• ᑐᓴᕋᑦᓭᑦ

< ᐅᑎᕈᑎᒃ ᐊᓪᓚᖁᑎᓄᑦ

ᕋᖑᓴᖑᖁᓂᖑᓴ (ᒥᓂᓗᖁ ᓕᑯ ᕋᑭᖑᑯᑎᐅ-ᑯᑦ ᑕᑯᑦᓴᐅᑎᑦᓯᓛᕐᓂᐊᖁᑦ ᐊᕙᑎᓂᒃ ᒪᑦᑎᐅᓯ ᐃᔦᑦᑑᑉ ᓴᓇᖕᖑᐊᑕᕕᓂᖏᓐᓂᒃ. ᓴᓇᖕᖑᐊᓲᓕᒫᑲᓵᑦ ᓴᓂᐊᓂᑦ, ᒪᑦᑎᐅᓯ ᓴᐱᒐᓛᒐᓂ ᐆᒻᒪᑎᑦᓯᒋᐊᓪᓚᓲᖅ ᐱᐅᓯᑐᖃᕐᑎᒍᑦ ᓴᓇᖕᖑᐊᓯᒪᔪᓂᒃ ᓴᓇᖕᖑᐊᒍᓯᖓᓗ ᐊᑦᔨᓗᑐᐊᐱᐅᒐᓂ ᓴᓇᖕᖑᐊᓲᑦ ᓴᓂᐊᓂᑦ ᓇᒻᒥᓂᕐᒥᓂᓪᓗ ᐊᑐᕐᑕᐅᓚᐅᕐᓯᒪᖕᖏᑐᓂᒃ ᓴᓇᕐᕈᑎᖃᓲᖑᑦᓱᓂ ᐊᔪᒉᑦᑐᖑᐊᓂᒃ ᐃᓂᕐᓯᓱᓂ. ᓴᓇᖕᖑᐊᓯᒪᔭᖏᑦ ᑕᑯᑦᓴᐅᑎᑦᓯᓲᑦ ᒪᕐᕉᒃ ᓯᓚᕐᔪᐊᒃ ᑲᑎᑎᑎᑦᓱᒋᒃ: ᐅᓪᓗᒥ ᐃᓅᓯᐅᓕᕐᑐᖅ ᐊᑦᑐᐊᓱᓂ ᓴᓇᖕᖑᐊᑑᑉ ᐃᓱᒪᒍᓯᖓᓂᒃ, ᓯᓚᕐᔪᐊᒥᓪᓗ ᐱᐅᓯᑐᖃᕐᑎᒎᕐᑐᒥᒃ, ᓇᓗᓀᕐᓯᓱᓂ ᓴᓇᖕᖑᐊᒍᓯᕕᓂᖏᓐᓂᒃ ᓯᕗᓕᖏᑦᑕ. ᓴᓇᖕᖑᐊᓯᒪᔭᖏᑦ ᐱᑦᓯᐊᓯᒪᔪᕐᔪᐊᑦ, ᐃᔪᕐᓇᒐᓚᑦᓱᑎᒃ ᐊᔪᒉᑦᑐᕋᑕᕐᓂᓘᓐᓃᑦ ᐊᑎᖃᕐᑎᓱᒋᑦ ᓴᓇᖕᖑᐊᐸᑦᑕᖏᑦ ᖁᓪᓕᓴᔭᐅᓲᑦ ᓄᓇᐅᔭᕐᒥᒃ ᑕᐅᑦᑐᖃᕐᓱᑎᒃ ᐃᓚᖃᕐᓱᑎᒃ ᑐᑦᑑᑉ ᓇᕐᔪᖏᓐᓂᒃ ᐅᒥᒻᒣᓘᓐᓃᑦ ᒥᕐᖁᕕᓂᖏᓐᓂᒃ. ᓴᓇᖕᖑᐊᓯᒪᔪᑦ ᑕᑯᓐᓇᑕᐅᓕᑐᐊᕋᒥᒃ ᐃᓱᒪᔮᕐᓇᑐᐹᓗᐃᑦ ᐅᕙᑦᑎᓂᓪᓗ ᐃᓱᒪᕐᓱᓗᑕ ᓯᓐᓇᑑᒪᐅᒐᒍᓐᓇᓯᑎᑦᓯᓱᑎᒃ.

