• ᑐᓴᕋᑦᓭᑦ

< ᐅᑎᕈᑎᒃ ᐊᓪᓚᖁᑎᓄᑦ

ᓴᓇᔭᐅᕙᓐᓂᕕᓂᖏᑦ ᐅᔭᕋᐅᑦᓱᑎᒃ ᓴᓇᕐᕈᑏᑦ ᐱᓯᑎᒻᒪᕆᐅᑦᓱᑎᒃ ᓇᕐᓂᑐᐃᓂᖃᕐᑎᓗᒍ ᓴᓇᕐᕈᑎᓕᐅᕈᓯᕕᓂᐅᕗᖅ ᓄᓇᕕᒻᒥ ᑕᐅᓴᓐᑎᐅᓈᕐᑎᑐᓂ ᐊᕐᕌᒎᓯᒪᓕᕐᑐᓂ ᑐᓂᕐᖄᕕᓂᐊᓗᓐᓄᑦ ᑐᓂᕐᓄᓗ. ᑖᓐᓇ ᓴᓇᕐᕈᑎᓕᐅᕈᓯᒃ ᐊᑐᕐᑕᐅᓲᒍᓐᓂᒥᔪᖅ ᐊᒥᓱᓂ ᓄᓇᐅᒻᒥᔪᓂ ᓯᓚᕐᔪᐊᒦᑦᑐᓂ. ᐃᒻᒪᖄ ᑖᓐᓇ ᓴᓇᕐᕈᑎᓕᐅᕈᓯᖅ ᐱᑐᐃᓐᓇᕆᐊᓕᕕᓂᖅ ᓄᓇᓂᑦ ᐅᑯᓇᓐᖓᑦ: ᓭᐱᐊᔨᐊ, ᒪᓐᑰᓕᐊ ᐊᒻᒪᓗ ᓭᓃᓰᑦ ᓄᓇᖓ ᐃᒻᒪᖄ 20,000 ᐊᕐᕌᒍᐃᑦ ᓈᓯᒪᓕᕐᑐᑦ. ᐅᓇᑕᒐ ᕿᒥᕐᕈᐊᒥ ᐅᖄᔭᐅᕙᓪᓗᑐᖅ: Emergence of Pressure Blade Making ᐋᕐᕿᓱᕐᑕᕕᓂᐅᑦᓱᓂ ᐊᕙᑕᐅᑉ ᐃᑦᓴᓂᑕᕐᓂᐊᑎᖁᑎᖓᓄᑦ ᐱᔦᕐ ᑎᕉᓯᔦᕐ-ᒧᑦ.

