• ᑐᓴᕋᑦᓭᑦ

< ᐅᑎᕈᑎᒃ ᐊᓪᓚᖁᑎᓄᑦ

ᐃᓕᒃᑰᓚᕆᑦᑑᑎᓪᓗᒍ ᐊᖏᖃᑎᒌᑎᖓᑦ ᕋᒍLᒋ-ᑯᑦ, ᑲᑎᕕᒃ ᓄᓇᓕᓕᒫᑦ ᑲᕙᒪᖓᑦ ᐊᕙᑕᖅ ᐱᐅᓯᑐᖃᓕᕆᕕᒃᑯᓗ ᐃᑲᔪᕐᓯᓂᐊᕐᓗᑎᒃ ᓄᓇᕕᒻᒥᐅᓂᒃ ᐊᓪᓚᖑᐊᕐᑎᓂᒃ, ᓴᓇᓐᖑᐊᑎᓂᒃ, ᐃᓐᖏᖑᐊᕐᑎᓂᒃ ᐊᑐᐊᒐᓕᐅᕐᑎᓂᓪᓗ

Christine St-Pierre (ᒃᕆᔅᑏᓐ ᓭᓐᑦ-ᐱᔦᕐ) ᐃᓗᕐᕈᓯᓕᕆᔩᑦ, ᑐᓴᐅᒪᖃᑎᒌᓐᓂᓕᕆᔩᑦ ᐊᕐᓇᓄᐊᖓᔪᓕᕆᔩᓪᓗ ᑐᕐᖃᑕᕐᕕᖓᑦ (ᒥᓂᔅᑕᖓᑦ) ᐅᓪᓗᒥ ᑐᓴᕐᑎᓯᓚᐅᑲᑦᑐᖅ ᐊᑎᓕᐅᕐᓂᖃᓛᕐᓂᐊᒪᑦ ᐱᖓᓱᓂᒃ ᐊᕐᕌᒍᕐᑐᑐᒥᒃ ᐊᖏᖃᑎᒌᒍᑎᒥᒃ $260,000 ᐱᐅᓯᐅᒦᒋᐊᕈᑕᐅᒍᒫᕐᓂᐊᑎᓗᒋᑦ ᓄᓇᕕᒻᒥ ᐊᓪᓚᖑᐊᕐᑏᑦ, ᓴᓇᓐᖑᐊᑏᑦ, ᐃᓐᖏᖑᐊᕐᑏᑦ ᐊᑐᐊᒐᓕᐅᕐᑏᓗ ᐊᑑᑎᓲᑐᖃᖏᓐᓂᒃ. ᑖᓐᓇ ᓴᐳᑦᔨᓯᒪᓂᖅ ᐱᕕᖃᕐᑎᑕᐅᒍᓐᓇᓯᔪᖅ ᐃᓕᒌᓐᓂᑯᖏᓐᓄᑦ ᕋᒍLᒋ-ᑯᑦ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓪᓗ, ᑖᒃᑯᐊ ᓂᖏᕐᑎᓯᓚᖓᔫᒃ $150,000-ᓂᒃ $110,000-ᓂᓗ ᑌᒣᓕᖓᓗᑎᒃ. ᐊᕙᑕᖅ ᐱᐅᓯᑐᖃᓕᕆᕕᒃ, ᐃᓕᒃᑰᓚᕆᑦᓱᓂ ᑭᒡᒐᑐᕐᑎᐅᓱᓂ ᐊᓪᓚᖑᐊᕐᑎᓅᓕᖓᔪᓂᒃ, ᓴᓇᓐᖑᐊᑎᓅᓕᖓᔪᓂᒃ, ᐃᓐᖏᖑᐊᕐᑎᓅᓕᖓᔪᓂᒃ ᐊᑐᐊᒐᓕᐅᕐᑎᓅᓕᖓᔪᓂᓪᓗ, ᑮᓇᐅᔭᓂᒃ ᐊᐅᓚᑦᓯᔨᐅᓚᖓᔪᖅ.

