• ᖃᓂᒪᓐᓀᑦ
  • ᓇᒡᒍᐊᓕᕆᓂᖅ ᓄᒃᑭᓕᕆᓃᓪᓗ
  • ᖀᕐᓱᓂᖅ
  • ᓂᐊᖁᓐᖑᓂᖅ
  • ᓯᐅᓯᕆᓂᖅ
  • ᐃᒡᒋᐊᓕᕆᓂᖅ
  • ᓴᐅᓂᒃᑯᑦ ᓇᐱᒪᔪᓕᕆᓃᑦ ᐱᓪᓗᐃᓯᒪᓃᓪᓗ
  • ᑭᒍᓯᕆᓃᑦ
  • ᐊᓂᕐᑎᕆᓂᐅᑉ ᐃᓱᐃᓪᓕᖓᓂᖓ (ᐃᐱᓂᐊᕐᓂᖅ)
  • ᕿᖓᒃᑯᑦ ᐊᐅᓈᕐᓃᑦ
  • ᓈᓕᕆᓂᖅ
  • ᐃᒫᑲᓴᓐᓂᖅ
  • ᐃᓪᓗᓂᖅ/ᐃᓪᓗᐃᓂᖅ
  • ᐱᐊᕋᑦᓴᖃᕐᓂᖅ ᐱᐊᕋᕐᑖᓂᕐᓗ
  • ᐅᕕᓂᕐᓗᓃᑦ

• ᐋᓐᓂᐊᓯᐅᕈᑕᐅᕙᑦᑐᕕᓃᑦ ᐃᓗᒥᐅᑕᖏᑦᑕ ᖃᓄᐃᑦᑐᓗᑑᓂᖏᑦ
  • ᐊᐳᑎᒃ
  • ᐅᔭᕃᑦ ᓯᐅᕋᕐᓗ
  • ᐸᐅᕐᙰᑦ
  • ᓇᐹᕐᑐᐃᑦ
  • ᐃᓄᐃᑦ ᑏᖏᑦ
  • ᐃᑎᕈᖅ
  • ᖁᐱᕐᕈᐃᑦ
  • ᐃᖃᓗᒃ
  • ᕿᒻᒥᖅ
  • ᑐᒃᑐᖅ
  • ᐊᕕᓐᖓᕕᓂᐅᑉ ᒪᒥᖓ
  • ᑎᒻᒥᐊᑦ
  • ᓇᑦᓯᕕᓂᐅᑉ ᐅᕐᓱᖓ

ᐋᓐᓂᐊᓯᐅᑎᒋᔭᐅᕙᑦᑐᕕᓃᑦ

ᑎᒻᒥᐊᑦ

ᐊᕿᒡᒋᖅ

ᐁᐸᔪᖅ ᐊᕿᒡᒋᕕᓂᐅᑉ ᓴᕝᕕᖓᑕ ᓂᕿᑕᖓ ᓂᕆᔭᐅᓲᖅ ᖃᓂᒪᔪᒻᒪᕆᐊᓗᓐᓄᑦ ᓂᕆᒍᒣᕐᓯᒪᓕᕐᑐᓄᑦ, ᐊᒻᒪᓗ ᓵᑦᑐᐊᐱᐅᓈᕐᑎᑎᓪᓗᒍ ᐊᔪᐊᕐᓅᑕᐅᓲᒍᑦᓱᓂ, ᖁᖏᓯᕐᒨᓲᒍᑦᓱᒍᓗ (ᐃᒡᒋᐊᓕᕆᔪᓄᑦ), ᐅᕝᕙᓘᓐᓃᑦ ᐃᓪᓗᑐᓄᑦ ᐃᔩᒃ ᖄᖓᓅᕐᓱᒍ. ᐊᕿᒡᒋᕕᓂᐅᑉ ᖁᖏᓯᖓᑕ ᒪᒥᖓ ᐸᓂᕐᑑᑎᓪᓗᒍ ᒪᑦᑐᑎᒋᔭᐅᓲᒍᒻᒥᔪᖅ ᑭᓪᓕᓄᑦ ᐆᓐᓂᓄᓪᓗ, ᓂᐅᖓᑕᓗ ᒪᒥᖓ ᐊᔪᐊᕐᒨᑕᐅᒍᓐᓇᓱᓂ. ᐊᕿᒡᒋᕕᓂᐅᑉ ᖁᓂᕈᖏᑦ ᐅᐊᕈᑎᖃᕐᑎᓗᒋᑦ ᐃᒍᓇᐅᓕᕐᑐᒥᒃ ᓇᑦᓯᕕᓂᐅᑉ ᐅᕐᓱᖓᓂᒃ ᐅᕝᕙᓘᓐᓃᑦ ᐁᐸᔪᑐᐃᓐᓇᐅᓗᓂ ᐊᕿᒡᒋᕕᓂᐅᑉ ᐅᕐᓱᖓ ᑭᓪᓕᓕᕆᒍᑕᐅᒍᓐᓇᑐᖅ.

ᑑᓪᓕᖅ

ᓂᕆᔭᐅᓲᖅ ᐃᓗᐃᑦᑐᖅ ᑑᓪᓕᕕᓂᓕᒫᖅ ᖃᕐᓴᐅᕕᓂᓕᒫᓪᓘᓂᑦ ᐋᕐᕿᒍᑕᐅᓂᐊᕋᒥ. ᐁᐸᔫᑎᓪᓗᒍ, ᐃᓛᓐᓂ ᖃᓚᒪᑎᓪᓗᒍ, ᐃᓘᓐᓇᓯᐊᖓ ᑑᓪᓕᕕᓂᖅ ᓂᕆᔭᐅᒋᐊᓕᒃ, ᐊᑕᐅᑦᓯᑯᐊᓘᕐᑕᐅᖃᔭᓐᖏᑯᓂ ᐅᓪᓗᒥ ᑕᕝᕙᓂᑦᓭᓇᖅ ᓄᖑᑕᐅᒋᐊᓕᒃ. ᓱᖓᖃᐅᑎᖓ ᐅᕝᕙᓘᓐᓃᑦ ᑐᕐᓱᐊᖓᑕ ᖁᓕᒋᓂᕐᓴᖓ ᓂᕆᔭᐅᕙᓪᓗᓲᒃ. ᑕᒪᓐᓇ ᐊᑐᕐᑕᐅᓲᖅ ᐳᕙᓪᓗᑐᓄᑦ, ᐊᓂᕐᑎᕆᑦᓯᐊᖃᔭᓐᖏᑐᓄᑦ ᐃᑦᔭᖑᒧᑦ, ᖀᕐᓱᓲᓄᑦ, ᐅᕝᕙᓘᓐᓃᑦ ᐱᐊᕋᕐᓄᑦ ᐅᕐᕈᐃᓇᕐᑐᕕᓂᕐᓄᑦ ᖀᕐᓱᓂᕐᒥᓂ. ᐊᒻᒪᓗᑦᑕᐅᖅ, ᐸᓂᕐᑐᐃᑦ ᑑᓪᓕᕕᓂᐅᑉ ᐃᓇᓗᐊᖏᑦ ᑕᒧᐊᔭᐅᓲᒍᒻᒥᔪᑦ ᓈᓐᖑᓂᐅᑎᒋᔭᐅᑦᓱᑎᒃ.

ᐊᓯᖏᑦ ᑎᒻᒥᐊᑦ

ᓂᕐᓕᓇᕕᓂᐅᑉ ᐅᕐᓱᖓ ᖃᓚᒪᓐᖏᑑᑎᓪᓗᒍ ᑭᓪᓕᓕᕆᒍᑕᐅᓲᖅ, ᐊᒻᒪᓗ ᐊᒥᓐᓂᓴᖅ ᓂᕐᓕᓇᕕᓂᐅᑉ ᐃᓴᕈᖓᑕ ᓴᐅᓂᖓ ᐃᓗᐃᔭᕐᑕᐅᓱᓂ «ᐃᒥᕈᑎᐊᐱᓕᐊᖑᓲᖅ» ᒥᓗᑦᓯᒍᑕᐅᖃᑦᑕᓂᐊᕐᒪᑦ ᐊᔪᐊᑉ ᒪᕿᖓᓂᒃ. ᐁᐸᔪᖅ ᐅᑉᐱᐊᓗᕕᓂᐅᑉ ᐅᕐᓱᖓ ᑭᓪᓕᓕᕆᒍᑕᐅᓲᖅ ᐸᕐᑎᓂᐅᑎᒋᔭᐅᑦᓱᓂᓗ, ᐊᒻᒪᓗ ᐱᑦᓯᐅᓛᕕᓂᐅᑉ ᒪᒥᖓ ᓴᓗᒻᒪᓭᒍᑎᐅᓲᒍᑦᓱᓂ ᐃᔨᐅᑉ ᐃᓗᐊᓂᒃ ᖃᓪᓗᖓᑕ ᐊᑖᓂ.

ᖃᓄᐃᑦᑐᑐᐃᓐᓇᐅᑉ ᑎᒻᒥᐊᕕᓂᐅᑉ ᐃᓴᕈᖏᑦᑕ ᐱᓗᖏᑦ ᐊᑐᕐᑐᒪᕆᐅᒻᒥᔪᑦ. ᐃᓴᕈᖓᑕ ᓄᕗᐊ ᓯᓚᑎᖓᓃᓐᓂᓴᖅ (ᐊᕿᑦᑐᐊᐱᐅᑦᓱᓂ) ᓯᐅᑎᓐᓂᐅᑎᒋᔭᐅᓲᒍᒻᒥᔪᖅ ᑯᑐᕐᑎᓯᒍᑕᐅᑦᓱᓂ ᐅᕐᓱᒥᒃ ᓯᐅᑎᒧᑦ (ᐃᐱᑦᓴᑕᐅᕐᖄᓱᓂ) ᐅᕝᕙᓘᓐᓃᑦ ᖃᐅᔨᓴᕈᑎᐅᒍᓐᓇᓱᓂ ᐅᕐᓲᑉ ᑎᕐᑎᑑᑉ ᐆᓇᕐᓂᖓᓂᒃ; ᐆᑐᐊᕐᐸᑦ, ᑌᒪ ᐅᕐᓱᖅ ᐊᑐᐃᓐᓇᐅᓕᕐᑐᖅ.