓯᓂᐊᕐᓗᓂᓗ ᓄᓇᕕᒻᒥᐅᓂᒃ ᐊᓪᓚᖑᐊᕐᑎᓂᒃ, ᓴᓇᓐᖑᐊᑎᓂᒃ, ᐃᓐᖏᖑᐊᕐᑎᓂᒃ ᐊᑐᐊᒐᓕᐅᕐᑎᓂᓪᓗ, ᐃᓕᑕᕆᔭᐅᔪᑎᒍᑦ ᐱᒋᐊᕐᓂᖃᓚᐅᔪᕗᖅ ᐱᓇᓱᐊᕋᑦᓴᐅᓕᕐᑐᓂᒃ ᑖᓐᓇ ᑕᕐᕿᖅ ᐱᒋᐊᕋᑖᕐᑎᓗᒍ ᓯᕗᓪᓕᐹᕐᓯᐅᑎᒥᒃ ᐃᓕᓐᓂᐊᑎᑦᓯᓂᖃᕐᑎᓗᒍ ᐃᓄᒃᔪᐊᒥ. ᐃᓄᒃᔪᐊᒥ ᑕᑯᒥᓇᕈᑎᓕᐅᕐᓃᑦ ᐱᓇᓱᐊᕐᑕᐅᓂᖓ ᐱᒋᐊᕐᑕᐅᒋᐊᓐᖓᓚᐅᔪᕗᖅ ᓯᕗᓪᓕᐹᒥᒃ ᓯᑕᒪᐅᔪᕐᑐᓂ ᐱᓇᓱᐊᕈᓯᕐᑐᓚᖓᑦᓱᓂ ᐃᓕᓐᓂᐊᑎᑦᓯᒍᑎᐅᑦᓱᓂ ᒫᑦᓯ 2, 2009-ᒥ. ᐃᓄᒃᔪᐊᒥᐅᑦ ᐊᓪᓚᖑᐊᕐᑏᑦ, ᓴᓇᓐᖑᐊᑏᑦ, ᐃᓐᖏᖑᐊᕐᑏᑦ ᐊᑐᐊᓕᐅᕐᑏᓗ ᐃᓕᓐᓂᐊᓂᖃᓛᕐᓂᐊᑐᑦ ᑕᑯᒥᓇᕐᑐᓕᐅᕈᓯᕐᒥᒃ, ᐱᓪᓗᑯᒋᐊᖃᕐᓂᒥᒃ ᐃᓗᕐᕈᓯᑎᒍᓪᓗ ᑕᑯᓐᓇᑕᐅᓂᕐᒥᒃ ᐱᐅᔪᑦᓴᔭᓕᐅᕐᓂᑎᒍᑦ ᑕᑯᒥᓇᕈᑎᓂᒃ. ᑐᕌᕐᓂᕆᒐᓱᐊᕐᑕᖓ ᓴᕐᕿᑎᑦᓯᓗᓂ ᑐᓱᓐᓇᑑᑦᓱᓂ ᐱᑦᓴᑐᔫᑦᓱᓂᓗ ᐃᓕᓐᓂᐊᑎᑦᓯᓂᕐᒥᒃ ᓴᐳᑦᔨᓯᒪᓚᖓᔪᒥᒃ ᐊᒻᒣᓇᕐᓱᓂ ᑕᐅᕐᓰᑲᑦᑕᓂᖏᓐᓄᑦ ᓴᓇᓐᖑᐊᑏᑦ ᑕᑯᒥᓇᕈᑎᓕᐅᕐᑏᓗ.

