• ᖃᓂᒪᓐᓀᑦ
  • ᓇᒡᒍᐊᓕᕆᓂᖅ ᓄᒃᑭᓕᕆᓃᓪᓗ
  • ᖀᕐᓱᓂᖅ
  • ᓂᐊᖁᓐᖑᓂᖅ
  • ᓯᐅᓯᕆᓂᖅ
  • ᐃᒡᒋᐊᓕᕆᓂᖅ
  • ᓴᐅᓂᒃᑯᑦ ᓇᐱᒪᔪᓕᕆᓃᑦ ᐱᓪᓗᐃᓯᒪᓃᓪᓗ
  • ᑭᒍᓯᕆᓃᑦ
  • ᐊᓂᕐᑎᕆᓂᐅᑉ ᐃᓱᐃᓪᓕᖓᓂᖓ (ᐃᐱᓂᐊᕐᓂᖅ)
  • ᕿᖓᒃᑯᑦ ᐊᐅᓈᕐᓃᑦ
  • ᓈᓕᕆᓂᖅ
  • ᐃᒫᑲᓴᓐᓂᖅ
  • ᐃᓪᓗᓂᖅ/ᐃᓪᓗᐃᓂᖅ
  • ᐱᐊᕋᑦᓴᖃᕐᓂᖅ ᐱᐊᕋᕐᑖᓂᕐᓗ
  • ᐅᕕᓂᕐᓗᓃᑦ

• ᐋᓐᓂᐊᓯᐅᕈᑕᐅᕙᑦᑐᕕᓃᑦ ᐃᓗᒥᐅᑕᖏᑦᑕ ᖃᓄᐃᑦᑐᓗᑑᓂᖏᑦ
  • ᐊᐳᑎᒃ
  • ᐅᔭᕃᑦ ᓯᐅᕋᕐᓗ
  • ᐸᐅᕐᙰᑦ
  • ᓇᐹᕐᑐᐃᑦ
  • ᐃᓄᐃᑦ ᑏᖏᑦ
  • ᐃᑎᕈᖅ
  • ᖁᐱᕐᕈᐃᑦ
  • ᐃᖃᓗᒃ
  • ᕿᒻᒥᖅ
  • ᑐᒃᑐᖅ
  • ᐊᕕᓐᖓᕕᓂᐅᑉ ᒪᒥᖓ
  • ᑎᒻᒥᐊᑦ
  • ᓇᑦᓯᕕᓂᐅᑉ ᐅᕐᓱᖓ

ᐋᓐᓂᐊᓯᐅᑎᒋᔭᐅᕙᑦᑐᕕᓃᑦ

ᐃᓪᓗᓂᖅ/ᐃᓪᓗᐃᓂᖅ

ᐃᓄᐃᑦ ᐃᓪᓗᓗᐊᓐᖑᐊᓲᑦ ᐅᐱᕐᖓᕋᑖᕐᑎᓗᒍ. ᐃᓪᓗᑌᓕᒪᐅᑎᑦᓯᐊᖅ, ᐊᑯᓂ ᐊᓃᕐᑐᕕᓂᐅᔪᖃᕈᓂ, ᐃᔩᒃ ᐅᕝᕙᓗᒋᒃ ᐊᐳᑎᒧᑦ ᓄᑖᒧᑦ ᓄᕙᒻᒧᓘᓐᓃᑦ ᐃᓪᓗᒧᑦ ᐅᕐᖂᔪᒧᑦ ᐃᑎᕆᐊᓚᐊᕋᓂ. ᑌᒣᑐᐊᕈᓂ ᐃᔨᒦᑦᑐᒥᒃ ᑕᕆᐅᕐᒥᒃ ᐲᔦᔪᖅ. ᐃᓪᓗᓯᔪᖃᑐᐊᕈᓂ ᐃᔨᒥᓂᒃ ᐊᑦᑑᐱᔭᑦᑌᓕᑦᓯᐊᕆᐊᓕᒃ ᑯᒥᒍᓐᓀᓗᓂ ᐃᔨᒋᒃ ᓱᒃᑯᓴᕈᐊᕐᒪᑎᒃ ᐋᕐᕿᓂᐊᕈᓐᓀᓗᑎᒃ.

