• ᖁᓕᓪᓗ ᓯᑕᒪᓪᓘᑦ ᓄᓇᓖᑦ ᐊᒻᒪᓗ ᐊᑕᐅᓯᖅ ᓄᓇᓕᒃ
  • ᐅᒥᐅᔭᖅ
  • ᑲᖏᕐᓱᐊᓗᑦᔪᐊᖅ
  • ᑰᑦᔪᐊᖅ
  • ᑕᓯᐅᔭᖅ
  • ᐊᐅᐸᓗᒃ
  • ᑲᖏᕐᓱᒃ
  • ᖁᐊᕐᑕᖅ
  • ᑲᖏᕐᓱᔪᐊᖅ
  • ᓴᓪᓗᐃᑦ
  • ᐃᕗᔨᕕᒃ
  • ᐊᑯᓕᕕᒃ
  • ᐳᕕᕐᓂᑐᖅ
  • ᐃᓄᑦᔪᐊᖅ
  • ᑰᑦᔪᐊᕌᐱᒃ

• ᐊᓐᓂᕆᔭᕗᑦ

• ᓄᓇᕕᒻᒥ ᓇᓃᓐᓂᖓ

• ᓯᓚᕐᕈᐊᕗᑦ ᐅᐱᒋᕙᕗᑦ

• ᐆᒪᒍᑎᒋᓯᒪᔭᕗᑦ ᑕᒪᑦᔭ

• ᐅᖃᐅᓰᑦ

ᓄᓇᒃ

ᓴᓪᓗᐃᑦ

ᓴᓪᓗᐃᑦ ᐊᑎᖓ ᐊᑦᔨᒌᑦᔭᖏᑦᑐᓂᒃ ᐅᖃᕐᑕᐅᓲᖅ ᐃᓄᑐᖃᐅᒐᓗᐊᓄᑦ. ᓴᓪᓗᐃᑦ ᐊᑎᖓᓂᒃ ᐃᒫᒃ ᑐᓴᕐᓯᒪᕗᖓ. ᓴᓪᓗᐃᑦ ᑌᑦᓱᒪᓂ ᓄᓇᓕᐅᒐᑎᒃ ᓱᓕ ᐅᓂᒃᑳᐸᓐᓂᒪᑕ ᓴᓪᓗᐃᒎᖅ ᐆᒪᔪᓕᐊᓘᒻᒪᑕ ᐆᒪᔪᕐᓯᐅᑐᑦ ᐆᒪᔪᓕᐊᓘᓂᕃᒻᒪᑕ. ᐊᓱᐃᓛᒃ ᐆᒪᔪᕐᓯᐅᕕᐅᓕᕋᒥ ᐱᑕᖃᖕᖏᑐᖅ. ᑌᒪ ᐱᑕᖃᖕᖏᒪᑕ ᓴᓪᓗᑐᓂᒃ ᓱᓕᖕᖏᑐᒥᒃ ᐊᑎᖃᓚᕿᔪᑦ ᓴᓪᓗᐃᑦ.

ᓴᓪᓗᒥᐅᑦ ᓄᓇᓕᖓ ᖃᕐᙯᑦ ᐃᓗᐊᓃᑉᐳᖅ, ᐅᖓᓯᒃᑐᒧᑦ ᑕᑯᓐᓇᓇᖕᖏᑐᖅ. ᓄᓇᓕᖃᕐᕕᖓ ᒥᑭᔫᒐᒥ ᐃᒃᓗᓂᒃ ᑕᑕᑦᑐᖅ. ᑰᕌᐱᓐᓂᒃ ᐃᒪᖓ ᐃᒪᑦᓯᐊᖅ ᒪᒪᕐᑐᖅ. ᓴᓪᓗᒥᐅᑦ ᐃᓄᖏᑦ 600-700 ᐊᑯᓐᓂᖓᓃᑦᑐᑦ.