ᑕᒪᓐᓇ ᑐᓴᕐᑎᓯᐅᑎᐅᓚᐅᕐᑐᖅ ᒧᓐᑐᔨᐊᑉ ᑕᑯᔭᕐᑐᕕᒻᒪᕆᖓᓂ, ᐁᓯᒪᒻᒥᑎᓪᓗᒋᑦ Yvan Gauthier (ᐃᕚᓐ ᑰᑦᓯᔦ) ᑖᓐᓇ ᑐᑭᒧᐊᕐᑎᓯᔨᒋᔭᐅᔪᖅ ᐳᕐᑐᓂᕐᓴᓂᓪᓗ ᑐᕐᖃᑕᕐᕕᒪᕆᐅᑦᓱᓂ ᕋᒍLᒋ-ᑯᓐᓂ, ᔮᓂ ᐅᕙᐅᑦ, ᑲᑎᕕᒃ ᓄᓇᓕᓕᒫᑦ ᑲᕙᒪᖓᓐᓂ ᐳᕐᑐᓂᕐᓴᓂ ᑲᑎᒪᔨ, ᐊᒻᒪᓗ ᓵᓕ ᐋᕐᖓᖅ, ᐊᕙᑕᖅ ᐱᐅᓯᑐᖃᓕᕆᕕᒃᑯᑦ ᐊᖓᔪᕐᖄᖓᑦ.

.ᑯᐯᒃ ᑲᕙᒪᖓ ᐃᓕᑕᕐᓯᓂᖃᕐᐳᖅ ᐊᔪᐃᓐᓇᓂᕕᓂᖏᓐᓂᒃ ᐃᓚᐅᖃᑦᑕᓚᐅᕐᑐᓕᒫᑦ ᐃᑲᔪᓚᐅᕐᒪᑕ ᑖᓐᓇ ᓄᑖᖅ ᐊᖏᖃᑎᒌᒍᑎᒃ ᐊᑑᑎᓯᒻᒪᕆᑎᓪᓗᒍ,» Christine St-Pierre ᐅᖃᓚᐅᕐᑐᖅ. ᑖᓐᓇ ᐊᖏᖃᑎᒌᒍᑎᒃ ᓲᖑᓰᒍᑕᐅᓚᖓᔪᖅ ᑯᐯᒃ ᑕᕐᕋᖓᓂᒥᐅᑦ ᐃᓗᕐᕈᓯᖓᓐᓂᒃ, ᓴᐳᑦᔨᓯᒪᓂᒃᑯᑦ ᓯᕿᓂᕐᒥᐅᑦ ᑕᕐᕋᒥᐅᓪᓗ ᐊᓪᓚᖑᐊᕐᑏᑦ, ᓴᓇᓐᖑᐊᑏᑦ, ᐃᓐᖏᖑᐊᕐᑏᑦ, ᐊᑐᐊᒐᓕᐅᕐᑏᓗ ᑕᐅᕐᓯᐅᑎᖃᑦᑕᓂᖏᓐᓂᒃ ᐊᒻᒪᓗ ᐱᐅᔪᑦᓴᔮᓗᓐᓂᒃ ᐃᓂᕐᓯᖃᑦᑕᓂᖏᓐᓂᒃ ᑯᐯᒻᒥᐅᓕᒫᑦ ᖁᕕᐊᒋᒍᓐᓇᕋᔭᕐᑕᖏᓐᓂᒃ.»

