• ᑐᓴᕋᑦᓭᑦ

< ᐅᑎᕈᑎᒃ ᐊᓪᓚᖁᑎᓄᑦ

ᐊᕙᑕᖅ ᐱᐅᓯᑐᖃᓕᕆᕕᒃ ᑎᒥᐅᔫᕗᖅ ᖄᖏᕐᓂᑯᓕᐅᕐᑎᓴᔭᐅᒐᓂ, ᓴᕐᕿᑎᑕᕕᓂᐅᑦᓱᓂ 1980-ᒥ ᐊᔪᐃᓐᓇᐅᔨᓚᖓᑎᓪᓗᒍ ᓴᐳᒻᒥᓯᒪᓗᓂ ᖁᕝᕙᑎᑦᓯᒋᐊᕐᓗᓂᓗ ᐃᓄᐃᑦ ᓄᓇᕕᒻᒥᐅᑦ (ᑯᐯᑉ ᑕᕐᕋᖓ) ᐅᖃᐅᓯᖓᓐᓂᒃ ᐃᓗᕐᖁᓯᖓᓐᓂᓗ. ᐊᕙᑕᖅ ᐊᓪᓚᕕᒻᒪᕆᖁᑎᓕᒃ ᐃᓄᑦᔪᐊᖅ, ᓄᓇᕕᒻᒦᑐᒥᒃ, ᐊᐅᓚᑦᓯᕕᖃᕐᓱᓂᓗ ᐊᓪᓚᕕᐅᒻᒥᔪᒥᒃ ᐅᐃᐊᔅᑦᒪᐅᓐᑦ-ᒦᑦᑐᒥᒃ, ᑯᐯᒻᒥ.

ᒫᓐᓇᐅᔪᖅ ᐊᕙᑕᖅ ᕿᓂᕐᐳᖅ ᐱᓇᓱᐊᕈᒪᒐᔭᕐᑐᒥᒃ ᐃᒣᓘᕐᑎᐅᓗᓂ:

ᐊᑐᐊᒐᑦᓴᑯᕕᒻᒥ ᐊᑦᔨᖑᐊᓕᕆᔨ ᐊᓯᖏᓐᓂᓗ ᐱᓇᓱᒐᑦᓴᓂᒃ

ᐊᖓᔪᕐᖄᖃᕙᓪᓗᓗᓂ ᖃᐅᔨᓴᕐᕕᐅᑉ, ᐱᓇᓱᐊᕐᑕᐅᓯᒪᔪᓕᕆᕕᐅᑉ ᐊᑐᐊᒐᑦᓴᑯᕕᐅᓪᓗ ᑐᑭᒧᐊᕐᑎᓯᔨᖓᓂᒃ, ᐱᓇᓱᒐᕐᑖᑐᖅ ᐱᔭᑦᓴᖃᖃᑦᑕᕋᔭᕐᑐᖅ ᐃᓂᕐᓯᒋᐊᓪᓛᓂᕐᒥᒃ ᑌᑦᓱᒪᓂᑕᕐᓂᒃ ᐊᑦᔨᖑᐊᑐᖃᕐᓂᒃ ᓄᐊᑕᐅᓯᒪᔪᓂᒃ ᐊᒻᒪᓗ ᓈᒻᒪᓈᕐᑐᑯᑦ ᖃᕆᑕᐅᔭᒥᒃ ᐱᓇᓲᑎᖃᕐᐸᓗᓂ ᐱᓇᓱᒐᕐᒥᓅᓕᖓᔪᓂᒃ.

ᑲᒪᒋᔭᑦᓴᕆᒋᐊᓕᖏᑦ:

- ᖃᕆᑕᐅᔭᑎᒍᑦ ᓇᓗᓀᒃᑯᓯᕐᑐᐃᕙᓪᓗᓂ ᐊᑦᔨᖑᐊᑐᖃᕐᓂᒃ;

- ᐊᑦᔨᖑᐊᓂᒃ ᖃᕆᑕᐅᔭᒨᕐᙯᕙᓪᓗᓂ (Filemaker Pro-ᒧᑦ) ᐊᒻᒪᓗ ᐱᔭᕇᑦᓯᐊᓗᓂ ᖃᐅᔨᒪᔭᐅᒋᐊᓕᓐᓂᒃ ᐊᑦᔨᖑᐊᑦ ᒥᑦᓵᓄᑦ (ᐊᑏᑦ, ᐊᕐᕌᒍᖓ, ᐃᑦᔪᐊᑕᐅᒌᒃᑯᑎᖃᕐᓂᖓ, ᐊᓯᖏᓪᓗ);

