ᐃᓚᐅᕕᖃᕐᓂᖅ ᐊᓯᐅᖏᓐᓇᑎᑦᓯᑌᓕᓂᕐᒧᑦ ᓄᓇᕕᐅᑉ ᐱᐅᓯᕆᓯᒪᓕᕐᑕᖓᓂᒃ
ᑭᓇᒨᒻᒪ¯ᑦ Pierre M. Desrosiers
ᔪᐊᓇᓯ ᐃᓄᑉᐸᖅ ᐃᓄᑦᔪᐊᒥᐅᖅ ᐊᕐᕌᒍᕐᓂ ᐊᒥᓱᓂ ᐃᓚᐅᓲᒍᓕᕐᖁᖅ ᓄᓇᕕᒻᒥᐅᑦ ᐱᐅᓯᑐᖃᖓᓂᒃ ᐊᓯᐅᖏᓐᓇᑎᑦᓯᑌᓕᓂᕐᒧᑦ. 2012 ᐊᐅᔭᖓᓐᓂ ᓴᒡᒐᓂᖃᓚᐅᔪᔪᖅ ᓄᓇᒥᒃ ᐃᓪᓗᕈᐊᓕᐅᕐᕕᐅᒍᒫᕐᓂᐊᑐᒥᒃ. ᐱᓇᓱᐊᕐᑕᐅᔪᖅ ᑮᓇᐅᔦᕈᓕᑐᐊᕐᒪᑦ, ᔪᐊᓇᓯ ᐊᑭᓕᕐᑐᑕᐅᒍᓐᓀᓗᓂ ᑲᔪᓯᒍᒪᔪᕕᓂᐅᓚᐅᔪᔪᖅ ᐃᑲᔪᕐᓗᓂ ᑖᒥ ᐅᐃᑖᓗᑦᑐᒥᒃ ᐱᕕᑦᓭᕈᑐᐃᓐᓇᕋᑕᕐᑎᓗᒍ, ᐱᕕᓕᒫᒥᒍᑦ ᐊᓐᓇᑐᐃᒐᓱᐊᒧᑦ ᑐᓂᕐᑕᐅᓚᐅᕐᑐᕕᓂᕐᓂᒃ. ᐊᒻᒪᓗᒋᐊᓪᓚᒃ, ᐊᕐᕌᒍᐃᑦ ᖁᓖᑦ ᐅᖓᑖᓄᑦ, ᔪᐊᓇᓯ ᑐᓴᕐᑎᓯᓗᑭᖃᑦᑕᓲᖅ ᓇᐅᑐᐃᓐᓇᓂᒃ ᓄᑖᒍᑦᓱᑎᒃ ᓴᒡᒐᕕᑦᓴᐅᔪᕆᓕᕐᑕᒥᓂᒃ ᑕᑯᔭᕕᓂᕆᑦᓱᒋᑦ ᒪᙯᑦᓱᓂ. ᔪᐊᓇᓯ ᐃᑉᐱᒍᓱᑦᓯᐊᖏᓐᓇᕋᓱᐊᓲᖅ ᓱᕐᕃᓗᐊᑦᑌᓕᑦᓱᓂ ᓄᓇᓂᒃ ᑐᓂᕐᑕᑕᓕᓐᓂᒃ. ᐊᓪᓛᑦ ᓄᓇᓐᖑᐊᑎᒍᑦ ᓇᓃᓐᓂᖏᓐᓂᒃ ᐊᓪᓚᓲᖅ ᓄᓇᐅᓪᓗ ᖄᖓᓃᑦᑐᓂᒃ ᑕᑯᔭᕐᒥᓂᒃ ᐊᓪᓚᖁᑎᓕᐅᕆᓲᒍᑦᓱᓂ, ᐊᑦᔨᓕᐅᕐᐸᓱᒋᑦ ᓇᔪᒐᐅᓚᐅᕐᑐᕕᓃᓪᓗ ᐊᑦᑐᒐᓛᓐᓇᒋᑦ ᕿᒪᓲᕆᑦᓱᒋᑦ ᓈᒻᒪᓈᑦᓯᐊᑐᒃᑯᑦ ᐊᓪᓚᖁᑎᓕᐅᕐᑕᐅᒐᔭᕐᒪᑕ ᑐᓂᕐᑕᓂᐊᕐᑎᓚᕆᓐᓄᑦ. ᓱᕐᖁᐃᑐᒥᒃ ᓄᓇᕕᒃ ᑭᓐᖒᒪᑦᓯᔪᒻᒪᕆᒃ ᔪᐊᓇᓯᑑᕐᑐᓂᒃ ᓇᔪᒐᐅᓚᐅᕐᑐᕕᓂᕐᓂᒃ ᓄᓇᕕᒻᒦᑐᓂᒃ ᐅᖑᒪᑦᓯᒐᓱᐊᕈᓐᓇᑐᓂᒃ. ᐅᕙᑦᑎᓄᑦ ᐅᖄᓚᕕᖃᑦᑌᓕᑦᓴᕋᓯ ᐅᖑᒪᑦᓯᖃᑕᐅᒍᒪᒍᑦᓯ ᐊᓯᐅᖏᓐᓇᑎᑦᓯᑌᓕᒍᒪᒍᑦᓯᓗ ᓄᓇᕕᐅᑉ ᐱᐅᓯᕆᓯᒪᔭᓐᖑᐊᕌᓗᖓᓂᒃ!
ᖃᐅᑦᓵᓕᒃ ᓇᕐᑌ ᐊᒻᒪᓗ ᔪᐊᓇᓯ ᐃᓄᑉᐸᖅ ᓴᒡᒐᑑᒃ ᓄᓇᒥ IcGm-25-ᒥ, 2012 ᐊᐅᔭᖓᓐᓂ.
