• ᑐᓴᕋᑦᓭᑦ

< ᐅᑎᕈᑎᒃ ᐊᓪᓚᖁᑎᓄᑦ

ᐃᓚᐅᓂᖅ ᓄᓇᕐᔪᐊᓕᒫᒥ ᓄᓇᖃᕐᖄᓯᒪᔪᑦ ᐊᕐᕌᒍᖁᑎᖓᓐᓄᑦ (IPY-ᒧᑦ)
2007-2008

ᐃᓚᐅᓂᖅ ᓄᓇᕐᔪᐊᓕᒫᒥ ᓄᓇᖃᕐᖄᓯᒪᔪᑦ ᐊᕐᕌᒍᖁᑎᖓᓐᓄᑦ (IPY-ᒧᑦ) 2007-2008-ᒥ
ᑎᕆᓪᓗᓕᐅᑦ (ᐁᕆᓕᐅᑉ) ᑕᕐᕿᖓᑕ ᓄᓐᖑᐊᓂ, ᐊᕙᑕᒃᑯᑦ ᐱᐅᔪᑎᒍᑦ ᑭᐅᔭᐅᓚᐅᔪᕗᑦ ᖃᐅᔨᓴᕈᒪᓂᕐᒧᑦ ᒪᓂᔨᔪᕕᓂᐅᑎᓪᓗᒋᑦ ᓄᓇᕐᔪᐊᓕᒫᒥ ᓄᓇᖃᕐᖄᓯᒪᔪᑦ ᐊᕐᕌᒍᖁᑎᖓᓐᓅᓕᖓᔪᒥᒃ. ᐱᓇᓱᐊᕋᑦᓴᖅ, ᐊᑎᖃᕐᓱᓂ ‘ᐱᑦᓴᑐᔪᐃᑦ ᐃᓄᐃᑦ ᐃᓅᖃᑎᒌᓐᓂᖏᓐᓄᑦ ᐋᕐᕿᓯᒪᐅᑎᖏᑦ ᐊᓯᑦᔨᐸᓪᓕᐊᔪᓂ ᐊᕙᑎᑦᑎᓂ: ᑖᓐᓇ ᐊᕗᖓᐅᓕᔪᒥᒃ ᑕᑯᓐᓇᕈᓯᖅ’ ᐊᓪᓚᑎᒍᑦ ᐊᐅᓚᑕᐅᔪᖅ ᑐᔮᓐᑑᑉ ᐃᓕᓐᓂᐊᕕᕐᔪᐊᖓᓄᑦ. ᖃᐅᔨᓴᕋᓗᐊᕐᑎᓗᒋᑦ ᑐᔮᓐᑑᑉ ᐃᓕᓐᓂᐊᕕᕐᔪᐊᖓᓐᓂᒥᐅᑦ ᐊᕙᑕᒃᑯᒥᐅᓪᓗ, ᖃᐅᔨᓴᕐᑏᑦ ᐱᓯᒪᔪᑦ ᑳᓪᑲᔨᐅᑉ, ᓚᕚᓪᓚᐅᑉ, ᒪᑭᓪᓚᐅᑉ, ᒥᒧᐊᔨᐊᓪᓚᐅᑉ ᐊᒻᒪᓗ ᐅᐊᔅᑑᓐ ᐋᓐᑎᐊᔨᐅᑉ ᐃᓕᓐᓂᐊᕕᕐᔪᐊᖏᑦ ᓂᖏᕐᑎᓯᓚᐅᔪᒻᒥᔪᑦ ᐱᓇᓱᐊᕋᑦᓴᒨᓕᖓᔪᓂᒃ.

ᖃᐅᔨᓴᕐᓂᐅᒋᐊᓕᒃ ᐸᕐᓇᑕᐅᒪᔪᖅ ᓯᑕᒪᓂ ᐊᕐᕌᒍᕐᑐᓂᐊᕐᑎᓗᒍ, ᐊᕐᕕᑕᕐᓂᖃᕐᑎᓗᒍ 2007-ᒥ 2008-ᒥᓪᓗ. ᑭᖑᓪᓖᒃ ᐊᕐᕌᒎᒃ (2009-2010) ᐸᕐᓇᑕᐅᒪᑎᓪᓗᒋᒃ ᐃᕐᐸᑎᑦᓯᓂᕐᒧᑦ ᓇᕝᕚᑕᐅᔪᕕᓂᕐᓂᒃ. ᐊᕙᑕᒃᑯᑦ ᖃᐅᔨᓴᕐᓂᖃᓗᐊᓐᖑᐊᓛᕐᓂᐊᑐᑦ ᒪᕐᕉᓂᒃ ᐃᓄᐃᑦ ᓇᔪᒐᒋᓚᐅᕐᑕᕕᓂᖏᓐᓂᒃ ᐃᒻᒪᖃᐅᑦᓵᑕᐅᓯᒪᑦᓱᑎᒃ ᐃᓄᑐᐃᓐᓇᖄᕕᓂᕐᓂᑦ ᐱᓯᒪᒋᐊᒋᒃ (1300-ᓂ ᐊᕐᕌᒍᕐᓂ ᔩᓱᓯᖃᓕᕐᑎᓗᒍ ᑕᕆᐅᑉ ᐊᑭᐊᓂᒥᐅᔦᑦ ᐃᓄᐃᑦ ᓄᓇᖓᓅᕆᐊᓐᖓᓂᕕᓂᖓᓐᓂᑦ) ᐊᒻᒪᓗ ᐃᕐᖃᓇᕐᑑᓱᑎᒃ ᐊᑯᓂᓂᑕᕐᓂᒃ. ᑐᓂᕐᑕᓂᐊᕐᓂᖃᕈᒫᕐᓂᐊᑐᖅ ᐅᐱᕐ¯ᒥ/ᐊᐅᔭᒥ 2007-ᒥ ᐃᑎᖑᐊᓗᒻᒥ, ᑖᓐᓇ ᐅᖓᓯᑦᑑᔭᖏᑦᑐᖅ ᐃᓄᑦᔪᐊᑉ ᓯᕿᓂᖓᓃᑦᓱᓂ. 2008-ᒥ ᐊᕐᕕᑕᕐᓂᖃᓕᕐᐸᑦ, ᖃᐅᔨᓴᕐᑏᑦ ᓅᒍᒫᕐᓂᐊᑐᑦ ᕿᑭᕐᑕᓯᐅᑉ ᐊᓇᐅᓕᕐᕕᖓᓄᑦ ᐃᕗᔨᕕᐅᑉ ᓴᓂᐊᓃᑦᑐᒧᑦ. ᐊᕙᑕᒃᑯᑦ ᖃᐅᔨᓴᕐᑎᖁᑎᖏᑦ ᓯᕗᓕᕐᑕᐅᓲᑦ Daniel Gendron-ᒧᑦ (ᑕᓂᐊᓪ ᔮᓐᑦᕉᓐ) ᐊᒻᒪᓗ Pierre Desrosiers-ᒧᑦ (ᐱᔦ ᑎᕉᑎᔦ).