- ᖃᐅᔨᒪᔭᐅᒋᐊᓕᓐᓂᒃ ᐱᔭᕇᕐᐸᓗᓂ ᑭᓐᖒᒪᒋᔭᐅᖃᑦᑕᓛᕐᒪᑕ ᓇᓪᓕᑳᕐᑕᕕᓃᑦ ᐊᑦᔨᖑᐊᑐᙯᑦ ᖃᕆᑕᐅᔭᒨᔭᕐᑕᐅᒋᐊᖃᓕᕐᐸᑕ ᓇᐅᓕᒫᓄᑦ ᑕᑯᑦᓴᐅᓗᑎᒃ (ᓯᓚᕐᔪᐊᒥ ᖃᕆᑕᐅᔭᐅᑉ ᓄᐃᑕᑎᑦᓯᕕᖓᓅᑐᐃᓐᓇᕆᐊᖃᓕᕐᑐᑦ);

- ᐊᑦᔨᖑᐊᓂᒃ ᐃᓂᕐᓯᖃᑦᑕᓗᓂ ᑎᑭᓵᕆᔭᕕᓂᐅᑉᐸᑕ ᑌᒣᖁᔨᑉᐸᑦ ᑐᓴᐅᒪᔭᐅᑎᑦᓯᔨ ᐱᓇᓱᐊᕐᑕᐅᓯᒪᔪᓕᕆᔨᓘᓐᓃᑦ;

- ᑕᑯᒥᓇᕐᓯᓕᑎᕆᕙᓪᓗᓂ ᐊᑦᔨᖑᐊᓂᒃ ᒋᐊᖃᑐᐊᕈᓂ;

- ᖃᐅᔨᒪᒐᓱᐊᕐᐸᓗᓂ ᓈᒻᒪᓈᕐᑐᑯᑦ ᐱᓇᓲᑏᑦ ᐱᒍᓐᓇᓯᐊᕋᓗᐊᕐᒪᖔᑕ ᓯᖁᑦᑎᑎᑌᓕᓗᒋᓪᓗ (ᓯᑯᑦᓴᔭᒨᕐᓯᒍᑎᐅᑉ ᐃᒪᖓᑕ ᖃᓄᐃᓪᓗᐊᓂᖓ, ᐊᓯᖏᓪᓗ ᐱᓇᓲᑏᑦ);

- ᐊᓯᖏᓐᓂᒃ ᐊᑦᔨᖑᐊᓂᒃ ᖃᕆᑕᐅᔭᑎᒍᑦ ᓇᓗᓀᒃᑯᓯᕐᑐᐃᕙᓪᓗᓂ ᑎᓕᔭᐅᑐᐊᕈᓂ;

- ᐃᓕᓐᓂᐊᕆᐊᖃᓕᕈᓂ ᐃᓕᓐᓂᐊᐸᓪᓗᓂ ᐱᓇᓱᒐᖓᑕ ᐃᓚᒋᑕᖓᓂᐅᒃ.

ᐱᔪᓐᓇᕆᐊᓕᖏᑦ:

- ᐳᕐᑐᓂᕐᓴᒥ ᐃᓕᓐᓂᐊᕕᒻᒥ ᐃᓕᓐᓂᐊᕇᕈᑎᑖᕐᓯᒪᒋᐊᓕᒃ ᐊᑦᔨᐸᓱᖓᓂᓘᓐᓃᑦ;

- ᐊᑕᐅᓯᐅᓐᖏᑐᒥᒃ ᐅᖃᐅᓯᕐᒥᒃ ᖃᐅᔨᒪᒋᐊᓕᒃ (ᐅᐃᒍᐃᑎᑐᑦ/ᖃᓪᓗᓈᑎᑐᑦ ᐅᖄᒍᓐᓇᓗᓂ ᐊᓪᓚᒍᓐᓇᓗᓂᓗ). ᐃᓄᒃᑎᑑᕈᓐᓇᕈᓂ ᐃᑲᔪᕐᓯᔭᐅᒻᒪᕆᒐᔭᕐᑐᖅ;

