• ᖃᓂᒪᓐᓀᑦ
  • ᓇᒡᒍᐊᓕᕆᓂᖅ ᓄᒃᑭᓕᕆᓃᓪᓗ
  • ᖀᕐᓱᓂᖅ
  • ᓂᐊᖁᓐᖑᓂᖅ
  • ᓯᐅᓯᕆᓂᖅ
  • ᐃᒡᒋᐊᓕᕆᓂᖅ
  • ᓴᐅᓂᒃᑯᑦ ᓇᐱᒪᔪᓕᕆᓃᑦ ᐱᓪᓗᐃᓯᒪᓃᓪᓗ
  • ᑭᒍᓯᕆᓃᑦ
  • ᐊᓂᕐᑎᕆᓂᐅᑉ ᐃᓱᐃᓪᓕᖓᓂᖓ (ᐃᐱᓂᐊᕐᓂᖅ)
  • ᕿᖓᒃᑯᑦ ᐊᐅᓈᕐᓃᑦ
  • ᓈᓕᕆᓂᖅ
  • ᐃᒫᑲᓴᓐᓂᖅ
  • ᐃᓪᓗᓂᖅ/ᐃᓪᓗᐃᓂᖅ
  • ᐱᐊᕋᑦᓴᖃᕐᓂᖅ ᐱᐊᕋᕐᑖᓂᕐᓗ
  • ᐅᕕᓂᕐᓗᓃᑦ

• ᐋᓐᓂᐊᓯᐅᕈᑕᐅᕙᑦᑐᕕᓃᑦ ᐃᓗᒥᐅᑕᖏᑦᑕ ᖃᓄᐃᑦᑐᓗᑑᓂᖏᑦ
  • ᐊᐳᑎᒃ
  • ᐅᔭᕃᑦ ᓯᐅᕋᕐᓗ
  • ᐸᐅᕐᙰᑦ
  • ᓇᐹᕐᑐᐃᑦ
  • ᐃᓄᐃᑦ ᑏᖏᑦ
  • ᐃᑎᕈᖅ
  • ᖁᐱᕐᕈᐃᑦ
  • ᐃᖃᓗᒃ
  • ᕿᒻᒥᖅ
  • ᑐᒃᑐᖅ
  • ᐊᕕᓐᖓᕕᓂᐅᑉ ᒪᒥᖓ
  • ᑎᒻᒥᐊᑦ
  • ᓇᑦᓯᕕᓂᐅᑉ ᐅᕐᓱᖓ

ᐋᓐᓂᐊᓯᐅᑎᒋᔭᐅᕙᑦᑐᕕᓃᑦ

ᐃᓄᐃᑦ ᑏᖏᑦ

ᒪᒣᑦᑐᖁᑎᒃ

ᒪᒣᑦᑐᖁᑏᑦ ᓇᕝᕚᑕᐅᒍᓐᓇᑐᑦ ᖃᕐᙯᑦ ᓯᑐᕐᖃᖏᓐᓂ ᐳᑯᑦᑕᐅᒍᓐᓇᓱᑎᓗ ᐊᕐᕌᒍᓕᒫᑉ ᐃᓗᐊᓂ, ᑭᓯᐊᓂ ᐋᕐᖀᒍᓐᓇᓂᖏᑦ ᓲᖑᓂᕐᓴᐅᓲᑦ ᐅᑭᐊᑦᓴᒥ ᐅᑭᐅᒥᓪᓗ. ᐊᑕᐅᓯᖅ ᐃᓄᒃ ᐅᖃᕐᓯᒪᔪᖅ, «ᑐᖁᓲᒍᑦᔭᖏᑦᑐᑦ. ᐆᒪᔪᕐᑎᑐᑦ, ᕿᒻᒥᑎᑐᑦ, ᒥᕐᖁᐃᔭᓲᒍᓐᖏᑐᑦ, ᑭᓯᐊᓂ ᐅᐱᕐᖓᓴᐅᓕᕐᒪᑦ ᒥᕐᖁᖏᑦ ᓄᑖᓐᖑᓲᑦ.» ᐱᕈᕐᑐᖅ ᐊᑯᓂᓂᑕᐅᓂᕐᓴᐅᑐᐊᕈᓂ ᐱᐅᓂᕐᓴᖅ, ᒪᒣᑦᑐᖁᑎᓗ ᑎᐯᕈᓲᒍᑦᔭᕋᓂ ᐅᑭᐅᖑᓕᕋᓗᐊᕐᒪᑦ. ᓯᕿᓂᕙᓯᕐᒦᑐᑦ ᑯᐯᒃ ᑕᕐᕋᖓᓂ, ᒪᕐᕈᐃᒍᓗᐊᓐᖑᐊᐴᒃ ᒪᒣᑦᑐᖁᑎᐅᑦᓱᑎᒃ: ᐁᑉᐸᖓ ᒥᑭᓂᕐᓴᖅ, ᐋᕐᖀᒍᓐᓇᓂᕐᓴᐅᓱᓂ ᒪᒪᕐᓂᓴᐅᑦᓱᓂᓗ ᐱᕈᓲᒍᑦᓱᓂ ᓯᑦᔭᒥ; ᐁᑉᐸᖓᓗ ᐊᖏᓂᕐᓴᖅ, ᒪᒣᓐᓂᓴᐅᑦᓱᓂ ᓄᓇᑐᐃᓐᓇᒥ ᐱᕈᓲᖅ.

