• ᑐᓴᕋᑦᓭᑦ

< ᐅᑎᕈᑎᒃ ᐊᓪᓚᖁᑎᓄᑦ

ᓄᑖᖅ ᐃᓱᓕᕝᕕᒃ

ᐊᕙᑕᖅ ᐱᐅᓯᑐᖃᓕᕆᕕᒃ ᑎᒥᐅᔫᕗᖅ ᖄᖏᕐᓂᑯᓕᐅᕐᑎᓴᔭᐅᒐᓂ, ᓴᕐᕿᑎᑕᕕᓂᐅᑦᓱᓂ 1980-ᒥ ᐊᔪᐃᓐᓇᐅᔨᓚᖓᑎᓪᓗᒍ ᓴᐳᒻᒥᓯᒪᓗᓂ ᖁᕝᕙᑎᑦᓯᒋᐊᕐᓗᓂᓗ ᐃᓄᐃᑦ ᓄᓇᕕᒻᒥᐅᑦ (ᑯᐯᑉ ᑕᕐᕋᖓᓂᒥᐅᑦ) ᐅᖃᐅᓯᖓᓐᓂᒃ ᐃᓗᕐᕈᓯᖓᓐᓂᓗ. ᐊᕙᑕᖅ ᐊᓪᓚᕕᒻᒪᕆᖁᑎᓕᒃ ᐃᓄᑦᔪᐊᖅ, ᓄᓇᕕᒻᒦᑐᒥᒃ, ᐊᐅᓚᑦᓯᕕᖃᕐᓱᓂᓗ ᐊᓪᓚᕕᐅᒻᒥᔪᒥᒃ ᐅᐃᐊᔅᑦᒪᐅᓐᑦ-ᒦᑦᑐᒥᒃ, ᒧᓐᑐᔨᐊᓪ ᑯᐯᒻᒥ.

ᐊᕙᑕᖅ ᒫᓐᓇᐅᔪᖅ ᕿᓂᕐᐳᖅ ᐱᔪᓐᓇᑐᓪᓚᕆᐅᑦᓱᓂ ᑲᑦᓱᙰᑦᑑᓱᓂᓗ ᐱᓇᓱᐊᕈᒪᒐᔭᕐᑐᒥᒃ ᐃᒣᓘᕐᑎᐅᓗᓂ: ᐊᐅᒫᒡᒌᕕᒻᒥ ᐱᓇᓱᐊᕋᑦᓴᓂᒃ ᑲᔪᓯᒃᑫᔨᐅᓗᓂ - ᓄᓇᕕᒻᒥᐅᑦ ᑕᑯᒥᓇᕐᑐᓕᐅᕐᑏᑦ/ᑐᓴᕐᓂᑐᓕᐅᕐᑏᑦ ᑐᕐᖃᑕᕐᕕᖓᓐᓂ..

ᐊᖓᔪᕐᖄᖃᕐᓗᓂ ᐊᐅᒫᒡᒌᕕᐅᑉ ᑐᑭᒧᐊᕐᑎᓯᔨᖓᓂᒃ - ᓄᓇᕕᒻᒥᐅᑦ ᑕᑯᒥᓇᕐᑐᓕᐅᕐᑏᑦ/ᑐᓴᕐᓂᑐᓕᐅᕐᑏᑦ ᑐᕐᖃᑕᕐᕕᖓᓐᓂᒥᐅᒥᒃ, ᐱᓇᓱᐊᕋᑦᓴᓂᒃ ᑲᔪᓯᒃᑫᔨ ᑐᕐᖃᑕᕐᕕᐅᑉ ᐱᓇᓱᐊᕋᑦᓴᕆᓕᕐᑕᖏᓐᓂᒃ ᑲᔪᓯᑎᑦᓯᒋᐊᖃᓲᖅ, ᑐᓴᐅᒪᑎᑦᓯᒋᐊᖃᕐᓱᓂ ᓄᓇᕕᒻᒥᐅᓂᒃ ᑕᑯᒥᓇᕐᑐᓕᐅᕐᑎᓂᒃ/ᑐᓴᕐᓂᑐᓕᐅᕐᑎᓂᒃ, ᐊᐅᓚᑦᓯᓲᒍᑦᓱᓂᓗ ᐱᓇᓱᐊᕋᑦᓴᓄᑦ ᓂᖏᕐᑎᓯᐅᑎᐅᓲᓂᒃ ᖃᐅᔨᔭᐅᓕᐅᒥᑎᑦᓯᒋᐊᖃᓲᒍᑦᓱᓂᓗ ᓄᓇᕕᒻᒥᐅᑦ ᑕᑯᒥᓇᕐᑐᓕᐅᕐᑏᑦ/ᑐᓴᕐᓂᑐᓕᐅᕐᑏᑦ ᐱᓇᓱᐊᓕᕐᑕᖏᓐᓂᒃ:

