• ᑐᓴᕋᑦᓭᑦ

< ᐅᑎᕈᑎᒃ ᐊᓪᓚᖁᑎᓄᑦ

ᐊᕙᑕᖅ ᐱᐅᓯᑐᖃᓕᕆᕕᒃ ᐱᓇᓱᕝᕕᐅᕗᖅ ᖄᖏᕐᓂᑯᓕᐅᕐᑎᓴᔭᐅᒐᓂ, ᓴᕐᕿᑎᑕᕕᓂᐅᑦᓱᓂ 1980-ᒥ ᐊᔪᐃᓐᓇᐅᔨᓚᖓᑎᓪᓗᒍ ᓴᐳᒻᒥᓯᒪᓗᓂ ᖃᐅᔨᔭᐅᑎᑦᓯᒋᐊᕐᓗᓂᓗ ᐃᓄᐃᑦ ᓄᓇᕕᒻᒥᐅᑦ (ᑯᐯᒃ ᑕᕐᕋᖓ) ᐅᖃᐅᓯᖓᓐᓂᒃ ᐃᓗᕐᕈᓯᖓᓐᓂᓗ. ᐊᕙᑕᖅ ᐊᓪᓚᕕᒻᒪᕆᖁᑎᓕᒃ ᐃᓄᒃᔪᐊᖅ, ᓄᓇᕕᒻᒦᑐᒥᒃ, ᐊᐅᓚᑦᓯᕕᖃᕐᓱᓂᓗ ᐊᓪᓚᕕᐅᒻᒥᔪᒥᒃ ᐅᐃᐊᔅᑦᒪᐅᓐᑦ-ᒦᑦᑐᒥᒃ (ᒧᓐᑐᔨᐊᒥ), ᑯᐯᒻᒥ.

ᐊᕙᑕᖅ ᒫᓐᓇᐅᔪᖅ ᕿᓂᕐᐳᖅ ᐱᔪᓐᓇᑐᓪᓚᕆᐅᓗᓂ ᐃᒣᓘᕐᑎᐅᒐᔭᕐᑐᒥᒃ: ᐱᐅᓯᐅᓯᒪᔪᓂᒃ ᓀᓪᓕᑎᕐᓯᒪᔪᓂᒃ ᓂᐱᓕᐅᕐᓯᒪᔪᓂᒃ ᓯᑯᑦᓴᔭᒨᕐᙯᔨ (ᐊᖏᖃᑎᒌᒍᑎᑎᒍᑦ).

ᐊᖓᔪᕐᖄᖃᕐᓗᓂ ᖃᐅᔨᓴᕐᓂᒧᑦ ᐱᓇᓱᐊᕐᑕᐅᓯᒪᔪᓂᓗ ᓴᓂᕐᕓᓯᒪᕕᒥ ᑐᑭᒧᐊᕐᑎᓯᔨᒥᒃ, ᐱᓇᓱᑦᑎᑖᕆᔭᐅᔪᖅ ᐱᔭᑦᓴᖃᕋᔭᕐᑐᖅ ᓂᐱᓕᐅᕐᓯᒪᔪᓂᒃ ᐅᓂᒃᑳᑕᐅᕙᑦᑐᕕᓂᕐᓂᒃ ᓯᑯᑦᓴᔭᒨᕐᙯᔨᐅᓗᓂ ᐃᓛᓐᓂᓗ ᔭᐅᖁᔭᐅᓕᕐᑐᓂᒃ ᓯᑯᑦᓴᔭᒨᕐᙯᕙᓪᓗᓂ ᐅᑯᓂᖓᓗ ᐱᔭᑦᓴᖃᖃᑦᑕᕋᔭᕐᒥᓱᓂ:

- ᐊᕙᑕᕐᒦᑐᓂᒃ ᓄᐊᑕᐅᒪᑦᓱᑎᒃ ᐃᓄᒃᑎᑑᕐᑐᓂᒃ ᓂᐱᓕᐅᕐᓯᒪᔪᓂᒃ ᑐᓵᑦᑐᐊᕙᓪᓗᓂ ᑌᒪ ᓀᓈᕐᓯᒪᑎᓪᓗᒋᑦ ᖃᓪᓗᓈᑎᑑᓕᕐᑎᕆᓂᐊᓕᕋᒥ;

- ᐱᓇᓱᐊᕋᑦᓴᐅᓕᕐᑐᑦ ᑕᑯᓐᓇᓗᒋᑦ, ᑎᓕᐅᕐᑕᐅᖃᑦᑕᕋᔭᕐᒥᔪᖅ ᐃᓄᒃᑎᑑᕐᑐᓂᒃ ᖃᓪᓗᓈᑎᑑᓕᕐᑎᕆᖁᔭᐅᓗᓂ;

- ᒋᐊᖃᓕᕈᓂ ᐃᓛᓐᓂᑯᑦ ᐱᓇᓱᑦᑎᐅᖃᑎᒥᓂᒃ ᐃᑲᔪᕐᐸᓗᓂ ᐱᓇᓱᒐᕐᒥᑕ ᓯᓚᑖᒎᕐᑐᓂᒃ;

ᐱᔪᓐᓇᕆᐊᓕᖏᑦ:

- ᐱᖓᓱᓂ ᐊᕐᕌᒍᕐᓂ ᓂᐱᓕᐅᕐᓯᒪᔪᓂᒃ ᓯᑯᑦᓴᔭᒨᕐᙯᓕᓂᐅᒋᐊᓕᒃ ᐊᑦᔨᐸᓱᖓᓂᓘᓐᓃᑦ ᐱᓕᓂᐅᓗᓂ;

