• ᑐᓴᕋᑦᓭᑦ

< ᐅᑎᕈᑎᒃ ᐊᓪᓚᖁᑎᓄᑦ

ᐊᕙᑕᖅ ᐱᐅᓯᑐᖃᓕᕆᕕᒃ ᐱᓇᓱᕝᕕᐅᕗᖅ ᖄᖏᕐᓂᑯᓕᐅᕐᑎᓴᔭᐅᒐᓂ, ᓴᕐᕿᑎᑕᕕᓂᐅᑦᓱᓂ 1980-ᒥ ᐊᔪᐃᓐᓇᐅᔨᓚᖓᑎᓪᓗᒍ ᓴᐳᒻᒥᓯᒪᓗᓂ ᖃᐅᔨᔭᐅᑎᑦᓯᒋᐊᕐᓗᓂᓗ ᐃᓄᐃᑦ ᓄᓇᕕᒻᒥᐅᑦ ᐅᖃᐅᓯᖓᓐᓂᒃ ᐃᓗᕐᕈᓯᖓᓐᓂᓗ. ᐊᕙᑕᖅ ᐊᓪᓚᕕᒻᒪᕆᓕᒃ ᐃᓄᒃᔪᐊᒥ, ᓄᓇᕕᒻᒥ, ᐊᐅᓚᑦᓯᕕᒻᒥᓗ ᐊᓪᓚᕕᖃᕐᒥᓱᓂ ᐅᐃᐊᔅᑦᒪᐅᓐᑦ-ᒥ, ᑯᐯᒻᒥ.

ᐊᕙᑕᖅ ᒫᓐᓇᐅᔪᖅ ᕿᓂᕐᐳᖅ ᐱᓇᓱᑦᑎᓴᒥᒃ ᐅᕙᓂ ᐃᓂᒥ: ᓄᓇᓕᓐᓂ ᐃᓗᕐᕈᓯᓕᕆᔩᑦ ᑲᑎᒪᔨᐊᐱᖏᑦᑕ ᐱᓂᐊᕐᓂᖓᓂᒃ ᑲᒪᔨ

ᐊᖓᔪᕐᖄᖃᕐᓗᓂ ᓄᓇᓕᓐᓂ ᐃᓗᕐᕈᓯᓕᕆᔩᑦ ᑲᑎᒪᔨᐊᐱᖏᓐᓄᑦ ᓄᓇᓕᓕᒫᓂ ᑐᑭᒧᐊᑦᑎᓯᔨᒥᒃ ᐊᒻᒪᓗ ᐱᓇᓱᐊᖃᑕᐅᓗᓂ ᓄᓇᕕᒻᒥ ᐃᓄᒻᒪᕇᑦ ᑲᑎᒪᔨᐊᐱᖏᓐᓄᑦ (KRG-ᑯᓂ), ᑖᓐᓇ ᐱᓂᐊᕐᓂᖃᕈᑎᒥᒃ ᑲᒪᔨ ᐋᕐᕿᓱᐃᔨᐅᓚᖓᔪᖅ 15-ᓂ ᓄᓇᕕᐅᑉ ᓄᓇᓕᖏᓐᓂ ᖃᕆᑕᐅᔭᓂᒃ ᐃᓱᐊᖁᑎᓂᒃ ᐃᓄᑐᖃᕐᓄᑦ (NECUP ᐱᓂᐊᕐᓂᖓᑎᒍᑦ) ᐃᑲᔪᕐᓗᓂᓗ ᓄᓇᓕᓕᒫᓂ ᑐᑭᒧᐊᑦᑎᓯᔨᒥᒃ ᐱᕙᓪᓕᐊᑎᑦᓯᑎᓪᓗᒍ ᓄᓇᓕᓐᓂ ᐃᓗᕐᕈᓯᓕᕆᔩᑦ ᑲᑎᒪᔨᐊᐱᖏᓐᓂᒃ.

ᐱᓇᓱᐊᑦᓴᖏᑦ ᐊᒻᒪᓗ ᑲᒪᒋᒋᐊᓕᖏᑦ:

- ᐸᕐᓇᕈᑎᖃᕆᐊᓕᒃ, ᑲᔪᓯᑎᑦᓯᓗᓂᓗ ᐊᒻᒪᓗ ᑲᒪᖏᓐᓇᓗᓂ NECUP ᐱᓂᐊᕐᓂᖃᕈᑎᖓᓂᒃ;

- ᐃᓚᖃᕐᓗᓂ ᐃᓄᑐᖃᕐᓂᒃ ᐊᒻᒪᓗ ᓄᓇᓖᑦ ᐃᓗᕐᕈᓯᓕᕆᓂᕐᒧᑦ ᑲᑎᒪᔨᖏᓐᓂᒃ, ᑲᔪᓯᑎᑦᓯᒋᐊᓕᒃ ᑭᖕᖒᒪᓇᕐᑐᓂᒃ ᑲᖕᖑᓇᕿᐅᑎᒥᒃ ᐊᑐᓂ ᓄᓇᓕᒻᒥ;

