• ᑐᓴᕋᑦᓭᑦ

< ᐅᑎᕈᑎᒃ ᐊᓪᓚᖁᑎᓄᑦ

ᓇᑦᓯᐊᓕᐅᑦ (ᒫᑦᓯ) 2006-ᒥ, ᐊᕙᑕᖅ ᖃᐅᔨᔪᕕᓂᖅ Social Sciences and Humanities Research Council of Canada (SSHRC)-ᑯᑦ (ᐃᓅᖃᑎᒌᑦᑐᓂᒃ ᓱᑯᐃᔦᔨᖏᑦᑕ ᓄᓇᕐᔪᐊᒥᐅᓂᓪᓗ ᖃᐅᔨᓴᕐᑎᖏᑦᑕ ᑲᑎᒪᔨᖁᑎᖏᑦ ᑲᓇᑕᒥ) ᐁᑦᑑᑎᖃᕐᑐᕕᓂᐅᒋᐊᖏᑦ ᑐᓂᕐᑕᓂᐊᕐᑏᑦ ᐱᒍᑦᔨᕕᖓᓐᓂᒃ ᓄᓇᓖᑦ ᐃᓕᓐᓂᐊᕕᕐᔪᐊᒥᐅᓪᓗ ᖃᐅᔨᓴᖃᑎᒌᒍᑎᑦᓴᖏᑦᑕ ᓂᖏᕐᑎᓯᐅᑎᓂᒃ. ᑖᒃᑯᐊ ᓂᖏᕐᑎᓯᐅᑎᕕᓃᑦ ᐅᓄᕐᓂᖃᕐᓱᑎᒃ 1-ᒥᓕᐅᓂᒃ ᐱᓇᓱᐊᕐᑕᐅᔪᓅᓕᖓᓚᖓᔪᑦ ᑕᓕᒪᓄᑦ ᐊᕐᕌᒍᕐᓅᓕᖓᓚᖓᓗᑎᒃ ᖃᐅᔨᓴᕐᓂᓄᑦ. ᑭᓯᐊᓂ, ᐊᕙᑕᖅ ᓂᖏᕐᑎᓯᐅᑎᓂᒃ ᑎᒍᓯᓚᐅᕋᓂ, ᐅᑉᐱᕆᔭᐅᑦᓯᐊᒋᐊᓕᕕᓂᖅ ᐊᐅᓚᑦᓯᒍᓐᓇᓂᕐᒥᓂᒃ ᑭᓇᓕᒫᓄᐊᖓᔪᓂᒃ ᑮᓇᐅᔭᓂᒃ ᖃᐅᔨᓴᕈᑎᑦᓴᓂᒃ. ᑕᒐᑕᒐ ᓱᕐᖁᐃᑕᐅᒪᓕᕐᑐᖅ ᑌᒣᒍᓐᓇᕆᐊᖓ. ᐱᓇᓱᐊᕋᑦᓴᖅ ᐱᒋᐊᕐᑕᐅᒍᒫᕐᓂᐊᑐᖅ ᐊᕐᓇᓕᓐᖑᑎᕕᐅᑉ (ᐅᒃᑑᐱᕆᐅᑉ) ᑕᕐᕿᖓᑕ ᐱᒋᐊᕐᓂᖓᓂ ᓯᕗᓪᓕᐹᒥᒃ ᐸᕐᓇᓂᕐᒧᑦ ᑲᑎᒪᓂᖃᓚᐅᑲᑦᑎᓗᒍ ᐊᕙᑕᕐᒥᒃ ᐃᓕᓐᓂᐊᕕᕐᔪᐊᒥᐅᓂᓪᓗ ᐱᓇᓱᐊᖃᑎᒌᓐᓂᓴᖏᓐᓂᒃ. ᑐᑭᒧᐊᕐᑎᓯᔨᑦᓭᑦ ᑲᑎᒪᔨᐅᒐᔭᕐᑐᑦ ᐱᓐᖑᑎᑕᐅᓛᕐᓂᐊᑐᑦ ᑌᑲᓂ ᓯᕗᓪᓕᐹᕐᓯᐅᑎᒥ ᑲᑎᒪᓂᕐᒥ, ᑭᒡᒐᑐᕐᑎᖃᕈᒫᕐᓂᐊᓱᓂᓗ ᒪᕐᕉᓂᒃ ᐊᕙᑕᕐᒥᐅᓂᒃ, ᐃᓚᒋᔭᐅᑎᓪᓗᒍ ᓄᓇᓕᓐᓂᒃ ᐃᓕᓐᓂᐊᕕᕐᔪᐊᓗ ᖃᐅᔨᓴᕐᑕᐅᓂᖓᓄᑦ ᑐᑭᒧᐊᕐᑎᓯᔨᒥᒃ, ᑖᓂᐊᓪ ᔮᓐᑦᕉᓐ-ᒥᒃ, ᒪᕐᕉᓂᒃ ᐃᓕᓐᓂᐊᕕᕐᔪᐊᒥᒃ ᑭᒡᒐᑐᕐᑑᓂᒃ, ᒪᕐᕈᒋᐊᓪᓛᓂᓪᓗ ᓄᓇᕕᒻᒥ ᓄᓇᓕᒻᒥᐅᓂᒃ. ᖃᒻᒥᐊᐱᒃ ᑐᓴᕋᑦᓴᖃᓛᖏᓐᓈᑐᖅ ᑖᑦᓱᒧᖓ ᐱᓇᓱᐊᕋᑦᓴᒨᓕᖓᔪᓂᒃ.