• ᑐᓴᕋᑦᓭᑦ

< ᐅᑎᕈᑎᒃ ᐊᓪᓚᖁᑎᓄᑦ

ᐊᕙᑕᖅ ᐅᐱᒍᓱᑉᐳᖅ ᑐᓐᖓᓱᑦᑎᓯᒋᐊᒥᒃ J.C. ᑯᔩᒥᒃ ᓯᓚᕐᔪᐊᒥ ᖃᕆᑕᐅᔭᑎᒍᑦ ᓄᐃᑕᑎᑦᓯᒍᑎᖓᓐᓄᑦ. J.C. ᖃᕆᑕᐅᔭᑎᒍᑦ ᐅᖃᐅᓯᑦᓴᖃᖃᑦᑕᓛᕐᓂᐊᑐᖅ ᒪᕐᕈᕕᓪᓗᓂ ᑕᕐᕿᒥ ᑕᕐᕋᒧᐊᖓᔪᓕᒫᑦᓯᐊᑦ ᒥᑦᓵᓄᑦ. ᐊᓕᐊᑉᐳᒍᑦ J.C.-ᒥᒃ ᖃᕆᑕᐅᔭᑎᒍᑦ ᐅᖃᐅᓯᖃᕐᕕᓴᖃᕐᑎᓯᒋᐊᒥᒃ ᐃᒻᒥᒎᕐᑑᓱᓂ ᐊᑐᐊᒐᓕᐅᕐᑎᒥᒃ, ᓴᕐᕿᔮᕐᑎᓯᖃᑦᑕᓛᕐᓂᐊᒪᑦ ᐃᓱᒪᑖᕕᓂᕐᒥᓂᒃ, ᖃᕆᑕᐅᔭᒥᓪᓗ ᑕᑯᓇᓱᐊᕐᑐᓂᒃ ᐅᖄᖃᑎᖃᖃᑦᑕᓛᕐᓂᐊᓱᓂ ᐃᓄᐃᑦ ᑕᕐᕋᐅᓗ ᒥᑦᓵᓄᑦ.

J.C. ᐱᔪᓐᓇᑐᓪᓚᕆᐅᑦᓱᓂ ᐊᑐᐊᒐᓕᐅᕐᑎᐅᕗᖅ, ᐊᒻᒪᓗ ᐅᕕᒃᑲᐅᒐᒥ ᐃᓅᑦᓱᓂ ᓄᓇᓕᐊᕈᕐᒥᑦ ᐱᓯᒪᑦᓱᓂ ᓄᓇᕕᒻᒥᑦ, ᐱᓇᓱᐊᕐᑕᖓ ᑐᓴᐅᒪᑎᑦᓯᓲᖅ ᓄᑖᑦᓯᐊᒥᒃ ᑕᑯᓐᓇᒍᓯᕐᒥᒃ ᐃᓄᐃᑦ ᐅᑭᐅᕐᑕᑑᓪᓗ ᒥᑦᓵᓄᑦ.

ᐊᕙᑕᐅᑉ ᑎᓕᔭᐅᒪᐅᑎᖓᑕ ᐃᓚᖓ ᐊᑐᐊᒐᓐᖑᑎᑕᐅᑎᑦᓯᓂᕐᒧᑦ ᑫᓪᓗᑐᐃᓗᓂ ᐅᕕᒃᑲᓂᒃ ᐃᓄᓐᓂᒃ ᓴᕐᕿᑎᑦᓯᖁᓗᒋᑦ ᐊᑐᐊᒐᓐᖑᑎᑕᐅᑎᑦᓯᓗᑎᓗ ᓄᑖᓂᒃ ᐱᓇᓱᐊᕐᑕᕕᓂᕐᒥᓂᒃ, ᐊᒻᒪᓗ ᓴᕐᕿᔮᕐᑎᓯᖃᑦᑕᓗᓂ ᐃᓱᒪᑖᕕᓂᖏᓐᓂᒃ ᐊᑐᐊᒐᑦᓴᑎᒍᑦ. ᑖᓐᓇ ᖃᕆᑕᐅᔭᑎᒍᑦ ᐃᓱᒣᔭᕐᕕᒃ ᒪᓂᔭᐅᔪᖅ ᐃᓱᒣᔭᕐᕕᐅᖃᑦᑕᓛᕐᓂᐊᑎᓪᓗᒍ ᓄᓇᕕᒻᒥᐅᓄᑦ ᓱᒐᓗᑦᑐᖅ ᐃᓚᐅᑎᒋᐊᕐᓗᒋᑦ ᐃᓱᒣᔭᕐᓱᑎᒃ ᐅᖃᖃᑎᒌᓐᓂᓄᑦ ᓱᓇᑐᐃᓐᓇᓂᒃ ᐃᓄᓐᓂᒃ ᐱᑦᔪᑎᓕᓐᓂᒃ.

ᐊᑐᐊᕐᓯᑲᓪᓛᐱᖁᓇᕐᐳᑎᑦ J.C. ᖃᕆᑕᐅᔭᑎᒍᑦ ᖃᒻᒥᓂᑕᐅᓂᕐᐸᐅᓱᓂ ᐃᓱᒣᔭᕐᕕᖓᓐᓂᒃ. ᐅᖃᐅᓯᑦᓴᕆᔭᐅᔪᑦ ᐊᐱᕐᓲᑎᒋᔭᐅᔪᓪᓗ J.C. ᐊᓪᓚᑕᕕᓂᖏᑦᑕ ᒥᑦᓵᓄᑦ ᖃᕆᑕᐅᔭᒧᑦ ᐃᓕᔭᐅᒍᓐᓇᑐᑦ `ᐅᖃᐅᓯᑦᓴᖃᕐᕕᒧᑦ` ᐊᓪᓚᓚᐅᕐᑐᕕᓂᐅᑎᓪᓗᒍ. ᖃᐅᔨᒐᓱᐊᒋᐊᒃᑲᓂᓛᕐᖁᑎᑦ ᓯᕗᓂᕐᒥ ᐃᓱᒣᔭᕐᕕᓴᐅᖃᑦᑕᓛᕐᑐᓂᒃ, ᐱᖃᓐᓈᑎᓗ ᖃᐅᔨᑎᓗᒋᑦ ᑖᑦᓱᒥᖓ ᐃᓱᒣᔭᕐᕕᓴᕐᒥᒃ ᐅᕙᓂ ᐱᑐᑦᓯᒪᐅᑎᒥ :

http://www.avataq.qc.ca/iu/Blog

ᓇᑯᕐᒦᒃ!

ᑕᕐᕋᓕᒃ ᐹᑦᑐᔨᑦᔅ
ᑐᓴᐅᒪᖃᑎᒌᓐᓂᓕᕆᕕᒃ ᐊᑐᐊᒐᓐᖑᑎᑕᐅᑎᑦᓯᕕᓪᓗ
ᐊᕙᑕᖅ ᐱᐅᓯᑐᖃᓕᕆᕕᒃ