• ᑐᓴᕋᑦᓭᑦ

< ᐅᑎᕈᑎᒃ ᐊᓪᓚᖁᑎᓄᑦ

ᔫᓂ 23, 2010-ᒥ, ᑲᕙᒪᑐᖃᒃᑯᓂᒥᐅᖅ ᒥᑫᓪ ᔮᓐ, ᐊᑕᓂᐊᓘᑉ ᑭᒡᒐᑐᕐᑎᖓ ᑲᓇᑕᒧᑦ, ᐁᑦᑐᐃᓚᐅᔪᕗᖅ ᐱᓪᓚᕆᕋᑕᐅᑦᓱᓂ ᐃᓕᑕᕐᓯᐅᑎᒥᒃ ᓇᓪᓕᐅᓂᕐᓯᐅᓂᖃᕐᑎᓗᒍ Nation’s Table

<http://www.gg.ca/document.aspx?id=13710&lan=eng> ᐊᕙᑕᖅ ᐱᐅᓯᑐᖃᓕᕆᕕᒥᒃ, ᓴᕐᕿᑎᑦᓯᓚᕿᔪᕕᓂᐅᒻᒪᑦ ᑕᓪᓕᒣᓂᒃ ᐃᓄᐃᑦ ᑏᕐᓗᖁᑎᖏᓐᓂᒃ.

ᓵᓕ ᐋᕐᖓᖅ, ᐊᕙᑕᖅ ᐱᐅᓯᑐᖃᓕᕆᕕᐅᑉ ᐊᖓᔪᕐᖄᖓ, ᑎᒍᓯᓚᐅᔪᕗᖅ ᐃᓕᑕᕆᔭᐅᒍᑎᒥᒃ ᓇᓪᓕᐊᓂᕐᓯᐅᓂᖃᕐᑎᓗᒍ Rideau Hall-ᒥ, ᑖᓐᓇ ᐊᑕᓂᐊᓘᑉ ᑭᒡᒐᑐᕐᑎᖓᑕ ᑲᓇᑕᒧᑦ ᐊᓂᕐᕋᖓ.

ᑖᓐᓇ ᐊᕐᕌᒍᖅ ᓇᓗᓀᕐᓯᔪᖅ ᓯᕗᓪᓕᐹᑦᓯᐊᒥᒃ ᐊᑕᓂᐊᓘᑉ ᑭᒡᒐᑐᕐᑎᖓ ᑲᓇᑕᒧᑦ ᐃᓕᑕᕐᓯᓂᖃᕐᑎᓗᒍ ᓇᓪᓕᐅᓂᕐᓯᐅᑕᐅᔪᒥᒃ Nation’s Table-ᒥᒃ. ᑖᒃᑯᐊ ᐃᓕᑕᕆᔭᐅᒍᑏᑦ ᐃᓕᑕᕐᓯᓂᖃᕐᑐᑦ ᓇᓪᓕᐅᓂᕐᓯᐅᕈᑎᖃᕐᓱᑎᓗ ᐊᔪᐃᓐᓇᑐᒻᒪᕆᐅᕙᒻᒪᑕ ᐱᐅᓯᐅᒦᒐᓱᐊᕐᓱᑎᒃ ᐱᐅᓂᖏᓐᓂᒃ, ᐱᐅᔪᑦᓴᔭᐅᓂᖏᓐᓂᒃ ᐃᓅᒍᑕᐅᒍᓐᓇᓂᖏᓐᓂᓗ ᑲᓇᑕᒥᐅᔦᑦ ᓂᖀᑦ.

ᐊᕙᑕᖅ ᐱᐅᓯᑐᖃᓕᕆᕕᒃ ᐁᑦᑐᑕᐅᓚᐅᔪᕗᖅ ᐃᓕᑕᕆᔭᐅᒍᑎᒥᒃ ᐱᓇᓱᐊᕐᓂᕕᓂᖓᓐᓄᐊᖓᔪᒥᒃ ᑏᕐᓗᐃᓗ ᐃᓅᒍᑕᐅᒍᓐᓇᓂᖓᓄᐊᖓᔪᒥᒃ, ᑌᒣᑦᓱᓂ ᐃᓕᑕᕐᓯᓂᕋᕐᑐᖅ ᐃᓄᑑᓈᕐᑎᑐᓂᒃ ᐱᓇᓱᕝᕕᐅᔪᓂᓗ ᐃᑲᔪᕐᓯᔪᕕᓂᕐᓂᒃ ᐊᓯᐅᖏᓐᓇᑎᑦᓯᑌᓕᒻᒪᑕ ᑲᓇᑕᐅᑉ ᓂᕿᖁᑎᖏᑦᑕ ᐃᓚᖏᓐᓂᒃ ᐱᓇᓱᐊᕐᓂᒥᓂᓪᓗ ᐃᑉᐱᒍᓱᑦᓯᐊᑐᕕᓂᐅᒻᒪᑕ ᐊᕙᑎᑦᑎᓂᒃ, ᓂᖀᑦ ᐊᑦᑕᓇᓐᖏᑑᓂᖏᓐᓂᒃ ᑎᒥᒧᓪᓗ ᐱᐅᔫᓂᖏᓐᓂᒃ.

