ᐃᓄᒃᑎᑐᑦ ᐅᖃᐅᓯᖅ ᓇᓪᓕᐅᓂᕐᓯᐅᕈᑕᐅᔪᖅ ᐊᕐᕌᒎᑉ ᑐᖓᓕᖓᓂ ᐃᒣᓕᖓᑎᓪᓗᒍ: “ᑕᑦᓰᓂᖅ ᐅᑭᐅᕐᑕᑐᒥ ᓇᓪᓕᐅᓂᕐᓯᐅᓂᕐᒥᒃ”

ᑭᓇᒨᒻᒪ¯ᑦ ᓈᓐᓯᐋᓐ ᑯᔩ

ᐃᓄᐃᑦ ᑕᐱᕇᑦ ᑲᓇᑕᒥ ᐊᕐᕌᒎᑉ ᑐᖓᓕᖓᓂ “ᑕᑦᓰᓂᖅ ᐅᑭᐅᕐᑕᑐᒥᒃ” ᓇᓪᓕᐅᓂᕐᓯᐅᓂᕐᒧᑦ ᑮᓇᐅᔭᓂᒃ ᓄᐃᑦᓯᒐᓱᐊᕐᓂᖓᓄᑦ ᐃᑎᕈᑏᑦ ᓄᖑᑕᐅᑦᓯᐊᓚᐅᔪᕗᑦ ᑲᓇᑕᒥ ᑕᑯᒥᓇᕐᑐᓕᐅᕐᓂᒧᑦ ᑐᓴᕐᓂᑐᓕᐅᕐᓂᒧᑦ ᑕᑯᔭᕐᑐᕕᖓᓐᓂ ᐋᑐᕚᒥ ᐊᕗᓐᓂᑎ (ᕕᕗᐊᕆ) 1, 2011-ᒥ. ᑮᓇᐅᔦᑦ ᓄᐊᑕᕕᓃᑦ ᑕᕝᕙᓂ ᓇᓪᓕᐅᓂᕐᓯᐅᓂᕐᒥ ᐃᑲᔪᕐᓯᓛᕐᓂᐊᑐᑦ ᐊᕙᑕᖅ ᐱᐅᓯᑐᖃᓕᕆᕕᐅᑉ ᐅᖃᐅᓯᓕᕆᓂᕐᒧᑦ ᐱᓇᓱᐊᕐᑕᐅᓂᕆᓲᖓᓂᒃ.

ᐊᕙᑕᖅ ᐱᐅᓯᑐᖃᓕᕆᕕᒃ ᓇᑯᕐᒦᒍᒪᕗᖅ ᐃᓄᐃᑦ ᑕᐱᕇᑦ ᑲᓇᑕᒥᒃ ᓲᓱᒋᓐᓇᑐᒻᒪᕆᒻᒥᒃ ᑮᓇᐅᔭᕐᓯᐅᕈᑦᔨᓚᐅᔪᒻᒪᑦ, ᐃᓕᑕᕐᓯᒪᓚᐅᔪᑦᓱᓂᓗ ᓴᐳᒻᒥᓯᒪᑦᓱᓂ ᐅᖑᒪᔭᐅᓂᖓᓂᒃ ᐱᕙᓪᓕᐊᔭᐅᓂᖓᓂᓗ ᐃᓄᒃᑎᑐᑦ ᐅᖃᐅᓯᐅᑉ. ᐊᕙᑕᖅ ᐅᐱᒍᓱᑦᑐᒪᕆᐅᒻᒥᔪᖅ ᑕᑯᔭᕐᑐᓚᐅᔪᔪᓂᒃ ᐃᑲᔪᕐᓯᒪᓚᐅᔪᒻᒪᑕ ᓴᐳᒻᒥᓯᒪᑦᓱᑎᒃ ᑮᓇᐅᔭᕐᓯᐅᓂᕐᒥᒃ.

