ᑕᑯᒥᓇᕐᑐᓕᐅᕐᓂᖅ ᐃᓚᒌᓪᓗ ᖃᓄᐃᓕᖓᓂᖏᑦ
ᓇᑯᕐᒦᒃ ᐅᐸᓗᑦᔭᕋᑎᒃ ᑐᒃᓯᕋᕐᓂᐅᖃᑦᑕᓚᐅᔪᓄᑦ ᐊᒻᒪᓗ ᐃᒻᒥᓂᕐᓱᓱᑎᒃ ᓇᒻᒥᓂᕐᒥᓂᒃ ᑐᓂᕐᕈᓰᔪᕕᓃᑦ, ᓄᐊᑕᐅᓯᒪᔪᑦ ᐅᓄᕐᓯᐅᒥᓯᒪᓕᕐᑐᑦ 1,400-ᒐᓛᖑᓕᕐᓱᑎᒃ ᑐᓂᕐᑌᑦ ᐱᒻᒪᕆᖁᑎᒋᔭᐅᒻᒪᕆᑦᓱᑎᒃ ᓄᓇᕕᒻᒥᐅᓄᑦ.
ᑖᒃᑯᐊ ᐱᒻᒪᕆᕋᑌᑦ ᓄᐊᑕᐅᒪᔪᑦ ᓴᓇᓐᖑᐊᓯᒪᔪᑦ ᐃᓄᒃᓯᐅᑏᓪᓗ 1980-ᐄᑦ ᐊᕐᕌᒍᖏᑦᑕ ᐃᓱᐊᓂᓂᑌᑦ, ᑲᕙᒪᑐᖃᒃᑯᑦ ᐃᓄᓕᕆᔨᑐᖃᖏᑦ ᐅᑎᕐᑎᓯᓐᓂᒪᑕ ᐊᕙᑕᒃᑯᓄᑦ ᐅᓄᕐᑐᑲᓪᓚᓂᒃ ᓴᓇᓐᖑᐊᓯᒪᔪᓂᒃ ᓴᓇᓐᖑᐊᑕᐅᕙᑦᑐᕕᓂᐅᑦᓱᑎᒃ 1950-ᐄᑦ 1980-ᐄᓪᓗ ᐊᑯᓐᓂᖏᓐᓂ, ᐸᑎᑦᑎᓯᒪᔪᑦ ᐊᓯᖏᓪᓗ ᐱᓇᓱᐊᕐᑕᐅᓯᒪᔪᑦ ᓯᑯᑦᓴᔭᒥ 1960-ᐄᑦ 1970-ᐄᓪᓗ ᐊᕐᕌᒍᖏᓐᓂ, ᑕᑯᒥᓇᓗᐊᓐᖏᑐᐃᓪᓗ ᓴᓇᓐᖑᐊᓯᒪᔪᑦ ᓄᐃᑕᑎᑦᓯᓱᑎᒃ ᐃᓄᐃᑦ ᐃᓗᕐᕈᓯᖓᓐᓂᒃ 1960-ᒥᑦ 1975-ᒧᑦ, ᐊᒻᒪᓗ ᐃᓚᖏᑦ ᐊᑦᔨᓕᐊᕆᔭᕕᓃᑦ ᐱᐅᓯᑐᖃᕐᑎᒍᑦ ᐱᐅᑎᕕᓂᕐᓂᑦ.
ᖃᐅᔨᒪᒋᑦ ᑕᕝᕙᓂ ᖃᕆᑕᐅᔭᕐᒥ ᖃᐅᔨᒋᐊᕐᕕᒥ, ᓴᓇᓐᖑᐊᓯᒪᔪᓕᒫᑦ ᓴᕐᕿᑎᑕᐅᒋᐊᓪᓛᐸᑦᑐᑦ ᐊᖏᕐᖄᑎᓪᓗᒋᑦ ᐃᓚᒌᓴᒃᑯᑦ. ᓱᕐᖄᑎᕐᑕᐅᒪᓂᖏᑦ ᐊᓪᓚᓯᒪᔪᑦ ᓯᐊᓐᑎᒦᑕᓄᑦ (ᑭᖏᓐᓂᖓXᓯᓕᓐᓂᖓXᖃᓄᐃᓪᓗᐊᓂᖓ).
