• ᖁᓕᓪᓗ ᓯᑕᒪᓪᓘᑦ ᓄᓇᓖᑦ ᐊᒻᒪᓗ ᐊᑕᐅᓯᖅ ᓄᓇᓕᒃ
  • ᐅᒥᐅᔭᖅ
  • ᑲᖏᕐᓱᐊᓗᑦᔪᐊᖅ
  • ᑰᑦᔪᐊᖅ
  • ᑕᓯᐅᔭᖅ
  • ᐊᐅᐸᓗᒃ
  • ᑲᖏᕐᓱᒃ
  • ᖁᐊᕐᑕᖅ
  • ᑲᖏᕐᓱᔪᐊᖅ
  • ᓴᓪᓗᐃᑦ
  • ᐃᕗᔨᕕᒃ
  • ᐊᑯᓕᕕᒃ
  • ᐳᕕᕐᓂᑐᖅ
  • ᐃᓄᑦᔪᐊᖅ
  • ᑰᑦᔪᐊᕌᐱᒃ

• ᐊᓐᓂᕆᔭᕗᑦ

• ᓄᓇᕕᒻᒥ ᓇᓃᓐᓂᖓ

• ᓯᓚᕐᕈᐊᕗᑦ ᐅᐱᒋᕙᕗᑦ

• ᐆᒪᒍᑎᒋᓯᒪᔭᕗᑦ ᑕᒪᑦᔭ

• ᐅᖃᐅᓰᑦ

ᓄᓇᒃ

ᓄᓇᕕᒻᒥ ᓇᓃᓐᓂᖓ

ᓄᓇᕐᔪᐊᕌᓗᒃ ᑯᐯᒃ ᑕᕐᕋᖓᓃᑦᑐᖅ ᓄᓇᕕᐅᓂᕋᓕᕐᑕᕗᑦ (ᐃᓅᕕᕗᑦ) ᐊᖏᓂᖃᕐᐳᖅ 560,000 ᓯᒃᑭᑕᐅᑦᓱᑎᒃ ᑭᓗᒦᑌᑦ ᐅᖓᑖᓄᑦ. ᐅᑭᐅᓂ 4,000-ᑲᓵᓂ ᐃᓄᑐᐃᓐᓇᖃᕐᓯᒪᓕᕐᑐᖅ, ᑖᒃᑯᐊᓗ ᐃᓄᐃᑦ ᐅᑭᐅᕐᑕᑐᓕᒫᒦᑦᑐᑦ.

1800-ᐃᑦ ᐃᓱᓕᓕᕐᑎᓗᒋᑦ ᖃᓪᓗᓈᑦ ᐃᓄᐃᑦ ᓄᓇᖓᓐᓅᓂᕕᓂᖓ ᓱᕐᕃᔪᒻᒪᕆᐅᓯᒪᕗᖅ ᐃᓄᐃᑦ ᐃᓅᒍᓯᑐᖃᖓᓂᒃ. ᖃᓪᓗᓈᑦ, ᐊᒥᐊᔨᑲᒥᐅᑦ ᕿᓚᓗᒐᕐᓯᐅᑏᑦ, ᐅᑉᐱᓂᓕᕆᔩᑦ, ᓱᒐᓗᑦᑐᖅ ᖃᓪᓗᓂᐊᕐᕖᑦ ᐃᓄᐃᑦ ᓄᓇᖓᓐᓅᓚᐅᕐᑎᓇᒋᑦ, ᐃᓄᐃᑦ ᐃᓅᕙᑦᑐᕕᓂᐅᕗᑦ ᓄᓪᓚᓚᐅᕐᓯᒪᒐᑎᒃ ᐆᒪᔪᕐᓂᒃ ᒪᓕᑦᑎᐅᓱᑎᒃ.

1950-ᐄᑦ ᐊᕐᕌᒍᖏᓐᓂ ᓄᑖᑦ ᑲᕙᒪᒃᑯᑦ ᐱᒍᑦᔨᓂᖏᑦ - ᓱᒐᓗᑦᑐᖅ ᐃᓕᓐᓂᐊᓂᕐᒧᑦ, ᐋᓐᓂᐊᓯᐅᕐᑕᐅᓂᕐᒧᑦ ᐃᑲᔫᑎᑖᕐᓂᐅᕙᑦᑐᓄᓪᓗ - ᐃᓄᓐᓂᒃ ᐊᖁᐃᒪᕕᒻᒥᓂᒥᐅᑕᕐᓂᒃ ᓄᓇᓕᖕᖑᑎᑦᓯᓚᕿᓯᒪᕗᑦ, ᑌᒣᑦᓱᑎᒃ ᐃᓅᒍᓯᓪᓗᑐᖏᑦ ᓱᕐᕋᑕᐅᒻᒪᕆᑦᑐᕕᓃᑦ.

