• ᖁᓕᓪᓗ ᓯᑕᒪᓪᓘᑦ ᓄᓇᓖᑦ ᐊᒻᒪᓗ ᐊᑕᐅᓯᖅ ᓄᓇᓕᒃ
  • ᐅᒥᐅᔭᖅ
  • ᑲᖏᕐᓱᐊᓗᑦᔪᐊᖅ
  • ᑰᑦᔪᐊᖅ
  • ᑕᓯᐅᔭᖅ
  • ᐊᐅᐸᓗᒃ
  • ᑲᖏᕐᓱᒃ
  • ᖁᐊᕐᑕᖅ
  • ᑲᖏᕐᓱᔪᐊᖅ
  • ᓴᓪᓗᐃᑦ
  • ᐃᕗᔨᕕᒃ
  • ᐊᑯᓕᕕᒃ
  • ᐳᕕᕐᓂᑐᖅ
  • ᐃᓄᑦᔪᐊᖅ
  • ᑰᑦᔪᐊᕌᐱᒃ

• ᐊᓐᓂᕆᔭᕗᑦ

• ᓄᓇᕕᒻᒥ ᓇᓃᓐᓂᖓ

• ᓯᓚᕐᕈᐊᕗᑦ ᐅᐱᒋᕙᕗᑦ

• ᐆᒪᒍᑎᒋᓯᒪᔭᕗᑦ ᑕᒪᑦᔭ

• ᐅᖃᐅᓰᑦ

ᓄᓇᒃ

ᐊᓐᓂᕆᔭᕗᑦ

ᓄᓇᑦᑕ ᑰᖏᓐᓂᒃ ᐊᓐᓂᕈᓱᒃᐳᒍᑦ, ᐃᒣᒻᒪᑦ ᑰᑦ ᐃᒪᖓᓂᒃ ᐃᒪᖃᕐᐳᒍᑦ ᐃᒥᓲᒍᕗᒍᑦ ᐅᓪᓗᑕᒫᑦ ᐊᒥᓱᕕᑦᓱᑕ. ᑰᑦ ᐃᖃᓗᖏᓐᓂᒃ ᓂᕿᖃᕐᐳᒍᑦ ᑌᒪᖕᖓᓂᐊᓗᒃ ᐱᐅᓯᖃᕐᓱᑕ. ᑰᑦ ᐊᕐᖁᑎᒋᑦᓱᒋᑦ ᖃᔭᒃᑯᑦ ᑌᑦᓱᒪᓂ; ᐊᒻᒪᓗ ᖃᔭᕆᐊᒃᑯᑦ ᐅᓪᓗᒥ ᑌᒪᖕᖓᑦ ᐊᑐᕐᐳᒍᑦ.

ᑰᕗᑦ ᓯᒥᒃᑐᑕᐅᖁᖕᖏᑕᕗᑦ ᖃᓪᓗᓈᑦ ᓯᒥᒃᑐᐃᔨᖏᓐᓄᑦ, ᓱᕐᕋᑕᐅᒻᒪᕆᓚᖓᕗᒍᑦ ᐃᓅᓯᕗᓪᓗ ᓄᓇᕗᓪᓗ. ᓯᕗᓂᒃᓴᕗᓪᓗ ᑭᖑᕚᑦᑕ ᓄᓇᒋᓛᕐᒪᐅᒃ; ᐊᐅᓚᓗᒍᓗ ᑲᕙᒪᒃᑯᓗ ᐊᖏᖃᑎᒌᑉᐸᓗᑎᒃ. ᓄᓇᓕᑐᖃᐅᒐᑦᑕ ᑕᒫᓂ. ᓂᖕᖓᓯᒪᓂᐊᓗᒻᒥᒃ ᐱᑕᖃᖁᔨᖕᖏᓇᑦᑕ ᑭᖑᕚᑦᑎᓂᒃ; ᓭᒪᓂᖃᕈᒪᒐᑦᑕᓕ ᐃᑲᔪᕐᑎᒌᓪᓗᑕ ᓭᒪᖃᑎᒌᓪᓗᑕ. ᓭᒪᓂᕐᒥᒃ ᑕᑕᖁᓪᓗᒍ ᓄᓇ ᑲᓇᑕ.

