• ᑐᓴᕋᑦᓭᑦ

< ᐅᑎᕈᑎᒃ ᐊᓪᓚᖁᑎᓄᑦ

ᒧᓐᑐᔨᐊᒥ ᐊᒋᐊᕐᓄᑦ ᓱᐴᒐᕐᓄᓗ ᑐᓴᕐᓂᔮᕐᑎᓯᔩᑦ ᐱᒋᐊᕐᓯᒪᓕᕐᑐᑦ ᐱᖓᓱᕕᓪᓗᑎᒃ ᐊᕐᕕᑕᕐᓂᐊᓱᑎᒃ ᓄᓇᕕᒻᒧᑦ. ᐃᑉᐸᓴᖅ, ᑕᑯᓐᓇᐅᔮᕐᑕᐅᓱᑎᒃ ᑐᓴᕐᓂᔮᕐᑎᓯᓂᖃᓚᐅᕐᑐᖅ ᑰᑦᔪᐊᒥ; ᖃᐅᑉᐸᓗ ᓴᓪᓗᓂ ᑕᑯᓐᓇᐅᔮᕐᑕᐅᓛᕐᓱᑎᒃ, ᑭᖑᓪᓕᐹᒥᓪᓗ ᑕᑯᓐᓇᐅᔮᕐᑕᐅᓛᕐᓱᑎᒃ ᑰᑦᔪᐊᕌᐱᒥ. ᒣᔅᑦᕈ ᓇᑲᓅ ᑐᓴᕐᑎᓯᔪᕕᓂᐅᓚᐅᔪᔪᖅ ᐊᓪᓚᒥᒃ ᑯᔩᒥᒃ ᐊᑐᐊᒐᓕᐅᓲᒍᑦᓱᓂ Tomson Highway-ᒥᒃ ᓄᓇᒥᓂ ᑐᓴᕐᓂᔮᕐᑕᐅᔪᑦᓴᒥᒃ ᓯᑯᑦᓴᔭᒨᕆᖁᔭᐅᑦᓱᓂ. Highway ᐱᓇᓱᐊᕈᒪᓯᔪᕕᓂᐅᓚᐅᔪᖅ ᐊᓪᓓᑦ ᐃᓐᓄᐃᓪᓗ ᐅᓂᒃᑳᑐᐊᖏᓐᓂᒃ: “Chaakapesh, the trickster’s quest”-ᒥᒃ. Matthew Ricketts ᑐᓴᕐᓂᔮᕋᑦᓴᓕᐅᓚᐅᔪᖅ. ᖁᓕᓪᓗ ᑕᓪᓕᒪᓘᑦ ᑐᓴᕐᓂᔮᕐᑎᓯᔩᑦ, ᐊᖑᑎ ᖃᑎᑑᖅ, ᖃᑎᑭᑦᑐᖅ ᐊᒻᒪᓗ ᐊᑭᓂᓯ ᓯᕗᐊᕌᐱᒃ (ᐅᖄᔨ), ᑐᓴᕐᓂᔮᕐᑎᓯᔪᓄᑦ ᐃᓚᐅᔪᑦ. ᒧᓐᑐᔨᐊᒥ ᐊᒋᐊᕐᓄᑦ ᓱᐴᒐᕐᓄᓗ ᑐᓴᕐᓂᔮᕐᑎᓯᔩᑦ ᐱᖓᓱᓂᒃ ᑐᓴᕐᓂᔮᕐᑎᓯᓛᕐᒥᔪᑦ ᐅᑯᓂᖓ: Mozart’s “The Marriage of Figaro”, Prokofiev’s “Symphony No 5” and Bizet’s “The Pearl Fishers”.

ᐊᕙᑕᖅ ᐱᐅᓯᑐᖃᓕᕆᕕᒃ ᐃᓕᒋᔭᐅᖃᑕᐅᕗᖅ ᑖᑦᓱᒧᖓ ᐊᕐᕕᑕᕐᓂᒧᑦ.