1960-ᐄᑦ 1970-ᓗ ᐊᕐᕌᒍᖏᓐᓂ ᑯᐯᒃ ᑲᕙᒪᖓ ᑎᒍᓯᕙᓪᓕᐊᓯᓚᐅᕐᓯᒪᕗᖅ ᐋᑐᕚᑉ ᑲᕙᒪᖓᑕ ᐱᒍᑦᔨᐅᑎᒋᕙᑦᑕᕕᓂᖏᓐᓂᒃ ᐃᓄᓐᓂᒃ. ᑌᑰᓇᑦᓭᓇᖅ ᐃᓄᐃᑦ ᓱᕐᖁᐃᓯᒋᐊᑦᓯᐊᓚᕿᓯᔪᕕᓃᑦ ᑭᓇᐅᓂᕐᒥᓂᒃ ᐃᓅᓯᕐᒥᓂᓪᓗ ᐊᐅᓚᑦᓯᔨᐅᒍᒪᓕᕐᓱᑎᒃ, ᑌᒣᑦᓱᑎᒃ ᐊᑎᓕᐅᓕᕐᑐᕕᓃᑦ ᒉᒻᔅ ᐯ ᑯᐯᓪᓗ ᑕᕐᕋᖓᑕ ᐊᖏᖃᑎᒌᒍᑎᖓᓂᒃ 1975-ᖑᑎᓪᓗᒍ. ᑌᓐᓇ ᐊᖏᖃᑎᒌᒍᑕᐅᓚᐅᕐᓯᒪᔪᖅ ᐃᓄᓐᓂᒃ ᐱᔭᑦᓴᑖᕐᑎᓯᔪᕕᓂᒻᒪᕆᒃ ᑮᓇᐅᔭᓕᐅᕋᓱᐊᕐᓂᑯᑦ, ᐃᓅᖃᑎᒌᑎᒍᑦ ᐱᕙᓪᓕᐊᕋᓱᐊᕐᓂᑯᑦ, ᐃᓕᓐᓂᐊᓂᒃᑯᑦ, ᐊᕙᑎᓕᕆᓂᑎᒍᑦ ᐊᒻᒪᓗ ᐊᐅᓚᑦᓯᒍᒪᓕᕐᓱᑎᒃ ᓄᓇᕕᒻᒥᒃ.

ᓄᓇᕕᐅᑉ ᒥᑦᓵᓄᑦ ᓇᓗᓀᕐᓯᔪᖃᑦᓯᐊᓚᐅᕐᓯᒪᖕᖏᓚᖅ ᑖᒧᓯ ᖁᒪᐅᑉ ᐊᓪᓚᐸᑦᑕᕕᓂᖏᑦᑕ ᓴᓂᐊᓂᑦ. ᑖᒧᓯ ᖁᒪᖅ ᐃᓄᒻᒪᕆᐅᓚᐅᔪᕗᖅ ᐃᓅᓯᓕᒫᕐᒥᓂ ᐃᓅᖃᑎᒥᓂᒃ ᑕᓯᐅᕐᑎᓚᕆᖕᖑᐊᒍᖃᑕᐅᑦᓱᓂ ᓲᓱᒋᔭᐅᔪᕐᔪᐊᖑᑦᓱᓂᓗ ᓂᑲᒋᔭᐅᑦᓱᓂ ᓇᐅᓕᒫᓄᑦ.

