ᑲᖏᕐᓱᔪᐊᖅ, ᓄᕘᑉ ᓯᕿᓂᖓᑕ ᓯᑦᔭᖓᓃᑦᓱᓂ (ᐅᖓᕙᐅᑉ ᑎᑭᕋᖓᓂ, ᓄᓇᕕᒻᒥ), ᓄᕿᑎᕆᓯᒪᓕᕐᑐᖅ ᐃᑦᓴᓂᑕᕐᓂᐊᑎᓂᒃ 40 ᐊᕐᕌᒍᐃᑦ ᐅᖓᑖᓄᑦ ᐃᒣᓘᕐᓯᒪᓚᕿᑎᓪᓗᒋᑦ ᓇᓗᓀᕐᓯᓱᑎᒃ ᐊᒥᓱᐃᓂᒃ ᓇᔪᒐᐅᓚᐅᕐᑐᕕᓂᕐᓂᒃ ᐊᑦᔨᒌᓐᖏᑐᓄᑦ ᐃᓅᖃᑎᒌᑦᑐᓄᑦ (ᐆᑦᑑᑎᒋᓗᒋᑦ ᑐᓂᕐᖄᕕᓂᕐᓄᑦ, ᑐᓂᕐᓄᑦ, ᐃᓄᑐᐃᓐᓇᖄᕕᓂᕐᓄᑦ, ᐃᓄᓐᓄᑦ) ᓄᓇᒥᐅᒍᕙᑦᑐᕕᓂᐅᒻᒪᑕ 4000-ᓂ ᐊᕐᕌᒍᑲᓵᓂ, ᐃᓚᐅᑎᓪᓗᒋᑦ ᖁᓪᓕᓴᔭᕐᓂᐊᕖᑦ ᐅᓪᓗᓕᐅᕐᑕᐅᒪᑦᓱᑎᒃ ᑐᓃᑦ ᑌᑲᓃᓕᕐᑎᓗᒋᑦ ᐃᒻᒪᖄ 2000 ᐊᕐᕌᒍᐃᑦ ᐊᓂᒍᓕᕐᑐᑦ.
ᑕᓯᐅᔭᐅᑉ, ᐅᒥᐅᔭᐅᑉ ᓴᓂᐊᓃᑦᑑᑉ ᓄᓇᖓᑕ ᓴᓇᒻᒪᖓ, ᓄᓇᕕᒻᒦᑦᑐᓂ ᐱᐅᓂᕐᐹᓯᐊᒍᖃᑕᐅᕗᖅ. ᑖᕙᓐᓇ ᓄᓇᒃ ᐅᑭᐅᕐᑕᑐᒥᐅᓄᑦ ᐃᓄᓐᓄᑦ ᐊᓯᖏᓐᓄᓗ ᓯᕿᓂᕐᒥᐅᔭᕐᓄᑦ ᓇᔪᒐᐅᓯᒪᔪᖅ ᑕᐅᓴᓐᑎᐅᓈᕐᑎᑐᓂ ᐊᕐᕌᒍᕐᓂ.
ᑐᑦᓯᒪᒍᑎᒋᒻᒪᕆᑦᓱᒍ ᐊᕙᑕᖅ ᓇᓗᓀᕐᓯᕗᖅ ᐃᓅᒍᓐᓀᓚᐅᕐᓂᖓᓂᒃ ᐃᓄᒻᒪᕆᐅᑉ ᐁᓴᕿ ᐹᑦᓚᔮᑉ.
ᔫᓂ 23, 2010-ᒥ, ᑲᕙᒪᑐᖃᒃᑯᓂᒥᐅᖅ ᒥᑫᓪ ᔮᓐ, ᐊᑕᓂᐊᓘᑉ ᑭᒡᒐᑐᕐᑎᖓ ᑲᓇᑕᒧᑦ, ᐁᑦᑐᐃᓚᐅᔪᕗᖅ ᐱᓪᓚᕆᕋᑕᐅᑦᓱᓂ ᐃᓕᑕᕐᓯᐅᑎᒥᒃ ᓇᓪᓕᐅᓂᕐᓯᐅᓂᖃᕐᑎᓗᒍ Nation’s Table ᐊᕙᑕᖅ ᐱᐅᓯᑐᖃᓕᕆᕕᒥᒃ, ᓴᕐᕿᑎᑦᓯᓚᕿᔪᕕᓂᐅᒻᒪᑦ ᑕᓪᓕᒣᓂᒃ ᐃᓄᐃᑦ ᑏᕐᓗᖁᑎᖏᓐᓂᒃ.
ᐃᓄᒃᑎᑑᕐᓂᐅ ᓴᑐᕐᑕᐅᒐᓱᐊᕐᓂᖓ ᐊᕙᑕᖅ ᐱᐅᓯᑐᖃᓕᕆᕕᒃᑯᑎᒎᕐᑐᖅ ᑕᒐᑕᒐ ᒪᕐᕉᓂ ᐱᓇᓱᐊᕈᓰᓐᓂ ᓱᓕᔪᓐᖑᐊᓕᐅᕆᐅᕐᓴᓂᕐᒥᒃ ᐃᓕᓐᓂᐊᑎᑦᓯᓂᖃᕐᑐᖅ ᐃᓄᑦᔪᐊᒥ ᔪᓓ 5-ᒥᑦ 16-ᒧᑦ 2010-ᒥ.