ᑲᑦᓱᙰᑦᑑᓂᓐᖏᐸᑕ ᐊᓪᓚᖑᐊᕐᑏᑦ, ᓴᓇᓐᖑᐊᑏᑦ, ᐃᓐᖏᖑᐊᕐᑏᑦ ᐊᑐᐊᒐᓕᐅᕐᑏᓗ, ᐱᓇᓱᐊᕋᑦᓴᐅᓕᕐᑐᖅ ᑲᔪᓯᑎᑕᐅᒐᔭᓚᐅᓐᖏᑐᖅ. ᑖᓐᓇ ᐊᑕᐅᓯᑐᐃᓐᓇᖅ ᐆᑦᑑᑎᐅᑦᓱᓂ ᓱᓇᓱᐊᕈᓐᓇᒪᖔᑦᑕ ᑲᑐᑦᔨᓗᑕ ᑎᒥᐅᔪᑎᒍᑦ ᑕᑯᓐᓇᒐᖃᑐᐊᖃᕐᓗᑕ ᐃᓄᖁᑎᑦᑎᓂᒃ, ᓴᐳᑦᔨᓯᒪᓗᒋᑦ ᑭᓐᖒᒪᒋᔭᖏᑦ ᐱᓇᓱᐊᕈᒪᔭᒥᑕᓗ ᑲᑦᓱᙰᑦᑑᓂᖏᓐᓄᑦ,» ᐅᖃᓚᐅᕐᑐᖅ ᑖᒥ ᐹᓕᓴ, ᑲᑎᕕᒃ ᓄᓇᓕᓕᒫᑦ ᑲᕙᒪᖓᓐᓂ ᐱᓇᓱᑦᑎ, ᑖᓐᓇ ᑌᑦᓱᒪᓐᖓᓂᐊᐱᒃ ᑲᑦᓱᙰᑦᑐᕋᑕᐅᑦᓱᓂ ᓴᐳᒻᒥᓯᒪᓲᖅ ᐃᓄᒃᔪᐊᒥ ᑕᑯᒥᓇᕈᑎᓕᐅᕐᕕᐅᒐᔭᕐᑐᒥᒃ, ᑖᓐᓇ ᐱᕙᓪᓕᐊᔭᐅᓯᒪᓕᕐᑐᖅ 2004-ᒥᓂᑦ ᑌᑰᓇ ᓯᑕᒪᑦ ᐊᓪᓚᖑᐊᕐᑏᑦ, ᓴᓇᓐᖑᐊᑏᑦ, ᐃᓐᖏᖑᐊᕐᑏᑦ, ᐊᑐᐊᒐᓕᐅᕐᑏᓗ ᐃᓄᒃᔪᐊᒥᐅᑦ ᐸᕐᓀᐸᓪᓕᐊᓯᔪᕕᓂᐅᒻᒪᑕ ᐱᓇᓱᐊᕐᓂᐅᒐᔭᕐᑐᑦ ᐸᕐᓇᑕᐅᒪᒍᓯᖏᓐᓂᒃ ᑕᑯᒥᓇᕈᑎᓕᐅᕐᕕᓴᕐᒧᑦ. ᑌᒪᓐᖓᓂᑦ, ᑖᓐᓇ ᐱᓇᓱᐊᕋᑦᓴᖅ ᐊᐅᒪᒡᒌᕕᐅᑉ ᐃᓴᕈᖓᑕ ᐊᑖᒎᓕᕐᑐᖅ ᐱᕙᓪᓕᐊᔭᐅᑦᓱᓂᓗ ᓄᓇᓕᐅᑉ ᐱᑦᓴᑖᕐᕕᒋᒍᓐᓇᓂᐊᕐᑕᖓᓂᐅᒃ.

.ᐃᓄᑦᔪᐊᒥ ᑕᑯᒥᓇᕐᑐᓕᐅᕐᕕᒃ ᓄᓇᕕᒻᒥᐅᓂᒃ ᐃᓕᓐᓂᐊᑎᑦᓯᕕᐅᖃᑦᑕᓛᕐᓂᐊᑐᖅ ᑕᑯᒥᓇᕐᑐᓕᐅᕐᓂᒥᒃ. ᐱᕙᓪᓖᓚᖓᔪᖅ ᓄᓇᕕᒻᒥᐅᓂᒃ ᐱᔪᓐᓇᐅᑎᓪᓚᕆᐊᓗᖃᓐᖏᑲᓗᐊᕐᐸᑕ ᐃᓕᓐᓂᐊᕇᕈᑎᑖᕐᓯᒪᓐᖏᑲᓗᐊᕐᐸᑕᓗ,» ᐅᖃᓚᐅᔪᖅ ᐊᓐᑐᔫ ᓄᓗᑭ. ᐊᓐᑐᔫ ᓯᕗᓪᓕᐹᒥ ᐃᓕᓐᓂᐊᕆᐊᓐᖓᖃᑕᐅᔪᕕᓂᖅ ᒪᓂᔨᔪᕕᓂᐅᑦᓱᓂᓗ ᑕᑯᒥᓇᕐᑐᓕᐅᕐᕕᑖᕈᒪᓂᕐᒥᒃ ᐃᓄᑦᔪᐊᒥ, ᒫᓐᓇᓗ ᐃᓕᓐᓂᐊᑎᐅᓕᕐᓱᓂ ᑕᑯᒥᓇᕐᑐᓕᐅᕐᓂᒥᒃ.