.ᑖᓐᓇ ᐊᖏᖃᑎᒌᒍᑎᒃ ᑕᑯᑎᑦᓯᔪᖅ ᑯᐯᒃ ᑲᕙᒪᖓ ᐱᔪᑦᓴᐅᔮᕐᑐᒪᕆᐅᒻᒪᑦ ᓂᖏᕐᑎᓯᓂᕐᒥᒃ ᐃᓘᓐᓇᓯᐊᖓᓂ ᐱᕙᓪᓕᐊᓂᕐᒥᒃ ᑯᐯᒃ ᑕᕐᕋᖓᓂᒃ ᑕᑯᑎᑦᓯᒥᑦᓱᓂᓗ ᐅᑉᐱᕆᔭᖃᕋᒥ ᓄᓇᕕᒻᒥᐅᑦ ᐊᓪᓚᖑᐊᕈᓐᓇᑐᓪᓚᕆᐅᓂᖏᓐᓂᒃ, ᓴᓇᓐᖑᐊᕈᓐᓇᑐᓪᓚᕆᐅᓂᖏᓐᓂᒃ, ᐃᓐᖏᖑᐊᕈᓐᓇᑐᓪᓚᕆᐅᓂᖏᓐᓂᒃ ᐊᑐᐊᒐᓕᐅᕈᓐᓇᑐᓪᓚᕆᐅᓂᖏᓐᓂᓗ ᐃᓗᕐᕈᓯᕐᒥᑕ ᐃᓗᐊᒍᑦ.» Pierre Corbeil (ᐱᔦᕐ ᑯᕐᐲ) ᐅᖃᓚᐅᕐᑐᖅ ᐃᒫᒃ: .ᐅᐱᒪᔪᒻᒪᕆᐅᕗᖓ ᑲᕙᒪᒃᑯᑦ ᓴᐳᑦᔨᓯᒪᓂᖓᓂᒃ, ᑕᒪᓐᓇ ᐱᐅᓯᐅᒦᓚᖓᒻᒪᑦ ᐃᓅᖃᑎᒌᑦᑐᑦ ᐃᓅᒐᓱᐊᕈᓐᓇᓂᖓᓂ ᐃᓄᐃᑦ ᐊᓪᓚᖑᐊᕐᑏᑦ, ᓴᓇᓐᖑᐊᑏᑦ, ᐃᓐᖏᖑᐊᕐᑏᑦ ᐊᑐᐊᒐᓕᐅᕐᑏᓗ ᐊᑑᑎᓲᖏᓐᓂᒃ ᐊᒻᒪᓗ ᓄᓇᓕᓕᒫᑦᓯᐊᖏᑦ ᐱᒍᓐᓇᖃᑦᑕᓛᓕᕐᒪᑕ ᐱᓇᓱᐊᕐᓯᒪᓕᕐᑕᖏᓐᓂᒃ ᑐᓴᕐᓂᑐᓕᐅᕐᓂᑯᑦ ᑕᑯᒥᓇᕐᑐᓕᐅᕐᓂᑯᓪᓗ ᐊᓯᐊᖓᒍᓪᓗ.

ᑖᒃᑯᐊ ᐊᑕᐅᑦᓯᑰᕐᑎᑕᐅᑦᓱᑎᒃ ᑮᓇᐅᔭᕐᑖᕕᐅᔪᕕᓃᑦ ᐱᒻᒪᕆᐅᕗᑦ ᓄᓇᕕᒻᒥᐅᑦ ᐊᓪᓚᖑᐊᕐᑎᖁᑎᖏᓐᓄᑦ, ᓴᓇᓐᖑᐊᑎᖁᑎᖏᓐᓄᑦ, ᐃᓐᖏᖑᐊᕐᑎᖁᑎᖏᓐᓄᑦ ᐊᑐᐊᒐᓕᐅᕐᑎᖁᑎᖏᓐᓄᓗ. ᐊᖏᓖᓕᐅᒥᓚᖓᔪᑦ ᓄᓇᕕᒻᒥᐅᑦ ᐊᓪᓚᖑᐊᕐᓂᕆᓲᖏᓐᓂᒃ, ᓴᓇᓐᖑᐊᓂᕆᓲᖏᓐᓂᒃ, ᐃᓐᖏᖑᐊᕐᓂᕆᓲᖏᓐᓂᒃ ᐊᑐᐊᒐᓕᐅᕐᓂᕆᓲᖏᓐᓂᓗ, ᓴᐳᑦᔭᐅᒪᓂᕐᓴᐅᓕᕐᓗᑎᓗ ᐊᓪᓚᖑᐊᕐᑏᑦ, ᓴᓇᓐᖑᐊᑏᑦ, ᐃᓐᖏᖑᐊᕐᑏᑦ, ᐊᑐᐊᒐᓕᐅᕐᑏᓗ, ᐊᒻᒪᓗ ᑕᑯᔭᐅᑎᑦᓯᒍᓐᓇᓱᑎᒃ ᐱᕈᕐᓯᒪᑦᓯᐊᑐᐊᓘᓕᕐᑐᒥᒃ ᐃᓄᐃᑦ ᐃᓗᕐᕈᓯᖓ ᑕᑯᔭᐅᑎᑕᐅᑎᓪᓗᒍ,» ᐅᖃᓚᐅᕐᑐᖅ ᒥᔅᑕ ᐅᕙᐅᑦ ᑐᓴᕋᑦᓴᓂᐊᕐᑕᐅᓂᕐᒥᓂ.

