ᐊᕙᑕᒃᑯᑦ ᑐᓴᕐᑎᓯᕗᑦ ᓄᑖᒥᒃ ᑎᒥᖁᑎᖃᓕᕋᒥᒃ ᓴᐳᑦᔨᓯᒪᓚᖓᔪᒥᒃ ᓄᓇᕕᒻᒥ ᐊᓪᓚᖑᐊᕐᑎᓂᒃ, ᓴᓇᓐᖑᐊᑎᓂᒃ, ᐃᓐᖏᖑᐊᕐᑎᓂᒃ, ᐊᑐᐊᒐᓕᐅᕐᑎᓂᒃ, ᑕᑯᒥᓇᕐᑐᓕᐅᕐᑎᓂᒃ
ᑭᓇᒨᒻᒪ¯ᑦ Katarina Soukup
ᐃᓄᒃᔪᐊᖅ, ᓇᑦᓯᐊᓕᐅᑦ ᒫᑦᓯ 24, 2009 - ᓵᓕ ᐋᕐᖓᖅ, ᐊᕙᑕᖅ ᐱᐅᓯᑐᖃᓕᕆᕕᒃᑯᑦ ᐊᖓᔪᕐᖄᖓᑦ, ᐅᓪᓗᒥ ᑐᓴᕐᑎᓯᓚᐅᑲᑉᐳᖅ ᓴᕐᕿᑎᑕᐅᓂᖓᓂᒃ ᓄᑖᑉ ᐱᒍᑦᔨᕕᐅᓂᐊᓕᕐᑑᑉ ᐊᕙᑕᒃᑯᑦ ᐃᓗᐊᓂ ᓴᐳᒻᒥᓯᒪᓚᖓᓗᓂ ᐱᕈᕐᑎᓯᓗᓂᓗ ᓄᓇᕕᒻᒥᐅᓂᒃ ᐊᓪᓚᖑᐊᕐᑎᓂᒃ, ᓴᓇᓐᖑᐊᑎᓂᒃ, ᐃᓐᖏᖑᐊᕐᑎᓂᒃ, ᐊᑐᐊᒐᓕᐅᕐᑎᓂᒃ ᑕᑯᒥᓇᕐᑐᓕᐅᕐᑎᓂᓪᓗ. ᐱᒋᐊᕐᑎᑕᕕᓂᐅᑦᓱᓂ ᓂᖏᕐᑎᓯᑎᓪᓗᒋᑦ ᑲᑎᕕᒃ ᓄᓇᓕᓕᒫᑦ ᑲᕙᒪᖓᑦ, ᑲᑎᕕᒃ ᓄᓇᓕᓐᓂ ᐱᕙᓪᓕᐊᔪᓕᕆᕆᔨᖏᑦ, ᒪᑭᕕᒃ ᑯᐊᐳᕇᓴᓐ, ᑯᐯᒻᒥ ᐊᓪᓚᖑᐊᕐᑏᑦ, ᓴᓇᓐᖑᐊᑏᑦ, ᐃᓐᖏᖑᐊᕐᑏᑦ, ᐊᑐᐊᒐᓕᐅᕐᑏᑦ ᑕᑯᒥᓇᕐᑐᓕᐅᕐᑏᓪᓗ ᑐᕐᖃᑕᕐᕕᒪᕆᖓᑦ, ᑐᕌᕐᓂᖃᕋᓱᐊᕐᐳᖅ ᐊᐅᒫᒡᒌᕕᒃ ᓄᓇᕕᒻᒥ ᑕᑯᒥᓇᕐᑐᓕᐅᕐᑏᑦ, ᑐᓴᕐᓂᑐᓕᐅᕐᑏᑦ ᑐᕐᖃᑕᕐᕕᖓᑦ ᐱᐅᓯᐅᒦᒋᐊᕈᒫᕐᓂᐊᓱᓂ ᐊᓪᓚᖑᐊᕐᑏᑦ, ᓴᓇᓐᖑᐊᑏᑦ, ᐃᓐᖏᖑᐊᕐᑏᑦ, ᐊᑐᐊᒐᓕᐅᕐᑏᑦ ᑕᑯᒥᓇᕐᑐᓕᐅᕐᑏᓗ ᐱᓇᓱᐊᕐᓂᕆᓲᖏᓐᓂᒃ ᓄᓇᕕᒻᒥ ᐱᕙᓪᓕᐊᕈᒪᑦᓱᑎᒃ ᑎᒍᓯᒋᐊᕈᒪᑦᓱᑎᓗ ᐃᓅᒐᓱᐊᕈᑎᐅᒍᓐᓇᑐᓂᒃ ᑮᓇᐅᔭᑎᒍᑦ ᐱᓇᓱᒐᖃᕐᑎᓯᒍᑕᐅᒍᓐᓇᓗᑎᓗ ᐊᓪᓚᖑᐊᕐᑎᓂᒃ, ᓴᓇᓐᖑᐊᑎᓂᒃ, ᐃᓐᖏᖑᐊᑎᓂᒃ, ᐊᑐᐊᒐᓕᐅᕐᑎᓂᒃ ᑕᑯᒥᓇᕐᑐᓕᐅᕐᑎᓂᓪᓗ ᐊᒻᒪᓗ ᐃᓗᕐᕈᓯᓕᕆᓂᕐᓂ ᐱᓇᓱᐊᕐᓂᐅᕙᑦᑐᓂ.
ᐃᓄᒃᑎᑐᑦ ᐊᑎᖃᕐᓱᓂ ᐊᐅᒫᒡᒌᕕᒻᒥᒃ, ᑖᓐᓇ ᑐᑭᓕᒃ .ᐊᐅᒫᐲᑦ ᐱᒋᐊᕐᕕᓕᕐᕕᖓᑦ», ᐊᐅᒪᒡᒌᕕᒃ ᓴᐳᒻᒥᓯᒪᓚᖓᕗᖅ ᐊᓪᓚᖑᐊᕐᑎᓂᒃ, ᓴᓇᓐᖑᐊᑎᓂᒃ, ᐃᓐᖏᖑᐊᑎᓂᒃ, ᐊᑐᐊᒐᓕᐅᕐᑎᓂᒃ ᑕᑯᒥᓇᕐᑐᓕᐅᕐᑎᓂᓪᓗ ᐱᓇᓱᐊᕈᒪᔭᓕᒫᑦᓯᐊᖏᑎᒍᑦ (ᑕᑯᓐᓇᕋᑦᓴᓕᐅᕐᓃᑦ, ᑕᑯᓐᓇᐅᔮᕐᑕᐅᓃᑦ, ᑐᓴᕐᓂᔮᕐᑎᓯᓃᑦ, ᑕᕐᕋᓕᔮᓕᐅᕐᓃᑦ ᑕᑯᓐᓇᕋᑦᓴᓕᐅᕐᓃᓗ, ᐊᑐᐊᒐᓕᐅᕐᓃᑦ, ᐅᓂᒃᑳᑐᐊᕐᓃᑦ, ᐊᓯᖏᓐᓂᓗ) ᐱᓇᓱᐊᕈᒪᔭᖏᑦ ᐱᒋᐊᕐᑎᑕᐅᑎᓪᓗᒋᑦ ᐊᐅᒫᐱᒧᑦ ᓂᖏᕐᑎᑕᐅᓂᕐᓄᑦ (ᐆᑦᑑᑎᒋᓗᒍ ᓄᓇᕕᒻᒥᐅᑦ ᐊᓪᓚᖑᐊᕐᑏᑦ, ᓴᓇᓐᖑᐊᑏᑦ, ᐃᓐᖏᖑᐊᕐᑏᑦ, ᐊᑐᐊᒐᓕᐅᕐᑏᑦ ᑕᑯᒥᓇᕐᑐᓕᐅᕐᑏᓗ ᑮᓇᐅᔭᖃᕐᑎᑕᐅᓂᖏᓐᓄᑦ ᑐᓴᕐᑎᓯᒍᑕᐅᓚᐅᔪᒥ ᑕᕐᕿᐅᓚᐅᕐᑐᒥ), ᐃᓕᓐᓂᐊᑎᑕᐅᓂᖏᓐᓄᑦ ᐱᔪᓐᓇᑐᓪᓚᕇᓪᓗ ᐱᕙᓪᓕᐊᑎᑕᐅᓂᖏᓐᓄᑦ, ᒧᓐᑐᔨᐊᒦᑫᓐᓇᓂᖏᓐᓄᑦ, ᑮᓇᐅᔭᓕᐅᕋᓱᐊᕈᑎᓕᐅᕐᓂᖏᓐᓄᑦ ᓄᓇᓕᓐᓂ ᐱᓇᓱᕕᐅᔪᓂ ᐱᓇᓱᕕᑖᕐᑎᓯᖁᓪᓗᒋᑦ ᐊᓪᓚᖑᐊᕐᑎᓂᒃ, ᓴᓇᓐᖑᐊᑎᓂᒃ, ᐃᓐᖏᖑᐊᑎᓂᒃ, ᐊᑐᐊᒐᓕᐅᕐᑎᓂᒃ ᑕᑯᒥᓇᕐᑐᓕᐅᕐᑎᓂᓪᓗ, ᖁᕙᑎᑦᓯᒋᐊᕐᓗᑎᓗ ᐊᓪᓚᖑᐊᕐᑎᓂᒃ, ᓴᓇᓐᖑᐊᑎᓂᒃ, ᐃᓐᖏᖑᐊᑎᓂᒃ, ᐊᑐᐊᒐᓕᐅᕐᑎᓂᒃ ᑕᑯᒥᓇᕐᑐᓕᐅᕐᑎᓂᓪᓗ ᑯᐯᒻᒥ ᑯᐯᓪᓗ ᓯᓚᑖᖓᓐᓂ.
.ᑖᓐᓇ ᐱᓇᓱᐊᕋᑦᓴᖅ ᐱᖄᙰᓕᖓᓇᕐᑐᖅ ᐱᕙᓪᓖᓚᖓᒐᒥ ᐊᓪᓚᖑᐊᕐᑎᓕᒫᓂᒃ, ᓴᓇᓐᖑᐊᑎᓕᒫᓂᒃ, ᐃᓐᖏᖑᐊᕐᑎᓕᒫᓂᒃ, ᐊᑐᐊᒐᓕᐅᕐᑎᓕᒫᓂᒃ ᑕᑯᒥᓇᕐᑐᓕᐅᕐᑎᓕᒫᓂᓪᓗ, ᐃᑲᔪᕐᓯᒍᑕᐅᓚᖓᑦᓱᓂᓗ ᐱᕙᓪᓕᐊᔭᐅᓂᖓᓂᒃ ᐆᒪᓪᓗᕆᑦᑑᓱᓂ ᐊᓪᓚᖑᐊᕐᑏᑦ, ᓴᓇᓐᖑᐊᑏᑦ, ᐃᓐᖏᖑᐊᕐᑏᑦ, ᐊᑐᐊᒐᓕᐅᕐᑏᑦ ᑕᑯᒥᓇᕐᑐᓕᐅᕐᑏᓗ ᐱᓇᓱᐊᕐᓂᕆᕙᑦᑕᖏᓐᓂᒃ ᐊᒻᒪᓗ ᐃᓗᕐᕈᓯᖓᓐᓂᒃ ᓄᓇᕕᒻᒥᐅᑦ.» ᐅᖃᓚᐅᕐᑐᖅ ᐋᕐᖓᖅ ᐱᓇᓱᐊᕐᑕᐅᒐᓱᐊᓕᕐᑑᑉ ᒥᑦᓵᓄᑦ.»