ᒪᒣᑦᑐᖁᑏᑦ ᑏᓕᐊᕆᔭᐅᓲᑦ ᐃᒥᕐᑕᐅᓱᑎᓗ ᐅᕝᕙᓘᓐᓃᑦ ᐅᖃᐅᔭᖏᑦ ᑕᒧᐊᔭᐅᑐᐃᓐᓇᓲᑦ ᐊᐅᓈᕈᓐᓀᕈᑕᐅᑦᓱᑎᒃ, ᐊᓂᕐᑎᕆᒋᐊᒥᒃ ᐃᓱᐃᓪᓕᐅᑐᓄᑦ ᐊᑐᕐᑕᐅᓲᑦ, ᓄᒃᑭᓴᐅᑎᐅᓲᑦ, ᐋᓐᓂᐊᓕᒫᑲᓵᓂᓪᓗ ᐋᕐᖀᒍᓐᓇᓱᑎᒃ. ᓲᖑᔪᑲᓪᓚᒥᒃ ᒥᖑᐊᕈᑎᓕᐅᕈᓐᓇᑐᑦ ᑎᕐᑎᑎᑦᓯᓗᑎᒃ ᐅᖃᐅᔭᖏᓐᓂᒃ ᐅᐊᕈᑦᓯᓗᒋᑦ ᒥᑭᔪᒥᒃ ᑲᑭᐊᑦᑑᓗᓂ ᐸᓂᐅᑉᐹᓯᒪᓗᓂᓗ ᓇᑦᓯᐅᑉ ᐅᕐᓱᖓᓂᒃ ᐊᒻᒪᓗ ᐃᒪᑐᐃᓐᓇᒥᒃ. ᑖᓐᓇ ᒥᖑᐊᕈᑎᒃ ᑕᒧᐊᓯᒪᔪᐃᓪᓘᓃᑦ ᐅᖃᐅᔦᑦ ᒥᖑᐊᕆᒍᑕᐅᓲᖅ ᐅᕕᓂᒻᒥᒃ ᑎᒥᐅᓪᓗ ᐋᓐᓂᐊᖏᓐᓂᒃ, ᐆᓇᕐᑐᓂᒃ, ᐃᒡᒋᐊᓕᕆᔪᓂᒃ ᕿᖓᒃᑯᓗ ᐊᐅᓈᕐᑐᓂᒃ. ᐅᖃᕐᑕᐅᓯᒪᔪᖅ ᐃᑲᔪᕐᓯᓂᕐᓴᐅᒐᔭᕆᐊᖓ ᐅᕕᓂᐅᑉ ᖄᖓ ᓴᓗᒻᒪᓴᕐᑕᐅᖄᕐᐸᑦ ᒥᖑᐊᕆᐊᕐᑕᐅᓚᐅᕋᓂ, ᐅᕕᓂᒃ ᐄᓯᑲᐱᓐᓂᓴᐅᒐᔭᕐᒪᑦ.