.ᐊᕙᑕᖅ ᐱᐅᓯᑐᖃᓕᕆᕕᒃ ᐅᐱᒪᔪᒻᒪᕆᐅᕗᖅ ᑖᑦᓱᒥᖓ ᐊᖏᖃᑎᒌᒍᑕᐅᓚᐅᕐᑐᒥᒃ, ᐱᔭᐅᒍᓐᓇᓯᑦᓯᐊᓚᐅᕐᒪᑦ ᐱᓇᓱᖃᑎᒌᑦᓯᐊᓂᖃᕐᑎᓗᒋᑦ ᑖᒃᑯᐊ ᑕᓪᓕᒪᑦ ᐊᑎᓕᐅᕐᑐᕕᓃᑦ ᐊᖏᖃᑎᒌᒍᑎᒥ. ᓄᓇᕕᒻᒥᐅᓂᒃ ᑮᓇᐅᔭᖃᕐᑎᓯᓂᖅ ᐊᓪᓚᖑᐊᕐᑎᓂᒃ, ᓴᓇᓐᖑᐊᑎᓂᒃ, ᐃᓐᖏᖑᐊᕐᑎᓂᒃ ᐊᑐᐊᒐᓕᐅᕐᑎᓂᓪᓗ ᓴᐳᑦᔨᓯᒪᓚᖓᔪᖅ ᐃᓱᒪᑕᐅᑦᓱᑎᒃ ᐊᓪᓚᖑᐊᕐᑎᓂᒃ, ᓴᓇᓐᖑᐊᑎᓂᒃ, ᐃᓐᖏᖑᐊᕐᑎᓂᒃ, ᐊᑐᐊᒐᓕᐅᕐᑎᓂᓪᓗ ᓄᓇᕕᒻᒦᑐᓂᒃ ᐱᓇᓱᒐᖃᕐᖃᔭᑦᓯᐊᖏᑦᑐᓂᒃ ᐃᑲᔪᕐᓯᒪᓚᕿᓗᑎᒃ ᐱᕙᓪᓕᐊᔭᐅᑎᓪᓗᒍ ᐱᓇᓱᐊᕐᐸᑕᖏᑦ, ᓄᓇᕕᒻᒥ ᓄᓇᓕᓐᓂᒃ ᐊᒻᒪᓗ ᐊᓪᓚᖑᐊᕐᑎᓂᒃ, ᓴᓇᓐᖑᐊᑎᓂᒃ, ᐃᓐᖏᖑᐊᕐᑎᓂᒃ, ᐊᑐᐊᒐᓕᐅᕐᑎᓂᓪᓗ ᑲᓱᓕᐅᒥᓚᕿᑎᓪᓗᒋᑦ, ᐊᒻᒪᓗ ᐱᕕᑦᓴᖃᕐᑎᓯᑦᓱᓂᓘᕋᒥ ᐊᔪᒉᑦᑐᖑᐊᓂᒃ ᐊᓪᓚᖑᐊᕐᑎᓂᒃ, ᓴᓇᓐᖑᐊᑎᓂᒃ, ᐃᓐᖏᖑᐊᕐᑎᓂᒃ, ᐊᑐᐊᒐᓕᐅᕐᑎᓂᓪᓗ ᐊᖏᓖᓕᐅᒥᓚᕿᑎᓪᓗᒋᑦ ᐱᓇᓱᐊᕈᒪᓲᒥᓂᒃ ᒧᓐᑐᔨᐊᒦᑫᓐᓇᓂᕐᒥᓂ,» ᓵᓕ ᐋᕐᖓᖅ ᐅᖃᓚᐅᕐᑐᖅ.

