ᐊᕙᑕᒃᑯᑦ ᐱᓇᓱᐊᓲᖑᕗᑦ ᐃᓄᒃᑎᑐᑦ ᐅᖃᐅᓯᕐᒥᒃ ᓄᓇᕕᒻᒥ ᓲᖑᓯᓕᐅᒥᑎᑦᓯᒐᓱᐊᕐᓱᑎᒃ
ᑭᓇᒨᒻᒪ¯ᑦ Charlie Pinguartuq
ᐊᕙᑕᒃᑯᑦ ᐱᐅᓯᑐᖃᓕᕆᔨᖏᑦ ᐱᓇᓱᐊᖃᑎᖃᕐᐳᑦ ᓄᓇᓕᓕᒫᓂᒃ ᓄᓇᕕᒻᒥᐅᓂᒃ ᐱᔭᑦᓴᓕᐊᕆᔭᐅᓯᒪᔪᒥᒃ ᐃᓄᐃᑦ ᐅᖃᐅᓯᖓᑦ ᐱᓪᓗᒍ ᐅᓪᓗᒥᐅᓕᕐᑐᖅ ᑌᔭᐅᑦᔪᓯᖓ ᐃᓄᑦᑎᑑᕐᓂᐅᑉ ᓴᑑᕐᑕᐅᒐᓱᐊᕐᓂᖓᓂᒃ. ᓴᐳᑎᔭᐅᑦᓱᓂ ᒪᑭᕕᑯᓐᓄᑦ, ᑲᑎᕕᒃ ᓄᓇᓕᓕᒫᑦ ᑲᕙᒪᒃᑯᖏᓐᓄᑦ ᐊᒻᒪᓗ ᐃᑲᔪᕐᑎᖃᖃᑦᑕᓱᑎᒃ ᑲᑎᕕᒃ ᐃᓕᓐᓂᐊᓂᓕᕆᔨᒃᑯᓂᒃ.
ᓄᐊᑕᒥ ᖁᒫᓗᒃ ᑎᒃᑯᐊᓯᔪᖅ (ᖀᑭᖑᓗᖁ ᓚᖃᕗᕿᓴᖓᓂᕿ)
ᓄᓇᓕᓐᓂᒃ ᑐᕌᒐᖃᕐᓱᓂ ᖁᓕᓪᓗ ᑕᓪᓕᒪᓪᓘᓂᒃ ᐃᓚᒋᔭᐅᑎᓪᓗᒍ ᓯᓵᓯᐱ ᐃᓄᖃᕐᒥᒪᑦ ᑌᑲᓂ ᓄᓇᓕᖓᓂ ᐊᒥᓲᑦᔭᖏᑦᑑᒐᓗᐊᑦ ᑌᑲᓂ ᐊᓪᓚᖏᑦ ᐅᓄᕐᓂᓴᐅᒐᓗᐊᕐᑎᓗᒋᑦ. ᒫᓐᓇ ᓄᓇᓕᓐᓅᓯᒪᓕᕐᑐᐃᑦ ᖁᓕᓄᑦ. ᓯᕗᓪᓕᒥ ᑲᑎᓯᖃᑎᖃᕐᖄᓚᐅᔪᒻᒥᔪᑦ ᐃᓄᑦᔪᐊᒥ ᑖᕙᓂ ᑕᓯᐅᔭᕐᔪᐊᑉ ᓄᓇᓕᖏᓐᓂ ᑲᑎᓯᕕᖃᕐᓱᑎᒃ ᐊᒻᒪᓗ ᐅᖓᕙᒻᒥᐅᓂ ᑲᑎᑎᑦᓯᖄᓚᐅᔪᒻᒥᔪᑦ ᖁᐊᕐᑕᒥ ᐱᓂᐊᕐᓂᐅᖃᑦᑕᓂᐊᕐᑐᓂᒃ ᓄᓇᓕᓐᓅᐸᑕ ᐊᕙᑕᒃᑯᑦ ᐱᓇᓱᑦᑎᖏᑦ ᖃᓄᐃᓘᓚᖓᒻᒪᖔᑕ ᐊᒻᒪᓗ ᐊᐱᕐᓲᑏᑦ ᖃᓄᐃᓘᕐᓗᒋᑦ ᐊᑑᑎᖃᑦᑕᓂᐊᕐᒪᖔᑕ.
