• ᑐᓴᕋᑦᓭᑦ

< ᐅᑎᕈᑎᒃ ᐊᓪᓚᖁᑎᓄᑦ

ᐊᕙᑕᖅ ᐱᐅᓯᑐᖃᓕᕆᕕᒃ ᑎᒥᐅᔫᕗᖅ ᖄᖏᕐᓂᑯᓕᐅᕐᑎᓴᔭᐅᒐᓂ, ᓴᕐᕿᑎᑕᕕᓂᐅᑦᓱᓂ 1980-ᒥ ᐊᔪᐃᓐᓇᐅᔨᓚᖓᑎᓪᓗᒍ ᓴᐳᒻᒥᓯᒪᓗᓂ ᖁᕝᕙᑎᑦᓯᒋᐊᕐᓗᓂᓗ ᐃᓄᐃᑦ ᓄᓇᕕᒻᒥᐅᑦ (ᑯᐯᒃ ᑕᕐᕋᖓ) ᐅᖃᐅᓯᖓᓐᓂᒃ ᐃᓗᕐᕈᓯᖓᓐᓂᓗ. ᐊᕙᑕᖅ ᐊᓪᓚᕕᒻᒪᕆᖁᑎᓕᒃ ᐃᓄᒃᔪᐊᖅ, ᓄᓇᕕᒻᒦᑐᒥᒃ, ᐊᐅᓚᑦᓯᕕᖃᕐᓱᓂᓗ ᐊᓪᓚᕕᐅᒻᒥᔪᒥᒃ ᐅᐃᐊᔅᑦᒪᐅᓐᑦ-ᒦᑦᑐᒥᒃ, ᑯᐯᒻᒥ.

ᐊᕙᑕᖅ ᒫᓐᓇᐅᔪᖅ ᕿᓂᕐᐳᖅ ᐃᒣᓘᕐᑎᐅᒐᔭᕐᑐᒥᒃ: ᐊᓪᓚᑎ/ᑭᐅᔨ

ᐊᖓᔪᕐᖄᖃᕐᓗᓂ ᑲᒪᔨᒻᒪᕆᒻᒥᒃ, ᐊᓪᓚᑎ/ᑭᐅᔨ ᐅᑯᓂᖓ ᐱᔭᑦᓴᖃᖃᑦᑕᕋᔭᕐᑐᖅ:

- ᑐᓐᖓᓱᑦᑎᓯᕙᓪᓗᓂ ᐊᓪᓚᕕᒻᒧᑦ ᐃᑎᕐᑐᓂᒃ;

- ᐊᓪᓚᕕᓕᐊᕐᑐᓂᒃ ᐋᑦᓯᕙᓪᓗᓂ ᑕᑯᓂᐊᕐᑕᖏᓐᓄᑦ ᐱᒍᑦᔭᐅᕕᒋᒋᐊᕐᑐᑕᖏᓐᓄᓘᓐᓃᑦ;

- ᑭᐅᕙᓪᓗᓂ ᐅᖄᒍᑎᒥᒃ ᓯᕙᓂᕐᑕᐅᔪᒨᕐᓗᒋᓪᓗ, ᐃᓄᑦᑕᖓ ᐊᑐᐃᓐᓇᐅᖏᑉᐸᑦ ᓯᕙᓂᕐᑕᐅᔫᑉ ᐊᓪᓚᓯᒪᔪᐊᐱᒻᒨᓯᖃᑦᑕᓗᓂ;

- ᑎᑭᑕᐅᒋᐊᓕᓐᓄᑦ ᐊᐅᓪᓚᑎᑦᓯᕙᓪᓗᓂ ᓱᑲᑦᑐᑰᕈᑎᑎᒍᑦ ᖃᕆᑕᐅᔭᑎᒍᓪᓗ ᐊᓪᓚᒍᑕᐅᔪᓂᒃ;

- ᖃᕆᑕᐅᔭᑎᒍᑦ ᓃᓂᕐᑎᐅᓗᓂ ᐊᓪᓚᑕᐅᔪᕕᓂᕐᓂᒃ, ᑐᓴᕐᑎᓯᐅᑎᓂᒃ, ᑮᓇᐅᔭᓕᕆᐅᑎᕕᓂᕐᓂᒃ ᐊᓯᖏᓐᓂᓗ ᓃᓂᕐᑕᐅᒋᐊᓕᓐᓂᒃ;

- ᐊᐅᓚᑦᓯᕙᓪᓗᓂ ᐊᓪᓚᕕᒻᒥ ᐱᓇᓲᑎᓂᒃ;

- ᐁᑦᓯᖃᑦᑕᓗᓂ ᐊᐅᓪᓚᑎᑦᓯᕙᓪᓗᓂᓗ ᐊᓪᓚᕕᐅᑉ ᐊᓪᓚᕕᐅᑦᔪᓯᐊᖏᓐᓂᒃ ᐃᕐᓯᕕᑦᑖᖏᓐᓂᓗ ᑭᒡᒐᑑᑎᐅᔪᓂᓪᓗ;

- ᐃᓛᓐᓂᑯᑦ ᐊᓪᓚᐸᓪᓗᓂ, ᐅᖃᐅᓯᐅᑉ ᐁᑉᐹᓅᔦᕙᓪᓗᓂ ᓱᕐᖁᐃᓯᒐᓱᐊᕐᐸᓗᓂᓗ ᐊᓪᓚᖃᑦᑕᐅᑎᒌᒍᑕᐅᔪᕕᓂᒃᓂᒃ ᓯᑯᑦᓴᔭᕐᓂᓗ;

- ᐊᓪᓚᑎᐅᓂᕐᒥᓂᒃ ᐊᑐᕐᐸᓗᓂ ᐃᓘᓐᓈᓄᐊᖓᔪᓄᑦ ᒪᓕᓪᓗᓂ ᐱᓇᓱᐊᕈᓯᐅᒋᐊᓕᓐᓂᒃ.

ᐱᔪᓐᓇᕆᐊᓕᖏᑦ:

- ᐊᓪᓚᑎᐅᓂᕐᒧᑦ ᐃᓕᓴᕇᕈᑎᑖᕐᓯᒪᓗᓂ ᐊᒻᒪᓗ/ᐅᕝᕙᓘᓐᓃᑦ ᐊᑦᔨᓱᖓᓂᒃ ᐱᓇᓱᐊᓕᓂᐅᓗᓂ;

- ᖃᕆᑕᐅᔭᕐᓂᒃ ᖃᐅᔨᒪᓗᓂ, ᐊᓪᓚᓯᒪᔪᓕᕆᐅᑎᓕᕆᒍᓐᓇᓗᓂ ᖃᕆᑕᐅᔭᑎᒍᓪᓗ ᑮᓇᐅᔭᓕᕆᐅᑎᓂᒃ ᐱᓇᓱᐊᕈᓐᓇᓗᓂ;

- ᑮᓇᐅᔭᓕᕆᐅᑎᕕᓂᕐᓂᒃ ᐊᖑᒪᑦᓯᒍᓐᓇᓗᓂ (ᑖᓐᓇ ᐃᑲᔪᕐᓯᒪᓪᓗᑐᒐᔭᕐᑐᖅ);

- ᐃᓄᒃᑎᑐᑦ ᐅᖄᒍᓐᓇᓗᑐᕆᐊᓕᒃ ᐊᓪᓚᒍᓐᓇᓗᓂᓗ. ᖃᓪᓗᓈᑎᑑᕈᓐᓇᕈᓂ ᐅᐃᒍᐃᑎᑐᓪᓗ ᐃᑲᔪᕐᓯᒪᓪᓗᑐᒐᔭᕐᑐᖅ;

- ᑐᓴᐅᒪᖃᑎᒌᖃᑕᐅᑦᓯᐊᕈᓐᓇᓗᓂ ᐱᓇᓱᐊᖃᑎᖃᒍᓐᓇᓯᐊᕐᓗᓂᓗ.

ᖃᐅᔨᒪᔭᐅᒃᑲᓂᕆᐊᓖᑦ:

- ᐱᓇᓱᐊᕐᓂᕆᖃᑦᑕᕋᔭᕐᑕᖏᑦ: 9:00-ᒥᑦ ᐅᓪᓛᑯᑦ 5:00-ᒧᑦ ᐅᓐᓄᓴᒃᑯᑦ, ᐊᓪᓕᕇᕐᑐᓂᑦ ᓂᕿᑦᓯᑐᓄᑦ (ᐱᓇᓱᐊᕈᓯᑕᒫᑦ 35-ᓂᒃ ᐃᑲᐅᕐᓂᓕᐅᕐᐸᓗᓂ);

- ᑮᓇᐅᑦᔭᓵᖏᑦ: $18.00 ᐃᑲᐅᕐᓂᑕᒫᑦ;

- ᓇᓃᓪᓗᓂ: ᐊᕙᑕᐅᑉ ᐊᓪᓚᕕᖓᓐᓂ ᐃᓄᒃᔪᐊᒥ;

- ᐱᓇᓱᒐᕐᑖᕋᓱᐊᕈᑏᑦ ᐅᓪᓗᖓᑕ ᑐᓂᔭᐅᕕᒋᒋᐊᓕᖏᑦ: ᑏᓯᒻᐱᕆ 13, 2013

ᐱᓇᓱᒐᕐᑖᕋᓱᐊᕐᑐᕕᓃᑦ ᓇᓪᓕᑳᕐᑕᕕᓂᐅᒍᑎᒃ ᑭᓯᐊᓂ ᖃᐅᔨᑎᑕᐅᓛᕐᑐᑦ ᐊᐱᕐᖁᑕᐅᒍᒪᓕᕈᑎᒃ. ᐊᕙᑕᖅ ᐱᓇᓱᒐᕐᑖᕋᓱᐊᕐᑐᑦ ᑭᓇᒃᑯᑐᐃᓐᓇᐅᒐᓗᐊᕐᐸᑕ ᐱᓇᓱᑦᑎᑖᓲᒍᕗᖅ.

ᐱᓇᓱᒐᕐᑖᕈᒪᐅᑎᑎᑦ ᐅᕗᖓ ᐊᐅᓪᓚᑎᓪᓗᒋᑦ:

ᓈᓐᓯ ᐹᓕᓴ

ᓄᓇᓕᓐᓂ ᐱᐅᓯᑐᖃᓕᕆᔩᑦ ᑐᑭᒧᐊᕐᑎᓯᔨᖓ

ᐃᓄᒃᔪᐊᖅ, ᓄᓇᕕᒃ

J0M 1M0

Fax:819-254-8148

E-mail; nancyp@avataq.qc.ca