ᐊᑖᒎᕐᓱᓂ Entente spécifique pour amélioration des conditions de pratique des artistes et des écrivains de la région du Nord-du-Québec, ᑲᑎᕕᒃᑯᑦ ᐃᓗᐊᓂ ᐅᕙᓐᖓᑦ (2008- 2009) ᐅᕗᖓ 2010-2011, $180,000 ᐊᒡᒍᑐᕐᑕᐅᒍᒫᕐᓂᐊᑐᑦ ᐃᓗᓕᖓ I-ᒦᑦᑐᓄᑦ ᓄᓇᕕᒻᒥᐅᑦ ᑮᓇᐅᔭᖃᕐᑎᑕᐅᑎᓪᓗᒋᑦ ᐊᓪᓚᖑᐊᕐᓂᓄᑦ, ᓴᓇᓐᖑᐊᓂᕐᓄᑦ, ᐃᓐᖏᖑᐊᕐᓂᓄᑦ ᐊᑐᐊᒐᓕᐅᕐᓂᓄᓪᓗ ᐃᑲᔪᕐᓯᒍᑕᐅᓗᑎᒃ ᐱᔪᓐᓇᑐᓪᓚᕆᐅᑦᓱᑎᒃ ᐃᓄᑐᐃᓐᓇᐅᓱᑎᒃ ᐊᓪᓚᖑᐊᕐᑎᓂᒃ, ᓴᓇᓐᖑᐊᑎᓂᒃ, ᐃᓐᖏᖑᐊᕐᑎᓂᒃ, ᐊᑐᐊᒐᓕᐅᕐᑎᓂᓪᓗ ᑲᔪᓯᒋᐊᖁᑦᓱᒋᑦ ᐱᓇᓱᐊᕈᒪᔭᕐᒥᓂᒃ, ᑮᓇᐅᔭᖃᕐᑎᓯᓂᐅᖃᑦᑕᓛᕐᑐᓄᑦ ᐃᓕᓐᓂᐊᑎᑦᓯᓂᐅᖃᑦᑕᓛᕐᑐᓄᓪᓗ ᑭᖑᕚᕆᓛᕐᑕᑎᓐᓂᒃ. ᑖᓐᓇ ᓴᐳᑦᔨᓯᒪᓂᖅ ᑌᒣᓐᓂᑯᒥᓄᑦ ᐅᓄᕐᓰᓕᐅᒥᓚᕿᒐᔭᕐᑐᖅ ᑮᓇᐅᔦᑦ ᐃᑎᕐᓂᕆᓲᖏᓐᓂᒃ ᓄᓇᕕᒻᒥᐅᑦ ᐊᓪᓚᖑᐊᓲᒍᓂᖏᓐᓄᑦ, ᓴᓇᓐᖑᐊᓲᒍᓂᖏᓐᓄᑦ, ᐃᓐᖏᖑᐊᓲᒍᓂᖏᓐᓄᑦ ᐊᑐᐊᒐᓕᐅᓲᒍᓂᖏᓐᓄᓗ ᐊᒻᒪᓗ ᑫᓪᓗᑐᐃᑦᓱᓂ ᐱᕙᓪᓕᐊᔭᐅᓂᖓᓂᒃ ᐃᓕᑕᕆᔭᐅᓂᖓᓂᓪᓗ ᐊᓪᓚᖑᐊᕈᓐᓇᓂᖏᓐᓄᑦ, ᓴᓇᓐᖑᐊᕈᓐᓇᓂᖏᓐᓄᑦ, ᐃᓐᖏᖑᐊᕈᓐᓇᓂᖏᓐᓄᑦ ᐊᑐᐊᒐᓕᐅᕈᓐᓇᓂᖏᓐᓄᓗ. $50,000 ᐊᒡᒍᑐᕐᑕᐅᔪᑦ ᐃᓗᓕᖓ II-ᒦᑦᑐᓄᑦ ᐃᓄᐃᑦ ᐊᓪᓚᖑᐊᕐᑏᑦ, ᓴᓇᓐᖑᐊᑏᑦ, ᐃᓐᖏᖑᐊᕐᑏᑦ ᐊᑐᐊᒐᓕᐅᕐᑏᓗ ᒪᕐᕉᓂ ᑕᕐᖀᓂ ᒧᓐᑐᔨᐊᒦᑫᓐᓇᕋᔭᕐᑎᓗᒋᑦ ᖃᐅᔨᓴᕆᐊᕐᑐᓯᒪᓗᑎᒃ ᐊᒻᒪᓗ ᐃᓂᕐᓯᒋᐊᕐᑐᓯᒪᓗᑎᒃ ᒍᒪᔭᕐᒥᓂᒃ ᒧᓐᑐᔨᐊᒦᓐᓂᒥᓂ, ᐊᒻᒪᓗ ᐊᓪᓚᖑᐊᕐᑏᑦ, ᓴᓇᓐᖑᐊᑏᑦ, ᐃᓐᖏᖑᐊᕐᑏᑦ, ᐊᑐᐊᒐᓕᐅᕐᑏᓗ ᑯᐯᒻᒥᐅᖑᒻᒥᔪᑦ ᑌᒣᓘᖁᒻᒥᓱᒋᑦ ᐃᓄᑦᔪᐊᒥ. ᑭᖑᓪᓕᐹᖅ, $30,000 ᑐᕌᖓᑎᑕᐅᔪᑦ ᐊᕙᑕᒃᑯᓄᑦ ᖁᕙᑎᑦᓯᒋᐊᕈᑕᐅᒐᔭᕐᓗᑎᒃ ᐊᒡᒍᑐᐃᒍᑕᐅᒐᔭᕐᓗᑎᓗ ᐱᓇᓱᐊᕐᓂᐅᒋᐊᖃᓕᕐᑐᓂᒃ, ᐃᓕᓐᓂᐊᑎᑦᓯᒍᑕᐅᓗᑎᒃ ᐊᓪᓚᖑᐊᕐᑎᓂᒃ, ᓴᓇᓐᖑᐊᑎᓂᒃ, ᐃᓐᖏᖑᐊᕐᑎᓂᒃ, ᐊᑐᐊᒐᓕᐅᕐᑎᓂᓪᓗ, ᐊᒻᒪᓗ ᐊᐅᓚᑦᓯᒍᑕᐅᓗᑎᒃ ᓄᓇᕕᒻᒥᐅᓂᒃ ᑮᓇᐅᔭᖃᕐᑎᓯᓂᕐᓂᒃ ᐊᓪᓚᖑᐊᕐᑎᓂᒃ, ᓴᓇᓐᖑᐊᑎᓂᒃ, ᐃᓐᖏᖑᐊᕐᑎᓂᒃ, ᐊᑐᐊᒐᓕᐅᕐᑎᓂᓪᓗ.

