ᐃᓕᓐᓂᐊᑏᑦ ᐅᓪᓗᕆᐊᑉ ᐃᓕᓐᓂᐊᕕᖓᓂᒥᐅᑦ ᓴᒡᒐᑐᑦ ᐱᐅᓯᐅᕙᑦᑐᕕᓂᕐᓂᒃ
ᑭᓇᒨᒻᒪ¯ᑦ Amélie Langlais (ᐊᒥᓕ ᒫᖕᓓ) ᑐᓂᕐᑕᓂᐊᕐᑎ ᐃᓕᓐᓂᐊᑎᑦᓯᔨᐅᑦᓱᓂᓗ ᐳᕐᑐᓂᕐᓴᒥ ᐃᓕᓐᓂᐊᑐᓂᒃ ᐅᓪᓗᕆᐊᑉ ᐃᓕᓐᓂᐊᕕᖓᓂ ᑲᖏᕐᓱᐊᓗᑦᔪᐊᒥ
ᐃᓄᒻᒪᕇᑦ ᐱᐊᕃᓪᓗ ᐃᓄᑦᔪᐊᒥᐅᑦ ᑕᑯᓂᐊᕐᑐᐃᑦ IbGk-3-ᖑᓂᕋᕐᑕᒧᑦ, ᐊᐅᔭᖅ 2007-ᒥ
ᐱᓇᓱᐊᖃᑎᒌᑦᑐᕕᓃᑦ
2006-2007 ᐃᓕᓐᓂᐊᓇᐅᓂᖏᓐᓂ, ᐅᐃᒍᐃᑎᑐᑦ ᐃᓕᓐᓂᐊᑏᑦ ᐳᕐᑐᓂᕐᓴᒥ ᐅᓪᓗᕆᐊᑉ ᐃᓕᓐᓂᐊᕕᖓᓂᒥᐅᑦ ᑲᖏᕐᓱᐊᓗᑦᔪᐊᒥ ᐊᓐᓇᑐᐃᒐᓱᐊᕐᓱᑎᒃ ᑐᓂᕐᑕᓂᐊᕐᓂᖃᓚᐅᔪᕗᑦ ᓄᓇᓕᒥᑕ ᓴᓂᐊᓂ. ᐱᓇᓱᐊᕐᑕᐅᔫᑉ ᑐᕌᕐᓂᕆᓚᐅᔪᔭᖓ, ᑐᑭᒧᐊᕐᑎᑕᐅᑦᓱᓂ ᑐᓂᕐᑕᓂᐊᕐᑎᒧᑦ ᐃᓕᓐᓂᐊᑎᑦᓯᔨᐅᑦᓱᓂᓗ Amélie Langlais (ᐊᒥᓕ ᒫᖕᓓ-ᒧᑦ), ᐱᓇᓱᐊᖃᑎᖃᕐᓱᓂ ᐊᕙᑕᕐᒥᒃ, ᐊᓐᓇᑐᐃᒐᓱᐊᕈᒪᑦᓱᑎᒃ ᐊᒥᐊᒃᑯᕆᓕᕐᑕᖏᓐᓂᒃ ᐊᓂᕐᕋᐅᓚᐅᕐᑐᕕᓂᐅᑉ ᓯᖁᑦᑎᑕᐅᓯᒪᓕᕐᓱᓂ ᑎᓪᓕᒐᕐᑐᕕᓂᕐᓄᑦ. ᑐᖓᓕᐊ ᑐᕌᕐᓂᕆᓚᐅᔪᔭᖓ ᖃᐅᔨᓴᕈᒪᑦᓱᑎᒃ ᓇᔪᒐᕕᓂᐅᑉ ᑐᓂᕐᑕᖃᑐᐃᓐᓇᕆᐊᖃᕐᓂᖓᓂᒃ, ᑕᕝᕘᓇᑦᓭᓇ ᐃᓕᓐᓂᐊᑎᓂᒃ ᐱᒋᐅᕐᓴᑎᑦᓯᓚᕿᑦᓱᓂ ᖃᐅᔨᒪᓕᕐᑕᖏᓐᓂᒃ ᐃᓕᑦᓯᔭᕕᓂᕐᒥᓂᒃ ᑐᓂᕐᑕᓂᐊᕐᓂᐅᑉ ᐃᓗᐊᓂ.