- ᑎᑭᑕᐅᕙᓪᓗᓂ ᖃᐅᔨᓴᕐᐸᓗᓂᓗ ᑮᓇᐅᔭᕐᑖᕈᑎᐅᒐᓱᐊᕐᑐᓂᒃ, ᐃᑉᐱᒍᓱᒐᓱᐊᕐᐸᓗᓂᓗ ᑮᓇᐅᔭᕐᑖᕈᑕᐅᒐᓱᐊᕐᑐᑦ ᑲᓲᑎᑦᓯᐊᕋᓗᐊᕐᒪᖔᑕ ᑮᓇᐅᔭᕐᑖᕋᓱᐊᕐᓂᒧᑦ ᒪᓕᒐᐅᔪᓄᑦ, ᖃᐅᔨᒣᓐᓇᕋᓱᐊᕐᐸᓗᓂᓗ ᑮᓇᐅᔭᕐᑖᕈᑕᐅᒐᓱᐊᓕᕐᑐᓂᒃ ᓂᖏᕐᑎᑕᐅᓂᕕᓂᖏᑦᑕᓗ ᑐᓴᕐᑎᓯᐅᑎᓕᐊᕕᓂᖏᓐᓂᒃ ᑕᑯᒥᓇᕐᑐᓕᐅᕐᑏᑦ/ᑐᓴᕐᓂᑐᓕᐅᕐᑏᑦ;,

- ᑕᑯᒥᓇᕐᑐᓕᐅᕐᑎᓂᒃ/ᑐᓴᕐᓂᑐᓕᐅᕐᑎᓂᒃ ᐃᑲᔪᕐᐸᓗᓂ ᐊᓪᓚᑎᓪᓗᒋᑦ ᐃᓅᓯᕐᒥᓂ ᐱᓇᓱᐊᕐᓯᒪᓕᕐᑕᖏᓐᓂᒃ;

- ᖃᐅᔨᔭᐅᓕᐅᒥᑦᓯᒐᓱᐊᕐᐸᓗᓂ ᑕᑯᒥᓇᕐᑐᓕᐅᕐᑏᑦ/ᑐᓴᕐᓂᑐᓕᐅᕐᑏᑦ ᑐᕐᖃᑕᕐᕕᖓᑕ ᒥᑦᓵᓅᓕᖓᔪᓂᒃ ᐊᒻᒪᓗ ᑲᕙᒪᒃᑯᑦ ᑎᒥᖁᑎᖏᑦᑕ ᐱᓇᓱᐊᕋᓱᐊᓕᕐᒥᔭᖏᓐᓂᒃ;

- ᐊᓪᓚᐸᓪᓗᓂ ᑕᑯᒥᓇᕐᑐᓕᐅᕐᑏᑦ/ᑐᓴᕐᓂᑐᓕᐅᕐᑏᑦ ᐃᓅᓯᕆᓯᒪᔭᖏᑦᑕ ᒥᑦᓵᓄᑦ ᐊᓪᓚᖁᑎᓕᐅᕐᐸᓗᓂᓗ ᑕᑯᒥᓇᕐᑐᓕᐅᕐᑏᑦ/ᑐᓴᕐᓂᑐᓕᐅᕐᑏᑦ ᐱᓇᓱᐊᓲᖏᓐᓂᒃ ᐱᓇᓱᐊᕐᓯᒪᓕᕐᑕᖏᓐᓂᓗ ᓄᓇᕕᒻᒥ;

- ᐊᐅᓚᑦᓯᕙᓪᓗᓂ ᐊᐅᒫᒡᒌᕕᒻᒥᓗ Facebook-ᑎᒍᑦ ᐊᓯᖏᑎᒍᓪᓗ ᖃᕆᑕᐅᔭᑎᒍᑦ ᑐᓴᐅᒪᖃᑎᒌᒍᑎᑎᒍᑦ ᑐᓴᕋᑦᓴᓕᐅᕐᐸᓗᓂ ᐊᒻᒪᓗ ᐱᕙᓪᓕᐊᑎᑦᓯᕙᓪᓗᓂ ᓲᖑᓰᓕᐅᒥᓗᓂᓗ ᑲᑦᓱᙰᑦᑑᓗᓂ ᐊᐅᒫᒡᒌᕕᑎᒍᑦ ᖃᕆᑕᐅᔭᑎᒍᑦ ᑐᓴᐅᒪᖃᑎᒌᓐᓂᐅᓲᒥᒃ;