ᕿᓯᕐᑐᑕᐅᔭᖅ

ᕿᓯᕐᑐᑕᐅᔦᑦ ᓇᕝᕚᑕᐅᒍᓐᓇᑐᑦ ᓇᐹᕐᑐᐃᑦ ᑭᓪᓕᖏᓐᓂ ᓯᕿᓂᕙᓯᖏᓐᓂᓘᓐᓃᑦ. ᑎᕐᑎᑎᑕᐅᑦᓱᓂ ᑏᓕᐊᕆᔭᐅᓲᖅ ᐋᕐᖀᒍᓐᓇᓂᖓ ᐊᑦᔨᒐᓛᒍᑦᓱᓂ ᒪᒣᑦᑐᖁᑎᒥᑦ, ᑭᓯᐊᓂ ᓲᖑᔫᓂᕐᓴᐅᔪᕆᔭᐅᔪᖅ, ᐋᕐᖀᒍᓐᓇᓂᕐᓴᐅᔪᕆᔭᐅᑦᓱᓂᓗ ᐊᒻᒪᓗ ᒪᒪᕐᓂᓴᐅᑦᓱᓂ. ᒥᖑᐊᕈᑎᓕᐊᕆᔭᐅᓲᒍᓐᖏᑐᖅ. ᑏᓕᐊᕕᓂᖅ ᐃᒥᕐᑕᐅᓲᖅ ᓄᕙᑦᑐᓄᑦ, ᐳᕙᓕᕆᔪᓄᑦ, ᐊᐅᖏᕐᓯᓗᐊᕐᑐᓄᑦ, ᓇᑲᑦᓱᓕᕆᔪᓄᑦ ᐊᒻᒪᓗ «ᖃᓂᒪᐅᓯᓕᒫᑲᓵᓄᑦ.»

ᐸᐅᓐᓇᖅ

ᐸᐅᓐᓇᖅ ᐃᓘᓐᓇᓯᐊᖓ ᑎᓕᐊᖑᓲᖅ (ᐊᒫᒋᓐᖏᑐᐃᓐᓇᑕᖏᑦ) ᐃᒥᕐᑕᐅᓲᒍᑦᓱᓂᓗ ᓈᓐᖑᑐᓄᑦ ᐊᓯᖏᓐᓂᓗ ᖃᓂᒪᐅᓯᓕᓐᓄᑦ. ᖃᖓᑐᐃᓐᓇᖅ ᐳᑯᑦᑕᐅᒐᓗᐊᕈᑎᒃ ᐸᐅᓐᓀᑦ ᖃᓄᐃᓐᖏᑐᑦ, ᐊᕐᕌᒍᓕᒫᖃᓕᕐᑐᑦ ᐱᐅᓂᕐᐸᐅᒐᓗᐊᑦ. ᐅᖃᐅᔭᖏᑦ ᑕᒧᐊᔭᐅᓲᒍᒻᒥᔪᑦ ᕿᖓᒃᑯᑦ ᐊᐅᓈᕐᑐᓄᑦ ᐊᐅᓈᕈᓐᓀᕈᑕᐅᑦᓱᑎᒃ.

ᐊᕐᐱᖁᑎᒃ

ᐊᕐᐱᖁᑎᐅᑉ ᐅᖃᐅᔭᖏᑦ ᓇᕝᕚᑕᐅᕙᓪᓗᓲᑦ ᑕᓰᑦ ᐃᒪᕐᐱᐅᓗ ᓯᑦᔭᖏᓐᓂ, ᒪᒪᕐᑐᐊᓘᒍᓐᓇᓱᑎᒃ ᑏᒍᓕᕋᒥᒃ. ᑏᒃ ᐃᒥᕐᑕᐅᓲᖅ ᑕᕐᑐᓕᕆᔪᓄᑦ, ᓈᓐᖑᔪᓄᑦ ᐊᓯᖏᓐᓄᓗ ᖃᓂᒪᐅᓯᕐᓄᑦ. ᐊᕐᕌᒍᓕᒫᖃᓕᕐᑐᑦ ᐅᖃᐅᔦᑦ ᐅᑭᐊᑦᓴᐅᓕᕐᒪᑦ ᐱᔭᐅᒍᒪᓂᕐᓭᑦ.

ᓱᐳᑎᒃ/ᓱᐳᑕᐅᔭᖅ

ᓱᐳᑎᐅᔮᕐᑐᖅ ᐱᕈᕐᑑᑉ «ᓂᐊᖁᖓ», ᐃᑯᐊᓪᓓᒍᑕᐅᕙᓚᐅᕐᑐᖅ, ᐃᓅᓕᕋᑖᑉ ᖃᓚᓯᖓᓅᕐᑕᐅᓲᖅ, ᐃᓛᓐᓂ ᐅᐊᕈᑦᓯᖄᕐᓱᒍ ᒥᑭᔪᒥᒃ ᓯᖃᓪᓕᓯᒪᔪᒥᒃ ᐊᕐᔭᓕᓄᑯᕕᓂᕐᒥᒃ. ᑖᓐᓇᓗᑯᐊᐱᒃ ᐱᕈᕐᑐᒦᑦᑐᖅ ᐳᑯᑦᑕᐅᓲᖅ ᐅᑭᐊᑦᓴᒥ. ᐅᐱᕐᖓᓴᐅᓕᕐᒪᑦ, ᐅᕐᓱᖓ ᓇᑲᖓᓃᑦᑐᖅ ᐲᔭᕐᑕᐅᓲᖅ ᐅᓐᖑᐃᔦᒍᑎᐅᓲᖑᒐᒥ.