ᐃᓪᓗᒪᕆᑦᑐᖃᑐᐊᕐᒪᑦ ᐃᔭᕈᕙᒋᔮᒃ ᖃᑯᕐᑕᑖᓲᒃ. ᐊᒥᓲᓐᖏᑑᒐᓗᐊᑦ ᐃᓪᓗᓂᐅᑎᒋᔭᐅᒍᓐᓇᑐᐃᑦ: ᐊᑐᕐᓯᒪᔪᑦ ᑏᑐᐃᓐᓀᑦ ᐅᕝᕙᓘᓐᓃᑦ ᐁᐸᔪᖅ ᐊᕿᒡᒋᕕᓂᐅᑉ ᓴᕝᕕᖓ ᐃᔨᐅᑉ ᓯᓈᖓᓅᕐᓗᒍ (ᐊᕿᒡᒋᕕᓂᖅ ᐊᑐᕐᑕᐅᑐᐊᕐᐸᑦ, ᐃᓪᓗᑐᖅ ᐊᕿᒡᒋᕕᓂᕐᑐᖏᑫᓐᓇᕆᐊᓕᒃ); ᐅᕝᕙᓘᓐᓃᑦ ᐊᓈᓇᐅᑉ ᐃᒻᒧᖓ ᐅᕝᕙᓘᓐᓃᑦ ᓇᑦᓯᕕᓂᐅᑉ ᓯᕐᖁᖓᑕ ᐅᕐᓱᖓ ᒥᖑᐊᕈᑎᒋᓗᒍ ᐃᔨᓪᓗᑐᖏᓐᓂᒃ.

ᒥᑭᔪᖅ ᒪᓂᕋᐅᑦᓱᓂ ᐃᐱᑦᓴᐅᑎᒃ ᐅᔭᕋᖅ ᐅᕝᕙᓘᓐᓃᑦ ᒪᓃᑦ ᐊᑐᕐᑕᐅᒍᓐᓇᒥᔪᑦ ᐲᕐᓯᒍᑕᐅᓗᑎᒃ ᖃᑯᕐᑕᒥᒃ ᐃᔭᕈᕙᖏᓐᓃᑐᒥᒃ. ᐊᔪᒉᓐᓂᐹᖅ ᐊᑐᕐᑕᐅᓲᒍᓐᓂᒥᔪᖅ ᓄᔭᕐᒥᒃ ᐊᑐᕐᓗᓂ: ᑯᒪᒃ ᕿᓚᓪᓗᒍ ᓄᔭᕐᒧᑦ, ᑌᒪ ᑯᒪᒃ «ᐱᓱᑦᑎᑕᐅᓂᐊᓕᕐᒪᑦ» ᐃᔭᕈᕙᐅᑉ ᖄᖓᒍᑦ. ᖃᑯᕐᑕᖅ ᓂᐱᓲᖅ ᑯᒪᐅᑉ ᐃᑎᒐᖏᓐᓄᑦ. ᐊᒥᓱᒐᓛᓂᒃ ᑯᒪᓐᓂᒃ ᐊᑐᕆᐊᖃᓲᕕᓃᑦ «ᑯᒣᑦ ᒥᑭᔪᐊᐱᐅᒻᒪᑕ ᑕᖃᒍᐊᕐᑐᒪᕆᐅᑦᓱᑎᓪᓗ». ᑕᒪᓐᓇ ᐊᑐᕐᑕᐅᓲᒍᑦᔭᕈᓐᓀᑐᖅ «ᑯᒪᖃᑦᔭᕈᓐᓀᕋᑦᑕ». ᓄᕕᐅᕓᑦ, ᑌᒣᑦᑐᒐᓓᓪᓗ, ᐃᓴᕈᖏᑦ ᕿᓚᑦᓱᓯᒪᑎᓪᓗᒋᑦ, ᑌᒫᑦᓭᓇᖅ ᐊᑐᕐᑕᐅᕙᓐᓇᒥᔪᑦ.