ᐊᕐᕌᒍᐃᑦ ᐃᖏᕐᕋᓂᖏᓐᓂ, ᐊᕙᑕᖅ ᐃᓕᑕᕆᔭᐅᓂᕐᑖᓯᒪᓕᕐᑐᖅ ᓯᓚᕐᔪᐊᓕᒫᒥ ᓱᑯᐃᔦᔨᓄᑦ ᐃᑦᓴᓂᑕᕐᓂᐊᓂᑎᒍᑦ. ᐃᓚᖏᑦ ᓇᕝᕚᖃᑦᑕᑕᕕᓂᖏᑦ (examples: 1, 2, 3, 4), ᐱᓇᓱᐊᖃᑦᑕᑕᕕᓂᖏᑦ (see this page) ᐱᐅᔫᓂᖏᓪᓗ ᐱᓇᓱᐊᖃᑦᑕᑕᕕᓂᖏᑦᑕ ᓯᓚᕐᔪᐊᓕᒫᒥ ᖃᐅᔨᒻᒫᕆᔭᐅᓕᕐᑐᑦ. ᑕᒪᓐᓇᑕᒐ ᐱᑦᔪᑎᖓ ᐊᕙᑕᐅᑉ ᓱᒧᑦ ᐱᓕᐅᑦᔨᖃᑎᖃᕐᑐᓯᐊᒍᒻᒪᖔᑦ ᐃᓕᓐᓂᐊᕕᕐᔪᐊᓂᒃ ᑮᓇᐅᔭᓂᒃ ᓂᖏᕐᑎᑕᐅᕙᑦᓱᓂ ᖃᐅᔨᓴᐅᑎᑦᓴᓂᒃ, ᐆᑦᑑᑎᒋᓗᒍ ᐃᓂᕐᑕᐅᓂᕕᓂᖓᓄᑦ ᕿᒥᕐᕈᐊᑉ ᐊᑎᖃᕐᓱᓂ ᓯᕗᓕᑦᑕ ᐃᓅᓯᕆᓚᐅᕐᑕᖏᑦ ᐊᑑᑎᓚᐅᕐᑕᖏᓪᓗ: ᖃᕆᑕᐅᔭᑎᒍᑦ ᐅᕗᖓ ᑕᑯᒋᐊᕐᓗᑎᑦ (CURA project). ᐊᔪᒉᑦᑑᒐᓛᓐᖏᑐᖅ ᑕᑯᒋᐊᒥᒃ ᐊᕙᑕᐅᑉ ᐃᑦᓴᓂᑕᕐᓂᐊᑎᖁᑎᖏᑦᑕ ᐱᓇᓱᐊᕐᑕᕕᓂᖏᑦ ᕿᒥᕐᕈᐊᓕᐊᒍᓐᓂᒪᑕ Springer-ᒧᑦ, ᑖᓐᓇᓗ ᐱᓪᓚᕆᐅᑦᓱᓂ ᓯᓚᕐᔪᐊᓕᒫᒥ ᐊᑐᐊᒐᓐᖑᑎᑕᐅᑎᑦᓯᔨᐅᑦᓱᓂ ᓱᑯᐃᔦᓂᕐᓅᓕᖓᔪᓂᒃ. ᑕᒐᑕᒐ ᐊᕙᑕᐅᑉ ᐱᑦᓯᐊᓯᒪᓂᖓ ᓴᕐᕿᓚᕿᓯᒪᔪᖅ ᐊᕙᑎᓗ ᖁᓕᓪᓗ ᐊᕐᕌᒍᕐᓂ ᐱᓯᑎᒻᒪᕇᑦ ᐱᓇᓱᐊᖃᑦᑕᓚᐅᑲᑦᑎᓗᒋᑦ ᐅᑭᐅᕐᑕᑐᒥ ᐃᑦᓴᓂᑕᕐᓂᐊᓂᕐᒥᒃ. ᑕᒐᑕᒐᐅᓕᕐᑐᖅ ᐊᕙᑕᖅ ᒪᑭᑕᑦᓯᐊᓕᕐᑐᖅ ᐃᓄᐃᑦ ᐱᓇᓱᕝᕕᖁᑎᖏᑦ ᑎᒍᒥᐊᖔᕐᑎᓗᒋᑦ ᖃᐅᔨᓴᕐᓂᐅᓲᓂᒃ, ᐁᑦᑐᑐᐃᖔᑐᐃᓐᓇᐸᒍᓐᓀᕋᒥ ᖃᐅᔨᔭᕕᓂᕐᒥᓂᒃ ᐃᓕᓐᓂᐊᕕᕐᔪᐊᓂ ᖃᐅᔨᓴᕐᑎᓄᑦ. ᑕᒪᓐᓇ ᐃᓄᓐᓂᒃ ᓄᒃᑮᓕᐅᒥᔪᖅ ᐱᒻᒪᕆᐅᑦᓱᓂᓗ ᐊᓪᓗᕆᐊᕐᓂᐅᓱᓂ ᓱᖏᕐᑐᐃᒍᑕᐅᒐᔭᕐᓗᓂ ᐃᒻᒥᓂᕿᒍᓐᓇᓂᖏᓐᓂᒃ ᓄᓇᕕᒻᒥᐅᑦ ᑭᖑᕕᕝᕈᓐᓇᑐᖁᑎᖏᑦ ᐱᑦᔪᑎᒋᓗᒋᑦ.

ᖃᐅᔨᒋᐊᒃᑲᓂᕈᒪᒍᕕᑦ ᕿᒥᕐᕈᐊᑉ ᒥᑦᓵᓄᑦ, ᐅᓇ ᓇᕐᓂᓗᒍ:
http://www.springer.com