- ᐱᕙᓪᓕᐊᑎᑦᓯᕙᓪᓗᓂ ᓄᑖᓂᒃ ᐱᓇᓱᐊᕐᑕᐅᒋᐊᖃᓕᕐᑐᓂᒃ ᓄᓇᕕᒻᒥ ᑕᑯᒥᓇᕐᑐᓕᐅᕐᓂᓅᓕᖓᑦᓱᑎᒃ/ᑐᓴᕐᓂᑐᓕᐅᕐᑎᓅᓕᖓᑦᓱᑎᒃ;

- ᑮᓇᐅᔦᓚᕿᐅᑎᓕᐅᕐᐸᓗᓂ ᑯᐯᒻᒦᑑᑉ ᑐᕐᖃᑕᕐᕕᖓᑕ ᐱᓇᓱᐊᕋᑦᓴᖏᓐᓅᓕᖓᔪᓂᒃ;

- ᐊᕐᕌᒍᑕᒫᕐᓯᐅᑎᓂᒃ ᐊᒻᒪᓗ ᐱᕙᓪᓕᐊᔭᕕᓂᕐᓂᒃ ᑐᓴᕐᑎᓯᐅᑎᓕᐅᕐᐸᓗᓂ, ᐃᓚᐅᕙᓪᓗᓂᓗ ᑐᑭᑖᕆᔨᐅᒐᔭᕐᑐᑦ ᓇᓪᓕᑳᕐᑕᐅᓂᖏᓐᓄᑦ.

ᐱᔪᓐᓇᕆᐊᓕᖏᑦ:

- ᐃᓕᓐᓂᐊᐸᓪᓗᓂ ᐊᐅᓚᑦᓯᒍᓐᓇᓂᕐᒧᑦ, ᑐᓴᐅᒪᖃᑎᒌᓐᓂᓕᕆᓂᕐᒧᑦ ᐊᒻᒪᓗ/ᐅᕝᕙᓘᓐᓃᑦ ᑕᑯᒥᓇᕐᑐᓕᐅᕐᓂᒧᑦ/ᑐᓴᕐᓂᑐᓕᐅᕐᓂᒧᑦ ᐅᕝᕙᓘᓐᓃᑦ ᑕᒪᒃᑯᐊᓕᒫᑦ ᐊᑦᔨᐸᓱᖏᓐᓂᒃ;

- ᐱᖓᓱᓂ ᐊᕐᕌᒍᕐᓂ ᐱᓇᓱᐊᓕᓂᐅᓗᓂ ᐱᓇᓱᐊᕋᑦᓴᐅᓕᕐᑐᓂᒃ ᐊᐅᓚᑦᓯᒍᓐᓇᓂᕐᒧᑦ ᐅᕝᕙᓘᓐᓃᑦ ᐊᑦᔨᐸᓱᖓᓂᒃ;

- ᐱᓇᓱᐊᓕᓂᐅᓗᓂ ᐃᓄᓕᕆᒍᓐᓇᓂᕐᒥᒃ ᑐᓴᕋᑦᓴᓂᐊᕐᑎᓕᕆᓂᕐᒥᓗ;

- ᖃᕆᑕᐅᔭᓕᕆᒍᓐᓇᓗᓂ, ᑮᓇᐅᔭᕐᑑᑎᕕᓂᓕᕆᒍᓐᓇᓗᓂ ᐃᓅᖃᑎᒌᑦᑐᓂᓗ ᑐᓴᐅᒪᖃᑎᒌᑦᑎᓯᕙᓪᓗᓂ ᖃᕆᑕᐅᔭᑎᒍᑦ;

- ᐃᓄᐃᑦ ᓄᓇᖓᓐᓃᓕᓂᐅᓗᓂ;

- ᑐᑭᓯᒪᑦᓯᐊᓗᓂ ᐱᐅᓯᑐᖃᕐᓅᓕᖓᔪᓂᒃ ᐊᑦᑐᐊᓱᑎᒃ ᑕᑯᒥᓇᕐᑐᓕᐅᕐᓂᓄᑦ/ᑐᓴᕐᓂᑐᓕᐅᕐᓂᓄᑦ (ᑐᑭᓯᓐᓇᐅᑏᑦ, ᐃᓕᓐᓂᐊᓂᖅ, ᐱᒋᐅᕐᓴᓂᖅ ᓂᐅᕐᕈᓯᒐᓱᐊᕐᓂᓗ) ᓄᓇᕕᒻᒥᐅᓂ;

- ᐊᖓᔪᕐᖃᐅᕕᖓᓕᓂᐅᓗᓂ ᐱᓇᓱᑦᑎᒥᓄᑦ, ᐊᑭᓕᕐᑐᑕᐅᒐᑎᓗ ᐃᑲᔪᕐᑐᓄᑦ;

