ᖁᓕᓪᓗ ᓯᑕᒪᐅᔪᓐᖏᒐᕐᑐᓘᖑᒍᑕᐅᔪᖅ ᐃᓄᑐᙯᑦ ᑲᑎᒪᓂᒻᒪᕆᖓ
ᑭᓇᒨᒻᒪ¯ᑦ Katarina Soukup
ᖁᓕᓪᓗ ᓯᑕᒪᐅᔪᓐᖏᒐᕐᑐᓘᖑᒍᑕᐅᔪᖅ ᓄᓇᕕᒻᒥᐅᑦ ᐃᓄᑐᙯᑦ ᑲᑎᒪᓂᒻᒪᕆᖓ ᐃᓱᓕᓚᐅᔪᔪᕗᖅ ᓂᕿᑦᓯᑐᓂ ᐊᒥᕃᔭᐅᑦ (ᓯᑎᒻᐱᕆ) 28-ᒥ ᑲᖏᕐᓱᔪᐊᕐᒥ, ᐱᔭᕇᑦᓯᐊᓱᑎᒃ ᐱᔭᑦᓴᒐᓴᕐᔪᐊᓂᒃ ᕿᑦᑌᖓᓇᕐᑑᓱᑎᒃ ᐅᓪᓗᓂ ᓯᑕᒪᑐᕐᑐᓂᒃ ᑐᑭᒧᐊᒍᑎᓃᑦᑐᓂᒃ. ᑕᕝᕙᓂ ᐊᕐᕌᒍᕐᒥ, ᑲᑎᒪᐅᑎᐅᓗᐊᓐᖑᐊᓚᐅᔪᔪᖅ ᐃᓄᒃᑎᑐᑦ ᐅᖃᐅᓯᕐᒥᒃ ᐊᓯᐅᖏᓐᓇᑎᑦᓯᑌᓕᒍᒪᓂᖅ. ᑖᓐᓇ ᐱᒻᒪᕆᖁᑎᒋᔭᖓ ᐅᖄᓪᓗᑐᕆᐊᖃᕐᓱᒍ ᐃᓄᐃᑦ ᓄᓇᕕᒻᒥᐅᑦ. ᐃᓕᒃᑰᑎᕐᑐᓂᒃ ᑲᑎᒪᓂᐊᕈᓯᖃᖃᑦᑲᑎᓪᓗᒋᑦ, ᐃᓄᑐᙯᑦ ᖃᐅᔨᒋᐊᕐᕕᐅᖃᑦᑕᓚᐅᔪᔪᑦ ᐊᒥᓱᓛᑦ ᐅᖄᔭᐅᔪᑦ ᒥᑦᓵᓄᑦ, ᐅᑯᐊ ᐅᖄᔭᐅᑎᓪᓗᒋᑦ; ᐃᓄᐃᑦ ᐊᑎᑐᖃᖏᑦ ᐊᒻᒪᓗ ᐃᓕᒃᑰᑐᑦ ᐅᖄᒍᓯᐅᒋᐊᓖᑦ. ᑭᒡᒐᑐᕐᑏᑦ ᓄᓇᕕᒻᒦᑐᓂ ᐃᓄᐃᑦ ᐱᓇᓱᕝᕕᒪᕆᖁᑎᖏᓐᓂᑦ ᐱᓯᒪᔪᑦ ᑲᖏᕐᓱᔪᐊᕐᒦᓚᐅᔪᔪᑦ ᓵᓐᖓᓯᒋᐊᕐᑐᓱᑎᒃ ᐃᓄᑐᖃᕐᓂᒃ, ᐃᓚᐅᒻᒥᑎᓪᓗᒋᒃ ᑭᒡᒐᑐᕐᑏᑦ ᑲᕙᒪᑐᖃᒃᑯᑦ ᐃᖃᓗᓐᓂᐊᕕᓕᕆᔨᖏᑦᑕ ᐃᒪᕐᐱᓕᕆᔨᖏᑦᑕᓗ ᑐᕐᖃᑕᕐᕕᖓᓐᓂᑦ ᐱᓯᒪᔪᑦ ᐊᒻᒪᓗ ᑯᐯᒃᑯᑦ ᐃᓗᕐᕈᓯᓕᕆᔨᖏᑦᑕ ᑐᓴᐅᒪᖃᑎᒌᓐᓂᓕᒋᔨᖏᑦᑕᓗ ᑐᕐᖃᑕᕐᕕᖓᓐᓂᑦ ᐱᓯᒪᔪᑦ. ᐃᓕᒃᑰᓚᕆᑦᑐᒥᒃ ᓲᓱᑦᓴᓂᑯᒥᓄᑦ, ᐃᓄᑐᖃᓕᕆᔩᑦ ᑐᕐᖃᑕᕐᕕᖓ, Marguerite Blais (ᒫᑯᔭ ᑉᓓ), ᓇᓪᓕᑳᕐᑐᕕᓂᐅᓚᐅᔪᔪᖅ ᓄᓇᕕᒻᒥᐅᑦ ᐃᓄᑐᙯᑦ ᑲᑎᒪᓂᒻᒪᕆᖓᓄᑦ ᐁᓚᐅᕐᑐᕈᒪᑦᓱᓂ ᑯᐯᓕᒫᒥ ᑭᓇᓕᒫᓂᒃ ᖃᐅᔨᒋᐊᕐᕕᖃᖃᑦᑕᓂᕐᒥᓂ ᖃᓄᐃᓕᖓᑦᓱᑎᒃ ᐃᓄᑐᙯᑦ ᐃᓅᓯᖃᓕᕐᒪ¯ᑕ. ᑲᑎᒪᓂᕐᔪᐊᖃᕐᑎᓗᒍ, ᐊᓯᖏᑦ ᐊᑑᑎᔭᐅᓚᐅᔪᒻᒥᔪᑦ: ᓂᕆᒻᒫᑎᑦᓯᓂᖅ, ᑐᓴᕐᓂᔮᕐᑎᓯᓂᖅ ᐊᒻᒪᓗ ᐃᓕᒃᑰᑐᒥᒃ ᐅᐱᒍᓲᓯᕐᑕᐅᑎᓪᓗᒍ ᐃᓕᑕᕆᔭᐅᓂᕐᑖᓱᓂ ᒥᑎᐊᕐᔪᒃ ᓇᑉᐹᓘᓚᐅᔪᔪᖅ, ᑖᓐᓇ ᑲᖏᕐᓱᔪᐊᕐᒥᐅᔭᖅ, ᑕᖃᓱᐃᑦᑑᓱᓂ ᐃᓅᓯᓕᒫᒥᓂ ᐱᓇᓱᐊᖃᑦᑕᓂᕕᓂᖓᓄᑦ ᐊᓯᐅᖏᓐᓇᑎᑦᓯᑌᓕᒐᓱᐊᕐᓱᓂ ᐃᓄᐃᑦ ᐅᖃᐅᓯᖓᓂᒃ ᐃᓗᕐᕈᓯᖓᓂᓗ. ᐱᓇᓱᐊᕈᓯᓕᒫᒥ ᑲᑎᒪᔪᑦ ᑐᓵᔭᐅᖃᑦᑕᓚᐅᔪᔪᑦ ᓄᓇᕕᒻᒥᐅᓕᒫᓄᑦ ᑕᕐᕋᒥᐅᑦ ᓂᐱ¯ᒃᑯᑎᒎᕐᓱᑎᒃ.
ᓂᕈᐊᕐᓂᕕᓃᑦ:
ᐊᖓᔪᕐᖄᖅ: ᓵᓕ ᐋᕐᖓᖅ
ᑲᑎᒪᔩᑦ: ᔨᓂ ᓄᓐᖓᖅ (ᑲᖏᕐᓱᒃ) ᐁᑕ ᓴᕕᐊᑦᔪᒃ (ᓴᓪᓗᐃᑦ) ᐁᓴᑭ ᐹᑦᓚᔮᑦ (ᓴᓪᓗᐃᑦ) ᒥᓂ ᐃᑎᑦᓗᐃ (ᑲᖏᕐᓱᔪᐊᖅ)
ᐃᓚᐅᔪᕕᓃᑦ ᐃᓄᑐᙯᑦ ᑲᑎᒪᓂᒻᒪᕆᖓᓄᑦ
ᐃᓄᑐᖃᖅ ᑭᒡᒐᑐᕐᑎ ᐊᒻᒪᓗ ᐃᓅᓱᑦᑐᖅ ᑭᒡᒐᑐᕐᑎ ᑭᓪᓕᒥᐅᑕᕇᑦᑑᒃ ᓵᒥ
ᐃᓄᑐᖃᖅ ᐋᓚᓯ ᐊᐅᓪᓚᖅ ᑐᓪᓚᐅᒐᖅ ᐳᕕᕐᓂᑐᕐᒥᐅᖅ ᑎᒍᓯᔪᖅ ᖃᓂᓐᖒᑎᒥᒃ
ᒥᓂ ᐃᑎᑦᓗᐃᑦ ᖁᓪᓕᒥᒃ ᐃᑭᑦᓯᔪᖅ ᐱᒋᐊᕐᑎᓯᒍᑎᒋᑦᓱᒍ ᖁᓕᓪᓗ ᓯᑕᒪᐅᔪᓐᖏᒐᕐᑐᓘᖑᒍᑕᐅᔪᒥᒃ ᓄᓇᕕᒻᒥᐅᑦ ᐃᓄᑐᙯᑦ ᑲᑎᒪᓂᒻᒪᕆᖓᓂᒃ
ᑲᖏᕐᓱᔪᐊᑉ ᓄᓇᓕᖓ ᑕᑯᒥᓇᕐᑐᐊᐱᒃ – ᐅᐸᑦᑕᐅᒪᔪᕕᓂᖅ 2007-ᒥ ᓄᓇᕕᒻᒥᐅᑦ ᐃᓄᑐᙯᑦ ᑲᑎᒪᓂᒻᒪᕆᖓᓄᑦ
ᐃᓄᑐᙯᑦ ᑲᑎᒪᓂᒻᒪᕆᖓ 2007-ᒥ
ᐊᕙᑕᐅᑉ ᑐᑭᒧᐊᕐᑎᓯᔨᒻᒪᕆᖓ ᕉᑕ ᑯᑭᐊᐱᒃ ᐁᑦᑐᐃᔪᖅ ᓈᓚᒥᒃ ᐆᐱᒍᓲᑎᒥᒃ, ᓈᓚ ᐅᐃᒋᔭᐅᔪᖅ ᒥᑎᐊᕐᔪᒃ ᓈᑉᐹᓘᓚᐅᔪᔪᒧᑦ, ᐃᓕᑕᕐᓯᒍᑎᒋᑦᓱᒍ ᒥᑎᐊᕐᔪᒥᒃ ᑕᖃᔪᐃᑦᑑᓱᓂ ᐃᓅᓯᓕᒫᒥᓂ ᐊᔪᐃᓐᓇᐅᔨᖃᑦᑕᓚᐅᔪᒻᒪᑦ ᐊᓯᐅᖏᓐᓇᑎᑦᓯᑌᓕᒐᓱᐊᕐᓱᓂ ᐃᓄᐃᑦ ᐅᖃᐅᓯᖓᓂᒃ ᐃᓗᕐᕈᓯᖓᓂᓗ.