ᑕᕆᐅᖓ ᐅᓕᑦᑕᑐᖅ, ᑎᓂᓐᓂᒥᐅᑕᓂᒃ ᒪᒪᕐᑐᓂᒃ ᐱᑕᓕᒃ ᐅᕕᓗᕐᓂᒃ ᐊᒻᒨᒪᔪᓂᓪᓗ ᑯᐊᓐᓂᓂᓪᓗ. ᓴᓪᓗᒥᐅᑦ ᐊᖑᑎᖏᑦ ᖃᐅᔨᒪᔪᒻᒪᕆᐅᕗᑦ ᑕᕆᐅᑉ ᐱᐅᓯᖓᓂᒃ. ᐃᖏᕐᕋᓂᕐᑐᒥᒃ ᑎᓂᓐᓂᒥᒃ ᐅᓕᑦᑕᓂᕐᒥᒃ ᑕᕐᕿᖅ ᐃᑉᐱᒋᑦᓱᒍ. ᐆᑦᑑᑎᒋᓗᒍ ᐊᒻᒪᓗᓕᕐᒪᑦ ᑕᕐᖀᓂᒋᐊᕆᑦᑑᒪᓪᓗ ᐃᒪᖓ ᐃᖏᕐᕋᓂᕐᑐᓯᓲᖅ. ᓴᓪᓗᒥᐅᑦ ᒪᙯᑦᑎᖏᑦ ᐊᖑᑏᑦ ᖃᐅᔨᒪᕗᑦ ᓇᖏᐊᕐᓇᑐᓂᒃ: ᐃᖏᕐᕋᓂᐅᑉ ᖃᕐᖃᓂᓪᓗ ᐊᓄᕆᐅᓪᓗ ᓄᓇᐅᓪᓗ. ᐊᒻᒪ ᖃᐅᔨᒪᒻᒥᓱᑎᒃ ᑰᕈᐊᓗᐃᑦ ᐃᓗᐊᒎᕐᓗᑎᒃ ᐅᓗᕆᐊᓱᒃᑐᑦ. ᖃᕐᖄᓗᐃᑦ ᐃᓐᓈᕈᐊᓗᐃᑦ ᐊᐳᑎᓕᐊᓘᒻᒪᑕ ᓂᕕᖓᔪᐊᓗᓐᓂᒃ, ᑌᒃᑯᐊ ᐊᐳᑎᐊᓗᐃᑦ ᓯᑑᓲᕌᓘᒻᒪᑕ ᐊᐳᑎᐊᓗᒃ ᐊᖏᔪᐊᓗᒃ ᓯᑐᒐᔭᕐᒪᑦ ᓵᖓᒎᕐᑎᓗᒋᑦ ᐃᓄᐃᑦ ᓵᖓᒎᓕᕋᒥᒃ ᓂᐱᖃᓪᓗᐊᑌᓕᓲᑦ ᐊᐳᑎᐊᓗᒃ ᓂᐱᒥᒃ ᐊᖏᔪᒥᒃ ᓂᓪᓕᑐᖃᕐᐸᑦ ᖁᑭᕐᕙᓚᒥᒃᓗ ᓯᒃᑭᕙᓪᓚᒥᒃ ᐃᓐᓈᓗᒃ ᐊᑭᐊᓕᕐᐸᑦ ᓂᐱᒥᒃ ᓲᕐᓗ ᖁᐊᕐᓵᕈᓂ ᓯᑑᓯᔪᐊᓘᒐᔭᕐᒪᑦ ᐊᐳᑎᐊᓗᒃ. ᑌᒣᑦᑐᒧᑦ ᓯᑑᕐᑐᐊᓗᒻᒧᑦ ᐃᓄᐃᑦ ᑐᖁᑕᐅᖃᑦᑕᓯᒪᒻᒪᑕ ᓴᐅᔮᓘᑦᓱᑎᒃ ᐊᐳᑎᐊᓗᒻᒧᑦ.

ᓴᓪᓗᒥᐅᓕᒫᑦ ᐃᓄᑐᖃᕐᒥᓂᑦ ᐱᐊᕋᕐᒥᓄᑦ ᐅᖃᐅᓯᑐᖃᕐᒥᓂᒃ ᐊᑐᕐᑐᑦ. ᓴᓪᓗᒥᐅᑦ ᓄᓇᓕᒻᒪᕆᓐᓂᒃ ᐃᓄᖏᑦ ᑕᓪᓕᒣᒋᔭᐅᔪᑦ ᐊᒥᓲᓂᖏᑦ ᓄᓇᕕᒻᒥ.

ᐊᓪᓚᑐᖅ ᑖᒧᓯ ᖁᒪᖅ 1992