• ᑐᓴᕋᑦᓭᑦ

< ᐅᑎᕈᑎᒃ ᐊᓪᓚᖁᑎᓄᑦ

ᒪᓐᑐᔨᐊᓪ, ᓯᑦᑎᐱᕆ 1, 2009 - ᑲᑎᕕᒃ ᓄᓇᓕᓕᒫᑦ ᑲᕙᒪᖓ ᐊᕙᑕᖅ ᐱᐅᓯᑐᖃᓕᕆᔨᒃᑯᓗ (ᐊᐅᒫᒃᒋᕕᒃ: ᓄᓇᕕᒻᒥ ᓱᕈᐃᓂᕐᒧᑦ ᐊᓪᓚᕕᒃ) ᑐᓴᕐᑎᓯᕗᑦ ᐃᓄᓐᓂᒃ ᑮᓇᐅᔭᕐᑖᕆᐊᖕᖓᑐᕕᓂᕐᓂᒃ ᓄᓇᕕᒻᒥ ᓱᕈᐃᓂᕐᒧᑦ ᐊᓪᓚᕕᖓᓂᑦ. ᑖᒃᑯᐊ ᑮᓇᐅᔦᑦ ᕗᖣᑦ, ᑮᓴᐅᔭᖁᑎᓕᕕᓂᐅᑦᓱᓂ $80,000.00-ᓂᒃ 2008-2009 ᐊᕐᕋᒍᖓᓄᑦ, ᐱᕕᑦᑖᑎᑦᓯᓚᖓᕗᑦ ᖁᓕᐅᖕᖏᒋᐊᕐᑐᓂᒃ ᑐᓴᕐᓂᔮᕐᑎᓯᔨᓂᒃ ᐊᓪᓚᖑᐊᕐᑎᓂᓪᓗᓃᑦ ᓴᓇᖕᖑᐊᑎᓂᓪᓘᓃᑦ ᐱᔭᕇᑦᓯᐊᑎᑦᓯᓚᖓᑦᓱᑎᒃ ᑐᓴᕐᓂᔮᕐᓂᒧᑦ (ᓯᑕᒪᑦ) ᑕᑯᓐᓇᒐᑦᓴᓕᐅᕐᓂᒧᑦ (ᓯᑕᒪᑦ) ᐊᓪᓚᓂᕐᒧᓗ (ᒪᕐᕉᒃ).

ᓄᓇᕕᐅᑉ ᑮᓇᐅᔭᖁᑎᖏᑦ ᓱᕈᐃᓂᕐᒧᑦ ᐊᓪᓚᓂᕐᒧᓗ ᓴᕐᕿᑎᑕᐅᓚᐅᔪᕗᖅ ᔮᓄᐊᕆ 2009-ᖑᑎᓪᓗᖑ. ᑮᓇᐅᔭᖁᑎᖃᓚᖓᔪᖅ $335,000.00-ᓂᒃ ᐅᑭᐅᓄᑦ ᐱᖓᓱᓄᑦ ᑐᕌᕐᑐᓂᒃ, ᐱᕕᑦᑖᑎᑕᐅᒍᓐᓇᓯᔪᕕᓃᑦ ᑯᐯᒻᒥ ᓱᕈᐃᓂᕐᒧᑦ ᑲᒪᔨᓄᑦ, ᑲᑎᕕᒃ ᓄᓇᓕᓕᒫᑦ ᑲᕙᒪᖓᓄᑦ, ᑮᓇᐅᔭᕐᑖᑎᑦᓯᓂᕋᒥᒃ $150,000.00-ᓂᒃ $110,000.00-ᓂᓪᓗ. ᐊᕙᑕᖅ ᐱᐅᓯᑐᖃᓕᕆᕕᒃ ᑌᒪᖕᖓᓂᑦ ᐅᖃᕐᑎᒋᔭᐅᒋᐊᓯᔪᕕᓂᐅᑦᓱᓂ ᓄᓇᕕᒻᒥ ᓱᕈᐃᓂᕐᒧᑦ ᐊᓪᓚᓂᕐᒧᓗ , ᑖᒃᑯᓂᖓ ᑮᓇᐅᔭᕐᓂᒃ ᐊᐅᓚᑦᓯᔨᐅᑎᑕᐅᕗᖅ ᑲᑐᑦᔨᖃᑎᖃᕐᓱᓂ ᑯᐯᒻᒥ ᓱᕈᐃᓂᕐᒧᑦ ᑲᒪᔨᓄᑦ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓄᓪᓗ. ᑮᓇᐅᔭᕐᑖᑎᑕᐅᔪᑦ ᓇᓪᓕᑳᕐᑕᐅᔪᕕᓂᐅᕗᑦ ᓇᓪᓕᑳᕐᑎᓄᑦ ᑲᑎᒪᔨᓄᑦ ᑲᑎᒪᔨᖁᑎᖃᕐᑐᒧᑦ ᐃᓕᑕᕆᔭᐅᔪᓂᒃ ᑐᓴᕐᓂᔮᕐᑎᓯᔨᓂᒃ ᓴᓇᖕᖑᐊᑎᓂᓪᓗ ᐊᓪᓚᑎᓂᓪᓗ.