ᓄᓇᖃᕐᐳᒍᑦ ᑕᕐᕋᒥ, ᓇᐹᕐᑐᖃᖕᖏᑐᒥ; ᐅᑭᐅᑦ ᐊᒥᓱᐊᓗᐃᑦ ᓈᑦᓱᒋᑦ, ᐆᒪᔪᖏᑦ ᓂᕿᒋᔭᕗᑦ. ᓄᓇᕗᑦ ᐊᑯᓂᐅᓂᕐᓴᖅ ᐅᑭᐅᒍᓲᖅ, ᐊᐅᔭᖓ ᓀᑦᑐᖅ. ᐅᐱᓐᓇᕋᓂ ᐱᕈᕐᑐᖃᖕᖏᑐᖅ ᓇᐹᕐᑐᖃᖕᖏᓇᒥ ᐊᐅᔭᖓ ᓀᑦᑑᒐᒥ. ᓄᓇᑦᑕ ᐱᐅᓯᖓ ᖃᐅᔨᒪᕙᕗᑦ. ᐅᑭᐅᒥ, ᐃᑦᔨᓕᓲᕌᓗᒃ; ᑭᓇᒥᓪᓘᓃᑦ ᐊᑦᑕᕈᓱᖕᖏᑐᖅ ᐃᑦᔨᓕᓕᕋᒥ. ᑕᕐᕿᓂ ᐱᖓᓱᓂ ᐃᑦᔨᓕᒻᒪᕆᓲᖅ ᔮᓄᐊᕆ, ᕖᕈᐊᕆ, ᒫᕐᓯ. ᐊᐳᑎᒥᒃ ᐃᒃᓗᖃᓲᖑᕗᒍᑦ ᐅᑭᐅᓕᒫᖅ ᐊᓂᕐᕋᒋᑦᓱᒍ, ᐊᐅᔭᒥ ᑐᐱᕐᒦᓱᑕ ᑐᐱᕗᑦ ᑐᒃᑐᐃᑦ ᐊᒥᖏᑦ ᐊᒻᒪᓗ ᓇᑦᓰᑦ ᕿᓯᖏᑦ. 1960-ᐅᑉ ᐅᑭᐅᖏᓐᓂ ᑭᓯᐊᓂ ᐃᒃᓗᔪᐊᒦᓯᓚᐅᔪᕗᒍᑦ ᐊᑐᕐᑕᐅᓂᖏᑦ ᐊᑭᖃᕆᐊᓕᓐᓂᒃ, ᖃᓪᓗᓈᓄᑦ ᑎᑭᑕᐅᒐᑦᑕ. ᐊᐳᑎᐅᑉ ᐱᐅᓯᖓᓂᒃ ᖃᐅᔨᒪᕗᒍᑦ, ᐅᐱᓐᓇᕋᓂ ᐊᓂᕐᕋᑐᐊᕆᓯᒪᒐᑦᑎᒍ ᐅᑭᐅᒥ. ᓱᓕ ᐅᓪᓗᒥ, ᒪᙯᓕᑐᐊᕋᑦᑕ ᐆᒪᔪᕐᓯᐅᓱᑕ ᐅᑭᐅᒥ ᐊᐳᑎᒥᒃ ᐃᒃᓗᖃᕐᓱᑕ ᓯᓂᓲᒍᕗᒍᑦ ᐱᐅᓯᕆᒐᑦᑎᒍ.