ᖁᕕᐊᓲᑎᖃᕐᑐᒪᕆᐅᕗᒍᑦ ᐊᓪᓚᖑᐊᕐᑏᑦ, ᓴᓇᓐᖑᐊᑏᑦ, ᐃᓐᖏᖑᐊᕐᑏᑦ, ᐊᑐᐊᒐᓕᐅᕐᑏᑦ ᑕᑯᒥᓇᕐᑐᓕᐅᕐᑏᓪᓗ ᐱᕙᓪᓕᔭᐅᓚᖓᓕᕐᒪᑕ ᓄᓇᓕᓕᒫᓂᑦ ᓴᐳᑦᔭᐅᓯᒪᓂᕐᒥᓄᑦ.» ᑲᑎᕕᒃ ᓄᓇᓕᓕᒫᑦ ᑲᕙᒪᖓᓐᓂ ᑲᒪᔨᒻᒪᕆ ᒫᑭ ᐃᒪᑦᓚᒃ ᐅᖃᓚᐅᕐᑐᖅ ᐊᓪᓚᓱᓂ ᐋᕐᖓᒧᑦ ᐅᑉᐱᕆᔭᖃᕋᒥ ᑖᓐᓇ ᓄᑖᖅ ᐱᒍᑦᔨᕕᐅᓂᐊᓕᕐᑐᖅ .ᑐᑭᖃᑦᓯᐊᑐᒥᒃ ᑮᓇᐅᔭᑎᒍᑦ ᐱᕙᓪᓖᓚᖓᒻᒪᑦ ᓄᓇᕕᒻᒥᐅᓂᒃ ᐊᓪᓚᖑᐊᕐᑎᓂᒃ, ᓴᓇᓐᖑᐊᑎᓂᒃ, ᐃᓐᖏᖑᐊᑎᓂᒃ, ᐊᑐᐊᒐᓕᐅᕐᑎᓂᒃ ᑕᑯᒥᓇᕐᑐᓕᐅᕐᑎᓂᓪᓗ.»
.ᑖᓐᓇ ᑭᓐᖒᒪᒋᔭᒻᒪᕆᒃ ᖁᕙᑎᑦᓯᒋᐊᕈᑎᐅᑦᓱᓂ ᐊᓪᓚᖑᐊᕐᑎᖁᑎᑦᑎᓂᒃ, ᓴᓇᓐᖑᐊᑎᖁᑎᑦᑎᓂᒃ, ᐃᓐᖏᖑᐊᕐᑎᖁᑎᑦᑎᓂᒃ, ᐊᑐᐊᒐᓕᐅᕐᑎᖁᑎᑦᑎᓂᒃ ᑕᑯᒥᓇᕐᑐᓕᐅᕐᑎᖁᑎᑦᑎᓂᓪᓗ, ᐅᖃᓚᐅᕐᑐᖅ ᒣᑯ ᑯᐊᑕ, ᐊᖓᔪᕐᖄᑉ ᑐᖓᓕᐊ (ᑮᓇᐅᔭᑎᒍᑦ ᐱᕙᓪᓕᐊᒐᓱᐊᕐᓂᑎᒍᑦ) ᒪᑭᕕᑯᓐᓂᒥᐅᖅ. .ᐃᒻᒥᓂᒃ ᑕᑯᔭᐅᑎᓚᖓᓕᕐᑐᑦ ᓇᒻᒥᓂᕐᒥᓄᐊᖓᔪᓂᒃ ᑮᓇᐅᔭᓕᐅᕋᓱᐊᕈᓐᓇᓯᓗᑎᓗ, ᑕᒪᓐᓇ ᐱᒻᒪᕆᐅᒻᒪᑦ ᓴᐳᑦᔨᓯᒪᒍᑕᐅᓗᓂ ᐱᐅᓯᑐᖃᕐᑎᒍᑦ ᐃᓅᒐᓱᐊᕈᓯᑦᑎᓂᒃ.»