ᑮᓇᐅᔭᕐᑖᕕᒃ I: ᑖᒃᑯᐊ ᑮᓇᐅᔦᑦ ᑐᕌᖓᕗᑦ ᐃᓄᑑᓈᕐᑎᑐᓄᑦ ᑐᓴᕐᓂᔭᕐᑎᓯᔨᓄᑦ ᓴᓇᖕᖑᐊᑎᓄᓪᓗ ᐊᓪᓚᑎᓄᓪᓗ ᐅᑉᕙᓘᓐᓃᑦ ᑲᑎᒪᔪᓄᑦ ᑐᓴᕐᓂᔮᕐᑎᓯᔨᓄᑦ ᓴᓇᖕᖑᐊᑎᓄᓪᓗ ᐊᓪᓚᑎᓄᓪᓗ ᓄᓇᕕᒻᒥᐅᓂᑦ ᐅᑯᓂᖓ ᐱᓇᓱᐊᓲᓄᑦ: ᓱᕐᑲᔅᓕᕆᓲᓄᑦ, ᑕᑯᓐᓇᒐᑦᓴᓕᐅᕐᑎᓄᑦ, ᖃᕆᑕᐅᔭᒃᑯᑦ ᑐᓴᕈᑎᓕᕆᔨᓄᑦ, ᖃᓄᑐᐃᓐᓇᓯᐊᖅ ᑕᑯᑦᓴᐅᑎᑦᓯᒍᒪᔪᓄᑦ, ᐃᖕᖏᖑᐊᕐᑎᓄᑦ, ᑖᓂᓯᕐᑎᓄᑦ, ᐊᓪᓚᑎᓐᓄᑦ, ᐅᓂᒃᑳᑐᐊᕐᑎᓄᑦ, ᐊᒃᒐᒧᑦ ᓱᕈᐃᓲᓄᑦ, ᑐᓴᕐᓂᔮᕐᑎᓯᔨᓄᑦ, ᐊᐅᓚᔫᓕᐅᕐᑎᓄᑦ, ᐊᒻᒪᓗ ᓴᓇᒪᓂᕐᓂᒃ ᖃᐅᔨᓴᕐᑎᓄᑦ. ᑐᕌᒐᖃᕐᐳᑦ ᓴᐳᑦᔨᓚᖓᓗᑎᒃ ᑐᓴᕐᓂᔭᕐᑎᓯᔨᑦ ᓴᓇᖕᖑᐊᑏᓪᓗ ᐊᓪᓚᑏᓪᓗ ᐱᓇᓱᐊᕈᒪᔭᖏᓐᓂᒃ ᐱᔪᑦᓴᐅᔮᕈᑎᐅᔪᓂᓪᓗ ᓄᓇᓕᓐᓂ, ᐃᓚᖃᕐᒥᑎᓪᓗᒋᑦ ᐱᓇᓱᐊᕐᑕᐅᒋᐊᖃᕐᓂᐊᑐᓂᒃ ᖃᐅᔨᓴᖃᑦᑕᓗᑎᒃ ᑮᓇᐅᔭᕐᖃᕐᑎᑕᐅᓂᖏᓐᓂᓗ ᖃᓄᑐᐃᓐᓇᓗ ᓴᐳᑦᔭᐅᒋᐊᖃᕐᑐᖃᕐᐸᑦ ᑫᓪᓚᑐᐃᓪᓗᑎᒃ.