ᐊᔪᐃᓐᓈᕆᑦᓱᒋᑦ ᐱᔭᕇᕐᑕᕕᓂᖏᑦᑕ ᐃᓚᖏᑦ, ᑖᒧᓯ ᖁᒪᖅ ᑯᐊᐸᓕᐅᒋᐊᖕᖓᖃᑕᐅᔪᕕᓂᐅᕗᖅ ᐳᕕᕐᓂᑐᒥ, ᐊᖏᖕᖏᑐᓂᒃ ᒉᒻᔅ ᐯ ᐊᖏᖃᑎᒌᒍᑎᓕᐊᕕᓂᖓᓂᒃ ᓂᐱᖃᖃᑕᐅᓐᓂᒥᔪᖅ, ᑲᕙᒪᑦᓴᓕᕆᓂᕐᒥᓗ ᐱᓇᓱᐊᖃᑕᐅᕙᑦᓱᓂ ᐃᓕᓐᓂᐊᓂᕐᒧᑦ ᐱᖁᔭᓕᕆᓂᕐᒧᓗ, ᑕᑯᔭᒐᖃᕐᕕᒥᓪᓗ ᓴᕐᕿᑎᑦᓯᓚᕿᔪᕕᓂᐅᑦᓱᓂ ᓄᓇᓕᒻᒥᓂ ᑐᕌᕐᓂᖃᕐᑎᓗᒍ ᐃᓄᐃᑦ ᐱᐅᓯᑐᖃᖓᓄᑦ. ᑖᒧᓯ ᐅᓕᕐᓀᓯᒍᑎᓕᐅᕐᓂᒥᔪᖅ ᐃᓄᑦᑎᑐᑐᐃᓐᓇᓯᐊᖅ. ᐃᓕᑕᕆᔭᐅᓂᕐᑖᓂᕐᒥᓄᑦ ᐃᑲᔪᕐᓯᓂᕕᓂᕐᒥᓄᑦ ᑖᒧᓯ ᖁᒪᖅ ᐃᓕᑕᕆᔭᐅᒍᑎᑖᕐᑎᑕᐅᓯᒪᕗᖅ ᐊᒥᓱᑲᓪᓚᓂᒃ, ᐃᓚᐅᑎᓪᓗᒋᑦ Pᓕᓗᖑᑭ Pᑭᓂᖓᕿ-ᒥᒃ ᐅᓕᕐᓀᓯᓂᕐᒧᑦ ᖃᐅᔨᓴᕐᓂᕕᓂᖓᓄᑦ, Oᑭᖁᕿᑭ ᓕᑯ ᕋᖑᓴᖑᖁᖑ-ᒥᒃ, Oᑭᖁᕿᑭ ᓕᑯ ᒋᒥᖀᑕᕿᖃ-ᒥᒃ ᐊᒻᒪᓗ ᕋᕿᓴᑎᕿᓴᓴᓂᖑᓗ ᓚᕿᖁᖑᓗ-ᒥᒃ ᓵᓚᓐᓃᒍᑎᒥᒃ. ᑖᒧᓯ ᖁᒪᖅ ᐃᓅᒍᓐᓀᓚᐅᕐᓯᒪᕗᖅ 1993-ᖑᑎᓪᓗᒍ ᐊᕐᕌᒍᖃᓕᕐᓱᓂ 79-ᓂᒃ. ᑕᒐᑕᒐᓕ ᑖᒧᓯᐅᑉ ᐅᖃᐅᓯᓪᓗᑐᕕᓂᖏᓐᓂᒃ ᑐᓴᕐᑕᐅᑎᑦᓯᓯᕗᒍᑦ ᑐᑭᓯᔭᐅᑎᑦᓯᓂᕕᓂᖓᓄᑦ ᓄᓇᓪᓗᑐᕐᒥᑕ ᐃᓅᖃᑎᒥᑕᓗ ᒥᑦᓵᓄᑦ.

.ᐅᖄᕕᒋᒍᒪᕙᒋᑦ ᐃᓄᐃᑦ ᐊᑦᓰᕙᓐᓂᕕᓂᖏᓐᓂᒃ ᐅᓪᓗᒥ ᓄᓇᒋᓕᕐᑕᒥᓐᓂᒃ; ᓄᓇᕕᒻᒥ ᓄᓀᑦ ᐊᑎᖏᑦ ᐅᕙᓐᓄᑦ ᐊᒥᓲᓗᐊᕐᑐᑦ ᑌᔪᐃᓐᓇᕆᒐᓱᐊᓚᖓᒍᒃᑭᑦ ᕕ1[.ᓄᓇᕗᑦ ᐊᒥᓱᒐᓴᕐᔪᐊᓂᒃ ᐊᑎᖃᓚᕿᕗᖅ ᓯᕗᓪᓕᕕᓂᕗᑦ ᐊᑐᕐᐸᓂᕋᒥᒋᑦ ᓇᓗᓀᕐᓯᒍᑎᒋᑦᓱᒋᑦ ᐃᓕᑕᕐᓯᒪᐅᑎᒋᑦᓱᒋᓪᓗ ᐅᐸᑉᐸᑕᕕᓂᕐᒥᓂᒃ.»

ᐊᓪᓚᑐᖅ ᑖᒧᓯ ᖁᒪᖅ 1992

ᕕ1[ ᐃᓄᐃᑦ ᓄᓇᓯᒪᔪᑦ ᐅᓄᕐᓂᖏᑦ ᒪᑉᐱᒐᐅᑉ ᐊᓯᐊᓃᑦᑐᑦ 1992-ᒥᓂᑕᐅᕗᑦ. ᑌᒪᖕᖓᓂᑦ ᓄᓇᓕᓕᒫᑦ ᐊᖏᓕᐅᒥᓯᒪᓕᕐᑐᑦ. ᖃᐅᔨᒋᐊᒃᑲᓂᒍᒪᒍᕕᑦ ᐃᓄᐃᑦ ᓄᓇᖏᑦᑕ ᐊᑎᖏᓐᓂᒃ, ᖃᐅᔨᒋᐊᕐᕕᖃᕐᓗᑎᑦ ᓚᒥᓗᓗᕿᑭ-ᐱᓂᓗᓗᕿ-ᐅᑉ ᐊᓪᓚᑕᕕᓂᖏᓐᓂᒃ 1987-ᒥ.