ᐊᐱᕐᓲᑏᑦ ᐱᖓᓱᓗᐊᖕᖑᐊᑦ ᐊᑐᕐᓱᒋᑦ ᐅᑯᐊ:
ᐊ) ᐃᓄᑦᑎᑑᕐᓂᖅ ᖃᓄᐃᑦᑐᒦᓕᕐᖃ? ᐸ) ᓱᓇᓄᑦ ᓴᖕᖐᓕᑎᑕᐅᕙᓪᓕᐊᕙ? ᑕ) ᓱᓇᓂᒃ ᓲᖑᓂᙯᓐᓈᖃ?
ᑖᒃᑯᐊ ᑐᕌᓗᐊᖃᑦᑕᑐᑦ ᓄᓇᓖᑦ ᐊᐅᓚᑦᓯᔨᖏᓐᓄᑦ, ᐃᓄᒻᒪᕆᓐᓄᑦ, ᐅᕕᒃᑲᓄᑦ ᐊᒻᒪᓗ ᐃᓕᓐᓂᐊᑎᓄᑦ ᐳᕐᑐᓂᕐᓴᓂ ᐱᒋᐊᕐᓱᒍ ᐱᖓᓱᓂᑦ ᑕᑉᐸᐅᖓᓕᒫᖅ. ᓯᕗᓪᓕᒥ ᐱᐅᓯᖃᖃᑦᑕᑐᖅ ᒪᕐᕈᐃᓗᐊᖕᖑᐊᓂᒃ ᐊᕕᑦᑐᑎᑦᓱᑎᒃ ᓄᓇᓕᓐᓂᒥᐅᓂᒃ ᐊᒻᒪᓗ ᐃᓕᓐᓂᐊᑎᓂᒃ, ᑲᑎᒪᓂᐊᕈᓯᖃᕐᑎᓯᖃᑦᑕᑐᑦ ᑕᒣᓐᓂ ᑲᑎᔭᖏᓪᓗ ᐊᕙᑎᓃᕙᓪᓗᖃᑦᑕᑐᑦ ᐃᓚᖓᓂ ᐅᖓᑖᓄᑦ.
ᔦᐱᑎ ᓄᓐᖓᒃ, ᐊᕙᑕᒃᑯᓂ ᐃᓄᑦᑎᑐᑦ ᐅᖃᐅᓯᓕᕆᓂᕐᒥ ᑐᑭᒧᐊᑦᑎᓯᔨ (ᓵᓕ ᐱᖕᖑᐊᑐᖅ)
ᐊᕙᑕᒃᑯᑦ ᐱᓇᓱᐊᕐᑎᓗᒋᑦ ᕝᕝᐃᓄᑦᑎᑑᕐᓂᐅᑉ ᓴᑐᕐᑕᐅᒐᓱᐊᕐᓂᖓᓂᒃ ᓄᓇᕕᒻᒥ ᐳᕕᕐᓂᑐᒥ, ᓴᐅᒥᐊᓂᑦ: ᐊᓛᓱᐊᖅ ᐊᒥᑦᑐᖅ, ᑌᕕᑎ ᓂᕕᐊᕐᓯ ᐊᒻᒪᓗ ᔦᐱᑎ ᓄᓐᖓᖅ (ᓵᓕ ᐱᖕᖑᐊᑐᖅ)