ᑮᓇᐅᔭᕐᑖᑎᑕᐅᔪᕕᓃᑦ ᓄᓇᕕᐅᑉ ᑮᓇᐅᔭᖁᑎᖏᓐᓂᑦ

ᓱᕈᐃᓂᕐᒧᑦ ᐊᓪᓚᓂᕐᒧᓗ

+ ᐱᑐᔨᔅ ᑎᐊᕐ (ᖁᐊᕐᑕᖅ/ᑐᐊᕐᕚᓪ): ᑐᓴᕐᓂᔮᕐᑎᓯᓂᕐᒧᑦ

+ ᐄᒦᓕ ᓄᕙᓕᖕᖓᖅ (ᐳᕕᕐᓂᑐᖅ/ᑐᐊᕐᕚᓪ): ᐊᓪᓚᓂᕐᒧᑦ (ᐅᓂᒃᑳᑐᐊᕐᓂᖅ ᓀᑦᑐᓂᓪᓗ ᐅᓂᒃᑳᖑᐊᓕᐅᕐᓂᖅ)

+ ᑭᓗᐸᒃ ᔮᔨ ᐃᓄᒃᐸᒃ (ᐅᒥᐅᔭᖅ): ᓱᕈᐃᓂᖅ (ᓴᓇᖕᖑᐊᓂᖅ)

+ ᑖᓐᔭ ᒥᐊᓱ (ᑰᑦᔪᐊᖅ): ᓱᕈᐃᓂᖅ (ᐊᓪᓚᖑᐊᕐᓱᓂ ᒥᖑᐊᖕᖑᐊᓂᖅ)

+ ᓵᓕ ᑮᓚᓐ (ᑲᖏᕐᓱᔪᐊᓗᑦᔪᐊᖅ/ᑐᐊᕐᕚᓪ): ᑐᓴᕐᓂᔭᕐᑎᓯᓂᖅ

+ ᐲᑕ ᐋᓐᓇᓈᖅ (ᑲᖏᕐᓱᐊᓗᑦᔪᐊᖅ/ᑐᐊᕐᕚᓪ): ᓱᕈᐃᓂᖅ (ᐊᓪᓚᖑᐊᕐᓱᓂ ᒥᖑᐊᖕᖑᐊᓂᖅ)

+ ᒫᓯᐅ ᓂᖏᐅᕈᕕᒃ (ᖁᐊᕐᑕᖅ): ᑐᓴᕐᓂᔮᕐᑎᓯᓂᖅ

+ ᓴᓪᓗᐃᑦ ᐃᓕᓐᓂᐊᓂᓕᕆᔩᑦ (ᓴᓪᓗᐃᑦ): ᐊᓪᓚᓂᕐᒧᑦ

ᑮᓇᐅᔭᕐᑖᕕᒃ II: ᑖᒃᑯᐊ ᐱᕕᖃᕐᑎᓯᒍᑕᐅᔪᑦ ᓄᓇᕕᒻᒥᐅᓂᒃ ᑐᓴᕐᓂᔭᕐᑎᓯᔨᓂᒃ ᓴᓇᖕᖑᐊᑎᓂᒃ ᐊᓪᓚᑎᓂᓪᓗ ᒪᕐᕉᓂᒃ ᑕᕐᖀᓂᒃ ᖃᐅᔨᓴᓚᖓᑎᓗᒋᑦ ᐱᖕᖑᑎᑦᓯᓚᖓᑎᓗᒋᓪᓗ ᓱᕈᐃᓂᕐᒥᒃ ᒪᓐᑐᔨᐊᓪᒥ, ᐊᒻᒪᓗ ᒪᓐᑐᔨᐊᓪᒥᐅᒥᒃ ᑌᒫᑦᓭᓇᖅ ᐱᕕᖃᕐᑎᓯᓪᓗᓂ ᐃᓄᒃᔪᐊᒦᑦᑎᓗᒍ ᑕᕐᖀᓂ ᒪᕐᕈᓂ.