Marguerite Blais (ᒫᑯᔭ ᑉᓓ), ᑯᐯᒻᒥ ᐃᓄᑐᖃᕐᓃᒃ ᐱᔭᑦᓴᓖᑦ ᑐᕐᖃᑕᕐᕕᖓᓂᒥᐅᖅ, ᐅᖄᕕᖃᕐᑐᖅ ᐃᓄᑐᖃᕐᓂᒃ ᐃᓱᓕᓯᑎᓪᓗᒍ ᐅᓪᓘᑉ ᓇᑉᐸᓕᒫᖓᓂ ᑭᓇᓕᒫᓂᒃ ᖃᐅᔨᒋᐊᕐᕕᖃᖃᑦᑕᓂᖓ ᐃᓄᑐᙯᑦ ᑲᑎᒪᓂᒻᒪᕆᖃᕐᓂᖏᓐᓂ.
ᐁᓴᑭ ᐹᑦᓚᔮᑦ ᓴᓪᓗᒥᐅᖅ, ᑲᑎᒪᓂᒻᒪᕆᖃᕐᑎᓗᒍ ᓂᕈᐊᕐᑕᐅᒋᐊᓪᓚᑐᖅ ᐊᕙᑕᕐᒧᑦ ᑲᑎᒪᔨᐅᓚᖓᑎᓪᓗᒍ. ᑲᑎᒪᔨᐅᖃᑎᒋᓯᔭᖏᑦ ᔨᓂ ᓄᓐᖓᖅ (ᑲᖏᕐᓱᒥᐅᖅ), ᐁᑕ ᓴᕕᐊᑦᔪᒃ (ᓴᓪᓗᒥᐅᖅ), ᒥᓂ ᐃᑎᑦᓗᐃ (ᑲᖏᕐᓱᔪᐊᕐᒥᐅᖅ). ᓵᓕ ᐋᕐᖓᖅ ᓂᕈᐊᕐᑕᐅᒋᐊᓪᓚᑐᕕᓂᖅ ᐊᖓᔪᕐᖄᒍᓚᙰᓐᓈᑎᓪᓗᒍ ᐊᕙᑕᕐᒧᑦ.
ᐊᕙᑕᐅᑉ ᐊᖓᔪᕐᖄᖓ ᓵᓕ ᐋᕐᖓᖅ ᐅᖄᕕᖃᕐᑐᖅ ᐃᓄᑐᙯᑦ ᑲᑎᒪᓂᒻᒪᕆᖓᓄᑦ ᑭᒡᒐᑐᕐᑎᐅᔪᓂᒃ.
ᐆᒻᒪᑎᒃᑯᑦ ᐃᑉᐱᓂᐊᕐᓇᓂᕐᐹᑦ ᐃᓚᖓ ᑲᑎᒪᓂᒻᒪᕆᒻᒥ ᐊᑑᑎᔪᕕᓂᖅ, ᐃᓄᑐᙯᑦ ᑐᑭᓕᐊᕇᑯᑖᑦᑐᑦ ᐃᕿᒻᒥᓚᖓᒐᒥᒃ ᓴᐳᑏᑦ ᐃᓅᓱᑦᑐᐃᑦ ᑭᒡᒐᑐᕐᑎᖁᑎᖏᓐᓂᒃ: ᓴᐳᑏᑦ ᐊᖓᔪᕐᖄᖓ ᔨᐊᓂᕗ ᐅᐊᑦᑭᓐᔅ ᑰᑦᔪᐊᒥᐅᖅ ᐊᒻᒪᓗ ᐃᓄᑐᖃᕐ ᕓᔫᓚ ᓇᐹᕐᑐᖅ ᐅᒥᐅᔭᕐᒥᐅᖅ.