ᐱᓇᓱᐊᕐᑕᕕᓃᓪᓗ ᐱᐅᔪᐊᓘᖃᑦᑕᑐᑦ ᐃᓄᐃᑦ ᑭᐅᒍᑎᖏᑦ ᐊᑦᔨᒌᑲᓵᑦᓯᐊᖃᑦᑕᒪᑕ ᐃᒻᒥᓂᕿᑎᑦᓯᐊᓱᒋᑦ. ᑌᒪᓕ ᐃᓱᒫᓗᒋᔭᖏᑦ ᐅᖃᐅᓰᕐᓯᕙᓪᓕᐊᒪᖔᑕ ᖃᓄᐃᑦᑐᑰᕐᓱᑎᒃ ᐅᕙᓗ ᓱᓇᓄᑦ ᐊᓯᐅᖕᖒᔭᕐᒪᖔᑦ ᐃᓕᑕᕐᓇᓯᔫᒥᓚᕿᑦᓱᓂ ᐅᖃᐅᓯᐊᐱᖓᑦ ᐃᓄᐃᑦ ᐊᑐᕐᑕᐅᒍᓯᖓᓗ ᐃᓱᒫᓗᓐᓇᓯᖃᑦᑕᑐᖅ ᐳᐃᒍᕐᐸᓕᐊᓂᑯᖏᓐᓄᑦ ᑭᓯᐊᓂ ᓱᓕ ᓲᖑᓯᒍᑎᑦᓴᓂᒃ ᐊᕙᑕᒃᑯᑦ ᓄᐊᑦᓯᒪᑕ ᐅᐱᒍᓱᒻᒪᕆᑉᐳᒍᑦ ᓄᓇᓕᓐᓂᒃ ᐃᑲᔪᕐᑎᒋᖃᑦᑕᕋᑦᑎᒋᑦ ᓇᑯᕐᒦᒪᕆᑦᓱᒋᓪᓗ ᑐᖕᖓᓱᑦᑎᓯᖃᑦᑕᒪᑕ.
ᓄᓇᓕᓕᒫᓂ ᑲᑎᒪᔨᖃᕐᒥᒪᑕ ᐃᓕᕐᖁᓯᓕᕆᔨᓂᒃ ᐊᒻᒪᓗ ᐃᓄᒻᒪᕇᑦ ᐃᑲᔪᕐᑐᑐᒻᒪᕆᐅᖃᑦᑕᑐᑦ ᓯᕗᓂᑦᓴᖅ ᐃᓄᑦᑎᑐᑦ ᐅᐱᒪᒍᑕᐅᒋᐊᖃᕐᓂᖓᓂᒃ ᐅᖃᐅᓯᖅ ᓱᓇᓕᒫᓂᒃ ᐃᖏᕐᕋᑎᑦᓯᒪᑦ ᖃᐅᒪᓂᐅᑦᓱᓂᓗ ᓄᓇᒥᒃ.
ᐃᓄᑦᑎᑐᑦ ᐅᖄᓂᐊᕈᕕᑦ ᐅᖃᕇᑦᓯᐊᖃᑦᑕᓂᐊᕐᖁᑎᑦ ᐊᓯᖏᓐᓂᓗ ᐅᖃᐅᓯᕐᓂᒃ ᑌᒫᑦᓭᓇᖅ ᐅᐊᕈᑦᓯᑐᐃᒋᐊᑐᖕᖏᑐᒍᑦ ᐅᖃᐅᓯᖅ ᐱᔭᕇᑦᓯᐊᑐᐊᕋᒥ ᑐᑭᖃᑦᓯᐊᖃᑦᑕᓲᖑᒻᒪᑦ!
ᐅᖃᐅᓰᕐᓯᖃᑕᐅᒍᒪᖕᖏᓚᒍᑦ ᐃᓅᒍᑎᒋᒐᑦᑎᒍ ᖃᐅᔨᒪᐅᑎᒋᑦᓱᒍ ᐃᓅᑦᓯᐊᕆᐊᖃᕐᓂᒥᓪᓗ ᐱᐅᔪᒻᒪᕆᓐᓂᒃ ᐆᒪᑦᓯᐊᕈᑎᒋᒐᑦᑎᒍ.