- ᐳᕐᑐᓂᕐᓴᒥ 5-ᒥ ᐃᓕᓐᓂᐊᕇᕐᓯᒪᒋᐊᓕᒃ ᐊᑦᔨᐸᓱᖓᓂᓘᓐᓃᑦ;

- ᐃᓄᒃᑎᑐᑦ ᖃᓪᓗᓈᑎᑐᓪᓗ ᐊᓪᓚᒍᓐᓇᓯᐊᕆᐊᓕᒃ;

- ᖃᕆᑕᐅᔭᓕᕆᓕᓂᐅᒋᐊᓕᒃ, ᐱᐅᓗᐊᓐᖑᐊᕋᔭᕐᓱᓂ ᖃᐅᔨᒪᒍᓂ Macintosh-ᒥᒃ;

- ᐃᑲᔪᕐᓯᔭᐅᓪᓗᑐᕋᔭᕐᑐᖅ ᖃᐅᔨᒻᒫᖃᕈᓂ ᖃᕆᑕᐅᔭᑎᒍᑦ FileMaker Pro-ᓕᕆᒍᓐᓇᕈᓂ;

- ᑲᖐᒋᔭᖃᑦᓯᐊᑐᐊᕈᓂ ᐃᓄᐃᑦ ᐱᐅᓯᕆᓯᒪᔭᖏᓐᓂᒃ ᐃᓗᕐᕈᓯᖓᓐᓂᓗ ᐃᑲᔪᕐᓯᔭᐅᓪᓗᑐᕋᔭᕐᑐᖅ;

- ᐅᐸᓗᓲᖑᒍᓐᓀᓗᓂ, ᐱᔭᑦᓴᒥᓂᒃ ᓵᓐᖓᓯᑦᓯᐊᐸᓪᓗᓂ ᓇᓗᕐᖁᓀᑦᑑᓗᓂᓗ.

ᖃᐅᔨᒪᔭᐅᒃᑲᓂᕆᐊᓖᑦ:

- ᐱᓇᓱᐊᕐᓂᕆᖃᑦᑕᕋᔭᕐᑕᖏᑦ: 9:00-ᒥᑦ ᐅᓪᓛᑯᑦ 5:00-ᒧᑦ ᐅᓐᓄᓴᒧᑦ, ᐊᓪᓕᕇᕐᑐᓂᑦ ᓂᕿᑦᓯᑐᓄᑦ (ᐱᓇᓱᐊᕈᓯᑕᒫᑦ 35-ᓂᒃ ᐃᑲᐅᕐᓂᓕᐅᕐᐸᓗᓂ);

- ᑮᓇᐅᑦᔭᓵᖏᑦ: ᐃᑲᐅᕐᓂᑕᒫᑦ $20.00;

- ᓇᓃᓪᓗᓂ: ᐊᕙᑕᐅᑉ ᐊᓪᓚᕕᖓᓐᓂ ᐅᐃᐊᔅᑦᒪᐅᓐᑦ-ᒥ (ᒧᓐᑐᔨᐊᒥ);

- ᐱᓇᓱᒐᕐᑖᕋᓱᐊᕈᑏᑦ ᐅᓪᓗᖓᑕ ᑐᓂᔭᐅᕕᒋᒋᐊᓕᖏᑦ: ᔭᓄᐊᕆ 23, 2015

ᐱᓇᓱᒐᕐᑖᕋᓱᐊᕐᑐᕕᓃᑦ ᓇᓪᓕᑳᕐᑕᕕᓂᐅᒍᑎᒃ ᑭᓯᐊᓂ ᖃᐅᔨᑎᑕᐅᓛᕐᓂᐊᑐᑦ ᐊᐱᕐᓱᑕᐅᒍᒪᓕᕈᑎᒃ. ᐊᐱᕐᓱᑕᐅᓕᕈᓂ ᐱᓇᓱᒐᕐᑖᕋᓱᐊᕐᑐᖅ ᓂᕆᐅᓐᓂᖃᕆᐊᓕᒃ ᐱᓇᓱᐊᕈᓐᓇᑕᒥᓂᒃ ᖃᕆᑕᐅᔭᒥ ᑕᑯᓐᓇᑎᑦᓯᒋᐊᖃᓛᕐᓂᒥᓂᒃ. ᐊᕙᑕᖅ ᐱᓇᓱᒐᕐᑖᕋᓱᐊᕐᑐᑦ ᑭᓇᒃᑯᑐᐃᓐᓇᐅᒐᓗᐊᕐᐸᑕ ᐱᓇᓱᑦᑎᑖᓲᒍᕗᖅ.

ᐱᓇᓱᒐᕐᑖᕈᒪᐅᑎᑎᑦ ᐅᕗᖓ ᐊᐅᓪᓚᑎᓪᓗᒋᑦ:

Michel, Patry (ᒥᓯᐊᓪ ᐹᑦᕇ), ᐊᓪᓚᕕᒻᒥᒃ ᐊᐅᓚᑦᓯᔨ

4150, Ste-Catherine St. W. suite 360

Westmount, Québec, H3Z 2Y5

ᓱᑲᑦᑐᑰᕈᑎᖓ: 514-989-8789

ᖃᕆᑕᐅᔭᑎᒍᑦ ᐊᓪᓚᕕᒋᒍᒪᒍᕕᐅᒃ: michel.patry@avataq.qc.ca