ᐃᓄᒃᔪᐊᒥ ᑕᑯᒥᓇᕈᑎᓕᐅᕐᕕᒃ ᐱᕕᖃᕐᑎᑕᐅᓚᕿᓚᐅᔪᕗᖅ ᓇᑯᕐᒦᒃ ᐊᑯᓃᕐᑐᑎᒍᑦ ᐊᑦᑕᑐᕐᓂᖃᕐᓂᕋᑦᑕ ᐃᓪᓗᕈᐊᒥᒃᕐ ᐃᓄᒃᔪᐊᒦᑦᑐᒥᒃ ᒪᑭᕕᑯᑦ ᐃᓪᓗᕈᐊᖁᑎᖓᓐᓂᒃ ᐊᒻᒪᓗ ᓂᖏᕐᑎᑕᐅᑦᓱᑕ ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕ ᑮᓇᐅᔭᖁᑎᒥᓐᓂᒃ ᐊᒡᒍᑐᐃᓂᕆᓲᖓᓄᑦ. ᐃᓕᓐᓂᐊᓂᐊᕕᑦᓴᖅ ᐱᓇᓱᐊᕐᕕᓴᕐᓗ ᐃᓂᓪᓚᑎᕐᑕᐅᓂᖃᓚᐅᔫᒃ ᒧᓐᑐᔨᐊᒥᐅᒧᑦ ᕋᖑᑎᓱᕿᑭᓂᓴᕿ ÷ᖀᖃᓱᖑᑭᖁ (ᑳᑕᕆᓐ ᐱᓵᕐ), ᑖᓐᓇ ᑐᑯᒥᓇᕈᑎᓕᐅᕐᑎᕕᓂᖅ ᐱᓇᓱᐊᓪᓚᕆᓕᓂᕆᓕᕐᓱᒍ ᑕᕐᕋᒥ ᓄᓇᓕᓐᓂ, ᐱᓇᓱᐊᖃᑎᖃᕐᓱᓂ ÷ᑭᒥᓴᖑ ᓚᖑᐅᑎᑭᓕᓂᖑᓴᓴᓂ-ᒥᒃ (ᑉᕉᓇ ᒫᔅᑦᕆᐋᓂ), ᑖᓐᓇ ᑲᑎᕕᒃ ᐃᓕᓐᓂᐊᓂᓕᕆᔨᒃᑯᓂᒥᐅᖅ. ᐃᓕᓐᓂᐊᑏᑦ ᓄᓇᕕᒻᒥ ᐱᒋᐅᕐᓴᕕᒻᒥᐅᑦ ᐃᓚᐅᓚᐅᔪᕗᑦ ᐃᓪᓗᕈᐊᖅ ᓄᑕᐅᓯᓕᕐᑕᐅᑎᓪᓗᒍ.

ᐃᓕᓐᓂᐊᑎᑦᓯᔨ Lᓂᓴᖁᖑ ÷ᑭᓕᐃᓴ (ᓕᓐᑕ ᑉᔭᐅᓐ) ᐱᓇᓱᐊᖃᑎᖃᓛᕐᓂᐊᑐᖅ ᔪᐊᓇᓯ ᐃᓓᔭᓯᐊᐱᒥᒃ, ᐊᓐᑐᔫ ᓄᓗᑭᒥᒃ, ᓓᓇ ᓄᓗᑭᒥᒃ, ᐄᕙ ᓘᓯ ᐃᓄᑉᐸᒥᒃ, ᐃᓄᒃᓯᐊᖅ ᐊᕐᓇᒥᑦᓵᒥᒃ, ᐃᓓᑦᔭ ᑐᙯᒥᒃ, ᔨᐊᔨ ᖃᓴᓪᓗᐊᒥᒃ ᐊᒻᒪᓗ ᒃᓕᐊᔭ ᖃᓴᓪᓗᐊᒥᒃ. ᑖᒃᑯᐊ ᐃᓚᐅᔪᑦ ᐸᕐᓀᓕᕇᕐᑐᑦ ᑕᑯᑦᓴᐅᑎᑦᓯᒐᔭᕐᓂᒥᓂᒃ ᐱᓇᓱᐊᕐᓯᒪᓕᕐᑕᒥᓐᓂᒃ ᒪᑭᕕᑯᑦ ᐊᕐᕌᒍᑕᒫᕐᓯᐅᑎᒥᓐᓂᒃ ᑲᑎᒪᓂᒻᒪᕆᖃᓕᕐᐸᑕ ᐃᓄᒃᔪᐊᒥ ᑕᕙᓂ ᐱᓇᓱᐊᕈᓯᕐᒥ. ᐱᓇᓱᐊᕕᕕᓂᖓᑦ ᐊᑐᐃᓐᓇᐅᓛᕐᓂᐊᒥᔪᖅ ᓄᓇᕕᒻᒥᐅᑉ ᐊᓪᓚᖑᐊᕐᑏᑦ, ᓴᓇᓐᖑᐊᑏᑦᒪ ᐃᓐᖏᖑᐊᕐᑏᑦ ᐊᑐᐊᒐᓕᐊᕐᑏᓗ ᐃᓕᓐᓂᐊᓂᖃᓕᕐᒥᐸᑕ, ᑖᒃᑯᐊ ᐊᑐᐃᓐᓇᕈᕐᑎᑕᐅᓲᑦ ᒪᑭᕕᑯᓐᓄᑦ, ᐅᑭᐊᑦᓴᐅᓚᖓᔪᒥᓪᓗ ᐊᑑᑎᔭᐅᓛᕐᓱᓂ.

Katarina Soukup Artist Liaison Avataq Cultural Institute 514-576-8590 katarina@avataq.qc.ca http://www.avataq.qc.ca

Dawn Forrest Communications Officer Kativik Regional Government 819-964-2961 ext. 2219 dforrest@krg.ca http://www.krg.ca

Sammy J. Kudluk Artist Liaison Makivik Corporation 819-964-2925 s_kudluk@makivik.org http://www.makivik.org