ᓇᑯᕐᓴᒋᐊᓪᓚᐳᒍᑦ ᓯᓚᑦᑎᓂᒃ ᐊᕐᕌᒍᑕᒫᑦ ᐃᒪᖃᓲᖑᒐᑦᑕ ᓄᑖᒥᒃ ᐊᐳᑎᕕᓂᕐᒥᒃ. ᐊᐳᑎᒃ ᓄᖑᓲᒍᒻᒪᑦ ᐊᐅᔭᒥ, ᓯᕿᓂᖅ ᐆᓇᓕᑐᐊᕐᒪᑦ. ᐸᓇᖃᕐᐸᓚᐅᕐᖁᒍᑦ ᕕ1[ ᐃᒃᓗᓕᐅᕈᑎᒋᑦᓱᒋᑦ ᑐᒃᑐᐃᑦ ᓇᒃᔪᖏᓐᓂᒃ ᐊᒻᒪᓗ ᐁᕖᑦ ᑑᒑᖏᓐᓂᒃ, ᐊᓯᒃᓴᖃᖕᖏᒪᑕ ᓴᕕᕋᔭᖃᖕᖏᓇᑦᑕ ᐱᐅᓯᕆᒐᑦᑎᒍ. ᐸᓇᕗᑦ ᐊᐳᑎᒃᑯᑦ ᐃᖏᕐᕋᓕᕈᓂ ᐱᐊᒃᑑᖁᑦᓱᒍ ᐊᑐᓕᕋᑦᑎᒋᑦ ᐅᖃᑦᑎᓄᑦ ᐊᓗᐱᕐᓱᒍ.

ᐅᑭᐅᒥ, ᐃᖏᕐᕋᐅᑎᖃᓲᒍᓚᐅᕐᖁᒍᑦ ᕿᒻᒥᓂᒃ ᐅᖓᓯᑦᑐᒧᑦ ᐆᒪᔪᕐᓯᐅᓕᕋᑦᑕ ᐊᑐᒻᒪᕆᖃᑦᑕᓯᒪᕗᒍᑦ ᕿᒻᒥᑎᓂᒃ ᖃᓄᓕᒫᖅ, ᐃᓚᖓᓂᓗ ᐊᒃᓛᑦ ᐊᓐᓄᕌᕆᑦᓱᒋᑦ. ᐊᐅᔭᒥ ᒪᙯᓕᕋᑦᑕ ᓇᒻᒪᑎᒋᑦᓱᒋᑦ ᓂᕿᒃᓴᑎᓂᒃ ᓱᓇᑐᐃᓐᓇᑎᓐᓂᒃ ᑕᖁᐊᓂᒃ. ᐅᑭᐅᒥ ᕿᒻᒦᑦ ᓀᓲᒍᒻᒪᑕ ᕿᖓᕐᒥᓄᑦ ᐆᒪᔪᓂᒃ ᐅᖓᓯᒃᑑᒐᓗᐊᕐᒪᑕ ᓀᒍᓐᓇᓱᑎᒃ, ᐊᒻᒪᓗ ᐊᐳᑎᐅᑉ ᐊᑖᓃᑦᑐᓂᒃ ᓀᒍᓐᓇᓱᑎᒃ ᓇᑦᓰᑦ ᐊᒃᓗᖏᓐᓂᒃ ᐊᓂᕐᓵᕕᖏᓐᓂᒃ ᓯᑯᒥ ᑕᕆᐅᒥ ᓀᓲᒍᒻᒪᑕ ᐃᑲᔪᕐᑎᒋᓯᒪᔭᕗᑦ ᐊᖏᔪᒥᒃ. ᐊᒻᒪᓗ ᓯᓚᕐᓂᓗᒃᑎᓗᒍ ᕿᒻᒥᕗᑦ ᐅᕙᑦᑎᓂᒃ ᐊᓂᕐᕋᐅᔨᕙᓚᐅᕐᑐᑦ ᖃᐅᔨᒪᔪᐊᓘᒐᒥᒃ. 


ᐊᓪᓚᑐᖅ ᑖᒧᓯ ᖁᒪᖅ 1992

 ᕕ1[ ᓴᕕᒃ ᐊᑐᕐᑕᐅᓲᖅ ᓇᑲᑎᕆᒍᑕᐅᑦᓱᓂ ᐊᐳᑎᒥᒃ ᐃᒃᓗᓕᐅᕈᑎᐅᑦᓱᓂ