- ᖃᐅᔨᒪᔭᑦᓴᓂᒃ ᐃᕐᐸᑎᕆᓗᓂ ᑲᑎᒪᑎᑦᓯᒍᑎᖃᕆᐊᓕᒃ NECUP ᐱᓂᐊᕐᓂᖃᕈᑎᖓ ᐱᑦᔪᑎᒋᓗᒍ ᓄᓇᓕᓐᓂ;

- ᐃᓕᓐᓂᐊᑎᑦᓯᒋᐊᓕᒃ ᐃᓄᒻᒥᒃ ᖃᕆᑕᐅᔭᒐᓚᓐᓂᒃ ᑲᒪᔨᐅᑎᑕᐅᔪᒥᒃ ᐊᑐᓂ ᓄᓇᓕᒻᒥ;

- ᓇᓂᓯᒋᐊᓕᒃ ᐃᓕᓐᓂᐊᑎᑦᓯᓗᓂᓗ ᐃᑲᔪᕈᒪᑐᐃᓐᓇᑐᓂᒃ ᐃᓅᓱᑦᑐᓂᒃ ᐃᓄᑐᙯᑦ ᐃᓕᑦᓯᑎᒋᐊᕐᓂᐊᓗᒋᑦ ᖃᓄᖅ ᖃᕆᑕᐅᔭᖏᑦᑕ ᖃᕆᑕᐅᔭᐅᓪᓗ ᓱᓇᓐᓂᐊᕈᑎᖏᑦᑕ ᐊᑐᓲᖑᓂᖏᓐᓂᒃ;

- ᐃᓚᖃᕐᓗᓂ ᓄᓇᓕᓕᒫᓂ ᑐᑭᒧᐊᑦᑎᓯᔨᒥᒃ ᐱᕙᓪᓕᐊᖃᑕᐅᒋᐊᓕᒃ ᐱᓇᓱᐊᑦᓴᓂᒃ ᑲᔪᓯᑎᑕᐅᔪᑦᓴᓂᒃ ᓄᓇᓕᓐᓂ ᐃᓗᕐᕈᓯᓕᕆᔩᑦ ᑲᑎᒪᔨᐊᐱᖏᓐᓄᑦ;

- ᓇᕿᑦᑕᐅᑎᒧᑦ ᐊᓪᓚᒋᐊᓕᒃ ᓄᐃᑦᓯᖃᑦᑕᓗᓂᓗ ᐊᓪᓚᑖᕐᑎᓯᒍᑎᓂᒃ, ᑐᓴᕐᓯᒍᑎᓂᒃ ᐊᓯᖏᓐᓂᓗ ᐊᑐᕆᐊᓕᓐᓂᒃ;

- ᐱᓇᓱᖃᑦᑕᕆᐊᓕᒃ ᐊᓯᖏᓐᓂᒃ ᐊᑦᑐᐊᒥᔪᓂᒃ ᐱᔭᑦᓴᑐᐃᓐᓇᓂᒃ.

ᐱᓇᓱᒐᐅᑉ ᑭᖕᖒᒪᒋᔭᖏᑦ:

- ᐱᖓᓱᑦ ᐊᒻᒪᓗ ᑕᓪᓕᒪᑦ ᐊᕐᕌᒍᐃᑦ ᐊᑯᓐᓂᖓᓂ ᐱᓇᓱᓚᐅᕐᓯᒪᓂᖅ ᐱᓂᐊᕐᓂᖃᕈᑎᒥᒃ ᐊᐅᓚᑦᓯᔨᐅᓗᓂ ᓄᓇᕕᐅᑉ ᐃᓗᐊᓂ;

- ᐃᓕᓐᓂᐊᕕᒻᒪᕆᓂᑕᖅ ᐃᓕᑦᓯᒪᐅᑎ ᐃᓄᓕᕆᓂᕐᓂᒃ ᐊᒻᒪᓗ ᐃᓅᖃᑎᒌᓂᒃ ᐃᓱᒪᑕᕈᑎᓂᒃ ᐅᕝᕙᓘᓐᓃᑦ ᑌᒣᑦᑐᐃᑦ ᒥᑦᓯᖏᑎᒍᑦ ᐱᓕᓂᐅᓂᖅ;