ᑮᓇᐅᔭᕐᑖᑎᑕᐅᔪᕕᓃᑦ ᓄᓇᕕᐅᑉ ᑮᓇᐅᔭᖁᑎᖏᓐᓂᑦ ᓱᕈᐃᓂᕐᒧᑦ ᐊᓪᓚᓂᕐᒧᓗ, ᑮᓇᐅᔭᕐᑖᕕᒃ II:

+ ᓯᐊᓯ ᖁᖏᐊᖅ ᔫᓐᔅ (ᑰᑦᔪᐊᖅ): ᓱᕈᐃᓂᕐᒧᑦ (ᒥᖑᐊᖕᖑᐊᓂᖅ ᐊᓪᓚᖑᐊᕐᓂᓗ)

+ ᓂᒪᓚᓐ ᔪᑲᓇᑕᓐ (ᒪᓐᑐᔨᐊᓪ): ᑐᓴᕐᓂᔮᕐᑎᓯᓂᕐᒧᑦ

ᑮᓇᐅᔦᓚᕿᕕᐅᒍᓐᓇᓂᐊᓕᕐᒥᔪᖅ:
ᑮᓇᐅᔦᓚᕿᕕᐅᒍᓐᓇᑐᖅ ᑐᖓᓕᖓ ᐃᓱᓕᓚᖓᔪᖅ ᓄᓇᕕᐅᑉ ᑮᓇᐅᔭᖁᑎᖏᓐᓂᑦ ᓱᕈᐃᓂᕐᒧᑦ ᐊᓪᓚᓂᕐᒧᓗ ᓂᕿᑦᓯᑐᓂ, ᓅᕕᐱᕆ 13, 2009-ᒥ.

ᑲᑎᕕᒃ ᓄᓇᓕᓕᒫᑦ ᑲᕙᒪᖓ ᓄᓇᓯᒪᔪᓄᑦ ᑎᒥᖁᑎᒋᔭᐅᕗᖅ ᓴᕐᕿᑎᑕᕕᓂᐅᑦᓱᓂ 1978-ᒥ ᔦᒥᓯ ᐲᑉ ᑯᐯᑉ ᑕᕐᕋᖓᑕᓗ ᐊᖏᖃᑎᒌᒍᑎᖓ ᐊᑎᓕᐅᕐᑕᐅᓚᐅᕐᑕᐅᔪᕕᓂᐅᑎᓗᒍ. ᑲᑎᕕᒃ ᐊᐅᓚᑦᓯᓂᖃᕐᐳᖅ ᐅᑯᓂᖓᓕᒫᖅ ᑯᐯᑉ ᑕᕐᕋᖓᓂ, 55 ᖁᓛᓕᒫᖓᓂ: ᓄᓇᓕᓕᕆᓂᕐᒥᒃ, ᐊᐅᓚᓂᕐᒥᒃ, ᓯᓚᓕᕆᓂᕐᒥᒃ, ᐳᓖᓯᖃᕐᓂᒥᒃ, ᐱᓇᓱᒐᑦᓴᓕᕆᓂᕐᒥᒃ, ᐃᓕᓴᕐᓂᒥᒃ ᐱᒋᐅᕐᓴᓂᕐᒥᓗ, ᑲᕙᒪᒃᑯᓂᑦ ᑮᓇᐅᔭᕐᑖᕆᔭᐅᓲᓂᒃ ᐃᑦᑐᓂᐅᑎᓂᒃ, ᑲᒃᑲᓛᓪᓗ ᐯᕆᔭᐅᓂᖏᓐᓂᒃ, ᓄᑕᐅᓯᓪᓕᑎᓲᓂᓪᓗ ᐃᓅᒍᑎᑦᓴᓕᐅᕐᓂᒥᒃ, ᓄᓇᓕᒫᒥᓪᓗ ᐸᕐᓀᓂᕐᒥᒃ, ᐅᐃᒪᓇᕐᑐᖃᓕᕐᐸᓗ ᐸᕐᓀᑕᐅᓯᒪᔪᓂᒃ ᐊᑐᕐᑕᐅᒍᒫᕐᓂᐊᑐᓂᒃ, ᒪᑭᑉᐸᓕᐊᕋᓱᐊᕐᓂᒥᓪᓗ ᑮᓇᐅᔭᑎᒍᑦ.

