ᒥᑎᕕᓂᕐᒥᒃ ᖁᓕᑦᑕᓕᐅᕐᓂᖅ
ᑭᓇᒨᒻᒪ¯ᑦ Nancy Palliser
ᐊᕐᕌᒍᑕᒫᑦ ᐳᑭᒃ ᐱᐅᓯᑐᖃᓕᕆᔩᑦ ᐃᓄᑦᓯᐅᑎᒥᒃ ᐃᓂᕐᓯᓲᖑᕗᑦ "ᐱᐅᓯᑐᖃᑦᑎᓂᒃ ᓄᐃᑕᑎᑦᓯᔪᒥᒃ". ᑕᒐᑕᒐᐅᑎᓪᓗᒍ ᐱᓇᓱᐊᖃᑦᑕᓚᐅᕐᑕᒥᓂᒃ ᐱᔭᕇᕋᑖᕐᖃᒦᑦ ᒥᑎᕕᓂᕐᒥᒃ ᖁᓕᑦᑕᓕᐅᕐᓱᑎᒃ. ᐃᓄᐃᑦ ᓄᓇᕕᒻᒥᐅᑦ ᑌᒣᑦᑐᓂᒃ ᖁᓕᑦᑕᓂᒃ ᐊᑐᓚᐅᕐᓯᒪᑦᔭᖏᒃᑲᓗᐊᕐᑎᓗᒋᑦ, ᐱᐅᓯᑐᖃᓕᕆᔩᑦ ᑕᑯᑎᑦᓯᒍᒪᓚᐅᔪᔪᑦ ᐊᑦᔨᒌᓐᖏᑐᓂᒃ ᐃᓄᓕᕐᑕᓂᒃ ᐊᓐᓄᕌᖃᕐᒪᑦ ᐅᑭᐅᒥ ᐅᕐᖂᔪᑦᓯᐊᕌᓗᓂᒃ.
ᖁᓕᑦᑕᓕᐅᕐᓂᖅ ᑮᓇᐅᔭᖃᕐᑎᑕᐅᔪᖅ ᐅᖓᓗᒃᑯᓄᑦ, ᐅᐊᕈᑦᓯᓕᐅᑎᑎᓪᓗᒋᑦ "ᐱᐅᓯᑐᖃᕗᑦ ᓄᐃᑕᑎᓚᐅᕐᓚᕗᑦ" ᐱᓇᓱᐊᕐᑕᐅᓂᖓᓄᑦ.
ᒥᑎᕕᓃᑦ ᐊᒥᖏᑦ ᐸᓂᕐᓯᐊᒍᕐᖄᓚᐅᔪᔪᑦ, ᑌᒪ ᓴᓗᒻᒪᓴᕐᑕᐅᓱᑎᒃ ᑌᒪᓗ ᐊᕿᓪᓕᑎᕐᑕᐅᓂᐊᓕᕋᒥᒃ. ᐃᓕᓴᐱ ᓄᑕᕋᖅ ᐊᒻᒪᓗ ᐃᓕᓴᐱ ᐃᓄᑉᐸᖅ ᖁᓕᑦᑕᓕᐅᖃᑦᑕᕋᑖᓚᐅᕐᔪᔫᒃ ᐊᕙᑕᐅᑉ ᐊᓪᓚᕕᖓᓂ ᐃᓄᑦᔪᐊᒥ. ᑭᓇᑐᐃᓐᓇᑯᑦ ᑕᑯᓐᓇᐅᔮᕆᐊᕐᑐᕈᒪᔪᑦ ᙯᖁᔭᐅᑦᓯᐊᑐᐃᓐᓇᓚᐅᔪᔪᑦ ᐃᓕᑦᓯᓴᕋᔭᕐᒪᑕ ᖁᓕᑦᑕᓕᐅᕈᓯᕐᒥᒃ. ᖁᓕᑦᑕᖅ ᑕᑯᑦᓴᐅᓛᕐᓂᐊᓕᕐᑐᖅ ᑖᓂᐊᓪᓕ ᐅᐃᑖᓗᑦᑑᑉ ᑕᑯᔭᒐᖃᕐᕕᖓᓐᓂ.
ᒪᕐᕉᒃ ᐊᕐᓈᒃ ᒥᕐᓱᑑᒃ: ᐃᓕᓴᐱ ᓄᑕᕋᖅ ᐊᒻᒪᓗ ᐃᓕᓴᐱ ᐃᓄᑉᐸᖅ
ᐃᓕᓴᐱ ᓄᑕᕋᖅ ᐃᓕᑦᑎᕙᓪᓕᐊᓯᔪᖅ ᐃᓕᓴᐱ ᐃᓄᑉᐸᖅ ᐃᒫᙰᕐᑎᓗᒍ. ᔫᓇ ᑲᓓ ᐊᒻᒪᓗ ᐊᒪᓖ ᓈᔅᑕᐴᑲ ᑕᑯᓐᓇᐅᔮᕐᑑᒃ.
ᐃᓕᓴᐱ ᓄᑕᕋᖅ (ᐃᓕᑦᑎᕇᕐᒪᑦ) ᐃᓕᓴᐱ ᐃᓄᑉᐸᖅ ᒥᕐᓱᐸᓪᓕᐊᓯᔪᖅ ᑕᓕᒋᓐᓂᒃ. ᓈᓐᓯ ᐹᓕᓴ ᐊᒻᒪᓗ ᕉᑕ ᑯᑭᐊᐱᒃ ᑕᑯᓐᓇᐅᔮᕐᑑᒃ.
ᐱᔭᕇᕐᓯᒪᓕᕐᑐᖅ ᖁᓕᑦᑕᖅ