1950-ᒥ ᐃᓅᓕᕐᑐᕕᓂᐅᑦᓱᓂ ᒪᑦᑎᐅᓯ ᐃᔦᑦᑐᖅ ᐃᕗᔨᕕᒻᒥᐅᑕᐅᕗᖅ, ᑖᓐᓇ ᓄᓇᓕᒃ ᑯᐯᓕᒫᒥ ᑕᕐᕋᒦᓐᓂᐹᖅ. ᐊᑖᑕᒥᑕ ᒫᑯᓯᐅᑉ ᑐᒥᖏᓐᓂᒃ ᑐᑦᔭᓯᑦᓱᓂ ᐊᖓᔪᒥᑕᓗ ᓄᑕᕌᓘᑉ - ᑖᒃᑯᐊ ᑕᒪᒋᒃ ᓴᓇᖕᖑᐊᑏᒃ - ᓴᓇᖕᖑᐊᐸᓪᓕᐊᓯᔪᕕᓂᖅ ᖁᓕᓪᓗ ᓯᑕᒪᓪᓘᓂᒃ ᐊᕐᕌᒍᖃᕐᓱᓂ. 1960-ᐄᑦ ᐊᕐᕌᒍᖏᓐᓂ ᓯᕗᓪᓕᐹᑦ ᓴᓇᖕᖑᐊᐸᑦᑕᕕᓂᖏᑦ ᓱᓇᐅᓂᖏᑦ ᓇᓗᓇᖃᑦᑕᓚᐅᔪᖕᖏᑐᑦ ᐊᒻᒪᓗ ᑌᒪᖕᖓᓂᑦ ᓴᓇᖕᖑᐊᓲᖑᓕᕐᑐᖅ ᐊᔪᒉᑦᑐᖑᐊᓂᒃ ᓴᓇᖕᖑᐊᑕᐅᓲᑦ ᐊᑦᔨᒋᒐᓛᖕᖏᑕᖏᓐᓂᒃ. ᓯᓚᕐᔪᐊᒥᐅᓕᒫᓄᑦ ᖃᐅᔨᒪᔭᐅᓕᕐᑐᖅ ᓴᓇᖕᖑᐊᑎ, ᓴᓇᖕᖑᐊᓯᒪᔭᖏᓪᓗ ᑕᑯᑦᓴᐅᑎᑕᐅᕙᑦᓱᑎᒃ ᐊᒥᓱᓂ ᑕᑯᑦᓴᐅᑎᑦᓯᓂᐅᔪᓂ ᑲᓇᑕᒥ, ᐊᒥᐊᔨᑲᓂ, ᐅᐃᒍᐃᑦ ᓄᓇᖓᓐᓂ, ÷ᕿᓗᑐᓂᒥᒪ-ᒥ, ᕆᓴᑐᓗᖑᓴᖁ-ᒥ, ᔮᒪᓃᑦ ᓄᓇᖓᓐᓂ, ᕗᓕᑭᕿᖑ-ᒥ ᔮᐸᓃᓰᓪᓗ ᓄᓇᖓᓐᓂ.

ᒪᑦᑎᐅᓯ ᐃᓚᐅᕕᖃᓲᖅ ᐊᑦᔨᒌᖕᖏᑐᓂ ᐱᓂᐊᕐᓂᐅᔪᓂ, ᐃᓚᐅᑎᓪᓗᒍ ᑕᑯᓂᐊᕐᓯᒪᔪᓄᑦ ᐅᓂᒃᑳᕕᖃᕐᓱᓂ ᐃᓄᐃᑦ ᓴᓇᖕᖑᐊᒐᖏᑦᑕ ᒥᑦᓵᓄᑦ ᐊᖓᔪᕐᖃᐅᕕᖃᕐᓱᓂᓗ ᐃᓄᐃᑦ ᓴᓇᖕᖑᐊᑏᑦ/ᐊᓪᓚᖑᐊᕐᑏᑦ ᑐᖕᖓᕕᖓᓂᒃ 9Iᓴᒥᓂᑎ ᒍᑭᑎ /ᓕᒥᓴᖁᖑᑎᓂᓕᓴ0-ᑯᓂᒃ. ᐁᑦᑐᑕᐅᓯᒪᑦᓱᓂᓗ ᐅᐱᒍᓲᑎᒥᒃ ᕋᖑᓴᖑᖁᖑ ᕋᓕᒥᓴᖃᓂᓗ ᑐᑭᖑᓴᑎ-ᒥᒃ.

ᐃᑲᐅᕐᓂᖏᑦ: 

ᐁᑉᐱᑐᓂᑦ ᓂᕿᑦᓯᑐᓄᑦ: 10:00-ᒥᑦ ᐅᓪᓛᑯᑦ 6:00-ᖑᒧᑦ ᐅᓐᓄᓴᒃᑯᑦ 

ᐊᓪᓕᖏᓱᖓᕐᑐᓂ: 10;00-ᒥᑦ ᐅᓪᓛᑯᑦ 5:00-ᖑᒧᑦ ᐅᓐᓄᓴᒃᑯᑦ

Canadian Guild of Crafts:
1460 Sherbrooke street west, suite B
Montreal, Quebec, Canada
H3G 1K4

Phone: (514) 849-6091
Toll Free: 1-866-477-6091
Fax: (514) 849-7351
E-mail: info@canadianguild.com 

http://www.canadianguild.com/index.php