ᐊᕙᑕᖅ ᐱᐅᓯᑐᖃᓕᕆᕕᒃ ᑎᒥᖕᖑᑎᑕᐅᔪᕕᓂᐅᕗᖅ ᖄᖏᕐᓂᑯᓕᐅᕐᑎᐅᓂᐊᕐᑎᓇᒍ ᓴᕐᕿᑎᑕᕕᓂᐅᑦᓱᓂ 1980-ᒥ ᓄᓇᕕᒻᒥᐅᓄᑦ ᐃᓄᑐᖃᕐᓄᑦ ᓴᐳᑦᔨᓚᖓᑎᓗᒍ ᐱᐅᓕᐊᕐᓂᐊᑎᓗᒍᓗ ᐃᓄᐃᑦ ᑯᐯᑉ ᑕᕐᕋᖓᓂᒥᐅᑦ ᐅᖃᐅᓯᖓᓂᒃ ᐱᐅᓯᑐᖃᖓᓂᓪᓗ. ᑌᒪᖕᖓᓂᑦ, ᐊᕙᑕᖅ ᓯᕗᓕᒍᑎᖃᕐᓯᒪᕗᖅ ᐱᓇᓱᐊᕐᑕᐅᒋᐊᖃᕐᓂᐊᑐᓂᒃ ᐃᓕᖓᒧᓂᒃ ᐃᓄᐃᑦ ᐅᖃᐅᓯᖓᓂᒃ, ᐃᓚᖃᕐᒥᑎᓪᓗᒋᑦ ᐃᓄᐃᑦ ᕿᒻᒪᑯᓯᐊᕕᓂᖏᓐᓂᒃ, ᓱᕈᐃᓂᕐᒥᒃ, ᑐᓂᕐᑕᓂᐊᕐᓂᒥᓪᓗ ᐃᓄᐃᓪᓗ ᐃᓚᒌᓐᓂᖏᓐᓂᒃ. ᐊᕙᑕᖅ ᑎᒍᒥᐊᕐᐳᖅ ᓄᓇᕕᒻᒥᐅᑦ ᐃᓄᐃᑦ ᓴᓇᖕᖑᐊᓯᒪᔭᖏᓐᓂᒃ.

ᖃᐅᔨᒋᐊᕐᕕᓭᑦ:
ᒫᕐᑎᓐ ᑐᕗᐊᕐ
ᐊᑕᐅᑦᓯᑰᕐᑎᓯᔨ
ᓄᓇᕕᒻᒥ ᓱᕈᐃᓂᕐᒧᑦ ᐊᓪᓚᕕᒃ (ᐊᐅᒫᒃᒋᕕᒃ)
ᐊᕙᑕᖅ ᐃᐅᓯᑐᖃᓕᕆᕕᒃ
(514)989-9031
mdufour@avataq.qc.ca
www.avataq.qc.ca

ᔫᓕ ᑯᔨᓂᐁ
ᑐᓴᕈᑎᓕᕆᓂᕐᒧᑦ ᐊᐅᑕᐅᑦᓯᑰᕐᑎᓯᔨ
ᑲᑎᕕᒃ ᓄᓇᓕᓕᒫᑦ ᑲᕙᒪᖓ
(819)964-2661, ᓯᕙᓂᐅᑎᖓ 2317
jgrenier@krg.ca
www.krg.ca