• ᑐᓴᕋᑦᓭᑦ

< ᐅᑎᕈᑎᒃ ᐊᓪᓚᖁᑎᓄᑦ

ᖃᐅᔨᓴᕐᓂᖃᕐᑎᓗᒍ ᐊᑯᑭᑦᑐᒥᐅᑦ (ᑲᓛᑦᓖᑦ) ᖁᓪᓕᓴᔭᖁᑎᖏᓐᓂᒃ, ᐆᑦᑐᕋᕐᑐᖃᓚᐅᔪᖅ ᐃᓂᕐᓯᒋᐊᓪᓚᑐᖃᕐᑎᓗᒍ ᐱᐅᓯᑐᖃᕐᑎᒍᑦ ᐃᓄᕐᖄᕕᓃᑦ ᖁᓪᓕᓴᔦᓐᓇᓂᒃ ᖁᓪᓕᓕᐅᕈᓯᕕᓂᖏᑦᑕ ᐊᑦᔨᖓᓂᒃ. ᑌᑰᓇ ᖃᐅᔨᓴᕐᓂᖃᓚᐅᔪᖅ ᑐᓂᕐᑕᓂᐊᕐᑏᑦ ᐆᑦᑐᕋᕐᕕᖓᓐᓂ Lejre Center-ᖑᓂᕋᕐᑕᒥ, ᑐᓂᕐᑕᓂᐊᕐᑏᒃ Martin Appelt (ᒫᕐᑎᓐ ᐊᐱᐊᓪᑦ) ᐊᒻᒪᓗ Mikkel Sørensen (ᒥᑭᐊᓪ ᓱᕆᐊᓐᓴᓐ) ᑎᐊᓐᒫᒃ ᑕᑯᔭᕐᑐᕕᖓᓂᒥᐅᒃ ᖃᐅᔨᓴᕐᑎᓗᒋᒃ. ᑖᒃᑯᐊ ᐱᓇᓱᐊᕐᑕᕕᓂᒋᒃ ᓀᑦᑑᑎᓪᓗᒍ ᑕᑯᓐᓇᕋᑦᓴᓕᐊᖑᓯᒪᔪᖅ ᐊᑎᖃᕐᓱᓂ Fremstilling af grølandsk fedtenslampe-u4.

ᐅᐱᕐᖔᒍᓚᐅᕐᑐᒥ, ᑖᓐᓇ ᑕᑯᓐᓇᕋᑦᓴᓕᐊᕕᓂᖅ ᑕᑯᑦᓴᐅᑎᑕᐅᔪᕕᓂᖅ ᐃᓄᑦᔪᐊᒥᐅᓄᑦ ᐃᓕᓐᓂᐊᑎᓄᑦ ᑐᓂᕐᑕᓂᐊᕐᓂᒥᒃ ᐃᓕᓐᓂᐊᓂᖏᓐᓂᒃ. ᑭᓇᓕᒫᑦᓯᐊᑦ ᑕᑕᒥᓪᓗᑐᑦᓯᐊᓚᐅᔪᑦ ᑕᑯᓐᓇᓕᕋᒥᒃ Mikkel ᖁᓪᓕᓴᔭᓕᕆᑎᓪᓗᒍ ᐃᑯᒪᐅᑎᒨᕐᑐᒥᒃ ᓴᓇᕐᕈᑎᖃᒐᓛᒐᓂ ᓴᕕᕋᔭᕐᓂᓘᓐᓃᑦ ᓴᓇᕐᕈᑎᖃᒐᓛᒐᓂ. ᐊᓪᓛᑦ, ᓴᓇᕐᕈᑏᑦ ᐊᑐᕐᑕᐅᓚᐅᔪᑦ ᑕᑯᓐᓇᕋᑦᓴᓕᐅᕐᓂᖃᕐᑎᓗᒍ ᐃᓂᕐᑕᐅᒋᐊᓪᓚᑐᕕᓃᑦ ᐃᓄᕐᖄᕕᓃᑦ ᓴᓇᕐᕈᑎᒋᑕᖏᓐᓂ. ᑖᒃᑯᐊ ᐃᓚᖃᓚᐅᔪᑦ ᓴᒻᒥᔪᒥᒃ, ᑭᓕᐅᑕᕐᒥᒃ, ᑐᑭᖓᔪᒥᒃ, ᒪᓂᕋᐅᓴᐅᑎᒥᒃ ᐅᓘᑎᐅᓲᒥᒃ ᓯᐅᕋᕐᒥᒃ ᕿᑐᒪᕐᓵᓴᔭᕕᓂᕐᒧᑦ.

ᐊᕙᑕᖅ ᐱᐅᓯᑐᖃᓕᕆᕕᒃᑯᑦ ᐱᓇᓱᐊᖃᑎᖃᓲᑦ ᑎᐊᓐᒫᒃᒥ ᑕᑯᔭᕐᑐᑯᕕᖓᓂᒃ ᐊᑦᔨᒌᓐᖏᑐᓂᒃ ᐱᓇᓱᐊᖃᑎᒋᑦᓱᒋᑦ, ᐃᓚᐅᑎᓪᓗᒋᑦ ᖃᒻᒥᐅᓚᐅᔪᖅ ᓄᓇᕐᔪᐊᓕᒫᒥ ᐅᑭᐅᕐᑕᑐᒥᐅᑦ ᐊᕐᕌᒍᖁᑎᒋᓚᐅᔪᔭᖓᓂᒃ (2007-2008)-ᒥ. ᐆᑦᑐᕋᕐᑕᕕᓃᑦ ᖃᐅᔨᓴᐅᑎᐅᑦᓱᑎᒃ ᑕᕙᓂ ᑕᑯᓐᓇᕋᑦᓴᓕᐊᕕᓂᕐᒥ ᓱᕐᖁᐃᑐᒥᒃ ᑲᖐᓱᐊᑎᑦᓯᓚᖓᔪᑦ ᖁᓪᓕᓴᔭᓕᕆᓂᕐᓂᒃ ᐅᕙᓘᓐᓃᑦ ᐱᓇᓱᐊᕈᒪᒐᔭᓐᖑᐊᑐᓂᒃ ᐱᐅᒃᑯᑎᑦᓴᔦᑦ ᖃᓪᓗᓈᑦ ᑕᕆᐅᑉ ᐊᑭᐊᓂᒥᐅᔦᑦ ᐃᓄᐃᑦ ᓄᓇᖓᓐᓅᓚᐅᕐᑎᓇᒋᑦ.

ᑐᑭᓯᒋᐊᒃᑲᓂᕈᒪᒍᕕᑦ, ᖃᕆᑕᐅᔭᑎᒍᑦ ᖃᐅᔨᒐᓱᐊᕈᓐᓇᑐᑎᑦ ᐅᑯᓂᖓ:
www.lejre-center.dk 

www.natmus.dk