• ᑐᓴᕋᑦᓭᑦ

< ᐅᑎᕈᑎᒃ ᐊᓪᓚᖁᑎᓄᑦ

ᐊᕙᑕᖅ ᐱᐅᓯᑐᖃᓕᕆᕕᒃ ᐱᓇᓱᕝᕕᐅᕗᖅ ᖄᖏᕐᓂᑯᓕᐅᕐᑎᓴᔭᐅᒐᓂ, ᓴᕐᕿᑎᑕᕕᓂᐅᑦᓱᓂ 1980-ᒥ ᐊᔪᐃᓐᓇᐅᔨᓚᖓᑎᓗᒍ ᓴᐳᒻᒥᓯᒪᓗᓂ ᖃᐅᔨᔭᐅᑎᑦᓯᒋᐊᕐᓗᓂᓗ ᐃᓄᐃᑦ ᓄᓇᕕᒻᒥᐅᑦ (ᑯᐯᒃ ᑕᕐᕋᖓᓂᒥᐅᑦ) ᐅᖃᐅᓯᖓᓂᒃ ᐃᓗᕐᕈᓯᖓᓂᓗ. ᐊᕙᑕᖅ ᐊᓪᓚᕕᒻᒪᕆᖁᑎᓕᒃ ᐃᓄᑦᔪᐊᖅ, ᓄᓇᕕᒻᒦᑐᒥᒃ, ᐊᐅᓚᑦᓯᕕᖃᕐᓱᓂᓗ ᐊᓪᓚᕕᐅᒻᒥᔪᒥᒃ ᐅᐃᐊᔅᑦᒪᐅᓐᑦ-ᒦᑦᑐᒥᒃ (ᒧᓐᑐᔨᐊᒥ), ᑯᐯᒻᒥ.

ᐊᕙᑕᖅ ᒫᓐᓇᐅᔪᖅ ᕿᓂᕐᐳᖅ ᐱᔪᓐᓇᑐᓪᓚᕆᐅᓗᓂ ᐃᒣᓘᕐᑎᐅᒐᔭᕐᑐᒥᒃ: ᐱᐅᓯᐅᓯᒪᔪᓂᒃ ᓀᓪᓕᑎᕐᓯᒪᔪᓂᒃ ᓂᐱᓕᐅᕐᓯᒪᔪᓂᒃ ᓯᑯᑦᓴᔭᒨᕐᙯᔨ (ᐊᖏᖃᑎᒌᒍᑎᑎᒍᑦ).

ᐊᖓᔪᕐᖄᖃᕐᓗᓂ ᖃᐅᔨᓴᕐᓂᒧᑦ ᐱᓇᓱᐊᕐᑕᐅᓯᒪᔪᓂᓗ ᓴᓂᕐᕓᓯᒪᕕᒥ ᑐᑭᒧᐊᕐᑎᓯᔨᒥᒃ, ᐱᓇᓱᑦᑎᑖᕆᔭᐅᔪᖅ ᐱᔭᑦᓴᖃᕋᔭᕐᑐᖅ ᓂᐱᓕᐅᕐᓯᒪᔪᓂᒃ ᐅᓂᒃᑳᑕᐅᕙᑦᑐᕕᓂᕐᓂᒃ ᓯᑯᑦᓴᔭᒨᕐᙯᔨᐅᓗᓂ ᐃᓛᓐᓂᓗ ᔭᐅᖁᔭᐅᓕᕐᑐᓂᒃ ᓯᑯᑦᓴᔭᒨᕐᙯᕙᓪᓗᓂ ᐅᑯᓂᖓᓗ ᐱᔭᑦᓴᖃᖃᑦᑕᕋᔭᕐᒥᓱᓂ:

- ᐊᕙᑕᕐᒦᑐᓂᒃ ᓄᐊᑕᐅᒪᑦᓱᑎᒃ ᐃᓄᑦᑎᑑᕐᑐᓂᒃ ᓂᐱᓕᐅᕐᓯᒪᔪᓂᒃ ᑐᓵᑦᑐᐊᕙᓪᓗᓂ ᑌᒪ ᓀᓈᕐᓯᒪᑎᓗᒋᑦ ᖃᓪᓗᓈᑎᑑᓕᕐᑎᕆᓂᐊᓕᕋᒥ;

- ᐱᓇᓱᐊᕋᑦᓴᐅᓕᕐᑐᑦ ᑕᑯᓐᓇᓗᒋᑦ, ᑎᓕᐅᕐᑕᐅᖃᑦᑕᕋᔭᕐᒥᔪᖅ ᐃᓄᑦᑎᑑᕐᑐᓂᒃ ᖃᓪᓗᓈᑎᑑᓕᕐᑎᕆᖁᔭᐅᓗᓂ;

- ᒋᐊᖃᓕᕈᓂ ᐃᓛᓐᓂᑯᑦ ᐱᓇᓱᑦᑎᐅᖃᑎᒥᓂᒃ ᐃᑲᔪᕐᐸᓗᓂ ᐱᓇᓱᒐᕐᒥᑕ ᓯᓚᑖᒎᕐᑐᓂᒃ;

ᐱᔪᓐᓇᕆᐊᓕᖏᑦ:

- ᐱᖓᓱᓂ ᐊᕐᕌᒍᕐᓂ ᓂᐱᓕᐅᕐᓯᒪᔪᓂᒃ ᓯᑯᑦᓴᔭᒨᕐᙯᓕᓂᐅᒋᐊᓕᒃ ᐊᑦᔨᐸᓱᖓᓂᓘᓐᓃᑦ ᐱᓕᓂᐅᓗᓂ;

- ᐳᕐᑐᓂᕐᓴᒥ 5-ᒥ ᐃᓕᓐᓂᐊᕇᕐᓯᒪᒋᐊᓕᒃ ᐊᑦᔨᐸᓱᖓᓂᓘᓐᓃᑦ;

- ᐃᓄᑦᑎᑐᑦ ᖃᓪᓗᓈᑎᑐᓗ ᐊᓪᓚᒍᓐᓇᓯᐊᕆᐊᓕᒃ;

- ᖃᕆᑕᐅᔭᓕᕆᓕᓂᐅᒋᐊᓕᒃ, ᐱᐅᓗᐊᓐᖑᐊᒐᔭᕐᓱᓂ ᖃᐅᔨᒪᒍᓂ Macintosh-ᒥᒃ;

- ᐃᑲᔪᕐᓯᔭᐅᓪᓗᑐᒐᔭᕐᑐᖅ ᖃᐅᔨᒻᒫᖃᕈᓂ ᖃᕆᑕᐅᔭᑎᒍᑦ FileMaker Pro-ᓕᕆᒍᑎᒥᒃ;

- ᑲᖐᒋᔭᖃᑦᓯᐊᑐᐊᕈᓂ ᐃᓄᐃᑦ ᐱᐅᓯᕆᓯᒪᔭᖏᓐᓂᒃ ᐃᓗᕐᕈᓯᖓᓂᓗ ᐃᑲᔪᕐᓯᔭᐅᓪᓗᑐᒐᔭᕐᑐᖅ;

- ᐅᐸᓗᓲᖑᒍᓐᓀᓗᓂ, ᐱᔭᑦᓴᒥᓂᒃ ᓵᓐᖓᓯᑦᓯᐊᐸᓪᓗᓂ ᓇᓗᕐᖁᓀᑦᑑᓗᓂᓗ.

ᖃᐅᔨᒪᔭᐅᒃᑲᓂᒋᐊᓖᑦ:

- ᐱᓇᓱᐊᕐᓂᒋᖃᑦᑕᕋᔭᕐᑕᖏᑦ: 9:00-ᒥᑦ ᐅᓪᓛᑯᑦ 5:00-ᒧᑦ ᐅᓐᓄᓴᒧᑦ, ᐊᓪᓕᕇᕐᑐᓂᑦ ᓂᕿᑦᓯᑐᓄᑦ (ᐱᓇᓱᐊᕈᓯᑕᒫᑦ 35-ᓂᒃ ᐃᑲᐅᕐᓂᓕᐅᕐᐸᓗᓂ);

- ᑮᓇᐅᑦᔭᓵᖏᑦ: ᐃᑲᐅᕐᓂᑕᒫᑦ $20.00;

- ᓇᓃᓪᓗᓂ: ᐊᕙᑕᐅᑉ ᐊᓪᓚᕕᖓᓂ ᐅᐃᐊᔅᑦᒪᐅᓐᑦ-ᒥ (ᒧᓐᑐᔨᐊᒥ);

- ᐱᓇᓱᒐᕐᑖᒐᓱᐊᕈᑏᑦ ᐅᓪᓗᖓᑕ ᑐᓂᔭᐅᕕᒋᒋᐊᓕᖏᑦ: ᐊᒥᕃᔭᐅᑦ 15, 2017

ᐱᓇᓱᒐᕐᑖᒐᓱᐊᕐᑐᕕᓃᑦ ᓇᓪᓕᑳᕐᑕᕕᓂᐅᒍᑎᒃ ᑭᓯᐊᓂ ᖃᐅᔨᑎᑕᐅᓛᕐᓂᐊᑐᑦ ᐊᐱᕐᓱᑕᐅᒍᒪᓕᕈᑎᒃ. ᐊᐱᕐᓱᑕᐅᓕᕈᓂ ᐱᓇᓱᒐᕐᑖᒐᓱᐊᕐᑐᖅ ᓂᕆᐅᓐᓂᖃᕆᐊᓕᒃ ᐱᓇᓱᐊᒍᓐᓇᑕᒥᓂᒃ ᖃᕆᑕᐅᔭᒥ ᑕᑯᓐᓇᑎᑦᓯᒋᐊᖃᓛᕐᓂᒥᓂᒃ. ᐊᕙᑕᖅ ᐱᓇᓱᒐᕐᑖᒐᓱᐊᕐᑐᑦ ᑭᓇᑐᐃᓐᓇᐅᒐᓗᐊᕐᐸᑕ ᐱᓇᓱᑦᑎᑖᓲᒍᕗᖅ.

ᐱᓇᓱᒐᕐᑖᒍᒪᐅᑎᑎᑦ ᐅᕗᖓ ᐊᐅᓪᓚᑎᓗᒋᑦ:

Michel, Patry (ᒥᓯᐊᓪ ᐹᑦᕆ), ᐊᓪᓚᕕᒻᒥᒃ ᐊᐅᓚᑦᓯᔨ

4150, Ste-Catherine St. W. suite 360

Westmount, Québec, H3Z 2Y5

ᓱᑲᑦᑐᑰᕈᑎᖓ: 514-989-8789

ᖃᕆᑕᐅᔭᑎᒍᑦ ᐊᓪᓚᕕᒋᒍᒪᒍᕕᐅᒃ: michel.patry@avataq.qc.ca