- ᐱᔪᓐᓇᕆᐊᓕᓪᓗᑐᖓ: ᐃᓕᓯᒪᒋᐊᓕᒃ ᖃᕆᑕᐅᔭᓕᕆᓂᕐᒥᒃ ᐱᓇᓲᑎᖏᓐᓂᓗ (File Maker, Photoshop, ᐊᓯᖏᓪᓗ.) ᖃᕆᑕᐅᔭᕐᓂ Macintosh-ᓂ;

- ᑲᖐᒋᔭᖃᕈᓂ ᐱᔪᓐᓇᓂᖃᕈᓂᓗ ᐊᑦᔨᓕᐅᕆᓂᕐᒥᒃ ᐃᑲᔪᕐᓯᔭᐅᒻᒪᕆᒐᔭᕐᑐᖅ;

- ᑲᖐᒋᔭᖃᒻᒪᕆᓪᓗᓂ, ᖃᐅᔨᒍᒪᔫᓗᓂ ᑐᑭᓯᒪᑦᓯᐊᒪᕆᓪᓗᓂᓗ ᐃᓄᐃᑦ ᐃᓗᕐᕈᓯᖓᓂᒃ;

- ᐅᐸᓗᑲᑦᑕᓲᖑᒍᓐᓀᓗᓂ, ᐱᔭᑦᓴᒥᓂᒃ ᐱᓇᓱᐊᕈᓐᓇᓗᓂ ᓇᓗᕐᖁᓀᑦᑑᓗᓂᓗ;

- ᐃᓂᓪᓚᖓᑦᓯᐊᓗᓂ ᐱᓇᓱᐊᕆᐊᓕᓕᒫᒥᓂᓗ ᐱᑦᓯᐊᑐᓂᒃ ᐱᔭᕇᑦᓯᐊᐸᓪᓗᓂ.

ᖃᐅᔨᒪᔭᐅᒋᐊᖃᕐᒥᔪᑦ:

- ᐱᓇᓱᐊᖃᑦᑕᕋᔭᕐᑐᖅ 9-ᒥᑦ ᐅᓪᓛᑯᑦ 5-ᒧᑦ ᐅᓐᓄᓴᒧᑦ, ᐊᑌᓐᓇᖏᑦᑑᓗᓂ (ᐃᑲᐅᕐᓂᖃᕐᐸᓗᓂ 7-ᓂᒃ ᐱᓇᓱᐊᕈᓯᑕᒫᑦ);

- ᑮᓇᐅᑦᔭᓵᖏᑦ: $18.00 ᐃᑲᐅᕐᓂᑕᒫᑦ;

- ᓇᓃᓐᓂᕆᒐᔭᕐᑕᖓ: ᐅᐃᐊᔅᑦᒪᐅᓐᑦ;

- ᐱᓇᓱᒐᕐᑖᕋᓱᐊᕈᑏᑦ ᐊᕙᑕᕐᒨᑕᐅᒍᓐᓇᑐᑦ ᓄᕕᐱᕆ 25, 2016-ᖑᕋᑕᕐᓗᒍ.

ᐱᓇᓱᒐᕐᑖᕋᓱᐊᕐᑐᕕᓃᑦ ᓇᓪᓕᑳᕐᑕᕕᓂᐅᒍᑎᒃ ᑭᓯᐊᓂ ᖃᐅᔨᑎᑕᐅᓛᕐᓂᐊᑐᑦ ᐊᐱᕐᖁᑕᐅᒍᒪᓕᕈᑎᒃ. ᐊᕙᑕᖅ ᐱᓇᓱᒐᕐᑖᕋᓱᐊᕐᑐᓂᒃ ᑭᓇᒃᑯᑐᐃᓐᓇᐅᒐᓗᐊᕐᐸᑕ ᐱᓇᓱᑦᑎᑖᓲᖑᕗᖅ.

ᐱᓇᓱᒐᕐᑖᕈᒪᐅᑎᑎᑦ ᐅᕗᖓ ᐊᐅᓪᓚᑎᓪᓗᒋᑦ:

Michel Patry

Office Manager

4150, Ste-Catherine W. suite 360

Westmount, Quebec, H3Z 2Y5

Fax: 514 989-8789

Courriel: michel.patry@avataq.qc.ca