ᖃᒻᒥᐊᐱᒃ ᑭᓯᐊᓂ, ᖃᐅᔨᓴᕐᑏᑦ ᑲᖏᕐᓱᐊᓗᑦᔪᐊᒥᐅᓪᓗ ᖃᐅᔨᓕᑌᓐᓇᑐᕕᓃᑦ ᓇᔪᒐᕕᓂᖃᕆᐊᖓ, ᑖᓐᓇ ᓇᔪᒐᕕᓂᖅ ᑲᖏᕐᓱᐊᓗᑦᔪᐊᒥᑦ ᐅᖓᓯᓐᓂᓕᒃ ᐃᑭᑦᑑᒐᓗᐊᓄᑦ ᒣᓕᓄᑦ ᓄᓇᓕᐅᑉ ᓂᒡᒋᖓᑕ ᐊᑐᐊᕐᓂᖓᓃᑦᓱᓂ. ᓴᒡᒐᓱᑕ, ᐅᑎᕐᑎᓯᒍᓐᓇᓯᓚᐅᔪᔪᒍᑦ ᐃᓚᖏᓐᓂᒃ ᑐᓂᕐᑕᓂᒃ ᑎᓪᓕᒑᕕᓂᕐᓂᒃ 2006 ᐊᐅᔭᖓᓂ, ᐅᑯᓂᖓᓗᐊᓐᖑᐊᖅ ᐅᑎᕐᑎᓯᑦᓱᑕ, ᑐᑭᖃᕐᓱᑎᒃ ᐅᔭᕃᑦ ᐱᐅᒃᑯᑎᕕᓃᑦ, ᖁᓪᓕᓴᔭᖅ ᐅᒃᑯᓯᒃ ᐊᒻᒪᓗ ᓴᕕᕋᔦᑦ ᓴᓇᓂᕐᓗᑯᕕᓃᑦ, ᐃᓚᐅᑎᓪᓗᒍ ᐊᑕᐅᓯᖅ ᑲᐅᑕᐅᑉ ᐃᓚᕕᓂᖓ. ᑐᓂᕐᑌᑦ ᓄᐊᑕᐅᔪᑦ ᐅᕙᑦᑎᓂᒃ ᐅᑉᐱᑎᑦᓯᓚᐅᔪᔪᑦ ᓇᔪᒐᕕᓂᕐᒦᑐᖅ ᖃᕐᒪᕕᓂᖅ ᐃᓄᖃᓚᐅᕐᑐᕕᓂᐅᒋᐊᖓ ᑕᐅᓴᓐᑎᐅᓈᕐᑎᑐᓂ ᐊᕐᕌᒍᕐᓂ, ᐃᒫᑕᒐ, ᑐᓂᕐᓄᑦ, ᐃᓄᑐᐃᓐᓇᖄᕕᓂᕐᓄᑦ ᑌᑦᓱᒪᓂᐊᓗᒻᒪᕆᓂᑕᕐᓄᓗ. ᐸᐅᕐᑎᓯᒪᔪᑦ ᐆᑦᑐᕋᐅᑏᑦ ᕿᔪᐃᑦ ᐆᒪᔪᕕᓃᓪᓗ ᓴᐅᓂᖏᑦ ᓇᕝᕚᑕᕕᓂᐅᑦᓱᑎᒃ ᐃᓕᓐᓂᐊᑎᓄᑦ ᐅᕙᑦᑎᓂᒃ ᓇᓗᓀᕐᓯᓚᖀᓛᕐᓂᐊᑐᑦ ᖃᖓᓪᓗᑐᑦᓯᐊᖅ ᓇᔪᒐᕕᓂᖅ ᐃᓄᖃᓚᐅᕐᓂᒪ¯ᑦ, ᑖᒃᑯᐊ ᓱᕐᖁᐃᓯᒐᓱᐊᕐᕕᒥ ᖃᐅᔨᓴᕇᕐᑕᐅᓯᒪᓕᕐᐸᑕ.
ᐁᑕ ᐹᕋᓐ ᓴᒡᒐᖃᑕᐅᔪᖅ ᓇᔪᒐᕕᓂᕐᒥᒃ IeDm-6-ᒍᓂᕋᕐᑕᒥᒃ, ᐊᕐᓇᓕᓐᖑᑎᕕᒃ (ᐅᒃᑑᐱᕆ) 2007-ᒥ
ᖃᕐᒪᕕᓂᖅ ᓄᓇᐅᑉ ᐊᑖᒎᕐᑐᒥᒃ ᑲᑕᖃᕐᓱᓂ