ᙯᕐᖁᔭᐅᓯᒪᔪᑦ ᐅᑯᓂᖓ ᐃᓚᖃᓚᐅᔪᔪᑦ: ᐊᖓᔪᕐᖄᖅ ᓵᓕ ᐋᕐᖓᖅ, ᖃᐅᔨᒻᒫᕆᔭᐅᒻᒪᕆᑦᑐᓗ ᔦᐱᑎ ᓄᓐᖓᖅ, ᐃᓄᒃᑎᑐᑦ ᐅᖃᐅᓯᓕᕆᓂᐅᑉ ᐱᓇᓱᐊᕐᑕᐅᓂᖓᓄᑦ ᑐᑭᒧᐊᕐᑎᓯᔨ. ᓲᖑᔪᒻᒪᕆᐊᓗᒻᒥᒃ ᐅᖄᓂᕆᓚᐅᔪᔭᖓ ᒥᔅᑕ ᓄᓐᖓᐅᑉ ᓱᓇᒥᑦᓯᐊᑐᒥᒃ ᑐᓵᔭᐅᓂᖃᓚᐅᔪᕗᖅ ᐊᒥᓱᑲᓪᓚᓄᑦ ᐱᓂᐊᕐᓂᓕᕆᔨᓄᑦ, ᑮᓇᐅᔭᓕᐅᕋᓱᐊᕐᑏᑦ ᐊᖓᔪᕐᖃᐅᑎᖏᓐᓄᑦ ᓄᓇᓕᓐᓄᓗ ᐃᓚᐅᔪᓄᑦ ᑕᒪᖏᓐᓂ ᐃᓄᑐᐃᓐᓀᑦ ᐃᓄᑐᐃᓐᓇᐅᖏᑦᑐᐃᓗ ᐱᓇᓱᕝᕕᖏᓐᓂᒥᐅᓄᑦ. ᒥᔅᑕ ᓄᓐᖓᐅᑉ ᐅᖃᐅᓯᓐᖑᐊᕌᓗᒋᓚᐅᔪᔭᖏᑦ ᐃᓘᓐᓇᓯᐊᖏᓐᓄᑦ ᑐᑭᓯᔭᐅᑦᓯᐊᓚᐅᔪᕗᑦ ᐅᓇᒻᒥᓇᕐᑑᓕᕐᑐᓄᑦ ᐃᓄᐃᑦ ᓵᓐᖓᒋᐊᖃᓲᖏᓐᓂᒃ ᐅᓪᓗᒥᐅᓕᕐᑎᓗᒍ, ᐊᒻᒪᓗ ᐃᓱᒪᒋᔭᐅᓂᖓ ᐃᓄᒃᑎᑐᑦ ᐅᖃᐅᓯᖅ ᐃᓕᑕᕆᔭᐅᒐᔭᕐᑎᓗᒍ ᑲᓇᑕᒥ ᐅᖃᐅᓯᐅᓂᕐᐸᐅᖃᑕᐅᑎᓪᓗᒍ ᐃᓱᒻᒥᑑᑎᑦᓴᓕᐊᒍᓚᐅᔪᒻᒥᔪᖅ.

ᐅᓐᓄᓴᐅᓕᕐᒪᑦ ᖁᕕᐊᓱᓯᓚᐅᔪᒻᒥᔪᑦ ᐃᓱᒪᑕᐅᑦᓱᑎᒃ ᑐᓴᕐᓂᔮᕐᑎᓯᑎᓪᓗᒋᒃ ᓄᓇᕕᒻᒥᐅᒃ ᐃᓕᓴᐱ ᐁᓯᒃ, ᐃᓅᑦᓱᓂ ᐃᓐᖏᓗᑦᑖᑎ, ᐊᒻᒪᓗ ᑕᕐᕋᓕᒃ ᐹᑦᑐᔨᑦᔅ, ᐃᓅᑦᓱᓂ ᑐᓵᔭᐅᑦᓱᓂ ᐅᖃᑦᓯᐊᖑᐊᕈᑎᓂᒃ ᐅᓂᒃᑳᓲᖅ. ᑮᓇᐅᔭᕐᓯᐅᕋᓱᐊᕐᓂᒦᓚᐅᔪᔪᑦ ᐊᓕᐊᒋᒻᒪᕆᑦᓱᒍ ᐊᔪᒉᒋᒻᒪᕆᑦᓱᒍᓗ ᑕᑯᓐᓇᐅᔮᓚᐅᔪᒻᒥᔪᑦ ᐱᓯᑎᐅᓵᓐᖑᐊᑐᓂᒃ ᐃᒡᓗᓕᒻᒥᐅᓄᑦ, ᓄᓇᕕᒻᒥ ᐊᓐᓄᕌᓕᐅᕐᑎ ᕕᑭ ᐅᒃᐱᒃ ᐱᐅᔪᐊᓗᓐᓂᒃ ᑕᑯᑦᓴᐅᑎᑦᓯᓚᐅᔪᒻᒥᔪᖅ ᓇᑦᓯᔭᐅᑦᓱᑎᒃ ᐱᐅᔪᐊᓘᑦᓱᑎᓗ ᐊᓐᓄᕌᓕᐊᕕᓂᕐᒥᓂᒃ.

ᔦᐱᑎ ᓄᓐᖓᖅ ᐅᖄᕕᓕᒃ ᐅᓄᒋᐊᓂᒃ ᓵᓕ ᐋᕐᖓᖅ ᑭᓪᓕᖓᓃᑦᑎᓗᒍ, ᐱᓱᕝᕕᑯᑖᖓᓐᓂ ᑲᓇᑕᐅᑉ ᑕᑯᔭᕐᑐᕕᖓᑕ.

ᒥᐊᔨ ᓭᒪᓐ, ᐃᓄᐃᑦ ᑕᐱᕇᑦ ᑲᓇᑕᒦᒃᑯᑦ ᐊᖓᔪᕐᖄᖓ.

ᒥᑫᓪ ᔮᓐ, ᐊᑕᓂᐊᓘᑉ ᑭᒡᒐᑐᕐᑎᒋᓚᐅᔪᔭᖓ ᑲᓇᑕᒧᑦ ᐊᒻᒪᓗ ᕉᑕ ᑯᑭᐊᐱᒃ, ᐊᕙᑕᐅᑉ ᑲᒪᔨᒻᒪᕆᖓ

ᐃᓕᓴᐱ ᐁᓯᒃ

Artcirq, ᐅᑭᐅᕐᑕᑐᒥ ᐃᓄᐃᑦ ᑕᑯᓐᓇᐅᔮᕐᑕᐅᓱᑎᒃ ᐱᓯᑎᐅᓵᓐᖑᐊᑏᑦ.

ᓄᓇᕕᒻᒥ ᓴᓇᒉᑦ ᓄᐊᑕᐅᒪᔪᑦ