ᑕᒪᑦᓱᒧᖓ ᐃᓕᒌᑦᑐᑦ ᓄᓇᕕᒻᒥᐅᓂᒃ ᐊᓪᓚᖑᐊᕐᑎᓂᒃ, ᓴᓇᓐᖑᐊᑎᓂᒃ, ᐃᓐᖏᖑᐊᕐᑎᓂᒃ ᐊᑐᐊᒐᓕᐅᕐᑎᓂᓪᓗ ᐃᓕᒐᓱᐊᖁᔨᕗᑦ ᓇᓪᓕᑐᐃᓐᓇᖓᓄᑦ ᐃᓗᓕᐅᔪᒧᑦ ᓇᑦᓯᐊᓕᐅᑦ (ᒫᑦᓯ) 16, 2009-ᖑᓚᐅᕐᑎᓇᒍ. ᐊᓪᓚᖑᐊᕐᑏᑦ, ᓴᓇᓐᖑᐊᑏᑦ, ᐃᓐᖏᖑᐊᕐᑏᑦ ᐊᑐᐊᒐᓕᐅᕐᑏᓗ ᑲᑕᕇᓇᒥᒃ ᐅᖄᓚᕕᖃᕈᓐᓇᑐᑦ ᖃᐅᔨᒋᐊᒃᑲᓂᕈᒪᒍᑎᒃ ᐃᓕᒐᓱᐊᕈᑎᑖᕈᒪᒍᑎᓗ:

Martine Dufour, Avataq Cultural Institute,
 1-800-361-5029 ext 243
email: mdufour@avataq.qc.ca

ᓄᓇᕕᒻᒥᐅᓂᒃ ᑮᓇᐅᔭᖃᕐᑎᓯᓂᖅ ᐊᓪᓚᖑᐊᕐᑎᓂᒃ, ᓴᓇᓐᖑᐊᑎᓂᒃ, ᐃᓐᖏᖑᐊᕐᑎᓂᒃ ᐊᑐᐊᒐᓕᐅᕐᑎᓂᓪᓗ