- ᖃᕆᑕᐅᔭᓂᒃ ᖃᐅᔨᒪᓂᖅ, ᐊᓪᓚᓯᒪᔪᓕᐅᕈᓐᓇᓂᖅ, ᑮᓇᐅᔭᓂᒃ ᐊᐅᓚᑦᓯᒍᑎᓂᒃ ᐃᓯᕕᑦᓯᒍᑎᓕᕆᒍᓐᓇᓂᖅ ᐊᒻᒪᓗ ᑐᓴᕈᑎᑦᓴᔭᓄᑦ ᖃᕆᑕᐅᔭᓕᕆᒍᓐᓇᓂᖅ (Skype – ᐊᑦᔨᓕᐅᕈᑎᒃᑯᑦ ᑕᑯᓐᓇᐅᑎᒍᑏᑦ ᐅᖃᐅᑦᔫᑎᔪᓄᑦ);

- ᐊᔪᖕᖏᓚᕆᓐᓂᖅ ᐃᓄᒃᑎᑐᑦ ᐅᖄᓂᕐᒥᒃ ᐊᒻᒪᓗ ᐊᓪᓚᓂᕐᒥᒃ. ᑯᑕᖕᖏᓂᖅ ᖃᓪᓗᓈᕐᑎᑐᑦ ᐅᐃᒍᐃᑎᑐᓪᓗ ᐃᓱᐊᖁᑎᓪᓚᕆᐅᓚᖓᔪᖅ;

- ᐅᖃᖃᑎᒌᓐᓂᒥᒃ ᐱᓯᑎᐅᒋᐊᓕᒃ ᐱᓇᓱᖃᑎᒌᓄᓪᓗ ᐃᓚᐅᒍᓐᓇᓯᐊᕐᒥᓗᓂ;

- ᐃᓕᓐᓂᐊᑎᑦᓯᒍᓐᓇᕆᐊᓕᒃ.

ᖃᐅᔨᒪᔭᑦᓴᒋᐊᓪᓓᑦ:

- ᐱᓇᓱᓐᓂᖓᑕ ᐅᓪᓗᖏᑦ: 9:00-ᒥᒃ ᐅᓪᓛᑯᑦ 5:00-ᒧᑦ ᐅᓐᓄᓴᒃᑯᑦ, ᐊᓪᓕᕇᕐᑐᓂᒃ ᓂᕿᑦᓯᑐᓄᑦ (ᐱᓇᓱᐊᕈᓯᑕᒫᑦ 35-ᓂᒃ ᐃᑲᐅᕐᓂᓕᐅᕐᐸᓗᓂ);

- ᑮᓇᐅᑦᔭᓵᖏᑦ: $27.50 ᐃᑲᐅᕐᓂᑕᒫᑦ;

- ᓄᓇᖓ: ᒪᓐᑐᔨᐊᒦᒐᔭᕐᑐᖅ ᓄᓇᕕᒻᒥᓘᓐᓃᑦ. ᐱᓇᓱᒐᕐᑖᕈᒪᔪᖅ ᐱᓇᓱᒐᕐᒥᒃ ᐱᑎᑕᐅᔪᖅ ᐊᐅᓚᒋᐊᖃᖃᑦᑕᓛᕐᑐᖅ ᐃᑭᓐᓂᐹᖓᓄᑦ ᐱᖓᓲᔪᕐᑐᕕᓪᓗᓂ (6) ᓄᓇᕕᐅᑉ ᐃᓗᐊᓂ;

- ᐱᓇᓱᑦᑎᐅᒍᑎᖓᑕ ᐊᑯᓂᕆᓂᖓ: ᐊᕐᕌᒍᐃᑦ ᐱᖓᓱᑦ (3);

- ᐱᓇᓱᒐᕐᑖᕋᓱᐊᕈᑏᑦ ᓄᐃᑕᐅᕕᑦᓴᖓᑕ ᐃᓱᓕᕕᖓ: ᓄᕕᒻᐱᕆ 11, 2013:

ᐱᓇᓱᒐᕐᑖᕋᓱᐊᕐᑐᕕᓃᑦ ᐊᐱᕐᓱᓚᖓᓗᒋᑦ ᓇᓪᓕᑳᕐᑕᕕᓃᑦ ᑌᒃᑯᑐᐊᑦ ᐅᑎᕐᕕᐅᓛᕐᓂᐊᑐᑦ. ᐊᕙᑕᖅ ᐊᑦᔨᒌᒥᒃ ᐱᕕᑦᓴᖃᕐᑎᓯᔨᐅᑦᓱᓂ ᐱᓇᓱᕝᕕᐅᕗᖅ.

ᐱᓇᓱᒐᕐᑖᕈᒪᐅᑎᑎᑦ ᐅᕗᖓ ᐊᐅᓪᓚᑎᓪᓗᒋᑦ:

ᓈᓐᓯ ᐹᓕᓴ

ᐊᓪᓚᑕᕐᕕᖓ 230

ᐃᓄᒃᔪᐊᒃ, ᑯᐯᒃ

ᓱᑲᑦᑐᑰᕈᑎᖓ: 819-254-8148

ᖃᕆᑕᐅᔭᑎᒍᑦ: nancyp@avataq.qc.ca