ᑲᑎᕕᒃ ᓄᓇᓕᓕᒫᑦ ᑲᕙᒪᖓᑦ ᓂᖏᕐᑎᓯᓚᖓᔪᖅ $160,000-ᓂᒃ ᓄᓇᓕᓕᒫᑦ ᐱᕙᓪᓕᐊᓂᖏᑦᑕ ᑮᓇᐅᔭᖁᑎᖏᓐᓂᑦ ᐱᔪᓂᑦ ᐊᒻᒪᓗ $215,000-ᓂᒃ ᐱᓇᓱᒐᑦᓴᓕᕆᔨᒃᑯᓂᑦ ᐱᔪᓂᑦ. ᑲᑎᕕᒃ ᓄᓇᓕᓐᓂ ᐱᕙᓪᓕᐊᔪᓕᕆᕕᒃ ᓂᖏᕐᑎᓯᓚᖓᔪᖅ $231,000-ᓂᒃ ᑲᑎᕕᒃ ᓄᓇᓕᓐᓂ ᐱᕙᓪᓕᐊᔪᓕᕆᕕᐅᑉ ᑮᓇᐅᔭᑎᒍᑦ ᐊᒡᒍᑐᐃᕕᖓᓐᓂᑦ, ᐊᒻᒪᓗ $115,000-ᓂᒃ ᑲᑎᕕᒃ ᓄᓇᓕᓐᓂ ᐱᕙᓪᓕᐊᔪᓕᕆᕕᐅᑉ ᐃᓅᖃᑎᒌᑦᑐᑎᒍᑦ ᑮᓇᐅᔭᓕᐅᕋᓱᐊᕐᓂᒧᑦ ᑮᓇᐅᔭᖁᑎᖏᓐᓂᑦ ᐱᔪᓂᑦ. ᑯᐯᒻᒥ ᐊᓪᓚᖑᐊᕐᑏᑦ, ᓴᓇᓐᖑᐊᑏᑦ, ᐃᓐᖏᖑᐊᕐᑏᑦ, ᐊᑐᐊᒐᓕᐅᕐᑏᑦ ᑕᑯᒥᓇᕐᑐᓕᐅᕐᑏᓪᓗ ᑐᕐᖃᑕᕐᕕᒪᕆᖓᑦ ᓂᖏᕐᑎᓯᖃᑦᑕᓚᖓᔪᖅ $50,000-ᓂᒃ ᐊᕐᕌᒍᑕᒫᑦ ᐱᖓᓱᓄᑦ ᐊᕐᕌᒎᓚᖓᔪᓄᑦ ᓄᓇᕕᒻᒥᐅᑦ ᑮᓇᐅᔭᖃᕐᑎᑕᐅᓂᖓᓄᑦ ᐊᓪᓚᖑᐊᕐᓂᒧᑦ, ᐊᑐᐊᒐᓕᐅᕐᓂᒧᑦ, ᐃᓐᖏᖑᐊᕐᓂᒧᑦ, ᓴᓇᓐᖑᐊᓂᕐᒧᑦ ᑕᑯᒥᓇᕐᑐᓕᐅᕐᓂᓄᓪᓗ. ᒪᑭᕕᒃ ᑯᐊᐳᕇᓴᓐ ᓂᖏᕐᑎᓯᓚᖓᔪᖅ ᐊᑯᓃᓚᖓᑦᓱᓂ ᐊᑦᑕᑐᕐᑎᓯᓂᕐᒥᒃ ᐃᓪᓗᕈᐊᓂᒃ ᓄᓇᓕᓐᓂ ᐱᖓᓱᓂ (ᐃᓄᒃᔪᐊᖅ, ᓴᓪᓗᐃᑦ ᑲᖏᕐᓱᓗ) ᐊᑐᕐᑕᐅᒍᒫᕐᓂᐊᑎᓪᓗᒋᑦ ᐊᒥᓱᐃᓕᕿᖓᔪᓂᒃ ᐱᓇᓱᕕᐅᒐᔭᕐᓗᑎᒃ ᐊᓪᓚᖑᐊᕐᑎᓄᑦ, ᓴᓇᓐᖑᐊᑎᓄᑦ, ᐃᓐᖏᖑᐊᕐᑎᓄᑦ, ᐊᑐᐊᒐᓕᐅᕐᑎᓄᑦ ᑕᑯᒥᓇᕐᑐᓕᐅᕐᑎᓄᓪᓗ. ᒪᑭᕕᑯᑦ ᓴᕐᕿᑎᑦᓯᓚᐅᔪᒻᒥᔪᑦ ᐊᓪᓚᖑᐊᕐᑏᑦ, ᓴᓇᓐᖑᐊᑏᑦ, ᐃᓐᖏᖑᐊᕐᑏᑦ, ᐊᑐᐊᒐᓕᐅᕐᑏᑦ ᑕᑯᒥᓇᕐᑐᓕᐅᕐᑏᓗ ᐱᓇᓱᑦᑎᒥᒃ ᑐᕐᖃᑕᕐᕕᐅᓂᐊᓕᕐᑐᒥᒃ. ᒫᓐᓇᐅᔪᖅ ᑖᓐᓇ ᐱᓇᓱᑦᑎᓕᒃ ᓵᒥ ᑲᓪᓚᒥᒃ ᑰᑦᔪᐊᒥᐅᒥᒃ, ᑖᓐᓇ ᐊᖑᑦ ᐱᓇᓱᐊᖃᑎᖃᑦᓯᐊᖃᑦᑕᓚᖓᔪᖅ ᐊᐅᒪᒡᒌᕕᒻᒥᒃ ᑎᑭᐅᑎᒍᑎᒋᒐᓱᐊᕐᓗᒍ ᑐᕌᒐᓱᐊᕐᑕᒥᓐᓄᑦ ᓴᐳᑦᔨᓯᒪᓂᕐᒥᓄᑦ ᓄᓇᕕᒻᒥᐅᓂᒃ ᐊᓪᓚᖑᐊᕐᑏᑦ, ᓴᓇᓐᖑᐊᑎᓂᒃ, ᐃᓐᖏᖑᐊᕐᑎᓂᒃ, ᐊᑐᐊᒐᓕᐅᕐᑎᓂᒃ ᑕᑯᒥᓇᕐᑐᓕᐅᕐᑎᓂᓪᓗ.
ᐊᕐᕌᒎᓚᖓᔪᒥ, ᐊᐅᒪᒡᒌᕕᒃ ᐋᕐᕿᓱᐃᓚᖓᔪᖅ ᐱᒋᐊᕐᑎᓯᓗᓂᓗ ᑮᓇᐅᔭᓕᐅᕋᓱᐊᕈᑎᐅᒐᔭᕐᑐᓂᒃ ᖁᕙᑎᑦᓯᒋᐊᕈᑕᐅᓗᑎᒃ ᓄᓇᕕᒻᒥᐅᑦ ᐊᓪᓚᖑᐊᕐᓂᕆᓲᖏᓐᓂᒃ, ᓴᓇᓐᖑᐊᓂᕆᓲᖏᓐᓂᒃ, ᐃᓐᖏᖑᐊᕐᓂᕆᓲᖏᓐᓂᒃ, ᐊᑐᐊᒐᓕᐅᕐᓂᕆᓲᖏᓐᓂᒃ ᑕᑯᒥᓇᕐᑐᓕᐅᕐᓂᕆᓲᖏᓐᓂᓗ ᐊᒻᒪᓗ ᐃᓗᕐᕈᓯᖓᓐᓂᒃ ᑲᓇᑕᒥ ᑲᓇᑕᐅᓪᓗ ᓯᓚᑎᖓᓂ, ᑲᔪᓯᓚᖓᑦᓱᓂᓗ ᑮᓇᐅᔭᓕᐅᕋᓱᐊᕈᑎᖃᕐᓗᓂ ᐱᔪᓐᓇᑐᓪᓚᕇᑦ ᐱᕙᓪᓕᐊᔭᐅᓂᖏᓐᓄᑦ ᐊᓪᓚᖑᐊᕐᑏᑦ, ᓴᓇᓐᖑᐊᑏᑦ, ᐃᓐᖏᖑᐊᕐᑏᑦ, ᐊᑐᐊᒐᓕᐅᕐᑏᑦ ᑕᑯᒥᓇᕐᑐᓕᐅᕐᑏᓗ ᐱᓇᓱᕕᖏᓐᓂ. ᐊᓪᓚᖑᐊᕐᑏᑦ, ᓴᓇᓐᖑᐊᑏᑦ, ᐃᓐᖏᖑᐊᕐᑏᑦ, ᐊᑐᐊᒐᓕᐅᕐᑏᑦ ᑕᑯᒥᓇᕐᑐᓕᐅᕐᑏᓗ ᐃᓕᒐᓱᐊᕈᓐᓇᓚᖓᔪᑦ ᒪᕐᕈᐃᓄᑦ ᐱᓇᓱᐊᕋᑦᓴᐅᓕᕐᑑᓄᑦ ᐱᓇᓱᐊᕈᒪᒐᔭᕐᑕᒥᓂᒃ ᑲᔪᓯᖁᓪᓗᒋᑦ: ᓄᓇᕕᒻᒥᐅᑦ ᐊᓪᓚᖑᐊᕐᑏᑦ, ᓴᓇᓐᖑᐊᑏᑦ, ᐃᓐᖏᖑᐊᕐᑏᑦ, ᐊᑐᐊᒐᓕᐅᕐᑏᑦ ᑕᑯᒥᓇᕐᑐᓕᐅᕐᑏᓗ ᑮᓇᐅᔭᖃᕐᑎᑕᐅᓂᖏᑦ (ᑖᓐᓇ ᐊᕐᕌᒍᑕᒫᑦ ᐃᓱᓕᕕᖃᓲᖅ) ᐊᒻᒪᓗ ᐊᕙᑕᒃᑯᑦ ᓴᐳᑦᔨᓯᒪᓂᖓ ᐊᓪᓚᖑᐊᕐᑎᓂᒃ, ᓴᓇᓐᖑᐊᑎᓂᒃ, ᐃᓐᖏᖑᐊᕐᑎᓂᒃ, ᐊᑐᐊᒐᓕᐅᕐᑎᓂᒃ ᑕᑯᒥᓇᕐᑐᓕᐅᕐᑎᓂᓪᓗ (ᑲᔪᓯᔪᒥᒃ ᐃᓱᓕᕕᖃᓲᖅ). ᐊᐅᒪᒡᒌᕕᒃ ᐱᒍᑦᔨᖃᑦᑕᓛᕐᓂᐊᑐᖅ ᒪᕐᕉᓂᒃ ᐃᓐᖏᖑᐊᕐᓂᓄᑦ, ᓴᓇᓐᖑᐊᓂᕐᓄᑦ, ᐊᓪᓚᖑᐊᕐᓂᓄᑦ ᑐᕐᖃᑕᕐᕖᓂᒃ ᖃᐅᔨᒪᑎᑦᓯᖃᑦᑕᕋᔭᕐᒪᑎᒃ ᑕᓯᐅᕐᓯᓯᒪᓗᑎᓗ ᐊᓪᓚᖑᐊᕐᑎᓂᒃ, ᓴᓇᓐᖑᐊᑎᓂᒃ, ᐃᓐᖏᖑᐊᕐᑎᓂᒃ, ᐊᑐᐊᒐᓕᐅᕐᑎᓂᒃ ᑕᑯᒥᓇᕐᑐᓕᐅᕐᑎᓂᓪᓗ ᐊᑦᔨᒌᓐᖏᑑᒻᒪᑕ ᐱᓇᓱᒐᕆᒍᓐᓇᕋᔭᕐᑕᖏᑦ ᐃᑲᔪᕐᓯᔭᐅᒐᔭᕐᓱᑎᓗ ᑮᓇᐅᔭᕐᓯᐅᕋᓱᐊᕐᑎᓗᒋᑦ.
Katarina Soukup Artist Liaison Avataq Cultural Institute 514-576-8590 katarina@avataq.qc.ca http://www.avataq.qc.ca
Dawn Forrest Communications Officer Kativik Regional Government 819-964-2961 ext. 2219 dforrest@krg.ca http://www.krg.ca
Sammy J. Kudluk Artist Liaison Makivik Corporation 819-964-2925 s_kudluk@makivik.org http://www.makivik.org