ᐊᓯᖏᑦ ᐱᕈᕐᑐᑦ

ᑲᑭᓪᓚᓇᖁᑏᑦ ᐅᕝᕙᓘᓐᓃᑦ ᑲᓪᓚᖁᑏᑦ ᐅᖃᐅᔭᖏᑦ ᑏᓕᐊᕆᔭᐅᓲᑦ ᓈᓐᖑᓂᐅᑎᐅᓚᖓᑎᓪᓗᒋᑦ ᐊᓯᖏᓐᓄᓗ ᖃᓂᒪᐅᓯᕐᓄᑦ.

ᐳᐲᑦ ᖄᖏᑦ (ᓂᐊᖁᖏᑦ) ᐳᑯᑦᑕᐅᓲᑦ ᐅᐱᕐᖔᒥ/ᐊᐅᔭᒥ ᐱᐅᓂᕐᐸᐅᓱᑎᓗ ᐊᑯᓂᓂᑕᐅᑦᓱᑎᒃ ᖁᐱᓯᒪᑦᓱᑎᓗ. ᓂᕆᔭᑦᓴᐅᔭᖏᑦᑐᑦ, ᑭᓯᐊᓂ ᓯᖃᓪᓕᑕᐅᑦᓱᑎᒃ ᑭᓪᓕᓅᕐᑕᐅᓲᑦ, ᖁᐊᕐᓂᓄᑦ ᐃᒻᒪᓯᒪᔪᓄᓪᓗ ᓴᓗᐊᕐᑎᓯᓂᐊᕐᒪᑕ ᐋᕐᖀᓗᑎᓗ. ᖄᑐᐊᖓ (ᓂᐊᖁᑐᐊᖓ) ᐳᐱᐅᑉ ᐊᑐᕐᑕᐅᓲᖅ, ᓇᑲᒋᓐᖏᑕᖓ.

ᒪᓕᒃᓱᐊᒉᑦ ᐊᑎᖃᕐᑎᑕᐅᕗᑦ .ᐅᕿᐅᔭᖁᑎᖏᑦ ᐃᓄᐃᑦ» ᓇᕝᕚᑕᐅᒍᓐᓇᓱᑎᒃ ᓯᑦᔭᓂ ᓂᕆᔭᐅᓲᒍᑦᓱᑎᓗ ᑌᒣᓚᓐᖔᖅ ᐊᓇᑭᑕᕈᓐᓀᒍᑕᐅᒐᓱᐊᕐᓱᑎᒃ/ᐃᑎᑦᑕᕈᓐᓀᒍᑕᐅᒐᓱᐊᕐᓱᑎᒃ.

ᐊᒫᓕᓐᓈᑦ, ᓂᕆᔭᐅᒍᓐᓇᑐᓂᒃ ᐅᖃᐅᔭᖃᕐᓱᑎᒃ ᐊᐅᐯᖓᔪᓂᓪᓗ ᐱᕈᕐᓯᐊᖃᕐᓱᑎᒃ, ᓇᓂᓕᒫᑦᓯᐊᖅ ᐱᕈᓲᑦ. ᐊᒫᖏᑦ ᐲᔭᕐᑕᐅᓲᑦ ᑭᒻᒥᐊᑕᐅᓲᒍᑦᓱᑎᒃ ᑭᒍᑎᐅᑉ ᐋᓐᓂᐊᔫᑉ ᓇᓛᓃᑦᑎᓗᒋᑦ.

ᓄᓇᔦᑦ ᕿᕐᓂᑌᑦ, ᑎᖓᐅᔭᐅᔮᕐᓱᑎᒃ, ᑏᓕᐊᖑᒍᓐᓇᑐᑦ ᐃᒥᕐᑕᐅᓗᑎᓗ ᐳᕙᓪᓗᑐᓄᑦ.