ᐅᓇ ᐱᒻᒪᕆᐅᓂᕐᐹᖅ, ᑖᓐᓇ ᐃᓕᑕᕆᔭᐅᒍᑎᒃ ᓇᓪᓕᐅᓂᕐᓯᐅᓂᖃᕐᑐᖅ ᐱᐅᓯᕐᓲᑕᐅᓂᖏᑦᑕ ᐃᓅᒍᑕᐅᒍᓐᓇᓂᖏᑦᑕᓗ ᐃᓱᒫᓗᒋᔭᐅᓂᖏᓐᓂᒃ ᐃᓄᐃᑦ ᑏᕐᓗᖁᑎᖏᑦ. ᑏᕐᓗᓕᐅᕐᓂᒥᒃ ᐱᒋᐊᓕᑐᐊᕋᒥ ᐊᕙᑕᖅ ᐱᐅᓯᑐᖃᓕᕆᕕᒃ, ᐱᑦᓯᐊᕋᓱᐊᒻᒪᕆᑦᑐᕕᓂᐅᓚᐅᔪᔪᖅ ᐱᕙᓪᓕᐊᑎᑦᓯᒐᓱᐊᕐᓱᓂ ᐱᐅᓯᑐᖃᕐᑎᒎᕐᓱᓂ ᓄᐃᑕᓪᓗᕆᑦᑑᓱᓂᓗ ᑏᕐᓗᓕᐅᕐᓱᓂ ᐃᑲᔪᕐᓯᑐᐃᓐᓇᕋᔭᓐᖏᑐᒥᒃ ᓯᕗᓪᓕᕕᓂᑦᑕ ᖃᐅᔨᒪᐅᓯᕕᓂᖏᑦ ᑭᖑᕚᖏᓐᓅᑕᐅᑎᓪᓗᒋᑦ ᐋᓐᓂᐊᓯᐅᑎᐅᒍᓐᓇᓱᑎᒃ ᐱᕈᕐᑐᑦ ᐱᕈᓲᒍᑦᓱᑎᒃ ᑯᐯᑉ ᓇᑎᕐᓈᖓᓂ, ᑭᓯᐊᓂᓗᑦᑕᐅᖅ ᐱᓇᓱᒐᑦᓴᖃᕐᑎᓯᓚᐅᔪᑦᓱᓂ ᓄᓇᕕᒻᒥ ᓄᓇᓕᐅᔪᓂ ᐱᓇᓱᐊᕐᑕᐅᔪᓂᓪᓗ ᑮᓇᐅᔭᖃᕐᑎᓯᑦᓱᓂ ᓄᓇᕕᒻᒥᐅᓕᒫᓅᓕᖓᔪᓂᒃ - ᐊᒻᒪᓗ ᐱᓇᓱᐊᕐᓂᒥᓂ ᐅᖑᒪᑦᓯᒐᓱᐊᕐᓱᓂ ᓄᓇᕕᐅᑉ ᓄᓇᖓᑕ ᐊᑦᑕᓇᕐᑐᐊᐱᐅᓂᖓᓂᒃ.

ᖃᐅᔨᒋᐊᒃᑲᓂᒍᒪᒍᕕᑦ ᐃᓄᐃᑦ ᑏᕐᓗᖁᑎᖏᑦᑕ ᒥᑦᓵᓄᑦ ᐊᕙᑕᐅᑉ ᐃᓂᕐᑕᕕᓂᖏᓐᓂᒃ, ᖃᕆᑕᐅᔭᒥ ᑕᑯᓇᓱᐊᕐᓗᑎᑦ ᐅᕙᓂ: www.deliceboreal.com.