- ᐃᓄᒃᑎᑑᑦᓯᐊᕈᓐᓇᓗᓂ ᖃᓪᓗᓈᑎᑐᓪᓗ, ᐅᖄᓂᒃᑯᑦ ᐊᓪᓚᓂᒃᑯᓗ. ᐅᐃᒍᐃᑎᑑᕈᓐᓇᕈᓂ ᐱᐅᓗᐊᓐᖑᐊᒥᔪᖅ, ᐊᓪᓚᒍᓐᓇᓯᐊᕐᑐᐊᓘᓗᓂ;

- ᑮᓇᐅᔦᑦ ᑐᕌᒐᖏᓐᓂᒃ ᐊᐅᓚᑦᓯᒍᓐᓇᓯᐊᕐᓗᓂ;

- ᐃᓂᓪᓚᖓᑦᓯᐊᓗᓂ ᑐᑭᓯᒪᔭᐅᒋᐊᓕᓕᒫᓂᓗ ᐃᑉᐱᒍᓱᐃᓐᓇᕋᓱᐊᕐᐸᓗᓂ;

- ᐅᐸᓗᓲᖑᒍᓐᓀᓗᓂ;

- ᓄᓇᕕᒻᒧᑦ ᐊᓯᖏᓐᓄᓗ ᐊᕐᕕᑕᕈᓐᓇᓗᓂ ᒪᕐᕉᓂ ᐱᓇᓱᐊᕈᓰᓐᓂ ᐊᐅᓪᓚᓯᒪᓂᐊᕋᓗᐊᕈᓂ;

- ᑭᓇᓕᒫᓂᒃ ᐅᖄᖃᑎᖃᕈᓐᓇᓯᐊᕐᓗᓂ ᐱᓇᓱᐊᖃᑎᖃᕈᓐᓇᓗᓂᓗ.

ᖃᐅᔨᒪᔭᐅᒋᐊᖃᕐᒥᔪᑦ:

- ᐱᓇᓱᐊᖃᑦᑕᕋᔭᕐᑐᖅ 9-ᒥᑦ ᐅᓪᓛᑯᑦ 5-ᒧᑦ ᐅᓐᓄᓴᒧᑦ, ᐊᓪᓕᕇᕐᑐᓂᑦ ᓂᕿᑦᓯᑐᓄᑦ (ᐱᓇᓱᐊᕈᓯᓕᒫᒥ 35-ᓂᒃ ᐃᑲᐅᕐᓂᖃᓗᓂ);

- ᑮᓇᐅᑦᔭᓵᖏᑦ: ᒪᓕᓪᓗᑎᒃ ᐱᓇᓱᐊᓕᓂᖏᓐᓂᒃ ᐃᓕᓐᓂᐊᓯᒪᓂᖏᓐᓂᓗ;

- ᓇᓃᓐᓂᕆᒐᔭᕐᑕᖓ: ᐅᐃᐊᔅᑦᒪᐅᓐᑦ;

- ᐱᓇᓱᒐᕐᑖᕋᓱᐊᕈᑏᑦ ᐊᕙᑕᕐᒨᑕᐅᒍᓐᓇᑐᑦ ᐅᑑᐱᕆ 27, 2017-ᖑᕋᑕᕐᓗᒍ. .

ᐱᓇᓱᒐᕐᑖᕋᓱᐊᕐᑐᕕᓃᑦ ᓇᓪᓕᑳᕐᑕᕕᓂᐅᒍᑎᒃ ᑭᓯᐊᓂ ᖃᐅᔨᑎᑕᐅᓛᕐᓂᐊᑐᑦ ᐊᐱᕐᓱᑕᐅᒍᒪᓕᕈᑎᒃ. ᐊᕙᑕᖅ ᐱᓇᓱᒐᕐᑖᕋᓱᐊᕐᑐᓂᒃ ᑭᓇᒃᑯᑐᐃᓐᓇᐅᒐᓗᐊᕐᐸᑕ ᐱᓇᓱᑦᑎᑖᓲᖑᕗᖅ.

ᐱᓇᓱᒐᕐᑖᕈᒪᐅᑎᑎᑦ ᐅᕗᖓ ᐊᐅᓪᓚᑎᓪᓗᒋᑦ:

Michel, Patry (ᒥᓯᐊᓪ ᐹᑦᕇ), ᐊᓪᓚᕕᒻᒥᒃ ᐊᐅᓚᑦᓯᔨ

4150, Ste-Catherine St. W. suite 360

Westmount, Québec, H3Z 2Y5

ᓱᑲᑦᑐᑰᕈᑎᖓ: 514-989-8789

ᖃᕆᑕᐅᔭᑎᒍᑦ ᐊᓪᓚᕕᒋᒍᒪᒍᕕᐅᒃ: michel.patry@avataq.qc.ca